Réttur - 01.10.1974, Qupperneq 61

þegar eru farin að sjást merki þess að at-
vinna hefur dregist saman.
Tekið saman 4. desember 1974. — sv.
Sannleikur sagna
verstur
Vegna skrifa Þjóðviljans og fleiri blaða
gegn undirskriftasöfnun VL — „Varins
lands" hefur verið höfðað víðtækasta meið-
yrðamál sem um getur á Islandi. Krefjast 12
„aðstandenda" VL að skrif Þjóðviljans o.fl.
aðila gegn undirskriftasöfnuninni verði
dæmd dauð og ómerk, að skrifarar verði
dæmdir í samtals um 10 miljarða króna
sektir og að þeir hljóti auk þess fangelsisvist
allt að 4 árum hver.
Stefnurnar í VL-málunum komu fyrst
fram rétt fyrir alþingiskosningar. Síðan hafa
fleiri stefnur komið og hefur nú verið stefnt
eftirtöldum einstaklingum: Einari Braga,
Arna Björnssyni og Guðsteini Þengilssyni,
sem skrifað hafa í Þjóðviljann, blaða-
mönnunum Degi Þorleifssyni, Hjalta Krist-
geirssyni og Ulfari Þormóðssyni, Svavari
Gestssyni, ritstjóra, Ragnari Arnalds, for-
manni Alþýðubandalagsins, Garðari Viborg,
ritstjóra Nýs lands, Rúnari Ármanni Arthúrs-
syni og Gesti Guðmundssyni, ritstjórum Stúd-
entablaðsins.
Þá var Helga Sæmundssyni, fyrrum rit-
stjóra stefnt.
Lögmenn ákærðra hafa nú lagt fram kröf-
ur sínar í málinu. Krefjast þeir þess að mál-
unum verði vísað frá vegna aðildarskorts
ákærenda. Hefur borgardómur hins vegar
ekki enn úthlutað málunum til dómara og er
þess beðið með nokkurri eftirvæntingu
hversu þeim málum lyktar. Verður vonandi
unnt að greina nánar frá þessum málum í
Rétti síðar.
Meiðyrðamálið gegn herstöðvaandstæðing-
um á íslandi er til marks um það að sann-
leikurinn er sagna verstur að mati hernumdr-
ar borgarastéttar, og að jafnan skal hafa það
sem ósatt reynist.
253