Réttur - 01.04.1978, Blaðsíða 7
NJÖRÐUR P. NJARÐVÍK:
SJÁLFSSKOÐUN
HINS STÉTTVÍSA
VERKAMANNS
„Fátækt fólk hlýtur að vera einstök bók öllum sem hana lesa, og dýrmæt heimild um
forsendur þess stopula og öfgafulla þjóðfélags sem við byggjum nú.“
„Þar kemur nefnilega fram það sem mér finns mest um vert í öllum skrifum Tryggva
Emilssonar: hin djúpa ríka samúð og ástúðlegur mannskilningur,“ segir Njörður P.
Njarðvík í eftirfarandi umsögn um bækur Tryggva Emilssonar.
Fáar bækur hafa vakið meiri eða verð-
skuldaðri athygli hin síðari ár en endur-
minningar Tryggva Emilssonar, Fátœkt
fólk og Baráttan um brauðið. Fyrri bók-
in bjó yfir fágætum kostum, bæði í efnis-
tökum og stíl. Það er hreint með ólíkind-
um að slík bók skyldi vera skrifuð af
manni sem ekki hafði áður sent frá sér
frásagnarbók. Og þegar litið er til baka
til þessarar bókar nú þegar alllangt er
liðið frá lestri hennar, þá standa nokkur
einkenni ljóslifandi fyrir hugskotssjón-
um. Hæst ber þar að mínu viti hæfileik-
ann til að líta æsku sína hlutlægum aug-
um þrátt fýrir mjög svo persónulegar lýs-
ingar, að geta lýst beiskjulaust þessum
erfiðu árum og jafnvel litið þá góðfúsum
augum sem ekki sýndu mikla mannlega
hlýju. Þessi auðuga mannúðarkennd,
jressi einlæga virðing fyrir mannlegu lífi
í fátæklegri reisn sinni virðist hafa orð-
ið Tryggva að ævilöngu vegamesti, en án
79