Réttur - 01.04.1978, Blaðsíða 24

verk. Eitt er að vinna sigur - svo sem í
hörðum kosningabaráttum - annað að
hagnýta sigurinn rétt og til hlítar — og
getur þar oft orðið misbrestur á. Það
mun taka sinn tíma að fólkið uppskeri
ávexti sigra sinna sjálft til fulls. Þá er að
halda áfram baráttunni - og láta engan
bilbug á finna, uns ávextir sigranna falla
alþýðunni allri í skaut. í þeirri löngu
baráttu mun og alþýða lands vors um-
skapa sjálfa sig, svo sem hún byrjaði á,
er verkalýðshreyfingin hófst - rísa og
stækka svo hún að lokum megni sjálf að
stjórna landi sínu, öllum auðlindum þess
og atvinnutækjum, af því viti og réttlæti,
með því hófi og framsýni, er tryggi og
eftirkomendunum það atvinnuöryggi og
það lífskjarastig, sem hún sá í hyllingum
skáldanna, þegar byrjað var að brjóta
brautina löngu, er þá væri gengin til
enda. Þá væri þeirri innbyrðis baráttu
mannanna, er skiptust í andstæðar stétt-
ir: eina drottnandi, aðrar kúgaðar, lokið
og þjóð vor tæki á sem einhuga voldug
heild, til að sigrast á þeim erfiðleikum,
er á veginum verða.
21. júlí 1978
Einar Olgeirsson.
SKÝRINGAR:
] Lfnuritin í Rétti 1976, bls. 214-15, svo og í Rétti
1969, bls. 70, og greinarnar er þeim fylgja, gefa
góða hugmynd um þessi hjaðningavfg og óhrif
amerfska auðvaldsins.
2 Sá mikli hugsjónamaður og brautryðjandi sam-
vinnuhreyfingarinnar, Hnllgrimur Kristinsson, lét
ótta sinn um framtíð hreyfingarinnar í ljósi við
Jónas Þorbergsson, sem segir frá þvf með þessum
orðum: „Hann kveið því, að starfsemin myndi, er
stundir liðu fram, sniiast í hagsmunabaráttu ein-
vörðungu, meðan eldur hugsjónanna félli í fölskva
hjá gröfum frumherjanna, enda væri þá með öllu
unnið fyrir gíg, mcð því að raunverulegt gildi sér-
hverrar félagsmálahreyfingar og umbótaviðleitni
manna væri fólgið í þeirri þróun, er hún fengi
orkaö í andlegum og siðferðilegum efnum." (Frá-
sögn í „Andvara", 54. árg. 1929, bls. 24.)
3 Ritstjóri Tímans, sem þá er lfklega orðinn Jónas
Porbergsson, ritar um það í 58. bl. (12. árg.) að
1927 hafi „dýrkendum samkeppnis- og auðhyggju-
stefnunnar verið hrundið af stóli, en til valda sett-
ir menn, sem áður liöfðu haldið uppi andstöðu
gegn fyrrnefndum öfgum og ófarnaðarstefnum."
(Sjá og grein mína um þetta í Rétti 1929, bls. 101
-110.)
4 Tilvitnunin, markendurtekin í Rétti, er í „Fegurð
himinsins" á bls. 200 í útgáfunni 1940.
5 Ýtarlcga frásögn af baráttunni 1958 cr að finna í
grein Magnúsar Kjartanssonar 1959 f Rétti: „Átök-
in um landhelgismálið - Hvað gerðist bak við
tjöldin?", bls. 59-125, líka til sérprentuð. í grein-
inni „Aldrei aftur" í Rétti 1972, bls. 51-59, cr
rækilega minnst uppgjafar viðreisnarstjórnarinn-
ar 1961 fyrir breska hervaldinu.
Þeim, sem vilja kynna sér sérstaklega skilgreiningu
mfna á ferli Alþýðuflokksins, skal bent á greinina
„Örlögsíma Alþýðuflokksins" í Rétti 1974, bls 231
-241. - Vonandi verður ekki sagt um Alþýðuflokk-
inn eftir stjórnarmyndunartilraunir hans nú sem
um Bourbon-konungsætt Frakka forðum: Þeir hafa
ekkert lært og engu gleymt. — E. O.