Réttur - 01.01.1979, Blaðsíða 54

stjómvisku til að ná samstöðu um það
að snúa þróuninni við. Það gerist ekki
með því að afskrifa samstarf við aðra
verkalýðsflokka þó þeir séu í hugum
margra erfðafjendur.
En pólitískt hugrekki er áhættusamt.
Þar getur brugðið til beggja átta.
íslenskir sósíalistar hafa áður tekið á-
hættu. Þeir tóku til að mynda þátt í Ný-
sköpunarstjórninni og margir spáðu illa
fyrir þeirri ferð. Slík stjórn verður trú-
lega aldrei stofnuð aftur, en þá gekk
dæmið upp vegna þess að fyrir hendi var
yfirsýn og kjarkur.
En hvernig sem vindarnir blása þá
mun illa fara ef íslenskir sósíalistar þora
ekki að horfa á íslenskan veruleika. Og
allt of margir hafa þráláta tilhneigingu
til að flýja af hólminum og inn í gervi-
heim afskiptaleysis eða fræðikenninga
sem ekkert raunhæft erindi eiga til okk-
ar eins og málunum er nú háttað.
Og eitt ættu sósíalistar sérstaklega að
liugleiða í önn dagsins. Við erum ekki á
leið að ná meirihlutaaðstöðu í þjóðfélag-
inu. Það verður að semja. Og til þess þarf
yfirsýn. Sósíalistar mættu glugga í söguna
og gera upp dæmið um þau tilgangslausu
bræðravíg sem unnin hafa verið í verka-
lýðshreyfingunni og flokkum hennar í
heiminum á undanfömum áratugum.
Þetta hefur einnig gerst hér. Sú reynsla
ætti að vera til að læra af henni.
54