Réttur - 01.08.1979, Blaðsíða 24

Dagur sigursins
Nicaragua, og eiga í henni sæti fulltrúar
Sandínista og annarra stjórnmálahreyf-
inga, sem lengi hafa barist fyrir sjálfstæði
landsins. Þar með má segja að hafið sé
nýtt stríð: stríðið gegn vanþróun, eymd
og hungri, sem þjóðin fékk í arf eftir
Somoza.
Ástandinu í Nicaragua verður ef til vill
best lýst með nokkrum tölum, þótt tölur
segi vissulega aldrei nema brot af sann-
leikanum.
Stríðið kostaði u.þ.b. 40.000 mannslíf.
5000 manns hafa horfið sporlaust, 50.000
börn eru munaðarlaus og tugir þúsunda
manna eru bæklaðir og sjúkir af völdum
hernaðarins. Um 90% af iðnaði og versl-
un landsmanna er lamað, og fjárhagslegt
tjón af völdum stríðsins er metið á þrjá
miljarða bandaríkjadala. Somoza skildi
eftir galtómann ríkiskassa og erlendar
skuldir upp á 1300 miljónir dollara.
Ef litið er á félagslegt ástand í landinu
dökknar myndin æ meira: 70% ólæsi í
landinu í heild, en allt að 90% til sveita.
Ungbarnadauði einn hinn hæsti sem um
getur: 120 börn af hverjum 1000 deyja
á fyrsta ári. í Managua er einn læknir fyr-
ir hverja 800 íbúa, en til sveita eru hlut-
föllin 1:10.000.
Þannig mætti lengi telja, og ber allt að
sama brunninum: landið er í rústum og
vandamálin geigvænleg, hvert sem litið er.
Við stjórn þessalands taka nú þeir menn,
sem best þekkja þessi vandamál. Á þeim
18 árum sem liðin eru síðan Sandínista-
hreyfingin var stofnuð (19. júlí 1961)
hafa liðsmenn hennar aflað sér dýrmætr-
ar reynslu, sem kemur þeim nú að góðu
gagni.
Uppbyggingin
Það fyrsta sem þeir gerðu, var að þjóð-
nýta jarðir sem Somoza-ættin hafði sölsað
undir sig. Þessar jarðir voru hvorki meira
né minna en 60% af ræktanlegu landi
Nicaragua. Þjóðnýtingin markar upphaf
nýrrar og róttækrar landbúnaðarstefnu,
sem kemur til með að gjörbreyta högum
þeirra 60.000 landlausu bænda, sem áður
voru leiguliðar Somoza. Framkvæmd
þessarar stefnu hófst áður en fullur sigur
var unninn, í León-héraði í norð-vestur-
hluta landsins, sem fyrst komst undir
stjórn Sandínista.
160