Réttur - 01.10.1981, Page 1

léttnr
64. árgangur
1981 — 4. hefti
Það er furðu hljótt um „leiftursóknina” miklu hjá íhaldinu í voldugum
blaðakosti þess og áróðri í dag — og eru þó örlagaríkar kosningar um
Reykjavík, gamla afturhaldsvígið, framundan. „Leiftursóknin” mikla átti þó
að leysa öll vandræði efnahagslífsins með nógu gifurlegri gengislækkun og
banni við launahækkunum verkafólks og auðvitað „mátulegu” atvinnuleysi,
til þess að halda launafólkinu í skefjum.
Af hverju minnast íhaldsmenn ekki á þessa „ágætu” úrlausn sína?
Þeir eru þó varla búnir að gleyma því, þegar íhald og Framsókn, að
amerísku undirlagi, hækkaði dollarinn úr rúmum 6 krónum í 16 og lét krón-
una svo falla í tæpa þrjá áratugi uns dollarinn fór að nálgast 700 krónur —
og verkalýðurinn var í aldarfjórðung á lægra raunkaupi en 1947 og náði
kaupmætti þess tímakaups ekki fyrr ern 1973.
Þeir eru líklega heldur ekki búnir að gleyma því, íhaldsmenn, hve ágætan
árangur það bar í auknu atvinnuleysi, samkvæmt bandarísku valdboði, að
banna íslendingum að byggja íbúðarhús fyrir sjálfa sig, — nema með leyfi