Réttur - 01.01.1976, Blaðsíða 2

þýðunnar." Það sem af er árinu má því segja að frá verkalýðshreyfingunni
hafi borist skeleggari og róttækari hljómur, sem vonandi er ekki aðeins í
orði.
Megnið af þessu hefti er umræða nokkurra forystumanna úr verkalýðs-
hreyfingunni um ýmis brýn baráttu- og skipulagsmál verkalýðshreyfingar-
innar. Þeir sem stjórnuðu umræðunni tóku mið af því, að þar kæmi fram
jákvæð og einbeitt gagnrýni á starfshætti hreyfingarinnar í dag. Lögð var
áherslu á að taka sem flest mál fyrir og skjóta ekki undan svonefndum við-
kvæmnismálum. Það er von okkar að þetta hefti geti verið að vissu marki
grundvöllur fyrir verkalýðsmálaumræðu innan sósíalískra samtaka og í
fræðsluhópum verkalýðsfélaga. Grein Hjalta Kristgeirssonar um „Atvinnu-
lýðræði" ætti einnig að opna fyrir aukna umræðu um það viðfangsefni.
Það vakti fyrir okkur að Réttur gæti með þessu opnað umræðu um verka-
lýðsmál sem allt of mikið hefur skort í hreyfingunni.
Að þessu sinni hafa eftirtaldir aðilar unnið sem starfshópur að útgáfu þessa
heftis: Hjalti Kristgeirsson, Ólafur R. Einarsson, Svavar Gestsson og Þor-
steinn Vilhjálmsson.
★ ☆ ★
Það hefur ekki farið fram hjá lesendum Réttar að óðaverðbólga hefur geis-
að á íslandi, þó þess hafi lítt orðið vart hvað snertir áskriftarverð Réttar.
En Réttur verður að fylgjast með tímanum og því hefur verið ákveðið að
hækka áskriftarverð í kr. 1200.