Réttur - 01.01.1988, Blaðsíða 13

Christianshavns Torv ■ Kaupmannahöfn: Grænlenskur veruleiki í þeim danska. Ljósm.: Laurí Dammert.
ingum fyrir sams konar störf! Á árunum
1964-1982 fjölgaði Dönum á Grænlandi
úr 2762 í 9279 eða sem samsvarar u.þ.b.
Vs af grænlensku þjóðinni.
Dönsk tunga
Grænlenskt heimilislíf raskaðist þegar
fjölskyldan flutti á mölina. Báðir foreldar
hófu störf utan heimilis og börnin fóru til
skólagöngu í Danmörku. Jafnvel matar-
venjur breyttust.
Dönsk tunga ríkti ekki einungis á opin-
berum skrifstofum heldur einnig í skólum
og á dagvistunarstofnunum. Danskan var
kennd sem móðurmál í skólum. Kennslan
fór ekki bara fram á dönsku heldur voru
kennslubækur fengnar frá Danmörku og
þær að sjálfsögðu skrifaðar út frá dönsk-
um veruleika. Eftir að Grænlendingar
fengu heimastjórn var grænlenska gerð
að opinberu máli í skólum. Þó fer stór
hluti kennslunnar enn fram a dönsku þar
sem enn ríkir skortur á menntuðum
kennurum.
Eins og sjá má varð margt til að grafa
undan sjálfsáliti grænlensku þjóðarinnar.
Móðurmálið var ónothæft, vinnuaflið
ódýrt og grænlenskur veruleiki mátti sín
lítils gagnvart dönsku sumarveðri og
froskum í skógartjörn. Allt grænlenskt
varð að víkja úr vegi fyrir framförum nú-
tímans. — Hins vegar getur dönsk tunga
aldrei orðið Grænlendingum eiginleg þó
ekki væri nema vegna þess að hún er
byggð yfir allt annan reynsluheim en
þann grænlenska.
13