Réttur - 01.01.1988, Blaðsíða 47
INNLEND agia ■
VÍÐSJÁ -I— i
Auður og skuldafen
Loks er svo komið að borgarablöðin
komast ekki hjá að viðurkenna hvílíkt
gífurlegt auðvald hafi risið upp á íslandi,
meðan almenningi sé haldið niðri á sult-
arkjörum eða gegndarlausum þrældómi.
Blöðin viðurkenna að auður „Aðalverk-
taka“ muni vera um 8 milljarðar króna.
Þar af munu 2000 milljónir líklega vera í
sparisjóðum, sem auk skattfrelsis gefi ca.
5-600 milljónir í vexti á ári. Og samtímis
setur þessi þjónsstjórn milljónamæring-
anna lög þar sem stighækkandi tekju-
skattur er afnuminn, svo auðsöfnun
braskaranna gangi greiðlegar.
Samtímis er óstjórnin á fjármálum
þjóðfélagsins slík að milljónafúlgum er
hent í verslunarhallir og dýrar hótelbygg-
ingar, sem auðsjáanlega fara á hausinn —
eins og þegar hefur gerst. Og til sumra
þessara brask-bygginga hafa verið tekin
erlend lán, — „frelsið" á því brask-sviði
virðist ótakmarkað — og þannig er nú
búið að sökkva íslandi niður í ægilegt
skuldafen.
Ef alþýðan ekki tekur í taumana í
kosningum og víkur þessari braskarastétt
og flokkum hennar frá völdum, þá vofir
yfir þjóðinni skuldaáþján, sem bætist
ofan á allt annað arðrán yfirstétta, sem
ófærar eru til að stjórna landinu. En það
er hinsvegar til nægur auður í helgreipum
auðkýfinga til þess að láta þá borga þær
skuldir, sem stjórnir þeirra hafa steypt
landinu í.
Hin harðvítuga stéttaskipting, sem
braskararnir hafa verið að skapa hér und-
ir bandarískri yfirstjórn, er að verða lýð-
um ljós.
Það var engin tilviljun að verkakona
komst svo að orði í sjónvarpinu 18. mars
að hér væri búið að skapa þrjár ólíkar
stéttir: auðmannastétt, millistétt og ör-
eigastétt.
Einstein: „Now the devil is on the earth.“ Og hann
lætur auðvirðilegasta þjón sinn, Mammon, drottna í
auðugasta ríki jarðar og notar það til að brjóta hin
smærri undir sig til þess að þjóna girnd hans,
gróðanum.
47