Réttur - 01.10.1988, Blaðsíða 11

yi'irlcitt ekki stór hús, oft tveggja hæða,
uppi er íbúð fyrir lækninn (og stundum
önnur fyrir hjúkrunarfræðinginn) og niðri
er læknastofan. Hver hverfislæknir þjón-
ar 600-700 manns. Á morgnana tekur
hann á móti þeim sem til hans leita með
kvilla sína, og síðdegis fer hann í heim-
sóknir eftir þörfum. Hverfislæknarnir sjá
um að koma fólki á sjúkrahús þegar það á
við, útvega því viðtöl við sérfræðinga og
þeir fylgjast með öldruðum, börnum og
sjúklingum. Þessi þjónusta er viðbót við
heilsugæslustöðvarnar sem fyrir voru, en
jafnframt hafa þær orðið sérhæfðari en
áður var, þær eru semsé næsta stig fyrir
ofan hverfislækninn.
Sameinaðir stöndum vér
í hverfinu Marianao kom ég á heilsu-
gæslustöð sem verið var að breyta og inn-
rétta til þess að hún mætti betur þjóna
nýju hlutverki sínu eftir að hverfislæknar
birtust á öðru hverju götuhorni. Þar
ræddi ég við Solcdad Barrios sálfræðing
stöðvarinnar og hún sagði mér frá þeirri
fyrirbyggjandi starfsemi sem kúbönsk heil-
brigðisyfirvöld leggja nú höfuðáherslu á.
Sem dæmi um slíka starfsemi má nefna
klúbba aldraðra sem sprottið hafa upp á
síðustu árum. Áður hafði ég veitt athygli
hópum aldraðs fólks sem stunduðu morg-
unleikfimi snemma dags í almennings-
görðum borgarinnar. Morgunleikfimin er
þáttur í starfi klúbbanna, sem einnig
bjóða öldruðum þátttöku í leshringjum
og ýmiskonar félagsstarfi. Hverfislækn-
arnir og starfsfólk heilsugæslustöðvanna
leiðbeina gamla fólkinu á margvíslegan
hátt, hjálpa því t.d. að hætta að reykja —
Soledad sagði að það væri mun auðveld-
ara að fá aldraða til að hætta að reykja en
yngra fólk. Hún sagði einnig að talsvert
hefði dregið úr lyfjanotkun aldraðra eftir
Kúhanski sálfræðingurinn Soledad Barrios.
Ljósni. E.G.
að klúbbarnir komu til sögunnar og yfir-
leitt hefðu þeir haft þau áhrif að hressa
gamla fólkið, auka sjálfsvirðingu þess og
gefa lífi þess nýjan tilgang.
Fólkið í hverfinu tekur sig til og byggir
í sjálfboðavinnu hús yfir lækninn sinn...
Orðin sem oftast koma í hugann á Kúbu
byrja á sam-. Samvinna, samstaða, sam-
hugur, samneysla, samábyrgð, samheldni...
Samkeppni? Já, en hún er sósíalísk! Sam-
keppni milli einstaklinga og starfshópa
um það hver leggur mest af mörgum til
samfélagsins. Ekki um það liver hrifsar
mest til sín.
Teygjanlegur tími
Havana er söm við sig. íbúar Vedado-
hverfis ganga enn niður aö Malecón,
155