Morgunblaðið - 10.01.2006, Blaðsíða 4

4 ÞRIÐJUDAGUR 10. JANÚAR 2006 MORGUNBLAÐIÐ
FRÉTTIR
Opinn kynningarfundur
verður haldinn í fyrirlestrarsal og í anddyri á 1. hæð í húsi
Orkuveitunnar, Bæjarhálsi 1, kl. 16 -19 í dag, 10. janúar.
Klukkan 16:30 verður fyrirlestur um framkvæmdina og helstu
niðurstöður mats á umhverfisáhrifum. Einnig munu fulltrúar
Orkuveitunnar og ráðgjafar hennar svara fyrirspurnum.
Jafnframt gefst tækifæri til að skoða kynningu á veggspjöldum.
Matsskýrslan er aðgengileg á heimasíðu Orkuveitu Reykjavíkur,
www.or.is, og Verkfræðistofu Guðmundar og Kristjáns hf,
www.vgk.is.
Nánari upplýsingar veitir
Auður Andrésdóttir, VGK.
Sími: 5400100
Netfang: audur@vgk.is
Orkuveita Reykjavíkur hefur tilkynnt
mat á umhverfisáhrifum stækkunar
Hellisheiðarvirkjunar til athugunar
og úrskurðar Skipulagsstofnunar.
SAMNINGUR um stofnun félags sem mun
undirbúa stofnun og rekstur skemmti- og fræða-
seturs á sviði vísinda og tækni, var undirritaður í
hátíðarsal Háskóla Íslands í gær. Að stofnun fé-
lagsins standa Háskóli Íslands, Kennaraháskóli
Íslands og Orkuveita Reykjavíkur. Undirbún-
ingsfélaginu er ætlað að safna fjármagni og
þjónustusamningum til að standa undir rekstri
setursins. Mun það starfa í eitt ár og að því ári
loknu verður stofnað hlutafélag um reksturinn
sem tekur að sér frekari uppbyggingu og fram-
kvæmdir.
Nú þegar eru til vísar að vísindasetrum í
Reykjavík, annar vegar vísindatjaldið í Fjöl-
skyldu- og húsdýragarðinum og hins vegar Raf-
heimar hjá Orkuveitu Reykjavíkur og segir Guð-
jón Magnússon, framkvæmdastjóri hjá Orkuveit-
unni, að leitast hafi verið eftir því að setja starf-
semina undir einn hatt. „Svona vísindasetur eru í
öllum helstu stórborgum heims og við horfum á
þetta til þess að örva tækniþekkingu. Orkuveita
Reykjavíkur er tæknifyrirtæki og á tímabili vant-
aði verkfræðinga á sterkstraumssviði. Við þurfum
á fleira fólki að halda og teljum því að það þurfi að
hjálpa og örva unga fólkið til að læra raunvísindi“.
Setrinu, sem fengið hefur Vinnuheitið Til-
raunahús, er ætlað að sýna að raunvísindi og
tækni geta verið bæði skemmtileg og nærandi
fyrir hugann, segir Ari Ólafsson, dósent í eðlis-
fræði og upphafsmaður stofnunar félagsins. Ari
segir að raunvísindakennsla í grunnskólum hafi
staðið höllum fæti. Mikið námsefni hafi verið fært
til grunnskólans með breytingum á námsskrá
1999. Því vanti úrræði til að vekja á ný áhuga,
bæði kennara og nemenda, á raunvísindagrein-
um. „Kennararnir hafa almennt ekki fengið þjálf-
un til að standa undir þeim kröfum sem nú eru
gerðar til þeirra. Vandinn er að ef kennararnir
sýna óöryggi í meðferð á þessu efni smitar það
fljótt til barnanna og hefur áhrif á þeirra námsval
í framtíðinni,“ segir Ari.
Stoðkerfi fyrir kennara
„Hugmyndir að úrræðum felast í stuðningi við
kennslu í raunvísindagreinum með stofnun þessa
seturs sem oft er kallað Science Centre á ensku.
Setrið er hugsað út frá þremur stoðum, í fyrsta
lagi sem vettvangur fyrir endurmenntun kennara
svo þeir hafi fagþekkingu til að sinna þessum
greinum af öryggi, í öðru lagi sem stoðkerfi fyrir
kennara sem veiti ráðgjöf, þrói kennsluaðferðir
og kennsluefni og leigi út tækjasamstæður til
kennslu með tilraunum og í þriðja lagi sem vís-
indasafn. Með þessu móti fæst samnýting starfs-
krafta, tækjabúnaðar og húsnæðis. Þetta eru ráð-
stafanir sem fyrst og fremst eru hugsaðar til að
styrkja stöðu kennara og grunnskólakerfisins en
einnig er setrið hugsað fyrir almenning. Hug-
myndin er að setrið verði ekki bara fyrir augað og
eyrað, heldur líka fyrir höndina, þ.e.a.s. að gest-
irnir taki þátt og fái að gera tilraunir á þeim upp-
stillingum sem þar eru.“
Vandamál víða í Evrópu
Ari segir að víðast hvar í Evrópu sé staðan
svipuð og hér á Íslandi. „Um alla Evrópu hafa
menn áhyggjur af þessari þróun og aðsókn að
raungreina- og tækninámi stefnir í að verða það
lítil eftir 20–30 ár að við höfum ekki mannskap til
að manna tæknisamfélagið.“
„Þetta snýst heilmikið um ímyndasmíð, raun-
vísindamenn eru almennt afskaplega lélegir áróð-
ursmenn og ímynd raunvísinda og tækni er ekki
glæsileg í dag. Ein af fyrstu staðalímyndum sem
börn læra að þekkja af barnaefni í sjónvarpi er
„vondi vísindamaðurinn“. Og það er hamrað á
þessari ímynd alla æskuna og einkunnarorð sem
börn eiga um vísindamenn eru annaðhvort að þeir
séu brjálaðir eða illgjarnir. Þessi mynd er dregin
upp fyrir börnin af fullorðnum. Nú vil ég fá að
draga upp öðruvísi mynd, draga börnin að þess-
um hlutum þannig að þau hafi bæði gagn og gam-
an af,“ segir Ari.
Stofnun skemmti- og fræðaseturs á sviði vísinda og tækni undirbúin
Skortur á fólki með
menntun í raunvísindum
Eftir Sigurhönnu Kristinsdóttur
sigurhanna@mbl.is
Morgunblaðið/Þorkell
Samkomulag um skemmti- og fræðasetur handsalað í gærdag. Alfreð Þorsteinsson, stjórnarformað-
ur Orkuveitu Reykjavíkur, Kristín Ingólfsdóttir, rektor HÍ, og Ólafur Proppé, rektor KHÍ.
Morgunblaðið/ÞÖK
Í Rafheimum í minjasafni Orkuveitunnar er
hægt að kynnast undraheimum vísindanna.
LÖGREGLAN í Reykjavík lýsir
eftir manninum sem grunaður er
um líkamsmeiðingar gagnvart 15
ára stúlku á föstudagskvöld við
Miklubraut og Sogaveg. Rannsókn
málsins stendur yfir og er manns-
ins leitað af lögreglu. Samkvæmt
lýsingum stúlkunnar var maðurinn
innan við tvítugt með skollitað hár,
axlarsítt að aftan og stutt í hliðum.
Um er að ræða meðalmann á
hæð og kraftalegan á vöxt. Hann
lagði bíl sínum við Sogaveg og
gekk niður á Miklubraut þar sem
hann veittist að stúlkunni í strætis-
vagnaskýli gegnt Skeifunni og
reyndi ákaft að draga hana með
sér í átt að bíl sínum.
Ætlaði að koma
stúlkunni inn í bílinn
Miklar stimpingar áttu sér stað
á leiðinni og virtist aðaltilgangur
hans hafa verið sá að koma stúlk-
unni inn í bílinn. Hafði hann í hót-
unum við hana með ljótum munn-
söfnuði. Stúlkan veitti hins vegar
mikla mótspyrnu og virðist mað-
urinn hafa gefist upp við átökin að
lokum því þegar hann var kominn
með stúlkuna að bílnum sleppti
hann henni og ók í burtu. Lýst er
eftir bílnum sem var dökkrauður
fólksbíll með afturstuðara, spoiler.
Bíllinn er ekki ósvipaður Subaru
Impreza en tegund hefur ekki
fengist staðfest. Þrátt fyrir að
stúlkan hafi verið orðin mjög mátt-
farin þegar atlögunni lauk, tókst
henni að ganga til baka og fékk að-
stoð frá farþega sem beið eftir
strætisvagni á Miklubraut. Hún
var flutt á slysadeild vegna meiðsla
sinna og andlegs áfalls við atlög-
una.
Vegna rannsóknar málsins lýsir
lögreglan eftir hugsanlegum vitn-
um eða þeim sem gætu gefið ein-
hverjar vísbendingar um málið.
Sérstaklega er óskað eftir upplýs-
ingum um grunsamlegar manna-
ferðir á Sogavegi og umferð bíla
þar frá kl. 20 til 21.30 á föstudags-
kvöld.
Lögreglan rannsakar fólskulega
atlögu að 15 ára stúlku á Miklubraut
Árásarmaður
enn eftirlýstur
LÖGREGLAN á Sauðárkróki
rannsakar nú líkamsárás sem
framin var í sumarhúsi í nágrenni
Varmahlíðar aðfaranótt sunnu-
dags. Maður á þrítugsaldri hafði
þar kýlt og sparkað í mann með
þeim afleiðingum að sá var með-
vitundarlaus þegar lögreglan kom
á staðinn. Árásarmaðurinn var
handtekinn á staðnum og látinn
gista fangageymslur. Var honum
sleppt að loknum yfirheyrslum
daginn eftir. Hinn slasaði var
fluttur á slysadeild til aðhlynn-
ingar og hafður til eftirlits á
sjúkrahúsi þá um nóttina.
Að sögn lögreglu þekkjast
mennirnir lítillega. Árásin var
framin í eftirpartíi í sumarhúsinu
að loknu balli í Miðgarði. Talsvert
er um að sumarhús á þessu svæði
séu leigð út af félagasamtökum og
eru þau talsvert notuð um helgar
undir partíhald. Er lögreglan oft
kölluð út vegna óláta í þeim og
segir hún ekki óalgengt að ung-
menni séu með á þessum sumar-
bústaðafylliríum, jafnvel börn
undir 18 ára aldri.
Handtekinn eftir
árás í Varmahlíð
FYRRUM afleysingalögreglumað-
ur á Keflavíkurflugvelli varð upp-
vís að smygli á um 30 dósum af
neftóbaki um miðjan desember og
er málið nú rannsakað hjá lög-
reglu. Verður það sent ákæruvaldi
til áframhaldandi meðferðar.
Málið kom upp þegar starfs-
menn sýslumannsins á Keflavíkur-
flugvelli sáu til lögreglumannsins
höndla með smyglvöruna. Tildrög
málsins voru þau að umræddur
lögreglumaður tók við tóbaksdós-
unum af félaga sínum sem var að
koma til landsins í gegnum Leifs-
stöð. Setti lögreglumaðurinn dós-
irnar í skáp sinn og ætlaði að
sækja þær þegar hann kom næst á
vakt og koma þeim út úr Leifs-
stöð. Af því varð þó ekki. Málið er
litið alvarlegum augum af hálfu
sýslumanns, ekki síst sökum þess
að maðurinn notfærði sér
lögreglubúning sinn til að fremja
lögbrotið.
Lögreglumaður
staðinn að smygli
HÆSTIRÉTTUR hefur staðfest úr-
skurð Héraðsdóms Reykjavíkur um
að sextán ára piltur, sem nýlega
fékk 2 ára fangelsi fyrir að ræna
starfsmanni Bónuss á Seltjarnar-
nesi, sæti gæsluvarðhaldi þar til
dómur fellur í máli hans í Hæsta-
rétti.
Pilturinn var handtekinn 2. sept-
ember, grunaður um að hafa ásamt
fleiri mönnum svipt starfsmanninn
frelsi sínu þar sem hann var við
vinnu sína á Seltjarnarnesi. Var
starfsmanninum ógnað með start-
byssu og veist að honum með hót-
unum og barsmíðum og hann kraf-
inn um peninga. Í framhaldi af því
var farið með hann í bankaútibú og
þar var hann þvingaður til að taka
fé út af bankareikningi sínum.
Ákærði var í júlí úrskurðaður í
gæsluvarðhald en 2. september var
hann dæmdur í 16 mánaða fangelsi
í Héraðsdómi Reykjavíkur, þar af
13 mánuði skilorðsbundið. Piltur-
inn tók sér frest til að taka ákvörð-
un um áfrýjun dómsins og var þá
látinn laus úr gæsluvarðhaldi. Ör-
fáum klukkustundum síðar var
hann handtekinn vegna mannráns-
ins.
Í greinargerð ríkissaksóknara
með kröfu um áframhaldandi
gæsluvarðhald kemur fram að mið-
að við hegðun piltsins undanfarið
séu yfirgnæfandi líkur á því að
hann haldi áfram afbrotum verði
hann látinn laus.
Málið dæmdu hæstaréttardóm-
ararnir Ingibjörg Benediktsdóttir,
Jón Steinar Gunnlaugsson og Ólaf-
ur Börkur Þorvaldsson.
Verður áfram í
gæsluvarðhaldi
vegna mannráns