Morgunblaðið - 10.01.2006, Blaðsíða 15

MORGUNBLAÐIÐ ÞRIÐJUDAGUR 10. JANÚAR 2006 15
ERLENT
DNA-rannsóknir á höfuðkúpu, sem
hugsanlega var talin vera af Wolf-
gang Amadeus Mozart, virðast sýna,
að svo sé ekki.
Veldur það
mörgum miklum
vonbrigðum en
27. þessa mán-
aðar verða liðin
250 ár frá fæð-
ingu tónskálds-
ins.
Rannsóknirnar
á höfuðkúpunni
voru bornar sam-
an við rannsóknir
á beinum, sem talin eru vera úr Eup-
hosínu, ömmu Mozarts, og Jeanette,
frænku hans. Að því er fram kom
hjá Walter Parson við læknastofn-
unina í Innsbruck, er hins vegar
enginn skyldleiki með höfuðkúpunni
og hinum beinunum og þau eru því
ekki úr fólki í sömu fjölskyldu.
Mozart var fæddur 27. janúar
1756 og lést 35 ára 5. desember
1791. Var hann jarðsettur í kirkju-
garði heilags Markúsar í Vín og lá
þar í gröf með 15 öðrum. Nokkrum
árum síðar, eða 1801, kvaðst Joseph
Rothmayer, starfsmaður kirkju-
garðsins, hafa notað tækifærið er
gröfin var opnuð og tekið burt höf-
uðkúpu Mozarts enda hefði hann
sjálfur tekið þátt í að grafa hann og
því vitað nákvæmlega hvar hann lá.
Alla tíð síðan hafa menn velt því fyr-
ir sér hvort um höfuðkúpu Mozarts
væri að ræða en nú virðist ljóst, að
svo er ekki.
Ashdown styður
Sir Menzies
PADDY Ashdown, fyrrverandi leið-
togi Frjálslynda demókrataflokksins
í Bretlandi, hefur lýst yfir stuðningi
við Sir Menzies Campbell sem eft-
irmann Charles Kennedys. Segir
hann, að Campbell, sem er aðstoð-
arleiðtogi og talsmaður flokksins í
utanríkismálum, sé vel til foringja
fallinn. Sir Menzies hefur þegar
ákveðið að sækjast eftir leiðtoga-
embættinu en búist er við, að Mark
Oaten, talsmaður flokksins í innan-
ríkismálum, geri upp hug sinn um
það í dag. Þá ætlar Simon Hughes,
formaður flokksins, að tilkynna sína
ákvörðun eftir nokkra daga. Rétt er
að taka fram, að fomannsembætti í
bresku stjórnmálaflokkunum er allt
annað og minna en leiðtogaemb-
ættið. Stefnt er að því, að kjör nýs
leiðtoga frjálslyndra demókrata
liggi fyrir í marslok.
Cheney á
sjúkrahús
DICK Cheney, varaforseti Banda-
ríkjanna, var í gær fluttur á sjúkra-
hús en útskrifaður skömmu síðar.
Átti hann dálítið erfitt um and-
ardrátt vegna bjúgs, sem aftur var
rakinn til lyfja, sem hann tekur við
fótarmeini. Hann hefur hins vegar
lengi verið hjartaveill, gengist undir
margar aðgerðir og er með gang-
ráð. Þessi veikindi varaforsetans
hafa kynt undir vangaveltum um
framtíð hans í embætti en Scott
McClellan, talsmaður George W.
Bush Bandaríkjaforseta, sagði í gær,
að ekki væri neitt annað uppi en að
Cheney gegndi embætti sínu áfram.
Royal vinsælust
EKKI er loku fyrir það skotið, að
kona verði í framboði fyrir franska
sósíalista í forsetkosningunum í
Frakklandi á
næsta ári. Sam-
kvæmt könn-
unum meðal
flokksmanna nýt-
ur Segolene Ro-
yal, fyrrverandi
umhverfis-
ráðherra, lang-
mests fylgis sem
forsetaframbjóð-
andi og miklu
meira en gamlir flokkshestar eins og
þeir Jack Lang og Dominique
Strauss-Kahn.
Höfuðkúpan
ekki af Mozart
Wolfgang
Amadeus Mozart
Segolene Royal
Teheran. AFP. | Nokkrir af yfirmönn-
um Byltingarvarðarins voru á með-
al þeirra, sem fórust í flugslysi í Ír-
an í gær.
Ellefu manns voru um borð í her-
flutningavél, sem fórst í fjalllendi í
norðvesturhluta landsins eftir að
bilun hafði komið í upp í lending-
arbúnaði. Átta háttsettir foringjar í
Byltingarverðinum voru í flugvél-
inni en þrír voru í áhöfninni. Á
meðal þeirra sem fórust voru Ah-
mad Kazemi, yfirmaður landher-
sveita Byltingarvarðarins, og yfir-
maður leyniþjónustu þessa
úrvalsliðs klerkastjórnarinnar í Ír-
an.
Byltingarvörðurinn var stofnaður
eftir að íslamskir bókstafstrúar-
menn höfðu gert byltingu og náð
öllum völdum í Íran í sínar hendur
árið 1979.
Sérsveitunum er ætlað að verja
íslamska lýðveldið gagnvart „innri
og ytri ógnunum“. Talið er að um
350.000 manns tilheyri nú liðsafla
þessum, sem er ein af valdamestu
stofnunum Írans.
Byltingarverðir
farast í Íran
Jerúsalem. AFP. | Ariel Sharon, for-
sætisráðherra Ísraels, var í gær
fær um að anda upp á eigin spýtur
og jafnframt gat hann hreyft
hægri handlegg og fót. Læknar
segja hins vegar, að of snemmt sé
að meta hvaða skaða heilablæð-
ingin hefur valdið.
Byrjað var á því í gær að draga
úr lyfjagjöf til að vekja Sharon en
það ferli getur tekið dálítinn tíma.
Eru læknarnir að sögn bjartsýnir
á, að Sharon lifi hremmingarnar
af en eftir þeim er haft, að dagar
hans sem leiðtogi séu liðnir.
Almennt er búist við því, að
Ehud Olmert, sem nú gegnir
skyldum Sharons, muni formlega
taka við af honum en þótt hann sé
virtur, þá er hann ekki vinsæll og
hefur ekki þá þungavigt, sem
Sharon hafði. Því ríkir mikil
óvissa um framtíðina í Ísrael og
margir óttast, að aftur sjóði upp
úr í samskiptunum við Palestínu-
menn.
Byrjað á að
vekja Sharon