Morgunblaðið - 19.01.2006, Blaðsíða 14
14
SPURT OG
SVARAÐ
Ásthildur Helgadóttir knattspyrnukona hlaut
þriðja sæti í kjöri á íþróttamanni ársins árið 2005.
Nú stefnir hún 4–5. sæti í prófkjöri sjálfstæð-
ismanna í Kópavogi á laugardaginn.
Hvað er þér efst í huga núna?
„Prófkjör sjálfstæðismanna í Kópavogi á laug-
ardaginn.“
Hvað dreymdi þig í nótt?
„Ég sef svo vel að ég man það ekki.“
Hvað hræðistu mest?
„Að missa einhvern af mínum
nánustu.“
Ertu tapsár?
„Ég þoli illa að tapa en er yfirleitt fljót að jafna
mig.“
Missirðu oft stjórn á skapinu í leik?
„Nei, það hefur sem betur fer aldrei gerst, 7, 9,
13!“
Ef þú værir súperhetja, í hvað
myndirðu nota krafta þína?
„Hjálpa fólkinu í Pakistan.“
Ef þú gætir ferðast aftur í tímann, til hvaða
árs myndirðu fara og af hverju?
„Aftur til menntaskólaáranna, það væri gaman að
upplifa þau aftur.“
Ef það væri gerð bíómynd um þig hvern
myndir þú kjósa til að leika þig?
„Silvíu Nótt.“
Hvað er uppáhaldsdýrið þitt?
„Hestar.“
Hvað fer mest í taugarnar á þér?
„Óheiðarleiki.“
Áttu mottó?
„Að leggja mig fram og hafa
gaman af lífinu.“
Ertu með lag á heilanum?
„Já, ég er alltaf með eitthvert lag á heilanum, nú er
það „du ska veta att jag saknar dig“ sem Thomas
Ledin syngur.“
Hvenær ertu hamingjusömust?
„Þegar vel gengur og í
góðra vina hópi.“
Hver er eftirminnilegasti
leikurinn sem þú hefur spilað?
„Þeir eru margir, en leikurinn við Svía í sumar var
frábær.“
AFTUR TIL MENNTASKÓLAÁRANNA
ÁSTHILDUR HELGADÓTTIR
ALI er ungur listaháskólanemi af pakistönsku bergi
brotin. Hann býr ásamt fjölskyldu sinni í Bradford,
Englandi og er að drepast úr stressi. Hann á nefni-
lega að giftast stúlku sem hann hefur aldrei séð, og
hann er tilbúinn að drepa sjálfan sig ef hún er ljót.
Sem betur fer kemur í ljós að stúlkan, Sofia, er bæði
sæt og með fyrirtaks persónuleika. En áður þau fá
tækifæri til að fagna ramba þau á 6.000 ára gamla
neðanjarðarborg og hleypa illum og fornum öndum
úr prísund óvart. Þá kemur hinn álíka forni Ben
Rama og ofurhetju-guða-liðið hans til bjargar. Ali og
Sofia verða lykilfígúrur í epísku stríði milli góðs og
ills. Geta þau bjargað sambandi sínu áður en heim-
urinn endar? Er það ekki svolítið erfitt þegar Ben
Rama er skyndilega orðinn ástfanginn af Sofiu?
Svörin við þessum spurningum er að finna í Vím-
anarama, stórskemmtilegri myndasögu eftir Grant
Morrison og Philip Bond.
Vímanarama er einstök bók. Hún blandar saman
aust- og vestrænni menningu á bráðskemmtilegan
hátt. Hún er soldið eins og Bollywood-útgáfa af
Independence day. Án söngatriða eða þjóðrembu.
Auk þess er hún bæði fyndin og rómantísk. En það
eru líka lágmarkskröfur í sögum sem þessari, því
þetta er fyrst og fremst ástarsaga.
Grant Morrison er mörgum kunnugur, enda hug-
myndaríkasti höfundurinn þarna úti. Hann er ábyrg-
ur fyrir The Invisibles, Animal Man og Seaguy. Þetta
er ekki hans fyrsta samvinna með Philip Bond, en
þeir hafa áður sameinað krafta sína Kill Your Boy-
friend. Hér ber einnig að mæla með henni, en hún
segir frá unglingauppreisn og anarkisma, en er fyrst
og fremst ástarsaga. Bond er líka pottþéttur teikn-
ari, Guði sé lof fyrir það því ekkert er meira pirrandi
en þegar góð saga er illa teiknuð. Vímanarama er
fyndin og skemmtileg og spennandi og vel teiknuð.
ÁST OG
HEIMSENDIR
VÍNAMARAMA EFTIR
GRANT MORRISON OG
PHILIP BOND
Texti
Hugleikur
Björg Guðmundsdóttir,
nemandi í fatahönnun
á þriðja ári í
Listaháskólanum,
teiknaði myndina af
Ásthildi.
.
Ég þoli illa að tapa en er yfirleitt fljót að jafna mig