Morgunblaðið - 22.01.2006, Blaðsíða 6

6 | 22.1.2006
. . . við verðum nú að geta púðrað nefbroddinn á svona viðburðum . . .
F
östudagurinn þrettándi skipar stóran sess í lífi Flugunnar sem
veit fátt skemmtilegra en að tefla á tæpasta vað og storka ör-
lögunum. Á þessum draugalega og dramatíska degi var því vel
við hæfi að mæta á opnun sýningar myndlistamannsins Gabríelu
Friðriksdóttur; Tetralogiu, en listakonan gælir einmitt oft við dul-
úðina í verkum sínum. Listasafn Íslands var troðfullt af listhneigðu
fólki og samkvæmisljónum eins og Móeiði Júníusdóttur söngkonu,
Helga Þorgils myndlistarmanni og Gerði Kristnýju rithöfundi. Við-
staddir áttu auðvelt með að ímynda sér að þeir væru staddir í Fen-
eyjum, nánar tiltekið á Tvíæringnum, en ekki snjóþungri Tryggvagöt-
unni. Glasaglamur, glaumur og skvaldur gesta sneið skemmtilegan
ramma utan um sjálfa sýninguna. Jón Sæmundur, listamaður og
búðareigandi, Jórunn Sigurðardóttir, útvarpskona og menningar-
frömuður, og Steinunn Jóhannesdóttir, fræðimaður og skáld,
voru líka á sveimi. Það gladdi svo Fluguhjartað að sjá fyrrver-
andi og ,,wannabe“ borgarstjóra valsa um salarkynni Lista-
safnsins; þá Þórólf Árnasson, Gísla Martein Baldursson og
Stefán Jón Hafstein. Herra Hallgrímur Helgason, fjöllistamað-
ur, opnaði sína myndlistarsýningu á sama tíma og Gabríela og
varð því að hafa hraðann á og fljúga rakleiðis í Gallerí Turpent-
ine í Ingólfsstræti. Á þeim bæ var líka fjör og margt um mann-
inn og það sem meira er; verk Hallgríms flugu bókstaflega út í
sölu. Einar Kárason rithöfundur og Páll Valsson voru á meðal
gesta. Það var líka Dagur B. Eggertsson borgarfulltrúi, sem gaf
sér tíma til listskoðunar þótt hann stæði í önnum vegna opn-
unar kosningaskrifstofu sinnar næsta dag.
Kosningahreiður Dags B. Eggertssonar var opnað í Austur-
stræti með ,,bravör“. Um var að ræða eins konar fjölskylduhátíð og
hinn góðkunni áróðursmeistari og grallari, Ámundi Ámundason, var
að sjálfsögðu á staðnum og hvatti fólk til þess að njóta góðs fé-
lagsskapar og enn betri veitinga. Dagur hafði sjálfur bakað ljúffenga
skúffuköku og er laglega lækninum greinilega margt til lista lagt. Ing-
ólfur Margeirsson, rithöfundur, heiðraði Dag með nærveru sinni og
Sveinn Rúnar Hauksson, læknir, frelsishetja og formaður félagsins Ís-
land - Palestína. Sveinn Rúnar var töff með rautt, arabískt shemagh-
sjal um hálsinn. Hvað stendur Béið annars fyrir í
nafni Dags? Borgarstjóri?
Borgarleikhúsið frumsýndi fjörugan og lit-
skrúðugan söngleik um Carmen þar sem
mezzósópraninn Ásgerður Júníusdóttir fer
með hlutverk tálkvendisins blóðheita.
Fluguvængir klemmdust í mannhafinu
en þó náðist að spotta Braga Ólafsson
rithöfund, Móeiði Júníusdóttur, systur
Ásgerðar, Tinnu Gunnlaugsdóttur
Þjóðleikhússtjóra og fyrrnefndan Stef-
án Jón Hafstein með rauða slaufu.
Það var ekki gaman að eyða öllu
hléinu í angistarfullri biðröð á
kvennaklósettið en þar stóðu prúðbún-
ar konur í þéttri röð sem náði næstum upp
á bar. Fimm klósett fyrir fleiri hundruð
konur, sem bera uppi leikhús landsins, er
náttúrulega ekki bjóðandi. Við verðum nú að
geta púðrað nefbroddinn á svona viðburðum ...
| flugan@mbl.is
L
jó
sm
yn
di
r:
E
gg
er
t
L
jó
sm
yn
di
r:
E
gg
er
t
L
jó
sm
yn
di
r:
E
gg
er
t
Hrafnhildur Kristbjörnsdóttir og Margrét Ólafsdóttir.
Með listhneigðum samkvæmisljónum
FLUGAN
Í BORGARLEIKHÚSINU frumsýndi Leik-
félag Reykjavíkur í samvinnu við Íslenska
dansflokkinn söngleikinn Carmen.
Daníel Ágúst Haraldsson og
Jóhanna Jóakimsdóttir.
Guðrún Gunn-
arsdóttir og
Arnbjörg Hlíf
Valsdóttir.
Ása Hlín Svavarsdóttir og Edda
Heiðrún Backman.
Sigurður Kais-
er og Steinunn
Camilla.
Sirrý Hallgríms-
dóttir, Anna
Sigríður Krist-
jánsdóttir og
Þórey Vil-
hjálmsdóttir.
Í LISTASAFNI REYKJA-
VÍKUR Hafnarhúsi voru
opnaðar tvær sýningar,
annars vegar sýning á
málverkum Kristínar
Halldórsdóttur Eyfells
og hins vegar sýning
Gabríelu Friðriksdóttur,
Versations/Tetralógía.
Ilmur Kristjáns-
dóttir og Guðjón
Petersen.
Hilmar Ingólfs-
son og Friðrik
Sophusson.
Hlín Jónsdóttir, Þórgunnur Oddsdóttir
og Eyrún Björk Jóhannsdóttir.
Soffía Karlsdóttir
og Dóra Takefúsa
Margrét Vilhjálmsdóttir og
Kristín María Sigþórsdóttir
Þóra Guðmundsdóttir, Áslaug
Friðriksdóttir og Gabríela Friðriksdóttir.
Ingibjörg
Eyfells og
Fríða S.
Kristinsdóttir.