Morgunblaðið - 22.01.2006, Blaðsíða 22

22 | 22.1.2006
Það er við hæfi á fyrstu vikum ársins að velta því fyrir sér hvað fram-undan sé á því ári sem nýhafið er. Þetta eru viðurkennd fræði þóttoft virðist spádómar einkennast jafnmikið af því sem spámennirnir
vilja að gerist og því sem þeir telja líklegt að muni gerast.
Þegar rýnt er í vangaveltur erlendra sérfræðinga um það hvað muni ein-
kenna strauma og stefnur í vínheiminum næsta árið kemur ýmislegt for-
vitnilegt í ljós. Margir virðast nefnilega vera sammála um að rósavín eigi eftir
að eiga mikla og góða endurkomu inn á markaðinn.
Nú er það svo að hér á landi hafa rósavín ekki verið fyrirferðarmikil. Þeg-
ar rósavínsúrvalið er skoðað kemur í ljós að það er fremur fábrotið. Vissu-
lega eru nokkrar tegundir til en stór hluti þeirra eru svokölluð „blush“-vín
eða vín í Mateusar-stílnum.
Það er engin rósavínshefð til á Íslandi og ætti svo sem ekki að koma á
óvart. Rósavín njóta sín nefnilega best á
heitum sumardegi þegar of þungt er að fá
sér rauðvín með matnum og betra er að sitja
úti með kalda flösku af rósavíni. Það kemur
því ekki á óvart að neysla rósavína er mest í
Suður-Frakklandi, Spáni og Ítalíu svo dæmi
séu tekin og þá fyrst og fremst yfir sum-
armánuðina. Þið munið ekki sjá marga
Frakka eða Ítali sötra rósavín um þetta leyti
árs.
Tískuvín af einhverjum ástæðum | Hér
þurfa menn hins vegar yfirleitt að glíma við
það hvernig þeir eigi að halda á sér hita yfir sumarmánuðina frekar en að
kæla sig niður. En það skyldi þó aldrei fara svo að hlýindaaskeiðið sem við
erum nú í ásamt mikilli sölu á gashiturum fyrir sólpallana skyldu verða til
þess að hífa upp söluna á rósavíninu?
Utan Íslands er framleiðsla og sala á rósavínum nefnilega á mikilli upp-
leið. Þau eru að komast í tísku af einhverjum ástæðum. Neytendur kaupa
meira og eru reiðubúnir að greiða hærra verð fyrir rósavínið og þetta hefur
leitt til þess að framleiðendur um allan heim hafa brugðist við aukinni eft-
irspurn og á markaðinn eru að streyma fleiri og oft betri rósavín en áður.
En hvað er rósavín kynni kannski einhver að spyrja. Í stuttu máli sagt þá
er rósavín vín úr rauðum þrúgum sem er framleitt á svipaðan hátt og hvít-
vín. Litur vínsins kemur úr berjahýðinu og með því að leyfa safanum að vera
í snertingu við hýðið í hálfan til heilan sólarhring næst bleikur roði á vínið.
Hratið er síað frá þegar rétti liturinn er kominn á vínið og það er síðan gerj-
að og unnið með svipuðum hætti og hvítvín, þ.e. við lágt hitastig til að draga
fram ferskleika ávaxtarins.
Fróðleg þróun | Suður-evrópsku rósavínin eru góð matarvín að sumri til og
henta vel þeirri léttu matreiðslu sem þá er yfirleitt stunduð (kannski ekki
eins vel með grilluðu lambakjöti eða nautakjöti, þar er nú rauðvínið líklega
betra).
Einhver bestu rósavínin koma frá Frakklandi og má nefna svæðin Bandol,
Tavel og Provence í því sambandi auk þess sem góð rósavín eru líka frá
svæðum sem þekktari eru fyrir rauðvín t.d. Bordeaux, Rioja, Pénedes og
Toskana. Þrjú af þekktari víngerðarhúsum Bordeaux hafa meira að segja ný-
lega sett á markaðinn rósavín: Chateau Kirwan, Chateau Giscours og Smith-
Haut-Lafitte.
Það verður því fróðlegt að sjá hvort þessi þróun nær hingað til lands og á
þessum síðum gefist á næstu mánuðum oftar tækifæri en hingað til hefur
verið raunin að fjalla um vönduð rósavín.
VÍN | STEINGRÍMUR SIGURGEIRSSON
FÁ RÓSAVÍNIN
UPPREISN
ÆRU ÁRIÐ 2006?
Neytendur kaupa meira og eru reiðubúnir að borga meira fyrir
rósavínið og framleiðendur hafa brugðist við aukinni eftirspurn
Með því að
leyfa safanum
að vera í snert-
ingu við hýðið
næst bleikur
roði á vínið.
L
jó
sm
yn
d:
Á
sd
ís
Fæst í Lyf og heilsu,
Hagkaup Smáralind, snyrtistofum, sólbaðstofum og fleiri stöðum
www.karon.is
Mótar og stinnir brjóstin
Styrkir húðina á upphandleggjum
Strekkir á vefjum og sléttir hálsinn
Frábærlega ferskt og ilmandi gel
sem smýgur hratt inní húðina
Rannsóknir sýna ótrúlega virkni
100% náttúrulegt
BRJÓSTAGEL