Morgunblaðið - 28.01.2006, Blaðsíða 1

STOFNAÐ 1913 27. TBL. 94. ÁRG. LAUGARDAGUR 28. JANÚAR 2006 PRENTSMIÐJA MORGUNBLAÐSINS mbl.is
Sameina fjöl-
skyldu og vinnu
Fleiri kostir en gallar við að hafa
starfsstöðina heima | Daglegt líf
Lesbók, Börn og Íþróttir
Lesbók | Mozart: Snillingur en ekki dýrlingur
Pamuk og Ist-
anbúl Börn | Íþróttaálfurinn í viðtali
Verðlaunasaga 12 ára
stelpna Íþróttir Ísland í milliriðil með þrjú stig
ÚTSALA
ÓTRÚLEG
VER‹LÆKKUN!
ÚTSALA
HAFRANNSÓKNASKIPIÐ Árni Friðriksson RE 200
angaði af loðnulykt eftir að skipið fann stóra loðnutorfu á
Rauða torginu, 60 sjómílur suðaustur frá Gerpi, snemma
í gærmorgun. Ásgrímur Halldórsson SF, sem lagði af
stað frá Hornafirði í fyrradag og leitaði nær landinu
austur-vestur á norðurleið, varð í gær var við litlar torf-
ur sem stóðu djúpt. Þá
rakst Sturla á Guðmundi
VE, sem er við loðnuleit
norðar en Árni Friðriks-
son, í gær á flekki á víð og
dreif á allstóru svæði,
góðar lóðningar.
Sveinn Sveinbjörnsson
fiskifræðingur, sem var á
leitarvakt í stjórnstöð
skipsins, bað Karl Ein-
arsson annan stýrimann,
sem var á vakt í brúnni,
að ræsa karlana á dekkið
og láta trollið út og taka
sýni. Yngvi Friðriksson
yfirstýrimaður kom upp
og sá um að trollið væri
klárt með strákunum og létu þeir trollið fara. Reyndist
lóðningin vera kökkur, astikið sýndi hana vel en á dýpt-
armælinum var hægt að sjá lengd og dýpt og lætur
nærri að hún hafi verið 30 faðma djúp og um míla á lengd
þar sem hún var þéttust auk dreifa sem teygðust út frá
henni í allar áttir.
Skipið lét úr höfn síðdegis á fimmtudag frá Reyðar-
firði og var stefnan tekin austur á svæðið norðan Þórs-
banka þar sem færeyska rannsóknaskipið Magnús
Heinason fann loðnulóðningar fyrr í vikunni. Svæðinu
sem skipið leitar á er skipt upp í leitarleggi eftir kerfi
sem Sveinn hefur teiknað upp á plotterinn, og var fyrsti
leggurinn útstímið.
Eftir 15 mílna stím í suðurátt um miðja nótt var haldið
til vesturs og þar varð vart við torfur, þokkalega stórar
en enginn flekkur. Klukkan fjögur um nóttina kom
Sveinn á vakt í stjórnstöðinni og varð hann var við stóra
flekkinn upp úr klukkan sex en þá var skipið komið vest-
ur eftir að leitarleggnum á Rauða torgið.
Loðna á næsta legg?
Sveinn sagði að nú væri mesti spenningurinn að sjá
hvort einhver loðna kæmi á næsta leitarlegg sem var
sunnan við legginn á undan. Stórar torfur komu á dýpt-
armælinn á svæðinu suður af Rauða torginu en þær
stóðu djúpt, á 200 m dýpi. Mikið líf er um allan sjó enda
reyndist áta í loðnunni sem fékkst í fyrrinótt en morg-
unloðnan reyndist átulaus, falleg kynþroska loðna.
Leggja má eyrun við því sem Sveinn fiskifræðingur
sagði hér í gærmorgun að sáralítil loðnuleit hefði farið
fram frá áramótum ef ekki væri um þetta góða skip að
ræða, því að í þeirri ótíð sem verið hefur í vetur lágu
gömlu skipin iðulega í vari og gátu ekkert athafnað sig.
Árni Friðriks-
son fann stóra
loðnutorfu
Skipið angar af loðnulykt
Eftir Kristin Benediktsson um borð í Árna Friðrikssyni RE 200
MARBLE Arch í London hefur
lengi verið eitt af auðkennum
borgarinnar en nú hefur verið
ákveðið að breyta þessu minn-
ismerki um Wellington hershöfð-
ingja í íbúðir. Verða þær leigðar
út til sumarleyfisgesta, fyr-
irtækja og einstaklinga og svo
verður einnig með ýmsar aðrar
sögufrægar byggingar.
Það er enska minjaverndin, sem hefur ákveðið þetta,
en hún er að hasla sér völl í ferðaþjónustu. Stefnt er að
því, að eftir tvö ár verði búið að innrétta íbúðir í 30 af
120 byggingum, sem njóta sérstakrar verndar.
Ekki er líklegt, að leigan verði í lægri kantinum enda
er miðað við, að íbúðirnar verði í hæsta gæðaflokki,
fimm stjörnu lúxus að öðru leyti en því, að gestirnir
verða að þjóna sér sjálfir að því er fram kom á fréttavef
breska dagblaðsins The Times.
Auk íbúða í Marble Arch verður til dæmis boðið upp
á íbúð við Dover-kastala og lítið og sætt hús við heimili
Viktoríu drottningar á Wight-eyju, Osborne House.
Um 600.000 félagsmenn í ensku minjaverndinni fá
forgang að þessum þjóðargersemum, að minnsta kosti
fyrst um sinn. Marble Arch hefur um skeið verið leigð
út til fyrirtækja, t.d. fyrir einkasamkvæmi.
Sögulegum minjum breytt í íbúðir
STARFSMAÐUR rússneska orkufyr-
irtækisins Gazproms hugar að mælum í
miðlunarstöð en Rússar ætla að hefja aft-
ur gasflutninga til Georgíu í dag, viku
eftir að dularfullar sprengingar sviptu
landsmenn þessu lífsnauðsynlega elds-
neyti. Síðan hefur öll þjóðin skolfið í
miklum vetrarkuldum. Mikhail Saakas-
hvili, forseti Georgíu, tilkynnti í gær, að
samið hefði verið um gaskaup frá Íran
og sagði, að Georgíumenn hefðu lifað
erfiðari tíma og yrði ekki komið á kné.
Var hann þá að víkja að því, að Georgíu-
menn grunar, að Rússar hafi sjálfir
sprengt upp gasleiðslurnar og sé það lið-
ur í þeim þrýstingi, sem þeir beita nú
sum nágrannaríkjanna og fyrrverandi
sovétlýðveldi.
Reuters
Ætla að kaupa gas frá Íran
Ramallah, Jerúsalem. AP, AFP. | Mahmoud
Abbas, forseti Palestínumanna, sagði í gær,
að hann ætlaði að fela Hamas-hreyfingunni
að mynda stjórn en Fatah-hreyfing Abbas
hefur hafnað aðild að henni. Ísraelsstjórn
hefur útilokað viðræður við Hamas og skor-
ar hún jafnframt á erlend ríki að viður-
kenna ekki „stjórn hryðjuverkasamtaka“.
Raanan Gissin, talsmaður Ísraelsstjórn-
ar, sagði, að hún fagnaði fyrstu viðbrögðum
erlendra ríkja við sigri Hamas í Palestínu
og ítrekaði, að hún myndi „ekki ræða við
fólk, sem vill tortíma okkur“. Hann útilok-
aði þó ekki samstarf um flutninga, vatn og
rafmagn og sagði, að Ísraelar vildu ekki
halda Palestínumönnum í gíslingu vegna
Hamas. Mahmoud Zahar, einn af leiðtogum
Hamas á Gaza, sagði í gær, að ekki væri
fyrirhugað að hefja friðarviðræður eða við-
urkenna Ísraelsríki en hefðu Ísraelar á
hinn bóginn eitthvað nýtt fram að færa
varðandi hernumdu svæðin og Jerúsalem,
yrði staðan metin á ný.
Ábyrgð og efnahags-
legur veruleiki
Margir telja, að afstaða Hamas muni
mildast þegar hreyfingin verður að axla
ábyrgð og þegar hinn efnahagslegi veru-
leiki rennur upp fyrir henni. Palestínu-
menn eru mjög háðir erlendri aðstoð, eink-
um vestrænna ríkja. Bandaríkjastjórn
segist hafa veitt palestínsku heimastjórn-
inni 24,5 milljarða ísl. kr. á síðasta ári og
Evrópusambandið heimilaði styrk upp á 21
milljarð kr. Þá eru ýmis framlög einstakra
Evrópuríkja ótalin og einnig alþjóðlegra
stofnana. Allur þessi stuðningur er nú í
uppnámi.
Skoðanakönnun, sem ísraelska dagblaðið
Maariv gerði í fyrradag, sýnir, að 40% Ísr-
aela vilja reyna að semja við Hamas, hafni
samtökin ofbeldi, og 27% vildu viðræður án
skilyrða. Önnur könnun í blaðinu Yediot
Ahronot sýndi, að 48% vildu viðræður en
43% ekki.
Ísraelar skora á önnur
ríki að einangra Hamas
 Fatah-menn ósáttir | 22