Morgunblaðið - 28.01.2006, Blaðsíða 4
4 LAUGARDAGUR 28. JANÚAR 2006 MORGUNBLAÐIÐ
FRÉTTIR
fia› ver›ur heitt á könnunni hjámér og
veitingarme›milli ellefu og eitt á
kosningaskrifstofunni í Borgartúni 6.
Komdu og spjalla›u yfir sí›búnum
morgunver›i e›amátulegu hádegissnarli.
KREDITKORTAFYRIRTÆKIÐ
MasterCard, fékk upplýsingar hjá
Mastercard International um að
lögregla í Eistlandi hefði fyrir
skömmu handtekið menn, sem
taldir eru búlgarskir, vegna korta-
svika þar í landi, að sögn Berg-
þóru K. Ketilsdóttur, forstöðu-
manns upplýsingasviðs Master-
Card. Alþjóðlegt samstarf fer
fram innan MasterCard um varnir
gegn kortasvikum og gerði fyr-
irtækið hér á landi MasterCard
International viðvart eftir að toll-
gæslan á Seyðisfirði stöðvaði á
þriðjudagskvöld mann með búlg-
arskt vegabréf sem kom hingað til
lands með Norrænu. Við leit í far-
angri mannsins fann tollgæslan
fjögur sérútbúin tæki sem hægt
er að setja framan á hraðbanka í
þeim tilgangi að lesa kort við-
skiptavinarins og misnota síðan til
að taka út af bankareikningi við-
komandi. „Þá fengum við strax
upplýsingar um handtökurnar hjá
eistnesku lögreglunni,“ segir
Bergþóra sem segir fyrirtækið
ekki hafa upplýsingar um hvort
málin tengist.
Spurð hvort fyrirtækið frétti oft
um svikamál af þessu tagi segir
Bergþóra að það fái slíkar upplýs-
ingar þegar korthafar þess eigi í
hlut. „Þá fáum við tilkynningu um
það frá Mastercard Internat-
ional,“ segir hún. Einnig sé starf-
rækt norræn öryggisnefnd á veg-
um útgefenda kreditkorta á
Norðurlöndunum og í Eystrasalts-
ríkjunum. Nefndin hafi það hlut-
verk að upplýsa um þau atriði sem
eiga sér stað í hverju landi fyrir
sig.
Bergþóra segir ekki algengt að
íslenskir kreditkortahafar verði
fyrir kortasvikum, en slíkt eigi sér
þó stað öðru hverju. „Við erum
með rafrænt vöktunarkerfi sem
notað er til að fylgjast með kred-
itkortanotkun okkar korthafa er-
lendis. Stundum kemur í ljós að
kort virðast notuð sama daginn í
tveim löndum. Svo dæmi sé tekið
notar korthafinn kortið hér á
landi en sama dag er það notað í
hraðbanka í Taílandi. Þá höfum
við strax samband við korthafann.
Í slíkum tilfellum er mögulegt að
einhver hafi náð upplýsingum um
kortið, til dæmis með þeim hætti
sem virðist hafa átt að reyna hér,“
segir Bergþóra. Hún segir kort-
hafa ekki verða fyrir tjóni komi
það fyrir að þjófar komist yfir
upplýsingar um kort þeirra og
nýti sér, heldur beri útgefandi
það.
Tugum korta lokað vegna
geymslu upplýsinga
„Á Íslandi er mjög lítið um svik
og minna heldur en í mjög mörg-
um löndum,“ segir hún. Það komi
hins vegar fyrir að kort séu skim-
uð eða upplýsingar um þau fengn-
ar með öðrum hætti þegar fólk er
á ferðalögum. „Ef við fréttum að
öryggisbrot hafi átt sér stað á ein-
hverjum stað erlendis sem okkar
korthafar hafa notað kort sín á,
höfum við þá vinnureglu að við
lokum þessum kortum í samráði
við korthafann,“ segir Bergþóra.
Þetta sé gert þótt ekkert tjón hafi
átt sér stað en hafi þá fyrirbyggj-
andi áhrif. Óþægindi korthafa og
tap útgefandans sé minnst þannig.
„Það vill þannig til að við erum
þessa dagana að hringja í kort-
hafa sem notuðu kort sín á til-
teknum stöðum í Bandaríkjunum
þar sem seljendur reyndust hafa
geymt upplýsingar um segulrend-
ur kortanna, sem ekki má gera,“
segir hún. Um nokkra tugi kort-
hafa sé að ræða og verði kortum
þeirra lokað í samráði við þá og
þeir fái nýtt kort sér að kostn-
aðarlausu. Ekkert tjón hafi þó
hlotist í þessum tilfellum. Berg-
þóra segir viðskiptavini ánægða
með að fylgst sé með óleyfilegri
notkun korta þeirra. Það kunni að
valda fólki óþægindum ef loka
þarf kortum þess, en vandræðin
verði enn meiri ef þjófar komist
yfir kortaupplýsingar og noti
kortin.
MasterCard á Íslandi fékk upplýsingar um kortasvik manna í Eistlandi
Alþjóðlegt samstarf um
varnir gegn kortasvikum
Eftir Elvu Björk Sverrisdóttur
elva@mbl.is
EKKI fer mikið fyrir tækjunum
sem tollgæslan á Seyðisfirði tók
á þriðjudag af manni sem kom
hingað til lands með Norrænu,
en hægt er að nota tækin til
kreditkortasvika. Alls var lagt
hald á fjögur tæki. Þrjú þeirra
voru send til Reykjavíkur til
skoðunar og myndunar og sjást
þau á meðfylgjandi myndum.
Kortasvindlarar nota búnað sem
þennan til þess að búa til falska
framhluta á hraðbanka. Sá hluti
búnaðarins sem kortum er
rennt inn í les af segulrönd
kortanna og safnar upplýs-
ingum um þau á örgjörva. Þar
er einnig að finna tengil fyrir
niðurhalningu og aflestur. Hinn
hluti búnaðarins er svo notaður
til þess að lesa PIN-númer kort-
anna.
Morgunblaðið/Júlíus
Takkar með íslensku letri höfðu eins og hér má sjá verið útbúnir á
þennan hluta búnaðarins, sem hald var lagt á hér á landi í vikunni.
Hluti búnaðarins les af seg-
ulrönd kortanna í hraðbanka.
Falskir framhlutar
búnir til á hraðbankana
SIGRÍÐUR Anna Þórðardóttir um-
hverfisráðherra undirritaði í gær
nýja friðlýsingu fyrir friðlandið
Surtsey en hún felur í sér umtals-
verða stækkun á friðlandinu. Nýja
friðlýsingin nær ekki einungis til
Surtseyjar sjálfrar, sem er 1,4. fer-
kílómetrar að stærð, heldur allrar
eldstöðvarinnar og þar af leiðandi
til neðansjávargíganna Jólnis, Syrt-
lings og Surtlu ásamt hafsvæðisins
umhverfis eyjuna. Nýja friðlandið
mun því verða um 65,6 ferkílómetr-
ar að stærð. Með stækkuninni er
vonast til að tryggt verði að þróun
eyjarinnar verði eftir lögmálum
náttúrunnar í samræmi við lög um
náttúruvernd auk þess sem stækk-
un friðlandsins er liður í áætlun rík-
isstjórnarinnar að koma Surtsey á
heimsminjaskrá UNESCO en að
sögn Sigríðar Önnu Þórðardóttur,
umhverfisráðherra, er ráðgert að
senda umsóknina inn eftir helgi.
Í kjölfar stækkunarinnar verður
einungis leyfilegt að veiða með
handfærum og línu en bann verður
lagt við veiðum með veiðarfærum
sem dregin eru eftir botninum á
rúmlega 46 ferkílómetra svæði inn-
an friðlandsins.
Við stækkun friðlandsins mun
eitt stöðugildi verða til en ráðgert
er að opna gestastofu í Vest-
mannaeyjum. Með henni er vonast
til að nýta nálægð Vestmannaeyja
við Surtsey í fræðslu og ferðaþjón-
ustu, auk þess sem starfsmaður
gestastofunnar mun hafa umsjón
með friðlandi eyjunnar.
Friðland
Surtseyjar
stækkað
Náttúrufræðistofnun Íslands
HÉRAÐSDÓMUR Reykjaness hefur
dæmt 25 ára karlmann í fimm mán-
aða fangelsi fyrir líkamsárás gegn
tvítugri misþroska stúlku. Maðurinn
var jafnframt dæmdur til að greiða
henni 300 þúsund krónur í miskabæt-
ur og rúmar 400 þúsund krónur í sak-
arkostnað. Hann var sýknaður af
ákærum um kynferðisbrot og hótanir
gagnvart stúlkunni.
Kemur fram í dómnum að árásin
átti sér stað á heimili mannsins í des-
ember árið 2004 er stúlkan var gest-
komandi þar. Þótti sannað að ákærði
hafi dregið hana nauðuga inn í svefn-
herbergi sitt, hrint henni þar utan í
ofn, sparkað í hana liggjandi og tekið
með kverkataki og hrint með ofbeldi
ofan á rúm. Telur dómurinn rétt að
meta háttsemi ákærða í heild sem
grófa líkamsárás.
Í dómnum kemur m.a. fram að
ákærði hafi í yfirheyrslum orðið tví-
saga um mikilvægar staðreyndir
málsins. Þá hafi hann beðið vinafólk
sitt um að bera ljúgvitni hjá lögreglu
um að hafa verið á heimili sínu þegar
málsatvik áttu sér stað.
Kemur þar einnig fram að einbeitt-
ur vilji hafi verið hjá ákærða að van-
virða stúlkunnar og valda henni lík-
amstjóni.
Málið dæmdu Jónas Jóhannsson,
Guðmundur L. Jóhannesson og
Sveinn Sigurkarlsson.
Fimm mánaða
fangelsi fyrir
líkamsárás
DAGFORELDRAR og barnapíur
geta auglýst þjónustu sína endur-
gjaldslaust á vefnum Barnaland.is.
Þetta hefur verið mögulegt allt frá
stofnun vefsins fyrir fimm árum, seg-
ir í tilkynningu.
Markmiðið með þessu var frá upp-
hafi að auðvelda foreldrum leitina að
dagforeldri eða barnapíu fyrir barnið
sitt og að gefa þeim sem bjóða upp á
barnagæslu tækifæri til að láta vita af
sér.
„Frá því að Barnaland.is fór í loftið
árið 2000 hefur fjöldi foreldra fundið
dagforeldra gegnum vefinn og fjöldi
dagmæðra og dagforeldra hefur ver-
ið á skrá frá upphafi,“ segir í tilkynn-
ingu frá Barnalandi. Stjórnendur
Barnalands minna á að val á dagfor-
eldri er alltaf á ábyrgð foreldra.
Dagforeldrar
auglýsa ókeypis