Morgunblaðið - 28.01.2006, Blaðsíða 8
8 LAUGARDAGUR 28. JANÚAR 2006 MORGUNBLAÐIÐ
FRÉTTIR
Gjörið svo vel, heiðursgestur sýningarinnar, umhverfisráðherra Íslands.
Umræða hefurvaknað um öryggií þungaflutning-
um hér á landi í kjölfar
tveggja atvika í síðustu
viku þar sem litlu mátti
muna að illa færi. Á
þriðjudag losnaði stál-
blokk, sem notuð er sem
ballest fyrir krana, af
flutningabíl þegar hann
nauðhemlaði, með þeim
afleiðingum að stálblokkin
féll á fólksbíl. Þá losnaði
illa festur farmur af timb-
urflutningabíl á fimmtu-
dag. Mildi þótti að ekki fór
verr í bæði skiptin, en þeir sem
hafa að gera með umferðareftirlit
telja þetta vera alvarlega áminn-
ingu um að gangskör þurfi að gera
að því að auka öryggi og bæta
vinnubrögð við þungaflutninga.
Eftir að strandflutningar lögð-
ust af hafa þungaflutningar á veg-
um aukist gífurlega og allnokkur
nýliðun verið í stétt ökumanna.
Álag er mikið á ökumenn og verk-
efnin mörg, enda mikil umsvif í
byggingaframkvæmdum á höfuð-
borgarsvæðinu og víðar. Álagið á
vegi hefur einnig aukist til muna
og slit á þeim samfara því.
Viðmælendur Morgunblaðsins
eru sammála um að algengara sé
að einyrkjar og stakir verktakar,
sem standa utan stærri flutninga-
fyrirtækja, séu almennt kæru-
lausari með frágang og umgengni
við farma sína. Slys verði oftar við
efnisflutninga en vöruflutninga.
Hjá flutningafyrirtækjunum virð-
ist betur hugað að öryggisatriðum
hvað þennan akstur varðar. Velta
megi vöngum um hvort aukin eft-
irspurn eftir vörubílstjórum til
þessara flutninga hafi valdið inn-
streymi óreyndari bílstjóra með
tilheyrandi tilslökunum á öryggis-
áherslum. Sigurður Hauksson,
deildarstjóri leyfisveitinga hjá
Vegagerðinni, telur ekki nægan
aga eða vönduð vinnubrögð ríkja
við flutninga. Ökumenn hafi und-
anfarið sýnt kæruleysi í meðferð
farma. „Svona hlutir gerast af því
að menn mæla ekki farminn og
ganga ekki nógu vel frá honum,“
segir Sigurður og bætir við að
svona ástand komi nokkuð reglu-
lega upp. „Þetta kallar á agaðri
vinnubrögð við flutninga, almennt
séð. Það þyrfti að herða kröfurnar
í meiraprófskennslunni.“
Sigurður segir hraðatakmark-
anir vera innbyggðar í flutninga-
bíla, en þær komi í veg fyrir að
þeir komist yfir 100 km hraða á
klst. „Það skiptir þó ekki öllu máli
í þessum tilvikum, þar sem bíl-
stjórar missa stjórn á farminum,
þar er bara um að kenna kæru-
leysi, sem þarf að taka á með öfl-
ugri fræðslu.“
Öflugt eftirlit og símenntun
Á vegum Vegagerðarinnar er
haldið uppi hefðbundnu vegaeft-
irliti og sinna fjórir bílar því. Bíl-
unum hefur ekki fjölgað frá því
strandflutningar lögðust af, en
Stefán Erlendsson, forstöðumað-
ur lögfræðideildar hjá Vegagerð-
inni, segir að með aukinni umferð
nýtist eftirlitið betur.
Stefán segir eftirlitsmenn allt
of oft verða vara við það úti á veg-
unum að festingum og frágangi á
farmi sé ábótavant. Telur hann
endurmenntun og aukna fræðslu
vera eina leið til að bæta stöðu
mála, en aukið eftirlit og regluleg
átök á því sviði fari einnig vel sam-
an við aukna fræðslu. „Vegagerð-
in hefur ekki haft þetta hlutverk
hingað til að fylgjast með hleðslu
og frágangi farms, en í nýju frum-
varpi samgönguráðherra, sem
hann hefur lagt fyrir Alþingi, er
Vegagerðinni heimilað að hafa
líka eftirlit eftir þeim þætti, sam-
hliða þungaeftirliti og öðru eftir-
liti sem það hefur með höndum í
dag. Hleðslan og frágangurinn
fara hins vegar ekki fram hjá okk-
ar eftirlitsmönnum og þeir benda
á það sem miður fer þó þeir hafi
ekki það hlutverk að framfylgja
þessum reglum.“
Guðmundur Arnaldsson, fram-
kvæmdastjóri Landvara, félags
íslenskra vöruflytjenda, segir
ekki saman að líkja vöru- og efn-
isflutningum, en í flestum þeim
slysum sem hafi verið áberandi
undanfarin ár hafi verið um að
ræða slys við efnisflutninga. „Þeg-
ar slys á stórum bílum eru tekin
saman er miklu meira um að ræða
einstaklinga og verktaka sem eru
á eigin vegum, en ekki ökumenn á
vegum vöruflutningafyrirtækja,“
segir Guðmundur og bætir við að
þeir ökumenn sem starfi hjá vöru-
flutningafyrirtækjum hafi yfir-
leitt umtalsverð réttindi og þjálf-
un þótt vissulega lendi þeir í
slysum eins og aðrir, en það sé
mun sjaldgæfara.
Ítarleg reglugerð er í gildi um
merkingar og frágang á farmi. Að
sögn Einars Magnúsar Magnús-
sonar, upplýsingafulltrúa Umferð-
arstofu, er algert grundvallaratriði
að bílstjórar kynni sér reglurnar
og fari eftir þeim áður en lagt er af
stað. Umferðarstofa setti af stað
átak í haust þar sem athygli var
vakin á reglunum. Bráðlega verður
bætt um betur og enn ítarlegri og
öflugri herferð farin fyrir öryggi
farma og vegfarenda. „Yfirleitt eru
menn til fyrirmyndar hvað þetta
varðar, en því miður eru alltaf
nokkrir sem keyra á einhverjum
séns eða heppni og komast mis-
langt á því, yfirleitt með skelfileg-
um afleiðingum,“ segir Einar.
Fréttaskýring | Öryggi þungaflutninga
í umferðinni er ábótavant
Bæta þarf
vinnubrögð
Tryggja þarf að farmur hreyfist ekki.
Brýnt er að tryggja vel ör-
yggi og festingar farmsins
Á heimasíðu Umferðarstofu
www.us.is má finna tengil á regl-
ur varðandi frágang og merk-
ingu farms og eru ökumenn
hvattir til að kynna sér þær
vandlega. Í stuttu máli er ætlast
til þess að menn gangi þannig frá
farmi að hann hreyfist ekki til,
jafnvel þó að ekið sé rösklega í
beygjur eða ökumaður þurfi að
hemla skyndilega.
Eftir Svavar Knút Kristinsson
Svavar@mbl.is
Vöxtur í framkvæmdum og starfsemi hef-
ur leitt til fjölgunar verktaka
URRIÐAHOLT
GARÐABÆR
www.gardabaer.is
URRIÐAHOLT ehf.
Á NÝJU BYGGINGARLANDI Í GARÐABÆ
Hugmyndir að nýjum skipulagstillögum fyrir Urriðaholt verða kynntar
í hátíðarsal Flataskóla v/Vífilstaðaveg
kl. 11.00 - 13.00 í dag, laugardaginn 28. janúar
Dagskrá:
kl. 11.00 - 12.00
Ávarp bæjarstjóra
Kynning ráðgjafa á nýjum skipulagshugmyndum
kl. 12.00 - 13.00
Veggspjöld með skipulagshugmyndum;
forsvarsmenn bæjarins og ráðgjafar verða
til skrafs og ráðagerða
Léttar veitingar í boði í hádeginu
Frekari upplýsingar um verkefnið má nálgast á
www.urridaholt.is
Við viljum heyra hver er skoðun
ykkar við mótun skipulags
KYNNING Opið hús í dag
í h j a r t a h ö f u ð b o r g a r s v æ ð i s i n s
ÍS
LE
N
SK
A
A
U
G
L†
SI
N
G
A
ST
O
FA
N
E
H
F.
/S
IA
.I
S
-
TH
E
30
98
6
0
1/
20
06
ÁSKRIFTARDEILD netfang: askrift@mbl.is, sími 569 1122