Morgunblaðið - 28.01.2006, Blaðsíða 14

14 LAUGARDAGUR 28. JANÚAR 2006 MORGUNBLAÐIÐ
VIÐSKIPTI/ATHAFNALÍF
Hýrnar yfir
hjónaböndum?
á morgun

Samkynhneigðir og fjölskyld-
ur þeirra fylgjast með um-
ræðum kirkjunnar og sam-
félagsins um réttindi þeirra.
FJÁRMÁLAFYRIRTÆKIÐ Alm.
Brand í Danmörku hefur nú ákveðið
að leita réttar síns fyrir dómstólum
til þess að koma í veg fyrir að sjö
fyrrum starfsmenn þess hefji störf
hjá FIH Erhvervsbank, sem er í
eigu Kaupþings.
„Við höfum farið fram á úrskurð
um lögbann við því að Brian Kudsk,
fyrrum bankastjóri okkar, og sex
aðrir háttsettir starfsmenn geti hafið
störf hjá FIH Erhvervsbank næstu
þrjú árin. Við höfum um leið stefnt
FIH fyrir dómstóla og krefjumst
þess að bankinn ráði ekki þessa
sömu starfsmenn á sama tímabili.
Þetta er afar óvenjulegt mál. Við höf-
um vitaskuld farið mjög vel yfir lög-
fræðilegar hliðar þess og teljum okk-
ur vera með sterkt mál í höndunum,“
hefur Berlingske Tidende eftir Hen-
rik Nordam, forstjóra Alm. Brand.
Lars Johansen, forstjóri FIH,
sagðist í samtali við Morgunblaðið
ekki hafa nokkrar áhyggjur vegna
þessara viðbragða Alm. Brand.
„FIH réð einfaldlega þessa starfs-
menn til sín eins og hverja aðra
starfsmenn og það voru ekki nein
sérstök samkeppnisákvæði í ráðn-
ingarsamningum þeirra við Alm.
Brand. Þannig að ég á enga von á því
að dómstólar muni taka mark á þess-
ari kröfu,“ sagði Lars Johansen.
Forsaga málsins er sú að um ára-
mótin sögðu átján starfsmenn verð-
bréfasviðs Alm. Brand upp störfum,
eða um helmingur af mannafla deild-
arinnar, og réðu sig til FIH sem
stefnir að því að hasla sér völl í verð-
bréfaskiptum í ár. Þetta vakti mikla
athygli í viðskiptaheiminum í Dan-
mörku enda mun það vera algerlega
óþekkt þar að svo margir starfsmenn
eins fjármálafyrirtækis hafi verið
„keyptir“ af öðru fjármálafyrirtæki.
FIH vildi kaupa verðbréfadeild
Alm. Brand í heilu lagi
Raunar kemur fram í grein í Berl-
ingske Tidende að hausaveiðifyrir-
tækið Egon Zehnder hafi strax síð-
asta sumar haft samband við Brian
Kudsk, framkvæmdastjóra verð-
bréfaviðskipta Brand, sem varð síð-
an til þess að viðræður hófust á milli
FIH og Brand um að FIH myndi
kaupa verðbréfasvið Brand í heilu
lagi. Þær viðræður munu hins vegar
hafa strandað á kröfu FIH um að
Alm. Brand gæfi loforð um það að
stunda ekki verðbréfaviðskipti í
framtíðinni.
Lars Johansen staðfestir að FIH
hafi viljað kaupa verðbréfasvið Alm.
Brand og boðið gott verð en hafi auð-
vitað þurft að fá tryggingu fyrir því
að félagið hæfi ekki verðbréfavið-
skipti strax aftur enda ekkert vit í
kaupunum nema sú trygging lægi
fyrir.
Niðurstaðan varð síðan að Kudsk
og 17 aðrir starfsmenn Brand sögðu
upp og tilkynntu að þeir hefðu ráðið
sig til FIH.
FIH stefnt vegna ráðninga
starfsmanna Alm. Brand
Eftir Arnór Gísla Ólafsson
arnorg@mbl.is
Hausaveiðarar Danska fjármálafyrirtækið Alm. Brand þurfti að sjá á eftir
fjölda starfsmanna sinna eftir að hausaveiðarar nældu í þá fyrir FIH.
ÚR VERINU
FRYSTITOGARINN Örvar HU frá Skaga-
strönd hefur landað ísfiski til vinnslu á Sauð-
árkrók frá því í haust og gengið vel. Vélin í
Hegranesinu SK frá Sauðárkróki hrundi er
skipið var á veiðum fyrir austan land í lok
sumars og eftir miklar vangaveltur meðal yf-
irmanna FISK Seafood á Sauárkróki, hvort
gera ættu upp vélinna var ákveðið að gera það
ekki.
Að sögn Gísla Svan Einarssonar, útgerð-
arstjóra FISK Seafood er Hegranesið þrjátíu
ára gamalt skip og „nú fyrirséð að við end-
urnýjum það ekki.“
Það var því ákveðið að taka Örvar í það
verkefni að veiða ísfisk fyrir landvinnsluna í
vetur. „Það er gert ráð fyrir að Örvar fari aft-
ur til grálúðuveiða í vor, en allt snýst þetta um
hagræðingu og að taka kvótann á færri skip
og við teljum að þessi leið komi best út fyrir
starfsmennina og fyrirtækið,“ sagði Gísli.
Morgunblaðið/Kristinn Benediktsson
Frystitogarinn Örvar HU á ísfiski
VERÐ á sjávarafurðum lækkaði í desem-
bermánuði um 0,5% frá mánuðinum á undan
mælt í erlendri mynt (SDR). Þetta kemur
fram í tölum Hagstofunnar. Afurðaverð er
nú sögulega hátt mælt í erlendri mynt.
Þannig var afurðaverðið 5,1% hærra í des-
ember miðað við sama tíma á árinu 2004.
Frá þessu er einnig greint í Morgunkorni
Íslandsbanka og segir þar svo: „Lækkunin í
desember var fyrsti mánuðurinn í sex mán-
uði sem afurðaverð lækkar en hafði hækkað
sex mánuði í röð þar á undan. Hátt af-
urðaverð kemur sér vel fyrir sjávarútvegs-
fyrirtækin í því annars óhagstæða rekstr-
arumhverfi sem þau búa við vegna mjög hás
gengis krónunnar og hás olíuverðs.
Afurðaverð í desember mælt í íslenskum
krónum hækkaði um 2,8% frá mánuðinum á
undan. Síðastliðið ár hefur afurðaverð í ís-
lenskum krónum þó lækkað lítillega en sé
miðað við desember 2004 nemur lækkunin
0,7%. Gengishækkun krónunnar hefur því
rýrt myndarlega hækkun afurðaverðs á
mörkuðum erlendis á árinu 2005.
Af einstökum tegundum lækkaði verð á
sjófrystum botnfiskafurðum, mælt í erlendri
mynt, um 1,2% í desember. Þrátt fyrir lækk-
unina á milli mánaða eru sjófrystar botnfisk-
afurðir nú 22,5% verðmeiri en í desember
2004. Landfrystar botnfiskafurðir lækkuðu
einnig í verði, eða um 0,9% í desember, en
verðið er 7% hærra en í desember 2004.
Verð á frosinni síld lækkaði um 2,4% á milli
mánaða og hefur lækkað um 5,6% á árinu
2005 miðað við desember 2004, mælt í er-
lendri mynt. Loks lækkaði verð á mjöli um
1,2% á milli mánaða en er þó enn mjög hátt
miðað við undanfarin ár því sé miðað við
desember 2004 hefur mjölverð hækkað um
12,9%.
Verð á sjávarafurðum
lækkaði í desember
FASTEIGNAFÉLAGIÐ Landsafl,
sem er í eigu Landsbankans og
Straums-Burðaráss, skilaði 1.669
milljóna króna hagnaði af rekstri
síðasta árs eftir skatta og að teknu
tilliti til matsbreytinga eigna.
Hagnaður fyrir afskriftir og fjár-
magnsliði (EBITDA) nam 626
milljónum króna, samanborið við
560 milljónir króna árið áður.
Samkvæmt efnahagsreikningi í
árslok 2005 námu heildareignir fé-
lagsins 14,4 milljörðum króna og
bókfært eigið fé nam 4.798 millj-
ónum króna. Eiginfjárhlutfall var
því 33%. Horfur í rekstri félagsins
á árinu 2006 eru ágætar, segir í
tilkynningu til Kauphallarinnar.
Markmið eiganda félagsins á árinu
er að stækka og efla það til muna.
Landsafl hefur yfir að ráða sam-
tals um 122 þúsund fermetrum af
skrifstofu- og verslunarhúsnæði,
iðnaðarhúsnæði, vörugeymslum
o.fl. Viðskiptavinir félagsins eru
m.a. ríki og sveitarfélög, félög
skráð í Kauphöll Íslands og fleiri
stór og smá fyrirtæki. Landsafl á
helming í eignarhaldsfélaginu Por-
tusi á móti Nýsi hf., en það félag
átti lægsta boð í fyrirhugað ráð-
stefnu- og tónlistarhús við austur-
höfnina í Reykjavík. Portus á nú í
viðræðum við verkkaupa, Austur-
höfn–TR, um framkvæmd verks-
ins.
Hagnaður Lands-
afls 1,7 milljarðar
Dýrara að ferðast
með farangur
ÞEIR sem ætla að ferðast með Ryan-
air eftir 16. mars næstkomandi gætu
þurft að borga sérstaklega fyrir að
tékka inn farangur sinn. Verðið verð-
ur ríflega 3,5 evra fyrir hvert stykki
af farangri en það jafngildir um þrjú
hundruð krónum. Ekkert þarf að
greiða fyrir handfarangur en þeir
sem ferðast eingöngu með handfar-
angur mega eiga von á að miðaverð
lækki um allt að 9%. Frá þessu greinir
BBC.
Um er að ræða nýjustu áætlun fé-
lagsins til þess að draga úr kostnaði
en markmiðið er að hvetja farþega til
þess að ferðast eingöngu með hand-
farangur. Það felst mikill sparnaður í
því fyrir félagið að fljúga ekki með
þungar ferðatöskur, bæði er eldsneyt-
isneysla vélanna meiri en jafnframt
þarf að borga þónokkrar fjárhæðir
fyrir farangursþjónustu á flugvöllum.