Morgunblaðið - 28.01.2006, Blaðsíða 27
MORGUNBLAÐIÐ LAUGARDAGUR 28. JANÚAR 2006 27
MINNSTAÐUR
Reykjanesbær | „Við erum ánægð
með starfið en viljum gera enn bet-
ur. Á þessu sviði eru sóknarfæri,“
segir Jóhann B. Magnússon, for-
maður Íþróttabandalags Reykjanes-
bæjar (ÍRB), sem stendur fyrir at-
hyglisverðu forvarnarverkefni í
samvinnu við Reykjanesbæ og
Íþrótta- og ólympíusamband Ís-
lands. Það felst í því að fræða þjálf-
ara barna og unglinga og stjórn-
arfólk íþróttafélaganna og gera það
betur hæft til að fást við óvænt atvik
sem upp geta komið hjá iðkendum.
Jóhann segir að íþróttastarfið hafi
mikið forvarnar- og uppeldisgildi.
Þar komi upp ýmis mál, eins og í
skólanum og á heimilinu, sem þjálf-
arar þurfi að fást við. Nefnir Jóhann
einelti, neyslu ólöglegra efna og al-
menna vanlíðan iðkenda. „Þjálf-
ararnir þekkja ekki alltaf einkenni
þessara vandamála og því þarf koma
upp skipulagðri fræðslu og stoðkerfi
til að aðstoða þá við það. Þá þarf
einnig að koma á betri tengslum
milli íþróttahreyfingarinnar, félags-
málayfirvalda og skólanna því sömu
einstaklingarnir og eru í íþróttunum
eru kannski til meðferðar þar,“ segir
Jóhann.
Námskeið og
leiðbeiningabæklingar
ÍRB setti á fót starfshóp með
fulltrúum ÍSÍ, Reykjanesbæjar og
Lögreglunnar í Keflavík sem hefur
unnið að undirbúningi þessa for-
varnaverkefnis.
Skipulögð hafa verið þrjú nám-
skeið, útgáfa leiðbeiningabæklings
og útgáfa samræmds ráðningar-
samnings við barna- og unglinga-
þjálfara. ÍRB hefur fengið 400 þús-
und króna styrk úr forvarnasjóði
Reykjanesbæjar til að standa undir
kostnaði við verkefnið og er það
hæsti styrkurinn sem veittur er úr
sjóðnum að þessu sinni.
Fyrsta námskeiðið snýst um þjálf-
arann sem fyrirmynd og samskipti
þjálfara við iðkendur og foreldra.
Annað námskeiðið fjallar um til-
ganginn með barna- og unglinga-
starfi íþróttafélaga. Meðal annars
mat á starfinu og hvað teljist árang-
ur. ÍSÍ hefur tekið að sér að annast
bæði þessi námskeið. Þriðja nám-
skeiðið fjallar síðan um það að
greina óæskilega hegðun auk þess
sem tekið er á þáttum eins og einelti,
neyslu iðkenda og vanlíðan. „Ég
spyr mig að því hvort við séum svo
upptekin við að þjálfa krakkana til
að ná árangri að við gleymum því að
setjast niður og ræða við þau al-
mennt um líðan þeirra,“ segir Jó-
hann um síðast talda námskeiðið.
Leiðbeiningabæklingarnir fjalla
um það hvenær og hvert þjálfarar
barna og unglinga í Reykjanesbæ
geta leitað með ýmis vandamál sem
upp koma og þar er leitast við að
veita leiðbeiningar um greiningu
áhættuhegðunar. „Þetta er liður í
því að koma á skilvirku stoðkerfi fyr-
ir þjálfara. Reykjanesbær hefur tek-
ið að sér að veita þá þjónustu. Þjálf-
ararnir geta samkvæmt viðmiðunum
sem fram koma í þessum bæklingum
snúið sér til sérfræðinga á vegum
bæjarins,“ segir Jóhann.
Þjálfarinn gegnir
lykilhlutverki
Þriðja atriðið, útgáfa forms fyrir
samræmdan grunnráðningarsamn-
ing íþróttafélags við þjálfara barna
og unglinga, er hugsað til að skerpa
á uppeldishlutverki þjálfara. Hann
sé ekki aðeins að kenna færni í
íþróttinni heldur sinni hann einnig
mikilvægu hlutverki í uppeldi iðk-
endanna almennt. Samningur þessi
getur orðið hluti heildarsamnings
milli íþróttafélags og þjálfara.
Verkefnið miðar mikið að því að
aðstoða þjálfara við að sinna þessu
hlutverki sínu en Jóhann segir að
stjórnarfólki verði einnig boðið að
taka þátt enda móti það stefnuna og
ráði þjálfarana. „En þjálfararnir
gegna lykilhlutverki, alveg á sama
hátt og kennari í sinni skólastofu.
Við erum heppin hér í Reykjanesbæ
að eiga mikið af góðum og reynslu-
miklum þjálfurum. Námskeiðin eru
jafnframt hugsuð sem umræðuvett-
vangur og með því að þeir miðli af
þekkingu sinni og reynslu öðlumst
við vonandi dýpri skilning á þessum
málum,“ segir Jóhann.
Nýtist öðrum félögum
Jóhann hefur starfað sem grunn-
skólakennari og við útideild. Þá var
hann keppnismaður í knattspyrnu
með Keflavík í mörg ár. Hann starf-
ar nú sem verkefnisstjóri hjá Kögun
á Keflavíkurflugvelli og vinnur þar
meðal annars að skiplags- og þróun-
arverkefnum. Þá má nefna að hann
hefur lokið stjórnunarnámi við
Kennaraháskóla Íslands og er langt
kominn með meistaranámi við fram-
haldsdeild skólans. Segja má að öll
störf og áhugamál Jóhanns komi
saman í þessu forvarnarverkefni.
„Það hefur verið mikil samstaða
meðal íþróttfélaganna hér í Reykja-
nesbæ um að bæta starfið. Við vor-
um fyrst íþróttafélaganna í landinu
að fara í gegnum verkefnið Fyr-
irmyndarfélag – Fyrirmyndardeild
sem ÍSÍ stóð fyrir og vorum þar
ákveðnir brautryðjendur. Við lítum
á þetta verkefni með sama hætti. ÍSÍ
er mjög áhugasamt um það og hefur
áhuga á að afrakstur þess verði að-
gengilegur öðrum félögum,“ segir
Jóhann. „Ég er mjög stoltur af því
fólki sem starfar innan í íþrótta-
hreyfingarinnar í Reykjanesbæ.
Þetta er metnaðarfullt fólk sem vill
sífellt vera að bæta sitt frábæra
starf,“ bætir hann við.
Íþróttabandalag Reykjanesbæjar vinnur að forvarnarverkefni með þjálfurum barna og unglinga
„Þarf að koma
upp stoðkerfi
fyrir þjálfara“
Morgunblaðið/Helgi Bjarnason
Forvarnir Reynslan úr starfi og félagsmálum kemur Jóhanni B. Guðmunds-
syni til góða við skipulagningu forvarnarverkefnis ÍRB.
Eftir Helga Bjarnason
helgi@mbl.is
SUÐURNES
Sandgerði | Gatnaframkvæmdir
eru hafnar í Hólahverfi, nýju íbúð-
arhverfi í Sandgerði. Reynir
Sveinsson bæjarfulltrúi fékk það
hlutverk að taka fyrstu skóflu-
stunguna og notaði við það þrjátíu
tonna gröfu.
Í Hólahverfi verða 64 íbúðir í
parhúsum og einbýlishúsum. Búið
er að úthluta öllum lóðum og fengu
ekki allir sem vildu. Áætlað er að
væntanlegir húsbyggjendur geti
hafið framkvæmdir á næstu vikum.
Það er A. Pálsson, verktaki í
Sandgerði, sem sér um gatnagerð-
ina í hinu nýja hverfi. Það verður
tengt Ofanbyggðavegi sem A. Páls-
son hefur lokið við að leggja að
hluta, en sá vegur liggur frá veg-
inum til Keflavíkur og kemur til
með að liggja ofan við byggðina í
Sandgerði að Garðvegi. Fyrsti
áfangi, sem nú hefur verið tekinn í
notkun að hluta, liggur að Lækja-
mótahverfi. Kemur vegurinn til
með að létta á allri þungaflutn-
ingaumferð sem hefur verið í gegn-
um eldri íbúðahverfi.
Þar sem mikil eftirspurn hefur
verið eftir byggingalóðum í Sand-
gerði hefur verið hafin hönnun á
þriðja hverfinu sem mun heita
Hólahverfi suður. Þar verður á
næstunni úthlutað 24 lóðum fyrir
einbýlishús og parhús. Í þessum
þremur hverfum verða samtals 156
íbúðir. Sandgerðisbær fór í mark-
aðsátak á síðasta ári til að fjölga
íbúum og nýta þá þjónustu sem fyr-
ir er í bæjarfélaginu. Á liðnu ári
fjölgaði íbúum um 9,8% sem er með
því mesta sem þekkist á landinu.
Hafin gatnagerð í nýju
íbúðarhverfi í Sandgerði
Morgunblaðið/Reyni Sveinsson
Stækkun Gatnagerð er hafin í nýju Hólahverfi í Sandgerði.
Hugmyndasamkeppni um nöfn |
Reykjanesbær óskar eftir tillögum
frá íbúum um nöfn á íþróttasvæðið of-
an Reykjaneshallar og á þjónustu-
svæði fyrir eldri borgara á íþrótta-
völlum Njarðvíkinga. Hafnar eru
framkvæmdir við framtíðarsvæði
íþrótta og útivistar í Reykjanesbæ of-
an Reykjaneshallar. Þar verða knatt-
spyrnuæfingasvæði Njarðvíkur og
Keflavíkur, auk körfuboltavalla, aðal-
knattspyrnuleikvangs Reykjanes-
bæjar með stúku sem tengist Reykja-
neshöll og frjálsíþróttasvæðis.
Á þjónustusvæði fyrir eldri borg-
ara, sem rísa mun þar sem núverandi
knattspyrnusvæði UMFN er í dag, er
gert ráð fyrir fjölbreyttri byggð með
hjúkrunarheimili, félags- og þjón-
ustumiðstöð, öryggisíbúðum, raðhús-
um og fjölbýli fyrir eldri borgara. Á
vef Reykjanesbæjar, www.rnb.is, er
auglýst eftir tillögum íbúa að heitum
á þessi svæði. Þá er óskað eftir ábend-
ingum um örnefni sem tengjast þess-
um svæðum.
Síðumúla 34 - sími 568 6076
Ýmislegt áhugavert
fyrir safnara
Ýmislegt áhugavert fyrir safnara
Borðstofuhús ögn
Stakir skápar
Virkjum velferðina
– í þágu allra
– til að auka jöfnuð í Reykjavík
– til að fólk geti búið við öryggi
– til að samfélagið njóti góðs af
í 3.–4. sæti
veljum
www.bjorkv.is
Kosningaskrifstofa á Skólavörðuholtinu
Lokastíg 28, sími 551 2859, bjork@reykjavik.is, opið kl. 15-19.
Opið prófkjör Samfylkingarinnar og óháðra 11.–12. febrúar 2006.