Morgunblaðið - 28.01.2006, Blaðsíða 76
ÁSKRIFT-AFGREIÐSLA 569 1122 LAUGARDAGUR 28. JANÚAR 2006 VERÐ Í LAUSASÖLU 220 KR. MEÐ VSK.
Opið 8-24 alladaga
í Lágmúla og Smáratorgi
„ÉG hef á tilfinningunni að
færri og færri Íslendingar
borði þorramat og þá er það
fyrst og fremst lykt og útlit
sem fæla fólk frá,“ segir Jón
Sigurðsson, matreiðslunemi
á Grillinu á Hótel Sögu, sem
matreiddi þorramat á alveg
splunkunýjan hátt fyrir mat-
arblaðið M, sem fylgir Morg-
unblaðinu í dag. „Hefðirnar í
tengslum við matinn á þorr-
anum eru dálítið heilagar,
rétt eins og skatan á Þor-
láksmessu. En það er mis-
skilningur að það verði að bera þorramat fram alveg eins
og amma og afi fengu hann, í fullu trogi af súrmeti. Þótt
við hróflum við matarhefð þurfum við ekki að breyta öllu
heldur taka eitt og eitt atriði og færa það í nútímalegri
búning svo yngri kynslóðir geti notið þorrans betur.“
Hunangsristuð lifrar-
pylsa og confit-sviðasalat
Morgunblaðið/Ásdís
Jón Sigurðsson í eldhúsinu á Grillinu á Hótel Sögu.
Sviðasalat – confit-eldað.
Morgunblaðið/Arnaldur
HLUTUR Íslands í heimsframleiðslu á
áli gæti orðið 3,5–4%, gangi áform um
stækkun álvers í Straumsvík og ný álver
á Suðurnesjum og á Norðurlandi eftir,
að sögn Þórðar Friðjónssonar, fram-
kvæmdastjóra Kauphallar Íslands, sem
hélt erindi á ráðstefnunni Orkulindin Ís-
land í gær. Þórður benti á að á næsta ári
yrði framleiðslugeta hér á landi tæp
800.000 tonn af áli og yrðu áðurnefndar
hugmyndir að veruleika kynni hún að
komast í tæplega 1.500 þúsund tonn
nokkrum árum síðar.
Þórður sagði að miðað við áætlanir um
álframleiðslu á næsta ári gæti Ísland þá
þegar komist í hóp tíu til tólf stærstu ál-
framleiðsluríkja í heimi. Á sama ári gæti
Ísland orðið sjötta eða sjöunda stærsta
álútflutningsríki heims.
Álfyrirtækin slá engu föstu
Talsmenn álfyrirtækjanna eru þó hinir
rólegustu og vilja ekki slá neinu föstu
um stækkanir sunnanlands eða norðan.
Rannveig Rist, forstjóri Alcan á Íslandi,
segir að ekki sé búið að taka ákvörðun
um stækkun álversins í Straumsvík.
„Það eina sem hefur gerst nú er að
Landsvirkjun hefur ákveðið að tala við
okkur ein um þessa orku og ekki við
aðra meðan á viðræðum stendur,“ segir
hún í samtali við Morgunblaðið.
Ragnar Guðmundsson, framkvæmda-
stjóri fjármála- og stjórnunarsviðs Norð-
uráls, segir að verði af byggingu álvers í
Helguvík verði það byggt í áföngum,
sem ráðist af því hvernig gangi að afla
orku til álversins. Gangi allt að óskum sé
gert ráð fyrir að mögulegt verði að hefja
starfrækslu fyrsta áfanga árið 2010 og
reynt að ljúka byggingu álversins á
fimm ára tímabili.
Erna Indriðadóttir, verkefnisstjóri
samfélags- og upplýsingamála hjá Alcoa-
Fjarðaáli, segir að 1. mars næstkomandi
verði tekin ákvörðun um hvort haldið
verði áfram vinnu við staðarval álvers á
Norðurlandi og þá á hvaða stað. Erna
segir engan einn stað fyrir norðan „heit-
ari“ en annan á þessu stigi málsins.
Fram kom í máli Gylfa Arnbjörns-
sonar, framkvæmdastjóra ASÍ, á ráð-
stefnunni í gær að mikill stöðugleiki
væri í starfsmannahaldi hjá álverum hér
á landi, meðalstarfsaldur hjá Alcan væri
með því lengsta sem þekktist hér á
landi, eða yfir 15 ár í árslok 2005. Þá
sagði Gylfi að regluleg mánaðarlaun
væru töluvert hærri að meðaltali en
meðallaun verkafólks og iðnaðarmanna á
landinu öllu. Í raun hefði samstarf við
erlenda eigendur álfyrirtækja verið upp-
spretta nýjunga í samstarfi fyrirtækja
og fulltrúa starfsmanna.
4% heimsfram-
leiðslu á áli 2007?
10 og miðopna
SELUR við smábátahöfnina í Hafnarfirði vakti
mikla athygli fólks sem þar hafði safnast saman
seint í gærkvöldi. Selurinn hafði skriðið upp á
land og lék sér þar við fugl að sögn viðstaddra.
Þegar ljósmyndari Morgunblaðsins mætti á stað-
inn til að mynda var fólkið á bak og burt og
sömuleiðis fuglinn en selurinn virtist hins vegar
eiga bágt með að koma sér í sjóinn. Hann tók þó
á sig rögg og reyndi hvað hann gat og komst að
lokum í sjóinn og synti á braut. Þetta sýnir
glöggt að orð íþróttaálfsins eiga við rök að styðj-
ast: Aldrei að gefast upp!
Morgunblaðið/Kristinn
Selur í smábátahöfninni
BAUGSMÁLINU, þ.e. þeim hluta sem er til með-
ferðar fyrir héraðsdómi, var skipt upp í gær sam-
kvæmt ákvörðun dómenda þrátt fyrir mótmæli sak-
flytjenda. Aðalmeðferð í ákæruliðum 33 til 36 í
málinu var ákveðin dagana 9. og 10. febrúar nk. en
viðkomandi ákæruliðir varða mál tveggja endur-
skoðenda sem ákærðir eru fyrir brot á lögum um
ársreikninga. Óvíst er enn hvenær liðir 37 til 40
verða teknir fyrir, verjendur krefjast þess að málið
verði allt tekið fyrir sömu daga en settur saksóknari
vill frest þar til í byrjun mars. Dómendur gáfu sér
tíma fram yfir helgi til að úrskurða um það. Kom
þetta fram í Héraðsdómi Reykjavíkur í gær þegar
fyrirtaka þeirra átta ákæruliða sem eftir standa í
málinu fór fram.
Málið stórt í sniðum
Settur saksóknari, Sigurður Tómas Magnússon,
óskaði eftir því að aðalmeðferð yrði frestað þar til í
mars, eða þar til athugun á því hvort ákært verði að
nýju í hinum ákæruliðunum 32 er lokið. Saksóknari
benti á að málið væri mjög stórt í sniðum, að gagna-
öflun væri ekki lokið og enn væri beðið eftir mats-
gerð sem ætti að vera tilbúin fyrir 23. febrúar. Verj-
endur mótmæltu og óskuðu þess að málið yrði ekki
tafið enn frekar en nú hefur verið gert og aðal-
meðferð færi fram í febrúar.
Þrátt fyrir mótmæli saksóknara og verjenda
ákváðu dómendur að skipta málinu upp, samkvæmt
heimild í lögum um meðferð opinberra mála.
Baugsmálinu skipt upp í dómi
Deilt um tímasetningar
aðalmeðferðar
Málið klofið | 6
Eftir Andra Karl
andri@mbl.is
VELTA sjálfstætt starfandi þýð-
enda og túlka hér á landi hefur vax-
ið um 34% á ári að meðaltali á ár-
unum 1997 til 2004. Fyrra árið var
veltan tæpar 76 milljónir og hið síð-
ara rúmar 208 milljónir. Gefur
þetta ágæta vísbendingu um síauk-
ið umfang þýðingastarfsemi í land-
inu, að mati Gauta Kristmanns-
sonar þýðingafræðings.
„Þetta er þó aðeins brot af því
sem starfað er á þessum vettvangi
því að fjölmörg fyrirtæki og fjár-
málastofnanir eru með starfsmenn
sem annast þetta að einhverju leyti.
Einnig er mikið um viðskipti við er-
lendar þýðingastofur sem síðan
kaupa þjónustu hér á landi,“ segir
Gauti í grein í Lesbók í dag.
Á sama tíma segja bókaútgef-
endur að verulega hafi dregið úr
sölu þýddra fagurbókmennta, eins
og fram kemur í grein eftir Ástráð
Eysteinsson í Lesbók.
Í lýsingu Sjálfstæðisflokks á
stefnu sinni í þýðingarmálum kem-
ur fram að stefnt sé að því að stofn-
uð verði bókmenntamiðstöð sem
m.a. tæki við verkefnum núverandi
Bókmenntakynningarsjóðs, sem
yrði sameinaður Menningarsjóði og
Þýðingarsjóði. | Lesbók
Þýðinga-
starf eykst
stöðugt
HAGNAÐUR Landsbanka Ís-
lands eftir skatta nam 25 millj-
örðum króna á árinu 2005 sam-
anborið við 12,7 milljarða á
árinu 2004. Hagnaður fyrir
skatta og virðisrýrnun við-
skiptavildar nam 33,8 millj-
örðum króna samanborið við
14,5 milljarða króna á árinu
2004. Arðsemi eigin fjár eftir
skatta var 46% á árinu.
Besta afkoman til þessa
Í tilkynningu bankans segir
að aukning hreinna vaxtatekna
og þjónustutekna endurspegli
aukna grunntekjumyndun
samstæðunnar. Þannig hafi
þessir liðir aukist um 16,1 millj-
arð króna eða 68% milli ára og
námu þeir 39,7 milljörðum
króna. Til samanburðar námu
hreinar vaxtatekjur og þjón-
ustutekjur 15,4 milljörðum
króna fyrir allt árið 2003.
„Afkoma bankans á árinu
2005 er sú besta í sögu hans,“
segir Sigurjón Árnason, banka-
stjóri Landsbankans.
„Efnahagsreikningur bank-
ans hefur stækkað um tæpa
670 milljarða króna eða 91% á
árinu og hefur Landsbankinn
þá sérstöðu að vöxturinn bygg-
ist nánast alfarið á innri vexti,“
segir Sigurjón. | 18
Landsbanki
tvöfaldar
hagnaðinn