Morgunblaðið - 05.02.2006, Blaðsíða 4

4 SUNNUDAGUR 5. FEBRÚAR 2006 MORGUNBLAÐIÐ
FRÉTTIR
REYKJAVÍKURBORG hefur
ákveðið að efna til útboðs vegna lóða
í landi Úlfarsárdals, sem er nýtt
íbúðasvæði í suðurhlíðum Úlfarsfells
og inn eftir Úlfarsárdal.
Í fullbyggðu hverfi er gert ráð fyr-
ir 15.000 íbúum. Fyrsti hluti hverf-
isins hefur verið deiliskipulagður og
verður í honum byggð með liðlega
900 íbúðum auk möguleika fyrir
verslun og þjónustu. Þá er gert ráð
fyrir að lóðir í honum verði bygging-
arhæfar í nóvember á þessu ári.
Í fyrsta lóðaútboðinu, sem nú fer
af stað, eru boðnar 120 lóðir fyrir 408
íbúðir. Um er að ræða 24 lóðir fyrir
fjölbýlishús með samtals 225 íbúð-
um, 13 lóðir fyrir raðhús með sam-
tals 57 íbúðum, 43 lóðir fyrir parhús
með 86 íbúðum og 40 lóðir fyrir ein-
býlishús.
Áhersla lögð á sjálfbærni
Meginhugmyndin í skipulagi Úlf-
arsárdals er þéttbyggt miðborgar-
skipulag, líkt og þekkist nú í mörgum
eldri hverfum borgarinnar, t.d.
Norðurmýri, Þingholtunum, miðbæ
og vesturbæ Reykjavíkur.
Hverfið er hannað með sjálfbærni
í huga, blöndu af íbúðar- og atvinnu-
húsnæði þannig að möguleiki mynd-
ist á að sækja vinnu í hverfinu og
þjónusta verði með þeim hætti að
sem minnst þurfi að sækja hana út
fyrir hverfið. Miðað er við sambland
rólegra íbúðahverfa, lifandi breið-
stræti í bland við minni íbúðargötur.
Skólar og þjónusta verða í göngufæri
við íbúðir, útivistarsvæði verða skjól-
góð, líkt og þekkist í eldri hverfum
Reykjavíkur. Þá verður þétt byggð í
samræmi við náttúru og þarfir íbúa
og reynt að ná fjölbreytilegri heild
með hætti sem ekki hefur sést hér á
landi í nýbyggingarhverfum.
Að sögn Dags. B. Eggertssonar,
formanns skipulagsráðs, er afar fal-
legt útsýni til suðurs úr flestum íbúð-
um í hinu væntanlega hverfi, yfir
Reykjavík og á haf út, í hverfi sem
mótast af eðlilegum tengslum milli
borgar og náttúru. Hér sé um að
ræða síðustu suðurhlíðarnar á höf-
uðborgarsvæðinu. „Skipulagið minn-
ir á einhvers konar sambland af
Fossvoginum og Árbæjarhverfinu,“
segir Dagur. „Þetta er byggð sem
lagar sig að á sem rennur niður dal-
inn og það er gert ráð fyrir íþrótta-
og útivistarsvæðum næst ánni. Dal-
verpi Úlfarsárinnar verður varðveitt
en um leið nýtt sem best fyrir þá sem
búa og starfa á svæðinu. Vatnið, fell-
ið, áin og dalurinn mynda einstakan
ramma um svæðið og gera það mjög
eftirsóknarvert til búsetu. Þetta
svæði tryggir líka fjölbreytt húsnæð-
isframboð.“
Tilboð opnuð 16. febrúar
Útboðsskilmálar, tilboðseyðublöð,
deiliskipulagsskilmálar og almennir
lóðaskilmálar verða afhent í sýninga-
skála skipulags- og byggingarsviðs,
Borgartúni 3. Þessi gögn fást endur-
gjaldslaust á geisladiskum eða út-
prentuð gegn 2.500 kr. gjaldi. Þau er
einnig að finna á vef Reykjavíkur-
borgar www.reykjavik.is. Tilboð
verða opnuð 16. febrúar nk.
Reykjavíkurborg verður með útboð vegna uppbyggingar í landi Úlfarsárdals
Gert ráð fyrir 15 þúsund manna byggð
Einhvern veginn svona ætti fyrsti áfangi byggðar í Úlfarsárdalslandi að
líta út, samkvæmt hugmyndum skipulagsyfirvalda.
Eftir Svavar Knút Kristinsson
svavar@mbl.is
BJÖRK Guðmundsdóttir heimsótti
Banda Aceh, nyrstu borgina á Sú-
mötru í Indónesíu, í lok janúar til að
kynna sér verkefni og uppbygging-
arstarf Barnahjálpar Sameinuðu
þjóðanna eftir flóðbylgjuna sem
skall á ströndum landanna við Ind-
landshaf fyrir rúmu ári síðan.
Í Banda Aceh heimsótti Björk
skóla og miðstöðvar fyrir börn, og
kynnti sér hvernig uppbygging-
arstarfið fyrir börnin fer fram, auk
þess að hitta fórnarlömb flóðbylgj-
unnar, segir Hólmfríður Anna Bald-
ursdóttir, upplýsingafulltrúi UNI-
CEF á Íslandi. Aceh-hérað varð
hvað verst úti í hamförunum, og hef-
ur starf UNICEF þar verið um-
fangsmikið.
Björk fór í heimsóknina í kjölfar
þess að hún gaf út sérstakan geisla-
disk með endurhljóðblöndunum af
laginu Army of me í byrjun maí á
síðasta ári, en allur ágóði af disk-
inum rann til neyðaraðgerða UNI-
CEF um allan heim.
Björk er ekki velgjörðarsendi-
herra UNICEF en vonast er til að
ferðin sé byrjun á langtímasambandi
UNICEF og Bjarkar. Landsnefnd
UNICEF í Bretlandi hafði veg og
vanda af ferðinni, en það er UNI-
CEF á Íslandi mikill heiður að hún
skuli leggja Barnahjálpinni lið með
þessum hætti, segir í tilkynningu frá
UNICEF.
Björk kynnti sér uppbygginguna í Aceh-héraði
Ljósmynd/UNICEF-Josh Estey
Björk teiknaði myndir með börnunum í Neuhen-miðstöðinni í Ache. Börnin eru nú aftur farin að teikna myndir
sem lýsa friðsæld, af blómum og trjám, en eftir flóðbylgjuna var myndefnið frekar öldur, lík og eyðilegging.
FÉLAG kvenna í endurskoðun, Fé-
lag kvenna í læknastétt, Félag
kvenna í lögmennsku og Kvenna-
nefnd Verkfræðingafélagsins sendu
í gær frá sér fréttatilkynningu þar
sem vakin er athygli á ójöfnum hlut
kynjanna í stjórnum félaga og lífeyr-
issjóða á Íslandi. Er í tilkynningunni
bent á að í skýrslu nefndar um auk-
inn hlut kvenna í yfirstjórnum fyr-
irtækja komi fram að vísbendingar
séu um að íslensk fyrirtæki standi
sig verr með tilliti til fjölda kvenna í
stjórnum en þau lönd sem Íslend-
ingar vilji bera sig saman við.
„Ástæða þess að við erum að
senda þetta út núna er að aðalfunda-
lota fyrirtækja er að fara af stað,“
segir Oddný Mjöll Arnardóttir, for-
maður Félags kvenna í lögmennsku.
„Þannig að núna er tímapunkturinn
til þess að hvetja þá sem tilnefna í
stjórnir til þess að huga að þessum
málum,“ segir Oddný og bendir á að
félögin fjögur muni taka stöðuna aft-
ur í vor þegar aðalfundalotunni er
lokið og meta hverjar breytingarnar
hafa orðið. „Við munum þá tilkynna
um niðurstöðurnar og veita fyrir-
tækjum viðurkenningu ef við sjáum
ástæðu til.“
Að sögn Oddnýjar sendu félögin
fjögur öllum stjórnum þeirra félaga
sem eru skráð á aðallista Kauphallar
Íslands áskorun um að jafna hlut
kynjanna í stjórnum og stjórnunar-
stöðum. Í því sambandi var, að sögn
Oddnýjar, bent sérstaklega á lið 2.5.
um óháða stjórnarmenn í leiðbein-
ingum um stjórnarhætti fyrirtækja,
sem gefnar eru út af Viðskiptaráði
Íslands, Kauphöll Íslands og Sam-
tökum atvinnulífsins og hvatt til þess
að það ákvæði verði notað til þess að
jafna hlut kynjanna í stjórn viðkom-
andi félags. Þá sendu félögin SA og
þeim stéttarfélögum sem tilnefna
stjórnarmenn í stjórnir lífeyrissjóða
samsvarandi áskorun þar sem þessir
aðilar voru hvattir til að jafna hlut
kynjanna í stjórnum lífeyrissjóða.
Spurð hvaða væntingar þær geri
um viðtökur segir Oddný að fé-
lagsmenn vonist eftir hinu besta.
„Það er alltaf að aukast meðvitund
úti í þjóðfélaginu um mikilvægi þess
að nýta mannauðinn allan, ekki bara
mannauð karla. Við blásum auðvitað
á þau rök að ekki finnist hæfar konur
sem bæði geta og vilja setjast í
stjórnir fyrirtækja og lífeyrissjóða,
því við erum samtök kvenna sem er-
um hámenntaðar og stöndum fyrir
heilmikilli starfsemi í atvinnulífinu
sem lögmenn, endurskoðendur,
verkfræðingar og læknar.“
Skora á fyrirtæki að jafna
kynjahlutfallið í stjórnum sínum
MAÐUR á sextugsaldri var sýknað-
ur af ákæru um vopnalagabrot í Hér-
aðsdómi Reykjavíkur á fimmtudag,
en hann var ákærður fyrir að hafa
flutt inn eftirlíkingu af bandarískum
skriðdreka í maí síðastliðnum, í
gegnum fyrirtækið sem hann starfar
hjá.
Gamall bandarískur
vagn á skriðbeltum
Um er að ræða gamlan, vélknúinn
bandarískan vagn á skriðbeltum,
sem er hannaður til að ferja skotfæri
að flugvélum og lyfta þeim upp í vél-
arnar, að því er segir í dómi héraðs-
dóms. Hefur vagninum verið breytt í
eftirlíkingu af skriðdreka með því að
fjarlægja lyftubúnaðinn og koma
fyrir yfirbyggingu úr málmplötum.
Einnig hefur verið sett hálfkúla ofan
á vagninn með eftirlíkingu af tveim-
ur vélbyssum, og framan úr vagn-
inum skagar rör sem er áþekkt fall-
byssu.
Í ákæru segir að um sé að ræða
„eftirlíkingu af sérstaklega hættu-
legri tegund vopns sem eingöngu er
ætlað til nota í hernaði, skriðdreka
með fallbyssu og tveimur vélbyssum,
og ástæða er til að ætla að erfitt sé að
greina frá fyrirmyndinni.“ Var þess
krafist að drekinn yrði gerður upp-
tækur og ákærða gerð refsing fyrir
brot á vopnalögum.
Undir þetta tekur héraðsdómur
ekki, en í dóminum segir að ekki
verði ráðið af vopnalögum að skrið-
dreki eða eftirlíking af honum falli
undir skilgreininguna „vopn“, heldur
frekar vopnabúnaður drekans, ef
einhver er.
Rörum og skotvopnum
vart ruglað saman
Um vopnabúnaðinn segir í dóm-
inum: „Um er að ræða rör og al-
mennt verður rörum og skotvopnum
ekki ruglað saman, þótt þannig megi
búa um rör að þau líkist svo mjög
byssuhlaupi að erfitt sé að greina á
milli. Þegar farartæki þetta er at-
hugað, einkum stærð þess og útlit,
verður ekki á það fallist með ákæru-
valdinu að almennt geti verið erfitt
að greina það að rör þessi eru hvorki
fallbyssa né vélbyssur.“
Maðurinn var því sýknaður af
ákærunni, og voru málsvarnarlaun
verjanda hans, 150 þúsund krónur,
greidd úr ríkissjóði. Dóminn kvað
upp Pétur Guðgeirsson héraðsdóm-
ari. Þorsteinn Skúlason flutti málið
fyrir hönd ákæruvaldsins, en Einar
Þór Sverrisson hdl. var verjandi
ákærða.
„Skriðdrekinn“ var á sínum tíma
gerður upptækur, en eigandi hans
færi hann væntanlega í hendur í ný.
Mátti flytja
inn eftir-
líkingu af
skriðdreka