Morgunblaðið - 05.02.2006, Blaðsíða 10

10 SUNNUDAGUR 5. FEBRÚAR 2006 MORGUNBLAÐIÐ
Það er ekkert grín að mætaþessum flikkjum á mjóumvegi og miklum hraða!“Viðmælandi Morgun-blaðsins sýpur hveljur.
„Ég verð hreinlega úttaugaður af því
að aka innan um alla þessa vörubíla,“
segir annar. „Eiga þessir risar veg-
ina eða hvað?“ spyr sá þriðji.
Margir virðast hafa skoðun á land-
flutningum á Íslandi. Afar margir.
„Við erum eyþjóð. Fyrirgefðu, en
skýtur ekki dálítið skökku við að
flytja vörur eftir þjóðvegum þegar
við erum umlukin hafi?“ er blaða-
maður til dæmis spurður. Og
kannski má segja að það skjóti
skökku við. Málið er hins vegar ekki
svo einfalt. Það er raunar allt flókn-
ara en í fyrstu virðist. Þeir sem stóðu
í sjóflutningum fullyrða að þróunin í
átt til frekari landflutninga hafi verið
óhjákvæmileg. Fólk hafi viljað hrað-
ari afgreiðslu. Flutningabílar aka
daglega á alla helstu staði úti á landi
en sem dæmi sigldi Mánafoss, skip
Eimskipa, einungis einu sinni í viku.
Eimskip og Samskip, undir merkj-
um Flytjanda og Landflutninga,
sinna viðamestu landflutningunum á
markaðinum, en einnig er fjöldi fyr-
irtækja með umfangsmikla flutninga
á eigin vegum. Hjá Eimskipum eru
nú um 50–60 bílar í vöruflutningum á
þjóðvegum landsins og hjá Samskip-
um eru bílarnir 24, auk bíla sem
vinna fyrir fyrirtækið sem verktak-
ar. Guðmundur Nikulásson, fram-
kvæmdastjóri innanlandssviðs Eim-
skipa, segir þjónustuna við
landsbyggðina hafa batnað mikið við
aukna flutninga eftir þjóðvegum
landsins. Margir hafa einmitt bent á
að biðtími eftir vöru úti á landi sé
mun styttri en áður og birgðakostn-
aður fyrirtækja sé lægri. „Sam-
félagsþróun, tækniframfarir, bætt
samgöngunet og krafa um hraða og
sveigjanleika eru stærstu orsaka-
valdar þeirrar þróunar að strand-
flutningar hafa nánast lagst af,“ er
fullyrt í nefndaráliti sem Samgöngu-
ráðuneytið lét vinna um þróun flutn-
inga innanlands og gefið var út í apríl
á síðasta ári.
Mikil umferðaraukning
Samkvæmt upplýsingum frá Eim-
skip var 12–14 vörubílum bætt við
flotann eftir að Mánafoss hætti sigl-
ingum. Mikið eða lítið? Það fer allt
eftir því hvern þú spyrð. „Þetta er
minni aukning en margir myndu ef
til vill halda, en margir telja að um-
ferð vörubíla hafi aukist stórkostlega
eftir að siglingar lögðust af. Umferð
vörubifreiða var hins vegar þegar
orðin mjög mikil þegar farið var í
þessar breytingar,“ segir Guðmund-
ur hjá Eimskip.
Samkvæmt upplýsingum Auðar
Þóru Ásgeirsdóttur, forstöðumanns
umferðardeildar Vegagerðarinnar,
hefur umferð á Íslandi aukist það
mikið að hlutfall vörubíla af heildar-
umferð er svipað og síðustu ár, jafn-
vel þótt vörubílunum hafi fjölgað.
Vegagerðin flokkar alla bíla sem eru
yfir 3,5 tonn sem þunga bíla. Þungir
bílar eru því ekki einungis flutninga-
bílar. Samkvæmt upplýsingum frá
Vegagerðinni fjölgaði þungum bíl-
um, sem skráðir eru á Íslandi, um
rúm 2.000 á tæpum áratug fram til
ársins 2004. Árið 2004 voru þeir
8.600 en ekki liggja fyrir tölur frá
árinu 2005.
Eiga risarnir vegina?
Morgunblaðið/Kristinn
Kristófer Sæmundsson og Ólafur Helgi Kjartansson. Ólafur spyr hvort hægt sé að bjóða fólki upp á að aka veg „sem flutningabílar séu búnir að tæta upp“.
Vörubifreiðum á þjóðvegum
landsins hefur fjölgað mikið
síðustu ár og margir hafa
velt vöngum yfir því hvaða
áhrif þetta hafi á umferð-
aröryggi. Einn viðmælenda
Morgunblaðsins líkti
ástandinu á þjóðvegunum
raunar við rússneska rúll-
ettu. Var vegakerfið hannað
fyrir alla þessa umferð?
Sigríður Víðis Jónsdóttir og
Kristinn Ingvarsson brugðu
sér út á veg.
Morgunblaðið/Kristinn
’Vandamálið er hinsvegar að vörubílar
með tengivagn geta
verið rúmlega 25 metra
langir. Það er einfald-
lega erfitt að mæta
þeim og erfitt að taka
fram úr þeim – svo
einfalt er það.‘