Morgunblaðið - 05.02.2006, Blaðsíða 43
MORGUNBLAÐIÐ SUNNUDAGUR 5. FEBRÚAR 2006 43
Morgunblaðið/Sigríður Víðis
Úti á þjóðvegi í Myanmar í Suð-
austur-Asíu. Bílaeign í landinu er
sjaldgæf og hver fersentímetri öku-
tækjanna nýttur til hins ýtrasta.
sigridurv@mbl.is
Á milli akra þar sem sykurreyr óx
lagði upp þykkan reyk. Þarna var
safinn kreistur úr sykurreyrnum og
tappað á olíutunnur. Mjóslegnir
menn, sveittir upp fyrir haus, veif-
uðu og brostu breitt. Sykursafinn
bullaði í opnum kerum. Leiðslurnar
voru gamlar og á reimunum engar
hlífar. Vinnumennirnir voru í opnum
sandölum og loftið þungt. Hvað segði
Vinnueftirlitið heima?
Kona seldi listilega vel gerðar flík-
ur. Ég keypti af henni útsaumaða
skyrtu á nokkur hundruð krónur.
Bómullin var handofin og ræktuð á
akrinum fyrir aftan. Skyrtan var
saumuð á staðnum.
Sjötug kona sat á jörðinni og
galdraði fram leirmuni. Hún var
hrukkótt, tannlaus og þvengmjó.
Leirinn hafði fjölskyldan sjálf búið
til. Fingurnir voru mjóir og bognir
en handtökin hröð. Hún hafði gert
þetta síðan hún var lítil stúlka.
Í Myanmar virkaði allt á mig eins
og klippt út úr póstkorti eða tekið
beint upp úr gamalli mannkynssögu-
bók. Brosin voru breið og himinninn
heiður og blár. Úti var kyrrð og ró og
allt einkennilega tært.
Kannski varð veran í landinu fyrst
draumkennd þegar reynt var að
púsla saman við þetta ógnarstjórn
sem fótum treður rétt landsmanna
og heldur höfuðandstæðingi sínum,
nóbelsverðlaunahafanum Aung San
Suu Kyi, í stofufangelsi. Þar hefur
hún mátt dúsa meira og minna í
mörg ár.
Dvölin í Myanmar var eins og einn
stór draumur – eða kannski einn
harður veruleiki.
VALGAR‹SSON
KJARTAN
3sæti
Allir me›!
Prófkjör Samfylkingarinnar í Reykjavík
STYRKJUM var úthlutað úr mennt-
unarsjóði Félags heyrnarlausra 27.
janúar sl. Sjóðurinn var stofnaður af
Félagi heyrnarlausra árið 1999 og er
fjármagnaður af menntamálaráðu-
neytinu og ýmsum fyrirtækjum.
Alls voru umsóknir 12 og eft-
irtaldir aðilar fengu styrki: Camilla
Björnsdóttir, kr. 75.000, til náms í
hjúkrunarfræði í Uppsala Universi-
tet, Heiðdís Dögg Eiríksdóttir, kr.
35.000, til náms í hjúkrunarfræði við
Háskóla Íslands, Þórður Örn Krist-
jánsson, kr. 35.000, til framhalds-
náms á sviði dýravistfræði við Há-
skóla Íslands, Guðrún Björg
Jónsdóttir, kr. 25.000, til náms í Iðn-
skólanum í Reykjavík, Sigurlín Mar-
grét Sigurðardóttir, kr. 25.000, til
náms í Menntaskólanum við Hamra-
hlíð, Arnþór Hreinsson, kr. 10.000,
fyrir námskeiði í Tölvuskólanum,
Baldvin Björnsson, kr. 10.000, fyrir
námskeiði í Slysavarnaskóla sjó-
manna, Hallbjörn Freyr Ómarsson,
kr. 10.000, fyrir námskeiði í Slysa-
varnaskóla sjómanna og Karl Bar-
tels, kr. 10.000 fyrir námskeiði í
tölvuskóla.
Á myndinni, talið frá vinstri: Vil-
hjálmur G. Vilhjálmsson formaður
stjórnar Menntunarsjóðs, Guðrún
Jónsdóttir, Arnþór Hreinsson, Sig-
urlín Margrét Sigurðardóttir og
Baldvin Björnsson.
Styrkir úr menntunarsjóði
Félags heyrnarlausra