Morgunblaðið - 05.02.2006, Blaðsíða 45

MORGUNBLAÐIÐ SUNNUDAGUR 5. FEBRÚAR 2006 45
kominn heldur betur í sviðsljósið,
hann stóð á auða svæðinu milli
jólatrésins og mannskarans í
svörtu flauelsfötunum sínum með
þverslaufuna. Hann gekk hikandi
nokkur skref og starði upp á sviðið
þar sem Þyrnirósirnar sjö biðu
þess með hálflukt augu að verða
vaktar upp með kossi. Svo leit
hann skyndilega aftur fyrir sig, til
ömmu sinnar, og sagði stundar-
hátt: „Mér lístur ekki á þetta!“
Að svo mæltu flýtti hann sér til
baka og beið þess í skjóli ömmu
sinnar að sjá hvernig þeim dreng
reiddi af sem eftir nokkurt þóf
fékkst til að taka að sér hlutverk
prinsins.
Mér datt þessi saga ósjálfrátt í
hug þegar ég heyrði um ráðningu
nýs ritstjóra. Það er ekki heiglum
hent að taka að sér ritstjórn blaða
núna, eins og fjölmiðlaumhverfið
er. Þeir eru á bersvæði eins og
raunar margt fólk í stjórnunarstöð-
um, og því „lístur“ ábyggilega ekki
alltaf á blikuna. Það er svo margt í
deiglunni í íslensku þjóðlífi og
margar „Þyrnirósir“ sem bíða eftir
kossi.
KIWANISKLÚBBURINN Jörfi
styrkti nýverið samtökin Forma um
100 þúsund krónur en Forma eru
samtök átröskunarsjúklinga á Ís-
landi. Samtökin voru stofnuð á síð-
asta ári af Ölmu Geirdal og Eddu Ýri
Einarsdóttur en þær hafa báðar bar-
ist við sjúkdóminn. Bragi Stefánsson
hjá Kiwanisklúbbnum Jörfa sagði í
samtali við Morgunblaðið að eftir
fund þeirra við forsvarsmenn Forma
hefði klúbburinn tekið þá ákvörðun
að veita þeim styrk.Áður fyrr hefði
þessi sjúkdómur ekki þekkst en með
aukinni fræðslu og óeigingjörnu
starfi einstaklinga hefði það ástand
breyst auk þess sem heilbrigðisyf-
irvöld hefðu tekið við sér og opnað
göngudeild fyrir átröskunar-
sjúklinga á Landspítalanum.
Morgunblaðið/Eggert
Forsvarsmenn Forma taka við styrknum úr hendi Kiwanismanna.
Kiwanisklúbburinn
Jörfi styrkir Forma
UNDANFARIN ár hefur Sjóvá unnið forvarnastarf meðal fyr-
irtækja sem eru tryggð hjá félaginu og verðlaunar félagið það fyr-
irtæki sem náði bestum árangri í forvarnastarfi meðal sinna öku-
manna.
Í ár var það fyrirtækið ISS-Ísland sem hlaut Sjóvá-bikarinn að
launum fyrir framúrskarandi árangur. Farið var í samstarf við
ISS-Ísland í byrjun árs 2005. Allir bílstjórar komu á námskeið til
Sjóvá í lok febrúar og byrjun mars. Eftir þann tíma hafa aðeins tvö
umferðartengd tjón orðið hjá rúmlega 50 bílum fyrirtæksins á
árinu 2005. Þar sem árangurinn er metinn í heild fyrir árið 2005 og
borinn saman við árið 2004 er talan 70%. Í raun er árangurinn
samt meiri ef skoðað er tímabilið fyrir og eftir námskeið þar sem
nokkur tjón urðu í janúar og febrúar 2005 áður en námskeið voru
haldin. Þá er árangurinn nálægt 80% tjónafækkun.
Önnur fyrirtæki sem sýndu góðan árangur: Greifinn á Akureyri
með 33% tjónalækkun og Steypustöðin með 22% tjónalækkun.
Á myndinni eru starfsmenn og forráðamenn ISS-Ísland að taka
á móti verðlaunum og viðurkenningu fyrir árangur í forvarna-
starfi.
Góður árangur af forvarnastarfi
RÚMLEGA 96 þúsund farþegar
fóru um Keflavíkurflugvöll í jan-
úarmánuði síðastliðnum, samkvæmt
tölum frá flugvellinum. Þetta er
12,4% fjölgun farþega á milli ára, það
er miðað við janúar í fyrra.
Farþegar á leið frá landinu voru
42.751 í janúar síðastliðnum, fjölgaði
um 14% á milli ára. Á leið til landsins
voru 38.258 farþegar og fjölgaði
þeim um 13,3% miðað við janúar í
fyrra. Áfram- og skiptifarþegar
(transit) voru rúmlega 15 þúsund og
fækkar aðeins.
12% fjölgun
farþega í
janúar