Morgunblaðið - 05.02.2006, Blaðsíða 70

70 SUNNUDAGUR 5. FEBRÚAR 2006 MORGUNBLAÐIÐ
MINNINGAR
Sárt er vinar að sakna.
Sorgin er djúp og hljóð.
Minningar mætar
vakna.
Margar úr gleymsku rakna.
Svo var þín samfylgd góð.
Daprast hugur og hjarta.
Húmskuggi féll á brá.
Lifir þó ljósið bjarta,
lýsir upp myrkrið svarta.
Vinur þó félli frá.
GUÐMUNDUR
TEITSSON
✝ GuðmundurTeitsson fæddist
á Grímarsstöðum í
Andakílshreppi 26.
janúar 1954. Hann
lést á heimili sínu
26. janúar síðastlið-
inn og var útför
hans gerð frá Akra-
neskirkju 2. febr-
úar.
Góða minning að geyma
gefur syrgjendum fró.
Til þín munu þakkir
streyma.
Þér munum við ei
gleyma.
Sofðu í sælli ró.
(Höf. ók.)
Elsku Gummi. Okk-
ur verður orða fátt og
það fá engin orð því
lýst hversu mikill
missir er að þér. Við
erum þakklát fyrir
þær stundir sem við
áttum saman. Minningarnar lifa að
eilífu. Guð geymi þig, elsku bróðir,
mágur og frændi.
Við vottum Elínu, börnum og
barnabörnum dýpstu samúð okkar.
Guð gefi ykkur styrk á þessum erf-
iðu tímum.
Grímar, Pétrún og
fjölskylda.
Elsku hjartans Ella
mín, þú áttir svo mikið
eftir og lífsgleðin þín
var óstjórnleg. Að þú skulir vera
farin frá okkur hér í jarðlífinu vil ég
ekki viðurkenna. Þú ert fjórða vin-
kona mín sem fer frá mér á tíma-
bilinu 14. nóv. 2005 til 11. jan. 2006.
Og nú þegar ég skrifa þessi fátæk-
legu orð hlusta ég á Vilhjálm Vil-
hjálmsson syngja lagið Söknuður.
Elínborgu kynntist ég þegar hún
giftist frænda mínum Arnari
Haukssyni og bjuggu þau í Lundi á
meðan Arnar var að læra. Kynntist
ég þarna einstakri persónu með
mikla kímnigáfu, einnig frábærlega
duglegri stúlku. Þú eignaðist Björn
Önund og Sigríði Ösp og á milli
bleiuskiptanna laukstu tveimur ár-
um í lögfræðinni í fjarnámi og tókst
síðan prófin í sendiráðinu í Dan-
mörku. Og þér tókst það. Bara það
sýnir hversu mikil persóna þú varst.
Við höfðum mikið gaman af því,
þegar Björn Önundur átti afmæli í
apríl og hann óskaði sér þess að jóla-
sveinninn kæmi og færði honum af-
ELINBORG
JÓHANNA
BJÖRNSDÓTTIR
✝ Elinborg Jó-hanna Björns-
dóttir fæddist í
Reykjavík 26. febr-
úar 1954. Hún lést á
Landspítala – há-
skólasjúkrahúsi við
Hringbraut 11. jan-
úar síðastliðinn og
var útför hennar
gerð frá Dómkirkj-
unni 18. janúar.
mælisgjafirnar. Ég
varð að skríða með-
fram veggjum, jóla-
sveinaklædd í apríl-
mánuði, til að uppfylla
óskir hans. Síðan
eignaðist ég son í nóv.
1985. Var hann
skírður eftir Arnari
frænda og þú fékkst
að eiga seinna nafnið
hans sem varð Örvar
af sérstökum ástæð-
um. Síðan, eftir að ég
flutti hingað út,
hringdi ég í þig og lét
þig vita að uppáhaldstíkin mín væri
dáin og ég hefði fengið aðra sem ég
hafði skírt Claire. En þú baðst svo
innilega að ég skírði hana í höfuðið á
þér svo nú hef ég Ellu mína ennþá
hjá mér. Svo á tímabili hafði ég Ellu
og Arnar heima hjá mér.
Elsku Ella mín, það koma svo
margar skemmtilegar minningar
upp í huga minn núna. M.a. þegar þú
hættir að reykja og hringdir í ofboði
til mín til að fá mig í kaffi, svo að þú
gætir fundið lyktina af reyknum, og
við hlógum mikið að því.
Það eru svo margar góðar og ynd-
islegar minningar sem ég á um þig
og fjölskyldu þína. Þú átt alveg ynd-
islega fjölskyldu sem hjálpar öllum
og heimilið hjá foreldrum þínum var
alltaf opið öllum. Stundum var það
eins og hótel og alltaf gleði og
glaumur. Ég finn svo innilega til
með foreldrum þínum og uppáhalds-
systur þinni Jóhönnu (Jósu) og
bræðrum þínum.
Ég sendi ykkur mínar innilegustu
samúðarkveðjur því missir ykkar er
stór í þessari samheldnu fjölskyldu.
Einnig votta ég frænda mínum,
Arnari Haukssyni, Birni Önundi,
Sigríði Ösp, Hauki Júlíusi og Arnari
Vilhjálmi dýpstu samúð mína. Guð
blessi ykkur á þessum erfiðu tíma-
mótum.
Vilhelmína frænka, Svíþjóð.
Ellu og Arnari, fyrrverandi manni
hennar, kynntist ég fyrir 15 árum.
En þá svaraði ég auglýsingu þar
sem auglýst var eftir „ömmu“ til að
gæta barna þeirra. Var ég svo hepp-
in að fá starfið þótt ég væri ekki einu
sinni orðin mamma. Það var lær-
dómsríkt og mjög skemmtilegt að
passa börnin þeirra og á ég margar
fallegar minningar frá þeim tíma.
Það eru forréttindi að kynnast góðu
fólki og bý ég að því alla mína ævi.
Á jólagleðinni í vinnunni hjá mér
nú fyrir jólin var farið í leik þar sem
allir áttu að segja eitthvað fallegt
um einn starfsfélaga sinn. Voru
þetta allt frá fjórum atriðum upp í
24 atriði. Þá fór ég að hugsa hvað
fólk er oft feimið og finnst óþægilegt
að segja eitthvað fallegt hvað við
annað. Fallegast gjöfin sem þú gef-
ur eru falleg orð. Af því að ég kynnt-
ist Ellu fyrir 15 árum langar mig að
nefna 15 falleg atriði sem ég hefði
sagt við hana ef hún hefði setið
þarna hjá mér á jólagleðinni:
Þú ert góð
Þú ert ljúf
Þú ert falleg
Þú ert dugleg
Þú ert gáfuð
Þú ert skemmtileg
Þú ert frábær
Þú ert góð í þínu starfi
Þú ert með gott viðmót
Þú ert með skemmtilegan húmor
Þú ert yndisleg móðir
Þú ert góður vinur
Þú átt yndisleg börn
Þú átt góðan eiginmann
Þú átt frábæra fjölskyldu
Elsku Haukur, Sigga Ösp, Bjössi,
Arnar Vilhjálmur, Benedikt, Sigga,
Björn og systkini Ellu. Ykkur öllum
votta ég mína dýpstu samúð. Ég bið
góðan Guð að styðja ykkur og hugga
á þessum erfiðu tímum. Megi allir
englar alheimsins vaka yfir ykkur
öllum og veit ég að Ella er einn af
þeim.
Sigríður Hrönn Sveinsdóttir.
Höggvið hefur verið skarð í
stúlknahópinn úr Brekkugerðinu.
Ella Björns er látin fyrir aldur fram.
Á æskuárum okkar í Brekkugerðinu
vorum við allmargar stúlkur sem
vorum fæddar á árunum 1953–4. Við
lékum okkur mikið saman og á milli
okkar sköpuðust sérstök tengsl.
Ella var brosmild, lágmælt og að
vissu leyti boheminn í hópnum. Hún
hafði góða nærveru og var heil í öll-
um sínum samskiptum. Heimilið
einkenndist af löngum vinnudegi
föðurins, stórri fjölskyldu móður-
innar, mörgum börnum og vinum
þeirra allra. Heimilið stóð alltaf opið
og amma Jóhanna stýrði elda-
mennskunni. Við fengum að passa
litlu bræður Ellu á milli þess sem við
hlustuðum á tónlistina úr Oklahoma
þangað til platan var næstum gauðs-
litin.
Við vorum þrjú úr hópnum sem
fórum í Versló, sem styrkti tengslin
betur. Síðan skildi leiðir en lágu allt-
af saman annað slagið, á námsárum í
Kaupmannahöfn, götugrilli í
Brekkugerðinu og í leikfimi á Nord-
ica. Alltaf var Ella eins, geislaði af
hlýju og væntumþykju. Umræðan
snerist um fjölskylduna, vinina og
það að halda sér í formi. Í haust þeg-
ar af henni var dregið undirstrikaði
hún mikilvægi þess að rækta líkam-
ann og gefa sér tíma í það.
Ella hefur á undanförnum mán-
uðum verið umvafin hlýju frá sínum
nánustu. Jóhanna systir hennar hef-
ur sinnt henni einstaklega vel og
verið tengiliður við okkur vini henn-
ar. Við sendum fjölskyldu Ellu okk-
ar innilegustu samúðarkveðjur. Við
erum öll fátækari án hennar. Far í
friði, kæra vinkona.
Margrét Guðmundsdóttir og
Svava Eyjólfsdóttir.
Vönduð og persónuleg þjónusta
Inger Steinsson,
útfararstjóri,
s. 691 0919
Sími 551 7080
Bárugötu 4, 101 Reykjavík.
Ólafur Örn
útfararstjóri,
s. 896 6544
Inger Rós
útfararþj.,
s. 691 0919
Ástkær móðir, tengdamóðir, amma og langamma,
ELÍSABET ANDRÉSDÓTTIR,
Tungu,
Skagafirði,
andaðist á Heilbrigðisstofnuninni á Sauðárkróki
laugardaginn 28. janúar síðastliðinn.
Útförin hefur farið fram í kyrrþey að ósk hinnar
látnu.
Andrés Helgason, Ásdís Edda Ásgeirsdóttir,
Ásgeir Már Andrésson, Björk Sigurgeirsdóttir,
Elísabet Rán Andrésdóttir, Benedikt Egill Árnason,
Gunnar Þór Andrésson
og langömmubörn.
Elskuleg móðir mín,
HULDA JÓNSDÓTTIR,
Einilundi 8e,
Akureyri,
lést á Fjórðungssjúkrahúsinu á Akureyri þriðju-
daginn 24. janúar.
Útför hennar hefur farið fram.
Sérstakar þakkir til starfsfólks lyfjadeildar FSA,
heimaþjónustu og heimahjúkrunar á Akureyri fyrir góða umönnun.
Kristín Pétursdóttir og fjölskylda.
Elskulegur eiginmaður minn, faðir okkar, tengda-
faðir og afi,
BÖÐVAR INGI ÞORSTEINSSON
bóndi á Þyrli,
Hvalfjarðarstrandarhreppi,
lést á Sjúkrahúsi Akranes fimmtudaginn 2. febrúar.
Hann verður jarðsunginn frá Hallgrímskirkju í
Saurbæ miðvikudaginn 8. febrúar kl. 14:00.
Blóm og kransar vinsamlega afþakkaðir en þeim, sem vilja minnast hans,
er bent á Hallgrímskirkju í Saurbæ á Hvalfjarðarströnd.
Ásrún Jóhannesdóttir,
Jóhannes Ingi Böðvarsson, Helga Hallbjörnsdóttir,
Sólrún Jóna Böðvarsdóttir, Reynir Garðar Brynjarsson,
Þorsteinn Böðvarsson, María Guðrún Nolan,
Guðlaugur Hrafnsson
og barnabörn.
Faðir okkar, tengdafaðir, afi og bróðir,
ÞÓRÐUR H. TEITSSON
kaupsýslumaður,
varð bráðkvaddur á heimili sínu í Toronto,
Kanada þriðjudaginn 13. desember 2005.
Bálför hefur farið fram.
Ólafur, Anna, Ingþór, Helga, Gunnar,
tengdabörn og barnabörn.
Elín Teitsdóttir,
Haraldur Teitsson,
Helga Elís.
Ástkær faðir okkar, tengdafaðir, afi og langafi,
ATLI SIGURÐSSON,
Bólstaðarhlíð 46,
Reykjavík,
verður jarðsunginn frá Dómkirkjunni í Reykjavík
þriðjudaginn 7. febrúar kl. 15.00.
Helga Berglind Atladóttir, Bjarni Már Bjarnason,
Sigurður Atli Atlason,
Ívar Ómar Atlason, Maria Mercedes Peralta,
barnabörn og barnabarnabörn.
Ástkær eiginkona mín, elskuleg móðir okkar,
tengdamóðir, amma og langamma,
ÁSDÍS ÓLAFSDÓTTIR
hjúkrunarkona,
Bólstaðarhlíð 15,
Reykjavík,
lést föstudaginn 3. febrúar.
Útför verður auglýst síðar.
Þorvaldur Lúðvíksson,
Hervör Lilja Þorvaldsdóttir,
Hrafnhildur Ásta Þorvaldsdóttir,
Lúðvík Þorvaldsson, Jóhanna Gunnarsdóttir,
Ólafur Börkur Þorvaldsson, Ragnheiður Einarsdóttir,
Þórhallur Haukur Þorvaldsson, Kristín Rut Einarsdóttir,
barnabörn og barnabarnabörn.