Morgunblaðið - 09.02.2006, Blaðsíða 12

12
BOLLYWOOD
HOLLYWOOD
Í Magadanshúsi Josy í Ármúlanum er
hægt að læra Bollywood dansa. Bol-
lywood er Hollywood þeirra indverja
og er bransinn stærri en sjálft Holly-
wood og vinsældir Bollywood-
mynda í hinum vestræna heimi er sí-
fellt að aukast. Söguþráðurinn er
hins vegar alltaf sá sami og fjallar
um forboðnar ástir og fjölskyldu-
hefðir. Á Indlandi ákveða nefnilega
foreldrarnir ennþá hverjum börnin
þeirra giftast. Þegar ástin bankar
upp á er því voðinn vís og í Bolly-
wood-myndunum bresta aðal-
persónurnar alltaf annað slagið í
söng og úr verða hin glæsilegustu
dansatriði, sem Josy kennir núna ís-
lenskum stelpum.
Kvenlegir dansar
Þær Anna Dóra og Heiða Dóra hafa
dansað magadans í þrjú til fjögur ár
en styttra er síðan var byrjað að
kenna Bollywood. Heiða hafði áður
verið í ballet, djassballet og afró en
Anna Dóra hafði ekki stundað neina
dansa áður. „Ég sá þær dansa í sjón-
varpinu og þær voru í svo litríkum
og fallegum búningum að mig lang-
aði að vera eins og þær, þannig að
ég skellti mér bara,“ segir Anna
Dóra en hún vinnur núna í Maga-
danshúsinu. Heiða byrjaði að dansa
magadans eftir að hún fór til
Egyptalands „Ég heillaðist af tónlist-
inni og dansinum þar. Mér finnst
þetta eiginlega skemmtilegra en
aðrir dansar sem ég hef verið í.“
Heiða kennir líka litlu stelpunum, en
núna stunda um 300 konur á öllum
aldri magadans hjá Josy.
Litríkir búningar, armbönd
og hress tónlist
„Bollywood er ekki orðið eins stórt
og magadansinn en fer ört vax-
andi,“ segir Anna Dóra en henni
finnst skemmtilegra að dansa Bol-
lywood heldur en hefðbundinn
magadans. „Þetta er talsvert frá-
brugðið magadansinum, það er svo
mikið um svipbrigði og táknmál í
dansinum og mjaðmirnar eru ekki
eins mikið notaðar,“ útskýra þær. „ Í
Bollywood eru meiri átök, maður
svitnar alveg, á meðan magadansinn
er mýkri,“ bætir Anna Dóra við.
Magadans og Bollywood dansar eru
mjög flottir og kvenlegir dansar,
eitthvað sem vantar kannski í okkar
menningu. Lopasjal og vikivaki er
eins langt frá þessum menningar-
straumum og hugsast getur enda
hafa íslenskar konur tekið þessum
dansafbrigðum opnum örmum.
„Búningarnir og hreyfingarnar eru
allar svo kvenlegar og fíngerðar.
Maður sér alveg breytingar á konum
sem eru búnar að vera hér lengi að
þær verða kvenlegri í fasi,“ segir
Heiða. Anna Dóra er með hrúgu af
armböndum á handleggnum sem
klingir í, “þessi armbönd hafa merk-
ingu á Indlandi og því fleiri sem þú
ert með því betri mann áttu“.
Æfið þið í búningum?
„Kannski ekki alveg en ég er oft
með armböndin, það er soldið
hresst, og magadansbeltin, það er
betra að dansa með þau, maður
finnur betur taktinn og það verður
meira úr hreyfingunum,“ svara þær.
„Þegar fólk er að æfa eitthvað fer
það oft í æfingagalla og svo í sturtu
á eftir. Þegar maður kemur hingað
fer maður jafnvel í sturtu áður og
setur á sig armbönd og glingur. Það
er miklu skemmtilegra að vera fínn
að dansa,“ segir Anna Dóra. Það er
kannski ástæðan fyrir því að þetta er
svona vinsælt að stelpur hafa gaman
af því að klæða sig upp.
Bollywood
Í Magadanshúsinu er vídeóleiga með
Bollywood-myndum sem stelpurnar
horfa á „. Þetta er alltaf sama ást-
arvellan. Þær eru misjafnar, en svo
eru alltaf skemmtileg lög og hressir
dansarnir inni á milli,“ svarar Heiða.
En hlustiði á tónlistina?
„Já, mér finnst hún ógeðslega
skemmtileg, ég er komin með þetta
í bílinn og hlusta mikið fyrir utan
danstímana,“ svarar Anna Dóra en
Heiða er ekki svo langt leidd. „Ég
hlusta bara þegar ég er að dansa, en
mér finnst þetta ógeðslega sæt og
hress lög og maður fær þau á heil-
ann. Það kemur manni bara í gott
skap að hlusta á þessa tónlist og
mann langar til að dansa.“
2
1
INDVERSK STEMNING Í MAGADANSHÚSINU
ANNA DÓRA OG HEIÐA DÓRA DANSA BOLLYWOOD-DANSA
Texti
Hanna Björk
Mynd
Árni Torfason
1.
Anna Dóra og Heiða
Dóra í Bollywood-
búningum
2.
Aishwarya Rai, fyrrum
ungfrú heimur er vin-
sælasta Bollywood-
leikkonan í dag og af
mörgum talin fegursta
kona í heimi.
Það er óhætt að fullyrða að aðstæður til kvik-
myndaáhorfs eru með besta móti á Íslandi. Hér
eru hlutfallslega mörg kvikmyndahús á hvern
íbúa og miðaverð ekki mikið hærra en gengur
og gerist í nágrannalöndunum. Það er því
heldur ekki skrýtið að Íslendingar eiga heims-
met í kvikmyndaáhorfi miðað við hina frægu
höfðatölu, hver íbúi fer að meðaltali 5 sinnum
í bíó á ári.
Það virðist því vera mikill kvikmyndaþorsti í
landsmönnum og virðist engin breyting ætla
að verða þar á. Íslenskir kvikmyndahúsagestir
virðast því síður en svo þreyttir á Hollywood-
kvikmyndum, en gera má ráð fyrir að 75%
frumsýndra kvikmynda komi þaðan. Þrátt fyrir
að Hollywood-kvikmyndir séu oft og tíðum af-
ar góðar og líklega eitt fullkomnasta kvik-
myndaform í heimi hlýtur öll fjölbreytni að
vera af hinu góða. Sú tilbreyting sem staðið
hefur íslenskum kvikmyndahúsagestum til boða
hefur einkum verið á hinum og þessum kvik-
myndahátíðum. Þær hafa sumar hverjar verið
afar vel sóttar og augljós staðfesting á því að
margt fólk þyrstir í „eitthvað annað“. Það er
því mikið fagnaðarefni hversu tíðar kvik-
myndahátíðir hafa verið síðustu misseri. En er
það viðunandi að eiga þess einungis kost að sjá
„öðruvísi myndir“ nokkrum sinnum á ári á þar
til gerðum hátíðum? Væri ekki skemmtilegra
að geta horft á slíkar myndir að jafnaði yfir allt
árið? Er það kannski hægt einhvers staðar?
Kvikmyndasafn Íslands og Bæjarbíó
Kvikmyndasafn Íslands stendur fyrir metn-
aðarfullri kvikmyndadagskrá í Bæjarbíói í Hafn-
arfirði. Þar eru tvær sýningar í viku en eðlilega
er þar yfirleitt um að ræða eldri kvikmyndir,
jafnan með nokkuð kvikmyndasögulegt gildi.
Sýningar eru yfirleitt vel sóttar enda margir
gullmolar sem Kvikmyndasafnið hefur til sýn-
ingar. Á meðal áhugaverðra kvikmynda á
næstu mánuðum má nefna Gay Divorce eftir
Mark Sandrich, 14. og 18. febrúar. Foot Loose
eftir Herbert Ross 21. og 25. febrúar. Húsið í
leikstjórn Egils Eðvarðssonar 7. og 11. mars.
Chaplin-þema í mars og Bergman-þema í apríl.
Sýningar eru á þriðjudögum og laugardögum
og kostar miðinn 500 krónur. Dagskrá er hægt
að sækja á vef Kvikmyndasafnsins, www.kvik-
myndasafn.is.
Barnabíó í Norræna húsinu
Norræna húsið hefur staðið fyrir barnabíói
nokkra sunnudaga á hverjum vetri og þetta ár-
ið er engin breyting þar á. Sýningar verðar
sunnudagana 19. febrúar, 19. mars, 23. apríl og
7. maí. Sýningar hefjast klukkan 14.00 og er
aðgangur ókeypis. Kvikmyndirnar eru af ýms-
um toga en eins og fyrr segir eru þær ætlaðar
börnum og unglingum og eru vitanlega allar
norrænar. Einnig mun Norræna húsið standa
fyrir samísku kvöldi á vetrarhátíð, 24. febrúar.
Aðrir kostir
Vafalítið má grafa upp áhugamannasýningar í
hinum ýmsu kvikmyndahúsum hér og þar á
landinu og vissulega eru mörg nemendafélög
framhaldsskólanna með regluleg kvikmynda-
kvöld. Það væri þó verðugt ef komið yrði á fót
fastri aðstöðu þar sem kvikmyndaáhugafólk
gæti notið nýrra „annars konar mynda“ í
hverri viku allt árið um kring. Nú er uppi orð-
rómur um að koma eigi á fót í Tjarnarbíói
óháðu kvikmyndahúsi sem sýndi kvikmyndir
sem venjulega fá aðeins að rata á kvik-
myndahátíðir. Það væri vissulega fagnaðarefni
og slíkt bíóhús myndi ábyggilega njóta mikillar
aðsóknar.
ÖÐRUVÍSI MYNDIR
ALLT ÁRIÐ, TAKK
Texti
Hjörtur Einarsson