Morgunblaðið - 26.02.2006, Blaðsíða 8
8 SUNNUDAGUR 26. FEBRÚAR 2006 MORGUNBLAÐIÐ
FRÉTTIR
Tíðarandinn er bara svona, frú borgarmeistari, krakkarnir vilja ekki sjá að vera hjá okkur
eða saman, pabbi og mamma eru orðin hundleið á samvistum og við hjónin líka.
Fáskrúðsfjarðargönghafa nú verið opinfyrir umferð í rúma
fimm mánuði og virðast
bæta samgöngur verulega
innan Austfirðingafjórð-
ungs, auk þess að tengja
betur saman Suðurfirði
Austurlands og kjarna Mið-
Austurlands.
Göngin stytti leiðina milli
Reyðarfjarðar og Fá-
skrúðsfjarðar um 31 km og
milli Mið-Austurlands og
Suðurfjarða um 34 km. Að
auki þykja göngin hafa
bætt umferðaröryggi, því
vegurinn milli Reyðarfjarðar og
Fáskrúðsfjarðar um Vattarnes-
skriður hafði nokkuð háa slysa-
tíðni og ofanflóð voru algeng. Þá
virðist sem göngin hafi gert Fá-
skrúðsfirðingum og Stöðfirðing-
um kleift að sækja vinnu í Fjarða-
byggð og á Hérað í auknu mæli og
greinileg áhrif eru af framkvæmd-
inni í þéttbýlinu á Fáskrúðsfirði,
þar sem húsbyggingar hafa tekið
mikinn kipp og verið er að byggja
heilt nýtt hverfi, auk fjölbýlishúss.
Stækkaði atvinnusvæðið
Björn Pálsson býr á Stöðvar-
firði og hefur ekið daglega til og
frá vinnu á Reyðarfirði frá því áð-
ur en göngin komu til sögunnar.
„Ég vann áður á Stöðvarfirði en
horfði auðvitað til þess þegar ég
breytti um starf að göngin voru
innan seilingar,“ sagði Björn í
samtali við Morgunblaðið. „Áður
voru þetta 160 km og að stórum
hluta á malarvegi, sem ég ók á dag
en núna eru það tæpir 100 km á
malbiki og innanhúss að hluta. Ég
er svona fjörutíu mínútur aðra
leiðina og mér reiknast til að hafa
eytt um 30 þúsund krónum í bens-
ín í janúar sl., miðað við að aka á
bíl sem eyðir um 8,3 lítrum á
hundraðið. Það er sparnaður frá
því sem var, en samt mikið.“
Björn segir nokkuð marga
Stöðfirðinga sækja vinnu á Reyð-
arfjörð, Eskifjörð og víðar, ásamt
fólki sem sækir vinnu yfir á Fá-
skrúðsfjörð, en milli staðanna
tveggja eru 26 km. Enginn vafi sé
á að göngin hafi skapað nýtt og
auðsóttara atvinnusvæði. Þau hafi
og haft víðtæk áhrif, t.d. varðandi
fasteignaviðskipti á Stöðvarfirði,
sem voru lítil eða engin árin á und-
an.
„Það breyttist og hér hafa farið
fram fasteignaviðskipti eftir að
þetta fór fram. Hluti af því er fólk
sem er að vinna á Reyðarfirði og
annars staðar. Fasteignaverðið er
lægra á Stöðvarfirði en á t.d. Fá-
skrúðsfirði og stutt á milli stað-
anna, 26 km og svo aðeins 19 km
þaðan og yfir á Reyðarfjörð gegn-
um göngin. Menn horfa í það.
Þetta hefur þjappað Mið-Austur-
landi markvert saman og mikið
um að vera á svæðinu,“ segir
Björn.
Meiri umferð en búist var við
Ársdagsumferð, þ.e. dagleg
meðaltalsumferð, var árið 2000
um 210 bílar um Suðurfjarðaveg
milli Reyðarfjarðar og Fáskrúðs-
fjarðar. Var umferðaraukning frá
árinu 1994 þá um 4% á ári að með-
altali og skiptingin 250 bílar dag-
lega í sumarumferð og 130 dag-
lega á vetrum. Í skýrslu Hönn-
unar um umhverfisáhrif fram-
kvæmdarinnar kemur fram að
áætlað sé að ársdagsumferð um
göngin geti orðið um 450–650
bílar á dag árið 2010 og 800–1100
bílar á dag árið 2034 miðað við
stóriðjuuppbyggingu á Reyðar-
firði og alhliða atvinnuuppbygg-
ingu á miðsvæði Austurlands. Þar
er einnig gert ráð fyrir að umferð
tvöfaldist á fyrstu árunum eftir
opnun jarðganganna miðað við
reynslu frá Vestfjarða- og Hval-
fjarðargöngum.
„Umferðin er nokkuð misjöfn,
eða frá 400 og upp í 600 bíla á sól-
arhring,“ segir Páll Elísson, verk-
stjóri hjá Vegagerðinni á Reyðar-
firði. „Mest virðist umferðin vera
á föstudögum og þriðjudögum,
einhverra hluta vegna. Það hefur
komið þægilega á óvart hversu
mikil umferðin er og hún er ívið
meiri en var búist við, þessa rúm-
lega fimm mánuði sem göngin
hafa verið opin,“ segir Páll.
Einhverjar talningar hafa verið
gerðar á eðli umferðarinnar, þ.e.
hversu stór hluti er almenn um-
ferð og hvað þungaflutningar t.d.,
en um Fáskrúðsfjarðargöng fer
stór hluti þungaflutninga um
Austurland. Göngin eru jafnframt
hluti af einni af þremur leiðum út
úr fjórðungnum frá Mið-Austur-
landi. Almennt hefur verið reikn-
að með að göngin hafi jákvæð
samfélagsleg áhrif, stækki at-
vinnu- og þjónustusvæði, liðki fyr-
ir fjölbreyttari atvinnutækifærum
og bæti aðgengi að verslun og
þjónustu, skólum, íþróttastarfi,
menningu og listum. Þá er betri
tenging Suðurfjarða við flugvöll-
inn á Egilsstöðum talin til kosta
við göngin. Þau eru tvíbreið og 5,9
km að lengd, með 8,5 km löngum
vegtengingum. Kostnaður við
gerð þeirra var um 3,9 milljarðar
króna. Að auki eru tvenn önnur
jarðgöng á Austurlandi; Al-
mannaskarðsgöng sem eru einnig
tvíbreið, 1,3 km að lengd og byggð
2005 og þau þriðju og elstu eru
Oddskarðsgöng milli Eskifjarðar
og Norðfjarðar. Þau eru einbreið,
640 m löng og voru opnuð árið
1977.
Fréttaskýring | Áhrif Fáskrúðsfjarðarganga
Sterk byggða-
tenging
Atvinnusvæði Mið-Austurlands stækkaði
til muna og samfélögin hafa styrkst
Umferð um Fáskrúðsfjarðargöng er mikil.
Umferð um göngin talsvert
meiri en reiknað var með
Fáskrúðsfjarðargöng efldu
tiltrú margra Austfirðinga á
sterkan miðkjarna með stærra
atvinnu- og þjónustusvæði og þar
með fjölbreyttari atvinnutæki-
færum. Virðist það að einhverju
leyti hafa gengið eftir, rúmum
fimm mánuðum eftir að göngin
voru opnuð. Fólk búsett sunnan
ganga virðist talsvert sækja at-
vinnu yfir í Fjarðabyggð og upp
á Hérað og hreyfing er á fast-
eignum og í nýbyggingum á Suð-
urfjörðum.
Eftir Steinunni Ásmundsdóttur
steinunn@mbl.is
Vinsælir ferðamannastaðir á þessum
slóðum eru blómaeyjan Mainau sem er
skammt frá borginni Konstanz og
kastalinn sögufrægi í Meersburg.
Í 30–60 mínútna ökufjarlægð eru
Austurríki og Sviss hinu megin við
vatnið og Ítalía ekki langt undan.
*A›ra lei› me› sköttum. Gildir fyrir börn 12 ára og yngri í fylgd me› fullor›num
Verð frá:
Barnaverð:
www.icelandexpress.is, Grímsbæ, Efstalandi 26, Sími 5 500 600
www.icelandexpress.is/friedrichshafen
Vinaleg borg í fallegu umhverfi
Nokkuð óþjált nafn fyrir jafn fallega og vinalega borg. Friedrichshafen er í
Suður-Þýskalandi og stendur við Konstanz-vatnið sem er þriðja stærsta stöðuvatn
meginlands Evrópu þar sem Þýskaland, Sviss og Austurríki mætast. Það er alltaf nóg
um að vera við vatnið.
FRIEDRICHSHAFEN
Fljúgðu á einn stað og heim frá
öðrum - og bíll frá Budget kemur
þér á milli staða.
Bókaðu bílaleigubíl frá Budget á
www.icelandexpress.is og tryggðu
þér bestu verð Budget. Þú getur
flogið á einn áfangastað Iceland
Express, ferðast um á bíl frá Budget
og flogið svo heim frá öðrum
áfangastað, allt eftir þinni hentisemi.
VERTU ÞINN
EIGIN HERRA
ÁSKRIFTARDEILD netfang: askrift@mbl.is, sími 569 1122