Morgunblaðið - 26.02.2006, Blaðsíða 38

38 SUNNUDAGUR 26. FEBRÚAR 2006 MORGUNBLAÐIÐ
TEPPI Á STIGAHÚS
- got t verð -
komum og gerum verðtilboð
• Brúðarkjólar og nýjasta tíska
• Brúðarvendir og blómaskreytingar
• Matur í brúðkaupsveislum
• Brúðargjafir
• Hárgreiðsla brúða og brúðguma
• Giftingarhringir og morgungjafir
• Í formi fyrir brúðkaupið
• Brúðkaupsmyndin
• Snyrting fyrir brúðkaupið
• Veisludúkar
• Brúðarsængin og brúðarnærföt
Auglýsendur!
Pantið fyrir klukkan 16 föstudaginn 3. mars.
Allar nánari upplýsingar veitir Katrín
Theódórsdóttir í síma 569 1105 eða kata@mbl.is
Brúðkaupsblað
Morgunblaðsins
Sérblað helgað brúðkaupssýningunni Já!
fylgir Morgunblaðinu fimmtudaginn 9. mars.
Veitingahúsið Perlan - S: 562 0200 - Fax: 562 0207
Netfang: perlan@perlan.is - Heimasí›a: www.perlan.is
Food&Fun matseðill Perlunnar og Michelin Chéf Markus Winkel-
mann er með eindæmum vel heppnaður – enda margverðlaunaðir
matreiðslumenn á ferð. Áður en gestir gæða sér á kræsingunum
býður Ölgerðin upp á vínkynningu á völdum eðalvínum.
9. mars hefst svo hið geysivinsæla Sjávarréttahlaðborð!
VÍNKYNNING FYRIR MAT
FRAMLENGT TIL 8. MARS!
Erindið hefst kl. 3 e.h.
og verður haldið í fundarsal LbhÍ
á Keldnaholti, 3. hæð.
Mánudaginn 27. febrúar flytur
Björn L. Örvar erindi: Plöntuerfðatækni;
hagnýting og tækifæri.
Allir velkomnir
Fræðsluerindi Landbúnaðar-
háskóla Íslands á Keldnaholti Grétar segir tónlistina ogpíanóið afar þægilegaleið til þess að slaka áeftir erilsaman vinnu-dag og vinda ofan af
streitunni. Grétar, sem var réttargeð-
læknir á Sogni og á Litla-Hrauni á ár-
unum 1992–96, rekur nú læknastofu í
Kringlunni. Hann fagnaði sextugsaf-
mæli sínu 14. febrúar sl. með útgáfu á
sínum fyrsta geisladiski, Með lífsins
ljúfa yl, sem inniheldur lög sem hann
hefur samið á átta ára tímabili. Blaða-
maður hitti Grétar að máli á heimili
hans og ræddi við hann um tónlistina,
geðlækningar og óhefðbundnar leiðir
í geisladiskasölu. Geisladiskurinn nýi
hljómar í tækjunum og laglegur Atl-
as-flygill er mikið stofustáss á heimili
Grétars. Flygillinn var áður í eigu
Leifs heitins Þórarinssonar tónskálds
og við hann hefur Grétar samið flest
sín fallegustu lög, sem allnokkur hafa
komist í úrslit í söngvakeppnum. Lag-
ið Þú ert mér allt bar sigur úr býtum í
söngvakeppni sem Ríkisútvarpið
efndi til á ári aldraðra.
Á diskinum eru tólf lög eftir Grétar
en textar eru eftir Kristján Hreins-
son, séra Hjálmar Jónsson, séra Stef-
án Ólafsson (1619–1688) og Grétar á
sjálfur einn texta.
Kominn af tónelsku fólki
Grétar er Sunnlendingur í báðar
ættir og er kominn af tónelsku fólki.
Afi hans var Pálmar Ísólfsson hljóð-
færasmiður, bróðir Páls Ísólfssonar
tónskálds og organista, og langafi
hans var Ísólfur Pálsson, sem samdi
mörg falleg lög í fyrndinni. Hann ólst
upp í Hlíðahverfinu og var mikið spil-
að og sungið á heimili hans. Sjálfur
stundaði hann píanónám í tvo vetur.
Bróðir Grétars er Pálmar Árni hljóð-
færasmiður og valdi hann lögin á nýja
diskinn með Grétari. Upphaflega
komu 36 lög til greina en þeir bræður
skáru síðan lagafjöldann niður í 16
lög. Grétari var síðan bent á að með
því að fækka lögunum enn frekar nið-
ur í tólf mætti ná fram betri hljóm-
gæðum á diskinn og var sú raunin.
Hann segir að viss tenging sé á
milli geðlækninga og tónlistar. „Ég
spilaði ekki á píanó áratugum saman.
Mér fannst ég aldrei hafa tíma til þess
vegna anna í námi og starfi. Svo þegar
fór að hægjast um hjá mér, eftir að ég
gat hætt að vinna á sjúkrahúsum og
einbeitt mér alfarið að læknastofu
minni, fann ég hvað það gat verið ró-
andi að setjast niður við píanóið og
spila. Það getur nefnilega stundum
verið stressandi að vera geðlæknir.
Það er margt sem reynir á mann og á
hverjum degi verður maður fyrir
sterkum upplifunum,“ segir Grétar.
Fyrsta lagið samdi Grétar árið 1998.
Það ár, reyndar á afmælisdegi Grét-
ars, 14. febrúar, varð tengdafaðir
hans, sem bjó norður á landi, bráð-
kvaddur. Grétar settist við píanóið til
að eyða stund áður en farið var út á
flugvöll til þess að fljúga norður.
Hann sló nokkra hljóma sem tóku á
sig mynd lags. „Þá kallaði dóttir mín,
Lydía, hér ofan af lofti: „Pabbi, varst
þú að búa til þetta lag?“ Og ég gat
ekki annað en samsinnt því,“ segir
Grétar. Þetta er fyrsta lagið á nýja
diskinum og heitir Þú ert mér allt.
Lagið sendi Grétar síðan í dægur-
lagasamkeppni Ríkisútvarpsins á ári
aldraðra ásamt öðru lagi. Það fyrr-
nefnda bar sigur úr býtum og hitt lag-
ið, Enn einn dans, sem einnig er á
diskinum, komst alla leið í úrslit en
alls bárust 214 lög í keppnina. „Upp
frá þessu fór ég að setjast meira við
píanóið og búa til melódíur sem er at-
höfn sem maður gleymir sér algjör-
lega við.“
Árið 2001 átti Grétar tvö lög í tíu
laga úrslitum í Evróvisjón-laga-
keppninni. Hann hefur á þeim átta ár-
um sem liðin eru frá því Þú ert mér
allt varð til, samið mikinn fjölda laga
sem hann geymir á segulbandsspól-
um. Þau bíða þess að fá vængi og geta
lyft sér á öldum ljósvakans inn um
hlustir landsmanna. Hann kveðst
sjálfur ekki vera nógu góður hljóð-
færaleikari til þess að flytja lög sín. Af
þeim sökum fékk hann til liðs við sig
nokkra af fremstu tónlistarmönnum
landsins til að gera nýja diskinn. Árni
Scheving og Þórir Baldursson útsetja
lögin og Árni leikur á harmonikku,
víbrafón og bassa í nokkrum lögum,
og Þórir sér um píanó og hammond.
Aðrir sem leika á disknum eru Jón
Páll Bjarnason á gítar, Sigurður
Flosason á saxófón, Gunnar Hrafns-
son á kontrabassa, Einar Valur
Scheving á trommur og Björn Th.
Árnason á fagott. Þá syngja á disk-
inum Friðrik Ómar Hjörleifsson,
Friðrik Theódórsson, Páll Rósinkr-
anz, Halldóra Björk Friðjónsdóttir og
Lydía, dóttir Grétars.
Hugræn atferlismeðferð á diski
Grétar er þegar farinn að huga að
útgáfu á næsta diski og búinn að velja
19 lög sem koma til greina. En fyrst
er að fylgja nýja diskinum eftir og
koma honum í sölu og dreifingu. Þar
segist Grétar einna síst kunna til
verka. Hann langar helst að fara
óhefðbundnar leiðir í þeim efnum og
bjóða diskinn einvörðungu til sölu í
lyfjabúum. Hann ætlar þó að fara að
ráðum sér hyggnari manna í þessu
efni, eins og hann segir sjálfur. „Tón-
list á vel heima í lyfjabúðum enda te-
rapía þegar best lætur,“ segir hann.
„Satt best að segja fæ ég minn inn-
blástur frá sjúklingunum mínum.
Margir þeirra hafa talsverðan áhuga
á því að ég skuli vera að búa til tónlist
og spyrja mig gjarnan hvenær ég fari
að gefa út. Ég hef stundum brennt
nokkur laga minna á disk fyrir þá,
þeim til óblandinnar ánægju. Lögin
mín eru glaðleg og létt, það er sumar í
þeim og sól. Ég hef rætt um þetta við
nokkra kollega mína og við höfum
komist að þeirri niðurstöðu að þessi
iðja mín falli undir „hugræna atferl-
ismeðferð á diski“. Hugræn atferlis-
meðferð felur m.a. í sér að fá menn til
þess að hugsa öðruvísi en þeir eru
vanir, hugsa jákvæðar hugsanir og
líta á björtu hliðar lífsins.“
Sjúklingarnir veita
mér innblástur
Grétar Sigurbergsson geðlæknir byrjaði að semja tónlist samhliða læknastörfum fyrir átta
árum. Nýlega varð hann sextugur og gaf sjálfum sér í afmælisgjöf geisladisk með eigin
tónlist. Guðjón Guðmundsson ræddi við Grétar í tilefni af útkomu disksins.
Grétar Sigurbergsson með eiginkonu sinni, Kristínu Hallgrímsdóttur, í útgáfu-
teiti og sextugsafmælisveislu Grétars á Hótel Borg í síðustu viku.