Morgunblaðið - 26.02.2006, Blaðsíða 54

54 SUNNUDAGUR 26. FEBRÚAR 2006 MORGUNBLAÐIÐ
UMRÆÐAN
JÓHANN R. Benediktsson,
sýslumaður á Keflavíkurflugvelli,
tilkynnti nýlega að öryggisreglur í
Flugstöð Leifs Eiríkssonar yrðu
hertar. Samkvæmt
forsíðugrein Frétta-
blaðsins þann 12.
febrúar síðastliðinn
felur það í sér að fólki
verði meinað að fylgja
þeim inn í flugstöðina
sem af einhverjum
ástæðum komast ekki
hjálparlaust í og úr
flugi, svo sem börn-
um, fötluðum og öldr-
uðum.
Allmargir Íslend-
ingar eru í þeirri að-
stöðu að þurfa að
senda börn sín á milli landa til að
heimsækja foreldri í öðru landi,
ömmur og afa eða önnur skyld-
menni. Í nútíma samfélagi er mjög
algengt að börn búi ekki hjá báð-
um foreldrum en réttur barna til
umgengni við foreldra sína er ekki
umdeildur. Samkvæmt reglum
flugfélaganna mega börn, sem hafa
náð 6 ára aldri, ferðast ein.
Fram að þeim aldri þurfa þau
fullorðinn fylgdarmann. Flug-
félögin hafa brugðist við þörfum
barna, sem ferðast ein, með mikl-
um sóma og bjóða upp á þá þjón-
ustu að annast börnin í fluginu
gegn þóknun. Forráðamenn
barnanna hafa fengið leyfi til að
fylgja þeim inn í flugstöðina, að
brottfararhliði og hafa beðið með
þeim fram að brottför. Jafnframt
hefur það verið krafa
að forráðamaður yf-
irgefi ekki flugstöðv-
arbygginguna fyrr en
flugvélin er farin í
loftið.
Þetta fyrirkomulag
hefur reynst vel fyrir
foreldra og börn. Það
breytir hins vegar
ekki þeirri staðreynd
að það er álag fyrir
börn að ferðast ein.
Þau þurfa að sitja ein
í margra klukkutíma
flugi og fara í fylgd
ókunnugra að töskufæribandinu
þar sem þau þurfa að finna sína
tösku sjálf. Nú boðar sýslumaður
aukið álag á börn og foreldra með
því að banna foreldrum að fylgja
barninu í gegnum flugstöðvar-
bygginguna og að flugvélinni.
Allir sem fara inn á brottfar-
arsvæði flugstöðvarinnar hafa
hingað til farið í gegnum vopnaleit,
hvort sem viðkomandi er á leið úr
landi eða ekki. Hvaða sérstök ógn
stafar öryggi flugumferðar af
fylgdarmönnum barna, umfram
flugfarþega? Það hefur ekki verið
útskýrt á annan hátt en að krafan
komi frá alþjóðlegum eftirlits-
aðilum.
Hingað til hefur verið nógu erf-
itt fyrir börnin að fljúga ein og að-
standendur þeirra að senda þau
ein í flugi og nú er ætlunin að þau
verði einsömul á flugvellinum í allt
að 2 klukkustundir fyrir brottför.
Nefna má einnig að börn, sem
alast upp að miklum hluta erlend-
is, eru ekki endilega fullfær í ís-
lensku og vantreysta sér á því
sviði. Án fylgdar foreldra í gegn-
um flugstöð er óvíst að börnin
treysti sér til að ferðast ein og for-
eldrarnir telji forsvaranlegt að
senda þau fylgdarlaust á milli
landa. Kostnaður við að fullorðinn
þurfi að fljúga með barninu í
hverri ferð er umtalsverður og
getur reynst mörgum fjölskyldum
ofviða. Það hefur síðan áhrif á
möguleika og rétt barnsins til að
umgangast báða foreldra sína og
skyldmenni.
Ég er í sömu aðstöðu og fjöl-
margir aðrir. Barnið mitt á móður
og lögheimili í öðru landi en kemur
til Íslands 3–4 sinnum á ári til að
hitta mig og fjölskyldu sína hér.
Fyrstu ferðirnar, sem barnið var
eitt í flugvélinni, voru mjög erfiðar
fyrir barnið. Það er ekki tryggt að
þetta barn geti flogið eitt á milli
landa ef boðaðar breytingar í
Flugstöð Leifs Eiríkssonar koma
til framkvæmda. Ég hefði haldið
að stefna okkar í lýðræðislegu fjöl-
skyldusamfélagi ætti að ýta undir
samneyti skilnaðarbarna við það
foreldri sem börnin búa ekki hjá.
Slíkt samneyti eflir sjálfstraust
barnanna og öryggiskennd. Það er
býsna kaldhæðnislegt ef alþjóðlegt
flugöryggi á Keflavíkurflugvelli
verður sú hindrun sem nú er útlit
fyrir. Ef fyrir liggja lausnir á
hvernig tekið verður á móti börn-
um sem ferðast ein hefur þeim
ekki verið komið á framfæri. Það
eina sem sýslumaðurinn á Kefla-
víkurflugvelli virtist hafa áhyggjur
af, ef tekið er mið af fyrrnefndri
grein í Fréttablaðinu, er aukinn
kostnaður embættisins við breytt
fyrirkomulag.
Það er ósk mín með þessu bréfi
að koma af stað umræðu um þetta
mál. Ég sendi þetta bréf til fjöl-
miðla og líka til þeirra sem hljóta
að eiga að svara fyrir þessa
ákvörðun.
Eru fylgdarmenn barna ógn-
un við alþjóðlegt flugöryggi?
Gunnlaugur P. Pálsson fjallar
um flugöryggi og börn ’Nú boðar sýslumaðuraukið álag á börn og for-
eldra með því að banna
foreldrum að fylgja
barninu í gegnum flug-
stöðvarbygginguna og að
flugvélinni.‘
Gunnlaugur P. Pálsson
Höfundur á barn, hvers
móðir býr í öðru landi.
EINN af herrum íslenzku ráð-
stjórnarinnar boðaði fagnaðar-
erindi 5. janúar sl. í Blaðinu undir
heitinu ,,Gleðilegt gengisfelling-
arár“. Maðurinn bar þar ein-
göngu fyrir brjósti framleiðslu
sjávarútvegs og erfiðleika hennar
vegna hins háa gengis íslenzku
krónunnar. Fyrir fleiru þóttist
maðurinn ekki þurfa að hugsa.
Ráðstjórnarmenn hæla sér af
því að hafa lækkað erlendar
skuldir ríkissjóðs, en láta þess
auðvitað ógetið að skuldir þjóð-
arbúsins hafa margfaldazt hin
síðari árin svo háskasamlegt hlýt-
ur að teljast. Enda hafa bank-
arnir dælt erlendu fé inn á ís-
lenzkan markað og hirt
gífurlegan vaxtamun vegna lágra
vaxta erlendis en hárra hér. Þess
eru mýmörg dæmi að bankar hafi
lánað fólki allt að 100% til kaupa
á húsnæði – með fullri geng-
isáhættu að sjálfsögðu auk verð-
tryggingar. Ekki áttu nýársóskir
ráðherrans heima hjá þeim lán-
takendum.
Gengisfall íslenzku krónunnar,
sem maðurinn þráir, mun þegar í
stað valda hækkun neyzluverðs,
sem mun skila sér fyrr og ræki-
legar í verðlagi en hækkun gengis
hin síðari árin. Og vísitalan mun
komast á skrið.
Ekki geta þeir, sem gengizt
hafa undir klyfjar vísitölubund-
inna lána glaðst yfir nýárskveðju
ráðherrans.
Spurning: Hversvegna skyldu
lénsherrar fiskveiðanna ekki hafa
lagzt fastar á árar um gengisfell-
ingu?
Það skyldi þó aldrei vera vegna
níðþungra skuldabagga, sem þeir
hafa bundið sér erlendis?
Það er hérumbil sama hvar
borið er niður: Nýárssýn ráð-
herrans er óvitatal ætlað til þess
eins að koma ár sinni fyrir borð
hjá sægreifunum, sem hann vill
þjóna til borðs og sængur. Senni-
lega er þó sú þjónusta að þessu
sinni á hæpnum forsendum, en
allur er maðurinn af vilja gerður.
Á hinu háa gengi ber rík-
isstjórnin alla ábyrgð – og rær
raunar öllum árum að viðhaldi
þess. Undir einni árinni situr svo
stjórnmálafræðingurinn, með há-
skólapróf í blekkingum, og sendir
landsmönnum nýársóskir um
verðhrun íslenzka gjaldmiðilsins!
Sverrir Hermannsson
Óvitatal
Höfundur er fv. formaður
Fjálslynda flokksins.
Fasteignasalan Bifröst · Vegmúla 2 · 104 Reykjavík · Sími 533 3344 · Pálmi B. Almarsson löggiltur fasteignasali
Krókabyggð - 270 Mos.
Pálmi B. Almarsson
löggiltur fasteignasali
Áhugasamir hafi samband við Halldór
í síma 840 2100 eða á skrifstofu
Bifrastar í síma 533 3344
Mjög glæsilegt 230 fm einbýlishús á einni hæð með
tvöföldum bílskúr og verðlaunagarði. Húsið, sem stend-
ur á hornlóð, er teiknað af Jóni Guðmundssyni og inn-
anhússarkitekt er Finnur P. Fróðason. Allar innréttingar,
skápar og hurðir, eru sérsmíðaðar úr lerki, innfelld
halogen-lýsing er í öllu húsinu og sérstaklega góð loft-
hæð. Lagnakjallari er undir húsinu og geymsluloft.
Gegnheilt parket úr hlyn og granítflísar eru á gólfum.
Þetta er einstaklega fallegt og vel skipulagt hús þar sem
ekkert hefur verið til sparað. Tilboð óskast
Sölusýning í dag milli 14 og 15
Ingólfur G. Gissurarson, lögg. fast.
www.valholl.is
Opið virka daga frá kl. 9.00-17.30.
Glæsilegar sérhæðir með útsýni
við Andarhvarf
Um er að ræða glæsilegar 134,3 fm
sérhæðir ásamt 25-27 fm bílskúr-
um. Íbúðirnar afhendast fullfrá-
gengnar án gólfefna. Frábært
skipulag með tveimur baðherbergj-
um, sérlóð með íbúðum neðri hæð-
ar og svölum með íbúðum efri hæðar. Verð 35,9 millj.
Gvendargeisli
glæsileg raðhús á einni hæð
Glæsileg 140 fm raðhús á einni
hæð ásamt 28,6 fm bílskúr. Húsið
er vel staðsett og er stutt í grunn-
skóla, leikskóla og aðra þjónustu.
Glæsilegar sérsmíðaðar innrétting-
ar. Baðherbergi er flísalagt á gólfi
og upp á veggi. Eldhús er með há-
skápum og eyjuinnréttingu með helluborði og eyjuháf sem nær upp í loft.
Stofa og borðstofa eru með stórum og björtum gluggum og útgengt er úr
eldhúsi á verönd úr timbri sem auðvelt er að stækka. Við veröndina er lögn
fyrir vatn og rafmagn (s.s. fyrir heitan pott o.fl.). Timburverönd 25 fm fylgir
hverri eign í suður. Garðar snúa í suður. Frábær staðsetning í botnlanga-
götu og stutt út í náttúruna. Verð frá 38,7-39,8 millj.
Tröllateigur
glæsilegar sérhæðir í Mosfellsbæ
Nýjar og glæsilegar 116 fm 4ra
herbergja sérhæðir á mjög góðum
stað í Mosfellsbæ. Gert er ráð fyrir
að íbúðirnar afhendist fullfrágengn-
ar án gólfefna en húsið, lóð og bíla-
stæði fullfrágengin. Sérverönd og
sérafnotaréttur á lóð fylgir íbúðum
neðri hæðar en góðar svalir fylgja
íbúðum á efri hæð. Íbúðirnar eru til afhendingar í byrjun mars 2006.
Verð 24,8-26,9 millj.
Rauðavað - til afhendingar strax
Glæsilegar 2ja herbergja 92 fm, 3ja
herb. 108,5 fm og 4ra herb. 120 fm
íbúðir í glæsilegum sex íbúða fjöl-
býlishúsum á hagstæðu verði. Inn-
réttingar eru frá HTH. Sérinngangur
er í íbúðirnar af lokuðum svala-
gangi. Stæði í lokaðri bílageymslu
fylgir öllum íbúðum. Bílastæði og
lóð verða frágengin. Verð á 2ja
herbergja frá 19,5 m. á 3ja herb. 22,8 m. og á 4ra herb. 25,9 m.
Selvað - glæsilegt lyftuhús með
innangengt í bílskýli
Um er að ræða glæsilegt 4ra hæða
lyftuhús á fallegum útsýnisstað í
Norðlingaholtinu. Flestum íbúðum
fylgir stæði í bílageymslu. 20 fm
svalir fylgja með efstu hæðinni.
Íbúðirnar skilast fullbúnar án gólf-
efna og flísa á baði. Öll sameign,
lóð og bílastæði, skilast frágengin.
Um er að ræða 3ja, 4ra og 5 her-
bergja íbúðir. Glæsilegar innréttingar frá Brúnási.
Bjarkarás, Garðabæ
glæsilegar sérhæðir
Í einkasölu nýjar, glæsilegar sér-
íbúðir, samtals 30 eignir í sjö 2ja
hæða húsum á þessum einstaklega
góða stað í Garðabæ. Gert er ráð
fyrir að eignirnar verði afhentar full-
búnar án gólfefna með vönduðum
innréttingum og flísalögðu glæsi-
legu baðherb. Mjög skemmtilega teiknuð hús. Lofthæð á neðri hæð er
2,95 m og á efri hæð 2,6 m. Íbúðirnar eru frá 96,7 fm upp í 186,6 fm og
fylgir stæði í bílskýli 22 af 30 íbúðum. Fullfrágengin sérverönd fylgir íbúð-
um neðri hæðar og svalir, frá 7,5-57 fm, fylgja íbúðum efri hæðar. Glæsi-
legt útsýni er úr mörgum íbúðanna. Lóð afhendist fullfrágengin með öllum
gróðri en án leiktækja. Byggingaraðili er Tré-mót ehf. Sjáið glæsilegan vef
um eignina með öllum upplýsingum á www.nybyggingar.is.
Hamrakór - einbýlishús/tengihús
á frábæru verði
Í einkasölu glæsileg, vel skipulögð
228 fm hús á tveimur hæðum með
innbyggðum 41,2 fm tvöföldum bíl-
skúr. Húsin afhendast tilbúin til
innréttinga að innan og fullbúin að
utan með grófjafnaðri lóð. Verð á
endahúsi 39,9 millj. og á miðjuhúsi
39,5 millj. Sjá myndir og skilalýs-
ingar á öllum ofangreindum eignum
á www.nybyggingar.is.