Morgunblaðið - 26.02.2006, Blaðsíða 59

MORGUNBLAÐIÐ SUNNUDAGUR 26. FEBRÚAR 2006 59
MINNINGAR
✝ Ingvar Ágústs-son fæddist í
Reykjavík 19. ágúst
1938. Hann lést af
slysförum mánu-
daginn 6. febrúar
síðastliðinn. For-
eldrar hans voru
hjónin Ágúst Ingv-
arsson vélstjóri, f. 1.
ágúst 1904 í Reykja-
vík, d. 4. júní 1980,
og Sigrún Jónsdótt-
ir húsmóðir, f. 5.
apríl 1908 á Eyrar-
bakka, d. 22. febr-
úar 1993. Bróðir Ingvars er Gunn-
ar Jón, f. 31. ágúst 1944, kvæntur
Signýju Þorsteinsdóttur, og eiga
þau þrjú börn.
Ingvar kvæntist hinn 28. sept-
ember 1974 eftirlifandi eiginkonu
sinni Bergþóru Ögmundsdóttur, f.
30. apríl 1941 á Hvammstanga.
Foreldrar hennar voru hjónin Ög-
mundur Kr. Sigurgeirsson bóndi,
f. 3. júní 1901 á Fallandastöðum í
Hrútafirði, d. 11. apríl 1969, og
Anna Gunnlaugsdóttir húsmóðir,
f. 31. júlí 1900 á Stóru-Borg í V-
Húnavatnssýslu, d. 13. desember
1993. Sonur Ingvars og Bergþóru
er Ágúst Ottó f. 11. júní 1974,
kvæntur Jóhönnu K.
Jóhannsdóttur og
eignuðust þau þrjá
syni. Börn Berg-
þóru af fyrra hjóna-
bandi og fósturbörn
Ingvars eru: 1)
Anna Gyða Rebekka
Reynisdóttir, f. 11.
ágúst 1961, gift Vin-
cenzo R. Piras, eiga
þau saman eina
dóttur, en fyrir átti
hún fimm börn og
eru barnabörnin
tvo. 2) Ögmundur
Smári Reynisson, f. 30. ágúst
1962, í sambúð með Jónínu
Skaftadóttur og á hann fimm börn
og Jónína einn son. 3) Hulda Björg
Reynisdóttir, f. 24. september
1965 og á hún tvö börn.
Ævistarf og jafnframt áhuga-
mál Ingvars tengdust alla tíð bíl-
um og vélum. Hann vann á árum
áður meðal annars hjá Þunga-
vinnuvélum og Vöku, en frá árinu
1973 og alla tíð síðan ráku þau
hjónin sitt eigið vélaflutningafyr-
irtæki á hans nafni.
Útför Ingvars var gerð frá Bú-
staðakirkju 17. febrúar sl. – í
kyrrþey að hans ósk.
Flest börn kynnast foreldrum
sínum við fæðingu en kynni okkar
pabba hófust þegar ég er fjögurra
til fimm ára og hann fór að venja
komur sínar á heimili okkar.
Mamma var þá fráskilin með þrjú
börn svo að fjölskyldan varð strax
stór þegar sambúð þeirra hófst.
Það var síðan sumarið 1971 sem
við flytjumst í Blesugrófina þar
sem búskapur þeirra stóð alla tíð
síðan. Litli bróðir bætist síðan í
barnahópinn en aldrei fundum við
hin systkinin fyrir því að pabbi
hafi hampað honum neitt meira en
okkur. Ef ég á að lýsa pabba í
stuttu máli var hann stórhuga og
áræðinn, barngóður og greiðvik-
inn. Það var heldur aldrei nein
lognmolla í kringum hann, pabbi
talaði hátt, var ræðinn, gaman-
samur og afskaplega stríðinn á
stundum. Hann hafði gaman af því
að hitta fólk og spjalla, helst að
vera hrókur alls fagnaðar, en hann
hafði samt ekki eirð í sér til að
stoppa of lengi við, þurfti oftast að
fara að gera eitthvað annað, enda
var hann sífellt að. Hann var
fæddur og uppalinn í Reykjavík
sem honum fannst vera nafli al-
heimsins, enda skildi hann ekkert í
því þegar ég flutti út á lands-
byggðina, alla leið suður í Hafn-
arfjörð! Eftir það var ég og mín
fjölskylda alltaf kölluð „Hafnfirð-
ingarnir“.
Það er af nógu að taka til að
rifja upp, t.d. allar ferðirnar í
Múlakaffi hér áður fyrr þar sem
ég fékk að fara með þegar pabbi
fór að hitta hina strákana til að
spjalla. Á seinni árum fór hann
ásamt mömmu í kaffi á sunnudög-
um niður á BSÍ að hitta strákana
og var það orðin ein af þeirra föstu
venjum. Foreldrum mínum þótti
gaman að ferðast og síðustu 15 ár-
in fóru þau oftast í stuttar utan-
landsferðir eftir að hafa ferðast
innanlands árin þar á undan. Fyrir
dyrum stóð að fara í langt og lang-
þráð frí til Kanarí, heilar þrjár
vikur, en svo lengi höfðu þau aldr-
ei verið erlendis áður. Ég trúi því
að pabbi verði með mömmu þegar
hún fer í fríið þeirra þó að það
muni óneitanlega fara minna fyrir
honum en hans var vani.
Að lokum vil ég þakka pabba
fyrir að hafa alltaf verið til staðar
og fyrir að hafa verið pabbi minn.
Þín dóttir
Hulda Björg.
Hinn 6. febrúar fengum við þær
hræðilegu fréttir að Ingi hefði dáið
í hörmulegu slysi. Þessar fregnir
komu sem reiðarslag yfir okkur
öll. Það er svo erfitt að sætta sig
við þegar slys ber að höndum og
við spyrjum af hverju, en það er
fátt um svör.
Ingi sem var ávallt svo hress og
kátur, stutt í stríðni og grín, er
farinn frá okkur. En hann gleym-
ist aldrei.
Ingi var þekktur fyrir vinnusemi
sína en jafnframt fyrir greiðasemi.
Hann vildi öllum vel og þá sér-
staklega fjölskyldu sinni. Börn
hændust að honum og hafa alla tíð
gert, eins og eitt af barnabörnum
hans sagði: „Hann afi er góður.“
Ég mun alla tíð vera þakklát
honum og konu hans Bergþóru
fyrir hversu vel þau tóku á móti
mér og syni mínum inn í fjölskyld-
una og litu á okkur eins og við
hefðum alltaf tilheyrt þeim.
Það er erfitt að kveðja Inga og
þótt árin hafi ekki verið mörg sem
hann var í mínu lífi þá á ég fullt af
minningum um hann sem ég geymi
í hjarta mínu.
Elsku Bergþóra. Orð mega sín
lítils á svona stundu, það er stórt
skarð höggvið í líf þitt. Ég bið
þess að Guð gefi þér styrk á þess-
um erfiðum tíma.
Elsku Anna Gyða, Ögmundur ,
Hulda og Gústi, ég votta ykkur
öllum mína dýpstu samúð.
Guð blessi minningu Ingvars
Ágústssonar.
Jónína Skaftadóttir.
Hann afi minn var og verður
besti afi í heimi. Afi var fyndinn og
skemmtilegur og bara æðislegur
afi. Ég veit að afi er ennþá til, því
þótt hann sé ekki í líkamanum sín-
um þá er hann í hjartanu mínu.
Ég var lítið barn
og ég spurði móður mína
hver munur væri á gleði og sorg.
Móðir mín strauk yfir hár mitt og svaraði:
Sá maður sem aldrei kennir sorgar í
hjarta sínu
getur ekki glaðst
því hann þekkir ekki sorgina.
(Þórunn Magnea.)
Vertu yfir og allt um kring
með eilífri blessun þinni,
sitji Guðs englar saman í hring
sænginni yfir minni.
(Sig. Jónsson frá Presthólum.)
Þín afastelpa
Tinna Húnbjörg Einarsdóttir.
Ég skal vaka og gráta
af gleði yfir þér
því Guð átti ekkert betra
að gefa mér.
(Davíð Stef.)
Margrét Anna Ögmundsdóttir.
Vertu yfir og allt um kring
með eilífri blessun þinni.
Sitji Guðs englar saman í hring
sænginni yfir minni.
(Sig. Jónsson.)
Einar Bjarki Ómarsson.
Stjörnurnar, sem við sjáum
sindra um himininn,
eru gleðitár Guðs, sem hann felldi,
er hann grét í fyrsta sinn.
(Davíð Stef.)
Sigurður Leó Ögmundsson,
Ingvar Óli Ögmundsson.
Eg vil fara eitthvað
langt langt burt
svo enginn geti að mér sótt,
enginn til mín spurt,
engin frétt, engin saga
eyrum mínum náð.
Eg vil aldrei troða akur
sem aðrir hafa sáð.
(Davíð Stefánsson.)
Ögmundur Eron Ögmundsson.
INGVAR
ÁGÚSTSSON
Elskuleg eiginkona mín, móðir okkar, tengda-
móðir og amma,
SIGRÍÐUR BALDURSDÓTTIR,
Stórateigi 7,
Mosfellsbæ,
lést á lungnadeild Landspítala Fossvogi föstu-
daginn 17. febrúar.
Jarðarförin fór fram í kyrrþey að ósk hinnar látnu.
Ásgeir Pálsson,
Gunnar Hlöðver Tyrfingsson, Unnur Herdís Ingólfsdóttir,
Bjarni Ásgeirsson,
Kristján Ásgeirsson, Elín Jónína Clausen,
Agnes Ásgeirsdóttir, Ragnar Guðmundsson
og barnabörn.
Elskulegur eiginmaður minn, faðir og fósturfaðir
okkar, tengdafaðir og afi,
INGVAR ÁGÚSTSSON,
Blesugróf 15,
Reykjavík,
lést af slysförum mánudaginn 6. febrúar.
Útförin hefur farið fram í kyrrþey að ósk hins látna.
Þökkum þeim fjölmörgu sem sýnt hafa okkur
hlýhug og stuðning á erfiðum tímum.
Guð blessi ykkur öll.
Bergþóra Ögmundsdóttir,
Ágúst Ottó Ingvarsson, Jóhanna Kr. Jóhannsdóttir,
Anna Gyða Rebekka Reynisdóttir, Vincenzo R. Piras,
Ögmundur Smári Reynisson, Jónína G. Skaftadóttir,
Hulda Björg Reynisdóttir
og afabörn.
Elsku litli drengurinn okkar,
EMIL FJÖLNISSON,
Þórðarsveigi 2,
Reykjavík,
sem lést á Landspítalanum í Fossvogi þriðju-
daginn 21. febrúar sl., verður jarðsunginn frá
Dómkirkjunni í Reykjavík mánudaginn 27. febrúar
kl. 13.00.
Trine Holm Houmøller, Fjölnir Guðmundsson,
Guðrún Jónsdóttir, Guðmundur M. Guðmundsson,
Helga Petersen, Henrik Houmøller,
Sofie Houmøller,
Erna Guðmundsdóttir,
Magnús Fjalar Guðmundsson, Bryndís Friðriksdóttir,
Katrín Hekla Magnúsdóttir.
Ástkær móðir okkar, tengdamóðir, amma, lang-
amma og systir,
ELÍSABET SIGURBJÖRG THORARENSEN,
Dalbraut 27,
Reykjavík,
lést á Landspítala-Háskólasjúkrahúsi í Fossvogi
laugardaginn 18. febrúar.
Útförin fer fram frá Grafarvogskirkju miðviku-
daginn 1. mars kl. 13.00.
Bjarni Ólafsson Kristín Þórarinsdóttir
Kristín Benediktsdóttir
Elísabet Benediktsdóttir Tómas Á. Einarsson
barnabörn, langömmubörn og systkini.
Ástkær faðir okkar, tengdafaðir, afi og langafi,
ÞORGEIR PÁLSSON
frá Grænavatni,
Espigerði 10,
Reykjavík,
verður jarðsunginn frá Langholtskirkju mánu-
daginn 27. febrúar og hefst athöfnin kl. 13.00.
Páll Þorgeirsson, Helga Þorkelsdóttir,
Sigurgeir Þorgeirsson, Málfríður Þórarinsdóttir,
Hólmfríður Þorgeirsdóttir, Árni Vésteinsson,
barnabörn og barnabarnabörn.
Ástkær konan mín og móðir okkar,
ÞORBJÖRG SVEINBJARNARDÓTTIR,
Huppahlíð,
Miðfirði,
lést á Landspítalanum við Hringbraut sunnudag-
inn 19. febrúar.
Jarðarförin verður auglýst síðar.
Helgi Björnsson,
Ólöf Guðrún Helgadóttir,
Björn Helgason,
Jóhanna Hólmfríður Helgadóttir,
Elínbjörg Helgadóttir,
Hjalti Sigursveinn Helgason.
Innilegar þakkir fyrir auðsýnda samúð og hlýhug
við andlát og útför elskulegrar móður, tengda-
móður, ömmu og langömmu,
SOFFÍU JÓNSDÓTTUR,
Dalbraut 27,
áður Laugarásvegi 41.
Sérstakar þakkir til starfsfólks á Dalbraut 27 og
deild B4 á Landspítalanum í Fossvogi fyrir góða
umönnun.
Gylfi Sigurjónsson, Valgerður Ólafsdóttir,
Sif Gylfadóttir, Haraldur Sigurjónsson,
Sigurjón Gylfason
og langömmubörn.