Morgunblaðið - 26.02.2006, Blaðsíða 60
60 SUNNUDAGUR 26. FEBRÚAR 2006 MORGUNBLAÐIÐ
MINNINGAR
Herborg fæddist á
Herríðarhóli í Ása-
hreppi í Rangárvallasýslu. Börnin
voru mörg, eða 16 alls, svo margt
var um manninn á æskuheimili
HERBORG
JÓNSDÓTTIR
✝ Herborg Jóns-dóttir fæddist á
Herríðarhóli í Ása-
hreppi í Rangár-
vallasýslu 4. maí
1936. Hún lést á
Landspítalanum við
Hringbraut 7. des-
ember síðastliðinn
og fór útför hennar
fram frá Fossvogs-
kirkju 16. desem-
ber.
Herborgar. Þegar ég
kynntist Herborgu
var hún ung og
hraust og var ein af
35 nemendum í hús-
mæðraskólanum á
Laugarvatni, sem var
þá í Lindinni, gamla
rauða húsinu sem
okkur öllum þótti
vænt um.
Núna, rúmlega 50
árum seinna, eru sex
látnar úr hópnum
okkar. En 5. maí í vor
tókst okkur að halda
upp á 50 ára útskriftarafmæli okk-
ar og þá var Herborg með okkur
og engum datt í hug að svo yrði
ekki áfram um margra ára skeið.
En enginn veit sína ævi fyrr en
öll er.
Herborg var alltaf hress og kát,
jákvæð og í góðu skapi. Hún var
hinn mesti dugnaðarforkur og lét
aldrei sitt eftir liggja, þegar eitt-
hvað stóð til.
Við vorum allar ungar og bröll-
uðum ýmislegt en aldrei neitt sem
braut í bága við reglur skólans.
Slíkt gerði uppeldi okkar.
En þetta skólaár á Laugarvatni
var það skemmtilegasta. Okkur
líkaði öllum vel og ég er alveg viss
um að það hefur átt við Herborgu
líka.
50 ára afmælið var haldið í Lind-
inni. Þangað mættum við 22 af
þeim 30 sem þá lifðu. En nú erum
við einni færri og eigum eftir að
sakna Herborgar.
Samúðarkveðjur okkar allra.
Fyrir hönd skólasystra,
Valborg Soffía Böðvarsdóttir.
Dalurinn þögli grætur
(P.B.)
Mér fannst ég snögglega eldast
um mörg ár þegar ég heyrði um frá-
fall fermingarsystur minnar, Þuríð-
ar Jónsdóttur.
Þótt söknuðurinn sé sár, þá grát-
um ei. Gleðjum okkur við minningar
ÞURÍÐUR
JÓNSDÓTTIR
✝ Þuríður Jóns-dóttir fæddist í
Grafardal í Hval-
fjarðarstrandar-
hreppi 31. janúar
1933. Hún lést á
Landspítalanum
miðvikudaginn 26.
október síðastliðinn
og var jarðsungin
frá Áskirkju í
Reykjavík 2. nóvem-
ber.
um að hafa átt með
henni samleið. Hvar
sem hún fór skildi hún
eftir góð áhrif og verk.
Fyrstu minningar
mínar um hana eru að
mér var bent á hana
sem fyrirmynd. Hún
væri svo háttvís og
prúð. Mér var reyndar
svo oft bent á þetta að
ég varð dálítið öfund-
sjúk, rétt eins og þeg-
ar fólk var að dást að
henni litlu systur
minni. Ég man þessa
ljóshærðu telpu með fallegu brúnu
augun og háa, hvelfda ennið. Hana
sem alltaf mundi að bjóða góðan dag
og þakka fyrir sig.
Þannig byrjuðu barnaskólaárin og
við kynntumst. Fljótlega urðum við
einlægar vinkonur allar þrjár. Ég
man þvílíkur léttir það var þegar ég
áttaði mig á að vera stolt og ham-
ingjusöm að eiga slíka vinkonu sem
Þuru og eiga líka ljúfa og fallega litlu
systur.
Stundum hef ég orðað það svo að
fjölmennustu útihátíðir bernsku og
æsku minnar hafi verið vorsmala-
mennskur í Grafardal.
Í minningunni er líka oftast sól-
skin, vorblíða og hiti. Þannig var
veðrið allavega dag þann sem ég
minnist nú á. – Vorum við Þura 13
eða 12 ára. Svo hafði atvikast að það
hafði orðið að skilja eftir gemling í
ullarhafti, frammi í dal. – Nú bað Jón
dóttur sína að fara og finna hann. Ég
bauð mig fram henni til fylgdar. –
Svo fékk hann okkur sauðaklippur
og hníf, því að ef við næðum gimbr-
inni áttum við að rýja hana og
hreinsa af henni ullarhaftið. Lagði
hann ríka áherslu á að við hreins-
uðum sárin á fótum hennar vel svo að
þar yrði ekkert eftir af ullartægjum.
Vissulega lögðum við okkur fram og
til þess að hreinsa nú sárin til fulln-
ustu sóttum við dýjamosa með krist-
altærum vatnsdropum og þvoðum
þau. Það voru stolt og kotroskin ung
búkonuefni sem skiluðu Jóni bónda
reyfi, klippum og vasahníf og hlutu
hrós fyrir. Það liðu mörg ár þangað
til ég heyrði Sigurð Brúnar segja frá
því að Guðmundi Hannessyni,
frænda hans, hefði hugkvæmst að
nota dýjamosa til sótthreinsunar.
Svona hefur móðir náttúra kennt
börnum sínum að bjargast af gegn-
um aldirnar.
Þura fór í Gagnfræðaskólann á
Akranesi. Þar vakti hún strax at-
hygli fyrir góðar námsgáfur og með-
ferð íslensks máls. Eftir gagnfræða-
skólann fór hún í hjúkrunarnám og
lauk því með prýði, starfaði síðan
löngum sem hjúkrunarkona.
Snemma á þeim ferli kynntist hún
Sigurbirni Þorvaldssyni. Þau eign-
uðust tvö börn, Margréti og Daníel.
Tóku auk þess í fóstur unga frænku
Sigurbjarnar, Ingibjörgu, bjuggu
börnum sínum gott og traust heimili.
Þura þekkti af eign raun hin nánu
tengsl við landið og gróðurinn, þráði
að geta kennt börnum sínum að
njóta þess sama. Hún fékk aðstöðu í
Vatnshorni, yfirgefnu æskuheimili
mínu. Þar dvaldi hún með börn sín
hluta úr ellefu sumrum. Þar kenndi
hún þeim að bjargast við fábreytta
aðstöðu og hlusta eftir og læra boð
umhverfisins.
Mér var ljúft að koma að Vatns-
horni meðan fjölskyldan dvaldist
þar. Viðtökurnar eins og ég væri aft-
ur í foreldrahúsum. Veit að áhrif og
minningar frá þessum sumardögum
fylgja þeim sem nutu. Vissi hvað for-
eldrum mínum þótti vænt um það
samband sem hún rækti við þau.
Man þegar pabbi sagði mér frá sjö-
tugsafmæli sínu: „Hún Þura kom
með rjómatertu á stærð við vænan
tunnubotn.“ Þær mamma drifu upp
veislu og buðu nánasta venslafólki og
vinum. Þar eins og oftar tókst henni
að skapa öðrum hamingjustund með
dugnaði sínum og fórnfýsi.
Ein af góðum gjöfum lífsins að
hafa átt hana að vini frá bernsku til
síðasta dags.
Sendi samúðarkveðju öllum sem
sakna. Blessuð sé minning hennar.
Sigríður Höskuldsdóttir.
Eiginmaður minn, faðir okkar, tengdafaðir, afi og
langafi,
SIGURLIÐI JÓNASSON,
Mýrarvegi 111,
Akureyri,
sem lést á hjúkrunarheimilinu Seli fimmtudaginn
16. febrúar, verður jarðsunginn frá Akureyrar-
kirkju mánudaginn 27. febrúar kl 13.30.
Þeim, sem vilja minnast hins látna, er bent á minningarkort aðstandenda-
félagsins Vinarhandarinnar á Seli.
Jóna Aðalbjörnsdóttir,
Eygló Sigurliðadóttir, Birgir Pálsson,
Una Sigurliðadóttir, Þórir Haraldsson,
Björn Sigurliðason,
barnabörn og barnabarnabörn.
Ástkær faðir okkar, sonur, bróðir og mágur,
JÓN ÞÓR ÓLAFSSON,
sem lést í El Salvador sunnudaginn 12. febrúar
sl., verður jarðsunginn frá Fossvogskirkju þriðju-
daginn 28. febrúar klukkan 13.00.
Breki Þór Jónsson,
Ilmur Ösp Jónsdóttir,
Ólafur Þ. Jónsson, Svandís Geirsdóttir,
Steingrímur Ólafsson, Marín Hrafnsdóttir,
Gréta Björg Erlendsdóttir, Hannes G. Ingólfsson,
Bjarnheiður Erlendsdóttir, Sigvaldi P. Gunnarsson.
Elskuleg móðir okkar, tengdamóðir, amma og
langamma,
ÁGÚSTA MARÍA AHRENS,
áður til heimilis í
Barmahlíð 19,
lést á hjúkrunarheimilinu Droplaugarstöðum laug-
ardaginn 18. febrúar.
Útförin fer fram frá Dómkirkjunni, miðvikudaginn
1. mars, kl. 15:00.
Blóm og kransar vinsamlega afþakkað, en þeir sem vilja minnast hennar
láti Félag aðstandenda Alzheimerssjúkra njóta þess, sími 898 5819.
Georg Ahrens Hauksson, Ingibjörg Sveina Þórisdóttir,
Erlendur Hauksson, Kristín Helgadóttir,
Sonja Georgsdóttir,
Ingi Haukur Georgsson, Sigrún Pétursdóttir,
Ágústa Ruth Ahrens Georgsdóttir, Ragnar Páll Dyer,
Ólafur Haukur Erlendsson, Sigrún Björgúlfsdóttir,
Almar Þór Ingason, Annamaría Alesdotter,
Haraldur Haukur Ingason
og barnabarnabörn.
Sendum öllum þeim sem sýndu okkur vináttu og
hlýhug vegna andláts og útfarar ástkærrar móður
minnar og ömmu,
SIGRÍÐAR EYJÓLFSDÓTTUR,
Selvogsgrunni 22,
Reykjavík.
hugheilar þakkir. Sérstaklega viljum við þakka
starfsfólki á Vífilsstöðum fyrir sérlega góða
umönnun.
Stella Meyvantsdóttir,
Sigurður Þórarinsson.
Innilegar þakkir til allra þeirra sem sýndu okkur
hlýhug og samúð við andlát og útför
KOLBRÚNAR FRIÐÞJÓFSDÓTTUR
kennara
frá Litluhlíð
á Barðaströnd.
Jóhann Þorsteinsson,
Sigurður Barði Jóhannsson, Valgerður Vésteinsdóttir,
Steingerður Jóhannsdóttir, Árni B. Emanúelsson,
Áróra Jóhannsdóttir,
Friðþjófur Jóhannsson, Áslaug Ólöf Þórarinsdóttir,
Júlíus Ragnar Pétursson, Renáta Pétursson
og fjölskyldur.
Hjartans þakkir til allra þeirra sem sýndu okkur
hlýhug og vináttu við andlát og útför
ÞORSTEINS S. SIGVALDASONAR,
Hraunbrún 34,
Hafnarfirði.
Guðleif K. Jóhannesdóttir
og fjölskylda.
Innilegar þakkir fyrir auðsýnda samúð og hlýhug
vegna andláts og útfarar föður okkar, stjúpföður,
tengdaföður, afa og langafa,
ARNVIÐ HANSEN
(Alli).
Guðmundur Hansen, Stefanía Hólm,
Áslaug Kr. Hansen, Hilmar Snorrason,
Inger Rut Hansen, Vigfús Mortens,
Rósa Rögnvaldsdóttir, Pétur Pétursson,
barnabörn og barnabarnabörn.
Innilegar þakkir fyrir auðsýnda samúð og hlýhug
vegna andláts og útfarar ástkærrar móður okkar
og fósturmóður, tengdamóður, ömmu, lang-
ömmu og langalangömmu,
INGUNNAR ELÍNAR ANGANTÝSDÓTTUR,
Þingeyri.
Nanna Magnúsdóttir, Jónas Ólafsson,
Halldóra Magnúsdóttir, Kristján Haraldsson,
Anton Haukur Gunnarsson, Hulda Sassoon,
ömmubörn, langömmubörn
og langalangömmubarn.