Morgunblaðið - 26.02.2006, Blaðsíða 74

74 SUNNUDAGUR 26. FEBRÚAR 2006 MORGUNBLAÐIÐ
Fátt er eins skemmtilegt, þeg-ar tónlist er annars vegar, ogað fá í hendurnar nýja plötumeð bandarísku rokksveit-
inni Liars. Ekki er bara að tónlistin
er allt í senn einkar lífleg, frumleg
og furðuleg, heldur veit maður aldr-
ei á hverju maður á von – ef það er
einhver hljómsveit sem er óhrædd
við að gera tilraunir, fara í óvænta
átt, þá er það Liars, eins og sannast
á nýrri plötu sveitarinnar, Drum’s
Not Dead, sem kom út í liðinni viku.
Liars er hugarfóstur þeirra Aaron
Hemphill og Angus Andrew, báðir
listaspírur, sem kynntust í skóla í
Los Angeles og byrjuðu þar að vinna
saman að margmiðlunarverkefni
sem byggðist á tónlist og kvikmynd-
um. Þeir hittust svo aftur í New
York fyrir sex árum og ákváðu að
taka upp þráðinn, en leggja þó meiri
áherslu á tónlistina. Eftir vangavelt-
ur í nokkurn tíma rákust þeir á aug-
lýsingu í hljóðfæraverslun og gengu
til liðs við þá Pat Noecker og Ron
Albertson undir nafninu Liars. Þeir
félagar skiptu þannig með sér verk-
um að Andrew tók að sér sönginn,
Hemphill lék á gítar og annaðist for-
ritun, Noecker spilaði á bassa og Al-
bertson á trommur.
Það tók Liars ekki langan tíma að
finna sér stíl og stefnu, aðallega
pönkað rokk, en þó með sterkum
dansáhrifum, forrituðum töktum,
víruðum textum og geggjuðum söng.
Þó þeir félagar væru kannski heldur
villtari en flest það sem efst var og á
baugi í New York í upphafi ald-
arinnar má þó segja að tónlistin hafi
fallið að mestu undir merkimiðann
pönkfönk.
Sveitin var eiginlega komin á fullt
frá fyrsta degi og þannig var hún
ekki ýkja gömul þegar hún var farin
að spila á tónleikum sem mest hún
mátti og fyrsta breiðskífan var tekin
upp ekki löngu síðar, They Threw
Us All in a Trench and Stuck a
Monument on Top. Sú var tekin upp
á tveimur dögum, kom út í október
2001 og vakti athygli fyrir kraft og
hugmyndaauðgi. (Platan var endur-
útgefin í tilefni af samningi sveit-
arinnar við Mute plötuútgáfuna árið
2002.)
Burt með hrynparið
2002 voru þeir félagar vel iðnir,
spiluðu víða og sendu frá sér þrjár
stuttskífur með nýju efni og tvær
þeirra, Fins to Make Us More Fish-
Like og We No Longer Knew Who
We Were, voru báðar einkar vel
heppnaðar, mjög ólíkar plötur sem
sýndu mismunandi hliðar á sveitinni.
Með tímanum áttuðu þeir Andrew
og Hemphill sig á því að hrynparið
var eiginlega óþarft, enda tónlistin
öll eftir þá tvo fyrrnefndu og að auki
allar bassalínur og ásláttur. Þeir No-
ecker og Albertson voru því reknir
við svo búið. Ekki var þó bara að
þeim fannst Noecker og Albertson
væru ekki að leggja nóg til málanna
heldur var sveitin að þróast í átt að
meiri forritun, harðari og vélrænni
takti, í það minnsta í bili.
Í ársbyrjun 2003 fluttist Andrew
út í skóg með kærustu sinni, Karen
O úr Yeah Yeah Yeahs, settist að í
afskekktum kofa og samdi tónlist.
Þegar Yeah Yeah Yeahs héldu í tón-
leikaferð sumarið 2003 kallaði hann
á Hemphill sem kom með gamlan fé-
laga með sér, slagverksleikarann
Julian Gross. Þeir hljóðrituðu svo
nýja plötu í kjallaranum á skóg-
arkofanum, They Were Wrong, So
We Drowned, en titillinn vísar í af-
drif norna fyrr á öldum.
Platan kom út snemma árs 2004
og fékk misjafna dóma, alla jafna lof-
samlega en margir áttu efitt með að
átta sig á skífunni, fannst hún stinga
svo í stúf við það sem á undan var
komið að þeir vissu ekki í hvorn fót-
inn þeir ættu að stíga. Andrew hefur
látið þau orð falla að fátt þyki honum
mikilvægara en að vera sífellt að
breytast og mikilvægast af öllu sé að
breytast þegar fólk telji sig vera far-
ið að skilja sveitina og skipa henni á
ákveðinn bás. „Við leggjum hart að
okkur til að koma í veg fyrir að fólki
líki við okkur, viljum alls ekki lenda í
því að vera meðvitað að gera fólki til
geðs.“
Tekið upp í Berlín
Næstu mánuðir fóru í hefðbundið
hljómsveitastúss og síðan í laga-
smíðar. Þegar vinna hófst við þriðju
breiðskífuna fannst þeim Liars-
félögum sem tími væri til kominn að
skipta enn um stíl, enda höfðu þeir
ekki bara sökkt sér í evrópsk norna-
fræði heldur var tilraunakennd þýsk
raftónlist einnig í hávegum. Það kom
því fátt annað til greina en að leggja
land undir fót og leita að rétta hljóð-
verinu í Þýskalandi og fannst í Berl-
ín.
Platan nýja, sem kom út í síðustu
viku, heitir Drum’s Not Dead og
segir frá sögupersónunum Drum og
Mount Heart Attack sem koma við
sögu í nokkrum laganna. Hljóm-
sveitin lýsir því svo að Drum sé
skapandi og ákveðinn þáttur í tónlist
sveitarinnar, eiginlega fjórði með-
limur hennar, en Mount Heart At-
tack er viðbrögð við framkvæmda-
og sköpunargleði Drum – streita,
óöryggi og vantrú á eigin getu. And-
rew hefur lýst því svo að samstarf
hans og Hemphills sé einmitt blanda
af þessu tvennu, þeir séu ýmist
kraftmiklir og ákveðnir eða óöruggir
og feimnir.
Fyrstu útgáfu plötunnar Drum’s
Not Dead fylgir DVD diskur með
þremur útgáfum af plötunni, ef svo
má segja, því á DVD disknum eru
þrjár kvikmyndir sem byggjast á
plötunni og hver kvikmynd er sam-
sett úr myndböndum við lög hennar.
Ein myndin, The Helix Aspersa, er
eftir Angus Andrew, önnur, Drum’s
Not Bread, eftir Julian Gross og sú
þriðja, By Your Side, er eftir Mark-
us Wambsganss.
Tónlist á sunnudegi
Árni Matthíasson
Mikilvægast af
öllu að breytast
Bandaríska hljómsveitin Liars sendi frá sér þriðju breiðskíf-
una í liðinni viku og breytti um stíl og stefnu í þriðja sinn.
Ljósmynd/Steve Gullick
Bandaríska rokkpönkfönkdanstríóið Liars.
eee
DÖJ – kvikmyndir.com
eee
VJV Topp5.is
SÝND MEÐ ÍSLENSKU OG ENSKU TALI
VELJIÐ HÉR AÐ NEÐAN KVIKMYNDAHÚS OG SÝNINGARTÍMA SEM****
Sími - 564 0000Sími - 462 3500
eeee
„…listaverk, sannkölluð perla“
DÖJ – kvikmyndir.com
Óþekkustu börn í
heimi hafa fengið
nýja barnfóstru sem
er ekki öll þar sem
hún er séð.
TILNEFNINGAR TIL ÓSKARSVERÐLAUNA
m.a. besta mynd, besti leikstjóri og
besti leikari í aðalhlutverki5
Stórkostleg verðlaunamynd
Byggð á sönnum atburðum
BESTI LEIKARI
ÁRSINS Í AÐAL-
HLUTVERKI
TÖFRANDI ÆVINTÝRAMYND FYRIR
ALLA FJÖLSKYLDUNA
THE CONSTANT GARDENER kl. 8 og 10.30 B.I. 16 ÁRA
NANNY McPHEE kl. 2 - 400 kr., 4, og 6
UNDERWORLD 2 kl. 8 og 10 B.I. 16 ÁRA
FINAL DESTINATION 3 kl. 6 B.I. 16 ÁRA
ZATHURA kl. 2 - 400 kr. og 4
CONSTANT GARDENER kl. 5, 8 og 10.45 B.I. 16 ÁRA
NANNY MCPHEE kl. 1, 3.40 og 5.50
UNDERWORLD kl. 8 og 10.20 B.I. 16 ÁRA
ZATHURA M / ÍSL TALI kl. 1, 3.30 og 5.50 B.I. 10 ÁRA
ZATHURA M /ENSKU TALI kl. 3.40 og 5.50 B.I. 10 ÁRA
WALK THE LINE kl. 8 og 10.45 B.I. 12 ÁRA
WALK THE LINE LÚXUS kl. 2, 5, 8 og 10.45 B.I. 12 ÁRA
FUN WITH DICK AND JANE kl. 1, 8 og 10.10
CHEAPER BY THE DOZEN kl. 1 og 3
,,Capote er stórbrotin og metnaðarfull
kvikmyndagerð og samvinna góðs leikstjórn
Milers og magnaðri frammistöðu Hoffman í
hlutverki Capote gera myndina Óskarsverðuga’’
eeeee VJV -Topp5.is
YFIRVOFANDI HÆTTA OG SAMSÆRI
LÍF OKKAR ER Í HÖNDUM TVEGGJA EINSTAKLINGA
Ein besta
mynd ársins.
Frá leikstjóra
City of God eftir
metsölubók
John Le Carré 10 BAFTA tilnefningar
4 Óskarstilnenfingar
3 Golden Globe Tilnefningar
RALPH FIENNES RACHEL WEISZ
GOLDEN GLOBE VERÐLAUN
BESTA LEIK-
KONA
ÁRSINS
walk the line
V.J.V Topp5.is
S.V. Mbl.
M.M.J Kvikmyndir.com
Nýtt í b íó
„...falleg og skemmtileg
fjölskyldumynd...“
MMJ Kvikmyndir.com