Morgunblaðið - 29.03.2006, Blaðsíða 12

12 MIÐVIKUDAGUR 29. MARS 2006 MORGUNBLAÐIÐ
FRÉTTIR
FORVARNARHÚS er nýtt verkefni
sem tryggingafélagið Sjóvá stendur
fyrir. Stefnt er að
Forvarnarhúsið
muni hefja starf-
semi sína í lok
maí nk. og verði í
svonefndri papp-
írsgeymslu
Morgunblaðs-
hússins í Kringl-
unni. Forvarnar-
húsið er að sögn
Þórs Sigfússonar,
forstjóra Sjóvár, fræðslumiðstöð þar
sem gestir fá meðvitund um þau lífs-
gæði sem felast í forvörnum á marg-
víslegum sviðum.
Stefnt er að því að halda þar nám-
skeið og kynningar fyrir ökunema,
grunnskólanema og foreldra en jafn-
framt fyrirtæki. „Það eru dæmi um
að erlend tryggingafélög séu með
mjög góða aðstöðu fyrir námskeið í
tengslum við forvarnir og fyrirtæki.
Meðal annars verktakafyrirtæki og
margvíslega iðnaðarstarfsemi,“ seg-
ir Þór. „Þar er reynt að kenna starfs-
mönnum umgengni við ýmsan for-
varnarbúnað og fleira í þá veruna.“
Jafnframt er stefnt að því að For-
varnarhúsið verði með búnað sem að
hluta til er færanlegur og reiknað er
með að vera með uppákomur úti á
landi næsta sumar. Þá verður ein-
blínt á forvarnir sem tengjast at-
höfnum sumarsins, allt frá bílstólum
til útivistar.
Forvarnir spennandi tækifæri
Ætlunin er að Forvarnarhúsið
starfi sjálfstætt og leitað verði sam-
starfsaðila sem víðast. „Stóra verk-
efnið er að treysta Forvarnarhúsið í
sessi og gera það sjálfstætt. Við telj-
um að það sé verulegur grundvöllur
fyrir því að gera forvarnir að spenn-
andi tækifæri og koma þeirri hugsun
frá að það sé fyrst og fremst góð-
gerðarstarfsemi,“ segir Þór sem
býst við jákvæðum viðtökum við
þessu viðamikla verkefni.
„Það hafa aðilar sýnt þessu áhuga
og þó svo að við séum í forystu í
þessu verkefni viljum við hleypa öðr-
um aðilum að og verða frekar jafn-
fætis fleirum í framtíðinni til að
tryggja að Forvarnarhúsið nái til
breiðari hóps og hafi fleiri bak-
hjarla,“ segir Þór. Meðal þess sem
áhersla verður lögð á eru ökunemar
og geta þeir m.a. komið og prófað
hvernig er að lenda í árekstri á sex
kílómetra hraða í bílbelti, ásamt því
að upplifa bílveltu. Þá verður ungu
fólki boðið að prófa svonefnda körtu-
bíla.
Næsta haust er ennfremur stefnt
á að bjóða öllum elstu nemendum
grunnskóla að koma í heimsókn
ásamt því að sérstök áhersla verður
áfram lögð á ungt fólk sem er að
ljúka bílprófi.
Þór segist finna fyrir miklum
áhuga hjá viðskiptavinum og starfs-
fólki félagsins á forvörnum og er
Forvarnarhúsið til að koma til móts
við hann.
Forvarnarhús Sjóvár í pappírsgeymslu Morgunblaðshússins
Námskeið fyrir ein-
staklinga og fyrirtæki
Þór Sigfússon
BALLETTDANSARAR framtíð-
arinnar sýndu góð tilþrif í Borg-
arleikhúsinu í gær, þar sem Ball-
ettskóli Guðbjargar stóð fyrir
tveimur sýningum. Að sjálfsögðu
aðstoðuðu foreldrar við undirbún-
inginn og tryggðu að allt gengi
snurðulaust.
Morgunblaðið/Brynjar Gauti
Ungir ballettdansarar
í Borgarleikhúsinu
GEIR H. Haarde utanríkisráðherra
átti langan og efnismikinn fund með
þýskum starfsbróður sínum, dr.
Frank-Walter Steinmeier, í Berlín í
gær. Hittust þeir síðdegis í þýska
utanríkisráðuneytinu.
Steinmeier tók við embætti sínu í
nóvember í fyrra og situr í sam-
steypustjórn „kanslaraynjunnar“
Angelu Merkel. Steinmeier, sem er
úr Jafnaðarmannaflokknum (SPD)
var lengi vel hægri hönd Gerards
Schröders, fráfarandi kanslara og
þekktur sem hálfgerður huldumað-
ur í þá daga. Ferill hans þykir flekk-
laus, eljusemi hans hefur verið lofuð
í hástert, bæði af stuðningsmönnum
og andstæðingum, og hefur hann
lýst því yfir að Þýskaland ætti að
taka að sér meiri ábyrgð á alþjóða-
vettvangi og ætti að vera til muna
sýnilegra þar en verið hefur til
þessa.
Geir sagði í samtali við Morgun-
blaðið að fundurinn hefði gengið
ljómandi vel. „Það var mikið og
margt rætt og fundurinn dróst
nokkuð á langinn. Undir endann var
hálfpartinn verið að reka á eftir okk-
ur.“
Varnarmál Íslands, sem eru nú í
uppnámi eftir undangengnar yfir-
lýsingar Bandaríkjanna, komu eðli-
lega snemma upp. „Hann spurði mig
út í þau mál strax í upphafi fundar,“
segir Geir.
„Hann vildi vita hvernig staðan
væri núna gagnvart Bandaríkjun-
um. Ég fór yfir þau mál og gerði
honum grein fyrir því sem hefur
gerst í þeim efnum að undanförnu
og þeim viðræðum sem framundan
eru. Ég lýsti fyrir honum að ég teldi
nauðsynlegt að stöðugleiki og fyr-
irsjáanleiki ríkti á Norður-Atlants-
hafi og að Íslendingar hefðu lág-
marksvarnir eins og aðrar þjóðir.
Og að þetta væri ennfremur hags-
munamál fleiri þjóða en Íslendinga,“
sagði Geir.
„Steinmeier var býsna fróður um
þessi mál og þekkti sögu Vallarins
nokkuð vel. Þjóðverjar eru náttúru-
lega frá fornu fari miklir og góðir
vinir okkar og það kom skýrt fram á
þessum fundi. Ég tel að ef varn-
armálin koma til kasta NATO verði
Þjóðverjar boðnir og búnir að leggja
okkur lið eins og þeir hafa aðstöðu
til.“
Evrópusambandið enginn
dans á rósum
Geir segir að mörg málefni, sem
snúa að sameiginlegum hagsmunum
þjóðanna, hafi verið rædd. „Okkar
samband er nú mjög gott og það eru
engin sérstök vandamál uppi. Í
gegnum árin hefur verið lögð mikil
áhersla á menningarsamskipti á
milli landanna og nú er nýlokið hinni
miklu menningarhátíð í Köln, Isl-
andbilder. Hún var mjög vel sótt og
fékk einkar jákvæða umfjöllun í hér-
lendum blöðum. Upp kom sú hug-
mynd eða sá möguleiki að Ísland
yrði svokallað gistiland (Gastland) á
bókamessunni í Frankfurt einhvern
tíma á næstu árum. En það voru
umræður á mjög almennum nótum
og ekki hægt að fastsetja neitt um
það ennþá.“
Ráðherrarnir ræddu og um ferða-
mennsku og fjárfestingar. „Þjóð-
verjar hafa áhuga á því að íslensk
fyrirtæki í jarðhitamálum láti til sín
taka í landinu. Og eðlilega er áhugi á
að efla fjárfestingar, viðskipti og
ferðamennsku – sem er þó mikil fyr-
ir.“
Geir segir að þeir hafi einnig kom-
ið inn á þýskukennslu í íslenskum
skólum. „Og jafnframt ræddum við
íslenskukennsluna hér í Þýskalandi.
Hvort tveggja á nú aðeins undir
högg að sækja miðað við það sem
áður var. Við lýstum báðir yfir
áhuga á því að standa fastar að baki
þeim aðilum sem um þau mál sjá.“
Evrópska efnahagssvæðið kom
auk þess til tals og staða Íslands
innan þess. „Ég sagðist þeirrar
skoðunar að það samstarf hefði
gengið mjög vel og væri okkur mik-
ilvægt og gagnlegt og hefði verið all-
an tímann. Hann ræddi þá um
stækkun Evrópusambandsins og
sagði það ferli ekki vera eintóman
dans á rósum.“
Geir og Steinmeier sneru sér því-
næst að alþjóðamálum í stærra sam-
hengi. M.a. var komið inn á Samein-
uðu þjóðirnar og umbætur í starfi
Öryggisráðsins. „Þar hafa Íslend-
ingar oftar en einu sinni lýst op-
inberlega yfir stuðningi við það að
Þjóðverjar ásamt fleirum fái fast
sæti í Öryggisráðinu og Steinmeier
þakkaði fyrir þann stuðning. Hann
greindi síðan frá því að fyrra bragði
að Þjóðverjar litu með velvilja til
okkar framboðs í Öryggisráðið fyrir
árin 2009 og 2010 þó að þeir hefðu
ekki tekið endanlega ákvörðun í því
máli ennþá. Mér fannst hann þó
vera mjög jákvæður í því máli.“
Mörg ljón í veginum vegna
kjarnorkuáætlunar Írans
Íransmálið var þá næst á dagskrá,
harðlínustefna stjórnvalda þar og
hin nýtilkomna kjarnorkuvopna-
áætlun. „Þjóðverjar hafa verið mjög
virkir í því að fá þjóðir heims til að
bregðast við og beita sér í þeirri vá.
Steinmeier upplýsti mig um gang
mála í þeim efnum, sagðist bjart-
sýnn um leið og hann gerði sér grein
fyrir því að það væru mörg ljón í
veginum. Þjóðverjar eiga heiður
skilinn fyrir framgöngu sína í því að
leysa þetta flókna og hættulega mál
sem er komið upp gagnvart Íran.“
Geir segir að lokum að hann hafi
þakkað Steinmeier kærlega fyrir
þennan fund og notað tækifærið og
boðið honum í heimsókn til Íslands.
„Þessi fundur var haldinn í mikilli
vinsemd og einkenndist af þeirri
hlýju sem hefur verið í samskiptum
Íslands og Þýskalands um langt ára-
bil. Það var mikil, gagnkvæm virð-
ing í gangi en Þjóðverjar eru senni-
lega sú þjóð, fyrir utan okkar
nánustu frændþjóðir á Norðurlönd-
um, sem hefur sýnt mesta ræktar-
semi gagnvart íslenskri menningu,
þá bæði að fornu og nýju. Bæði
gamli menningararfurinn er í há-
vegum hafður og svo samtímalistin
eins og kom glögglega fram í Köln í
haust.“
Dagurinn í dag er þéttbókaður frá
morgni til kvölds. Geir mun m.a.
eiga fund með formanni utanríkis-
málanefndar þingsins og mun jafn-
framt ræða við fleiri þingmenn.
Hann mun ennfremur slíta yfirlits-
sýningu á verkum Louisu Matthías-
dóttur í sameiginlegum sal norrænu
sendiráðanna í Berlín og einnig
heldur hann ávarp í Utanríkismála-
stofnun Þýskalands.
Líta með velvilja til framboðs
Íslands til Öryggisráðs SÞ
Utanríkisráðherrar Íslands og
Þýskalands funduðu í Berlín
Eftir Arnar Eggert Thoroddsen í Berlín
arnart@mbl.is
Reuters
Utanríkisráðherrar Íslands og Þýskalands, Geir H. Haarde og dr. Frank-
Walter Steinmeier, ræddust við í Berlín í gær.
LÖGMENN stóru olíufélaganna
þriggja, Olíufélagsins (Ker), Olíu-
verzlunar Íslands og Skeljungs
hafa allir lagt fram matsbeiðni í
Héraðsdómi Reykjavíkur fyrir
hönd skjólstæðinga sinna og bárust
síðustu beiðnirnar í gærmorgun.
Þar er óskað eftir að kvaddir verði
til óháðir matsmenn til að fara yfir
útreikninga samkeppnisyfirvalda
vegna ákvörðunar um háar fjár-
sektir vegna ólöglegs verðsamráðs.
Er því haldið fram að útreikningar
samkeppnisyfirvalda séu rangir og
í raun hafi olíufélögin tapað á sam-
ráðinu. Í kjölfarið óskaði lögmaður
Samkeppniseftirlitsins, Heimir Örn
Herbertsson hdl, eftir því að málinu
yrði frestað fram í næstu viku og
var það samþykkt.
Jafnframt kom fram við þinghald
að lögmenn Skeljungs og Sam-
keppniseftirlitsins hafa fellt niður
ágreining vegna samantektar frá
Samkeppniseftirlitinu sem lögð var
fram sem svar við samantekt Skelj-
ungs, þar sem fram komu ýmsar at-
hugasemdir við niðurstöðu sam-
keppnisyfirvalda um brot Skelj-
ungs.
Matsmenn fari
yfir útreikninga
SÍMINN og Orkuveita Reykjavíkur
(OR) hafa átt í viðræðum und-
anfarnar 2–3 vikur um samnýtingu
á ljósleiðaranetum fyrirtækjanna,
með það í huga að leita samlegð-
aráhrifa við rekstur netanna
tveggja.
Guðmundur Þóroddsson, for-
stjóri OR, segir ekkert gefið upp
um gang viðræðnanna, né um það
hver hafi haft frumkvæðið að þeim.
Hann segir að ekkert liggi fyrir um
að annað hvort fyrirtækið taki al-
farið yfir rekstur netsins, mögulegt
sé að samið verði um aðgang fyr-
irtækjanna hvors að neti hins. Eins
sé ekki víst að nokkuð komi út úr
viðræðunum á þessu stigi.
OR hefur þegar samið við
Reykjavík, Seltjarnarnes, Akranes
og Hveragerði um uppbyggingu
ljósleiðaranets í sveitarfélögunum,
og rekur ljósleiðarakerfi til fyr-
irtækja á höfuðborgarsvæðinu.
Ljósleiðaranet Símans, sem byggt
hefur verið upp undanfarin 20 ár,
nær víða um land, og eru nánast öll
heimili á landinu tengd því á einn
eða annan hátt, að því er fram kem-
ur í tilkynningu frá fyrirtækjunum
tveimur í gær.
Ljósleiðaranet
Símans og OR
samnýtt?