Morgunblaðið - 02.04.2006, Blaðsíða 27
Sýningin Hans Christian And-
ersen – Lífheimur stendur frá 2.
apríl til 5. júní.
– og færðum okkur að kraftinum
sem býr í hugmyndinni lá beint við
að hugmynd eins er jafngóð og þess
næsta. Kynið hætti því að skipta
máli, og frá þeirri stundu urðu kon-
ur í auknum mæli í framvarðasveit
myndlistarmanna. Ég er mjög stolt-
ur af því að hreyfing sem ég tók þátt
í hafi komið á jafnræði konum til
handa í vissum skilningi.“
Morgunn, kvöld, nótt …
Í samtali við blaðamann segir
Emilia Kabakov þeim hjónum hafa
litist vel á hugmynd Nikolaj-safns-
ins um að þau gerðu verk byggt á
verkum H.C. Andersens. „Hann var
og er enn mjög vinsæll í Rússlandi,
einn allra vinsælasti barnabókahöf-
undurinn. Margir Rússar hafa lagt
út af verkum hans gegnum tíðina og
til dæmis hafa margar teiknimynda-
sögur verið gerðar eftir ævintýrum
hans. Hann er lesinn af bæði börn-
um og fullorðnum, og fólk skilur
hann fullkomlega. Mér finnst hann
frábær höfundur,“ segir hún.
Verk Ilya og Emiliu Kabakov ber
heitið Morgunn, kvöld, nótt … og er
gríðarstór innsetning í þremur hlut-
um sem byggð er inn í austursal
Kjarvalsstaða.
Emilia segir innsetninguna ekki
byggða á sérstökum verkum And-
ersens, heldur miklu heldur á hug-
myndaheimi hans í heild. „Við sáum
bók með úrklippumyndum sem
Andersen hafði gert af ýmsum sögu-
persónum sínum, sem heillaði okkur
mjög. Við hrifumst af þeim og
ákváðum að nota þær inn í verkin.“
Að sögn Kabakovs er hugmyndin
almennt sú að áhorfandinn geti séð
heim Andersens frá ýmsum hliðum.
„Þetta er mjög ljóðrænt verk, sem á
að gefa þér möguleika á að láta þig
dreyma, að ímynda þér, að rifja upp
– kannski barnæsku þína, kannski
fortíðina, kannski framtíðina. Að
ganga í barnæsku aftur.“
Kabakov segist hrifin af því rými
sem þau hafa fengið úthlutað á
Kjarvalsstöðum, að loftinu undan-
skildu. „Það er nú frekar eyðileggj-
andi gagnvart list!“ segir hún og
hlær. „Verkin verða að keppa við
það. En það bjargast, enda er allt
mjög vel skipulagt hér.“
Málverkin næst
Þetta er ekki í fyrsta sinn sem
Kabakovhjónin heimsækja Ísland,
því þau dvöldu hér og sýndu fyrir 13
árum í boði Péturs Arasonar, sem
kenndur er við Safn.
Emilia Kabakov segir erfitt að
segja hvort innsetningin nú gefi
glögga mynd af listsköpun þeirra
hjóna. „Það eru svo margar hliðar á
listsköpun okkar, stundum gerum
við verk úti í samfélaginu, stundum
innsetningar, stundum bækur eða
katalóga. Við erum mjög hrifin af
því að setja saman texta og myndir,
og það einkennir verk okkar að að
baki þeim liggur alltaf ákveðið kons-
ept, og að í þeim felst ennfremur
frásögn. Næst á dagskrá hjá okkur
er að sýna málverk, enda hefur Ilya
alltaf málað, alveg frá því hann var
nemandi.“
Fyrir þá sem hafa áhuga á að
kynnast listsköpun Kabakov-
hjónanna betur heldur Emilia Kab-
akov erindi á Kjarvalsstöðum í dag
kl. 13. Þar verður sýnt myndband
um eitt verka þeirra, myndir sýndar
og hún svarar spurningum um verk
þeirra.
Morgunblaðið/Ásdís
ingamaria@mbl.is
MORGUNBLAÐIÐ SUNNUDAGUR 2. APRÍL 2006 27
ókeypis
smáauglýsingar mbl.is