Morgunblaðið - 05.04.2006, Blaðsíða 37
MORGUNBLAÐIÐ MIÐVIKUDAGUR 5. APRÍL 2006 37
DAGBÓK
Dagana 5. til 8. apríl standa norrænusendiráðin á Íslandi, utanríkisráðu-neytið og Háskólinn í Reykjavík fyrirNordicMun hermiráðstefnu.
„Mun“ stendur fyrir „Model United Nations“
og er hermilíkan af starfsemi Sameinuðu
þjóðanna. Þorvarður Atli Þórsson er formaður
IceMun og starfar með Söndru Lyngdorf hjá
sænska sendiráðinu að skipulagningu dagskrár-
innar: „Í stuttu máli setja stúdentar sig í hlutverk
sendiherra mismunandi þjóða og reyna að fram-
fylgja stefnu þeirra í ólíkum málum,“ segir Þor-
varður. „Þáttakendur kynnast með þessu móti
starfi SÞ mjög vel, fræðast um utanríkisstefnur
ýmissa þjóða auk þess að kynna sér ofan í kjölinn
helstu pólitísku deilumál líðandi stundar.“
Umræðuefni NordicMun er Íransdeilan og
verður hermt eftir starfsemi öryggisráðs SÞ.
Þátttakendur munu því setja sig í hlutverk for-
svarsmanna Argentínu, Kína, Kongó, Íslands,
Frakklands, Gana, Grikklands, Japans, Perú,
Quatar, Rússlands, Slóvakíu, Bretlands, Tansaníu
og Bandaríkjanna.
Hermifundurinn er haldinn í tilefni af heim-
sókn dr. Hans Blix til landsins, en hann verður
hér í boði Háskóla Íslands, sendiráðs Svíþjóðar
og SÞ-félagsins á Íslandi. „Ásamt því að taka þátt
í hermifundinum munu þátttakendur sækja stutt
námskeið í samningatækni, hlýða á fyrirlestra dr.
Blix auk þess að sækja móttökur í boði utanrík-
isráðuneytisins og norrænu sendiráðanna,“ segir
Þorvarður.
Mun-ráðstefna var fyrst haldin á Íslandi árið
2003 en í fyrra voru IceMun samtökin stofnuð til
að halda utan um skipulag ráðstefnuhaldsins:
„Árlega sendum við út háskólastúdenta til þátt-
töku í Mun-ráðstefnum erlendis. Við skipuleggj-
um eina háskólaráðstefnu á hverju ári og stefnt
er að því að halda menntaskólaráðstefnu næsta
haust. Einnig eigum við í miklu norrænu sam-
starfi og vorum, sem dæmi, að aðstoða við stofnun
DanMun í Danmörku á dögunum,“ segir Þorvarð-
ur.
Þátttakendur á ráðstefnunni að þessu sinni
verða hátt í 40.
„Þeir sem hafa tekið þátt í ráðstefnunum hér á
landi láta vel af reynslunni,“ segir Þorvarður.
„Auk þess að kynnast starfi alþjóðastofnana og
fræðast um umheiminn þroskar þátttaka í herm-
iráðstefnunni ýmsa hæfileika. Fundurinn fer
einnig fram á ensku og veitir góða þjálfun í rök-
ræðu og tali á því máli, og samningaviðræðum
bæði innan og utan funda. Til að dýpka reynsluna
enn frekar höfum við lagt á það áherslu að fá góða
fyrirlesara til samstarfs við okkur og fengum m.a.
til okkar á sínum tíma fyrrum sendifulltrúa SÞ
gagnvart Súdan.“
Nánar má fræðast um NordicMun á slóðinni
nordicmun.blogspot.com, en heimasíða IceMun,
www.mun.is, verður tekin í gagnið á næstunni.
Alþjóðasamstarf | NordicMun SÞ-hermiráðstefna haldin í Reykjavík 5. til 8. apríl
Kynna sér starfsemi SÞ
Þorvarður Atli Þórs-
son fæddist í Reykjavík
1982. Hann lauk stúd-
entsprófi frá Mennta-
skólanum í Reykjavík
2002 og leggur nú
stund á nám í stjórn-
málafræði og hagfræði
við Háskóla Íslands.
Auk þess að starfa hjá
utanríkisráðuneytinu í
námshléum hefur Þor-
varður starfað ötullega að félagsmálum, var
meðal annars meðstofnandi og síðar formaður
IceMun-félagsins. Þorvarður sat í stjórn
Aisec-nemendasamtakanna og átti sæti á
lista Vöku, félags lýðræðissinnaðra stúdenta.
Árnaðheilla
dagbók@mbl.is
70 ÁRA afmæli. Fimmtudaginn 6.apríl verður sjötugur Vilhelm
Andersen, Skógarseli 43. Hann, ásamt
konu sinni, Guðrúnu Kristinsdóttur,
mun taka á móti gestum á afmælisdag-
inn í Oddfellowhúsinu milli kl. 17–19.
Vilhelm afþakkar góðfúslega afmæl-
isgjafir en stuðningur vegna verkefnis
Oddfellowstúkna við dagvist líkn-
ardeildarinnar í Kópavogi myndi
gleðja hann.
Úr sex í sjö.
Norður
♠1082
♥ÁG42
♦Á54
♣K86
Suður
♠ÁKD73
♥K5
♦D7
♣Á943
Í síðustu viku fékk lesandinn það
verkefni að reyna við sex spaða úr suð-
ursætinu, en spilið kom upp í und-
ankeppni Íslandsmótsins. Sex spaðar
er grimm slemma, sem krefst góðrar
legu, en nú gerum við gott betur og
hækkum í sjö spaða!
Er hægt að teikna upp legu sem
dugir til vinnings í sjö spöðum? Út-
spilið er tromp.
Skili trompið sér á sagnhafi 10 slagi
og 11 ef hjartasvíning heppnast. Tvo
þarf í viðbót og þeir geta því aðeins
komið að vestur þurfi að valda alla hlið-
arlitina – hann verður að eiga minnst
fjórlit í hjarta og laufi, auk tígulkóngs-
ins:
Norður
♠1082
♥ÁG42
♦Á54
♣K86
Vestur Austur
♠G4 ♠965
♥D963 ♥1087
♦KG8 ♦109762
♣G1075 ♣D2
Suður
♠ÁKD73
♥K5
♦D7
♣Á943
Sagnhafi tekur tígulás, spilar svo öll-
um spöðunum og hendir tveimur tígl-
um úr borði. Vestur má missa eitt lauf
og einn tígul, en þvingast við fimmta
trompið. Það kostar strax tvo slagi að
henda laufi, en ef hann hendir tíg-
ulkóngi kemur drottningin næst og
endurtekur þvingunina.
Besta vörn vesturs er að henda
hjarta í fimmta spaðann. En það dugir
ekki til. Sagnhafi tekur fjóra slagi á
hjarta (með svíningu) og kastar tveim-
ur laufum heima. Í þriggja spila enda-
stöðu á blindur K86 í laufi, en suður
tíguldrottningu og Á9 í laufi. Sem er
meira en vestur ræður við.
Þetta er ótrúleg lega, en í reynd
munaði ekki miklu: vestur átti öll lyk-
ilspilin, en aðeins þrjú hjörtu. Og það
gerði gæfumuninn – fyrir vörnina.
BRIDS
Guðmundur Páll Arnarson | dagbok@mbl.is
Velvakandi
Svarað í síma 5691100 kl. 10–12
og 13–15 | velvakandi@mbl.is
Er ekki allt í lagi?
ER ekki allt í lagi hjá þeim sem
stjórna afþreyingarþáttum fyrir
áskrifendur Stöðvar 2? Hvernig er
hægt að hoppa fram um rúm 2 ár í
Glæstum vonum? Er þetta ekki eins
og að rífa blaðsíður úr bók sem mað-
ur er að lesa og svo á maður bara að
sætta sig við það og reyna að ná
þræðinum á þeirri blaðsíðu sem
næst er?
Það er ekki nóg að bjóða upp á út-
drátt úr því sem hefur gerst á þeim
tíma sem fyrirhugað er að sleppa að
sýna. Það vill svo til að ég veit að það
mun margt gerast og ég hefði gjarn-
an viljað fá að sjá það og upplifa með
eigin augum. Eigum við allt í einu að
upplifa að Brooke er komin með
krakka, verðum við ekkert hissa að
sjá það? Þeir sem fylgjast með vita
að hún er nýorðin ófrísk og það hefði
verið spennandi að fylgjast með því
drama sem því mun fylgja. Ég sem
áskrifandi sætti mig ekki við svona
framkomu. Vissulega eru margir
sem líta á þessa þætti sem endalausa
vitleysu en lítið bara á það sem lest-
ur á afþreyingarbókmenntum, þetta
er ekkert öðruvísi.
Og ef það þurfti að flýta þáttunum
eitthvað, var þá ekki hægt að sýna
tvo í einu? Þetta eru nú bara 20 mín.
hver þáttur.
Sigurbjörg.
Ljósblár gári týndist
PÁFAGAUKURINN minn sem er
ársgamall gári, ljósblár með gulan
koll og gulan háls
undir goggnum,
flaug út um
gluggann í Torfu-
felli 44 3. apríl.
Hann er mann-
elskur og þekkir
nafnið sitt sem er
Seppi. Hans er
sárt saknað. Ef
einhver hefur fundið hann eða hann
flogið inn um glugga hjá einhverjum,
þá vinsamlega hafið samband í síma
868 1606.
Fréttir á SMS
RÁÐSTEFNA
um Árangursstjórnun í heilbrigðis- og félagsþjónustu
hinn 7. apríl 2006 í Húnaþingi vestra
Glax-Viðskiptaráðgjöf, í samstarfi við Húnaþing vestra, Heilbrigðisstofnunina Hvammstanga og Samtök sveitarfélaga á Norðurlandi vestra, heldur
ráðstefnu í Ásbyrgi á Laugarbakka í Miðfirði hinn 7. apríl næstkomandi.
DAGSKRÁ
10:00-10:05 Setningarávarp ráðstefnustjóra
10:05-10:25 Upplýsingakerfi í málefnum fatlaðra
- Stuðningur árangursstjórnunar
Þór G. Þórarinsson, skrifstofustjóri í félagsmálaráðuneytinu.
10:25-10:40 Upplýsingakerfi - Verkfæri fyrir stjórnendur
Elín R. Líndal, markaðsstjóri og deildarstjóri hugbúnaðardeildar Forsvars ehf.
10:40-10:50 Umræður og fyrirspurnir
10:50-11:00 Kaffihlé
11:00-11:30 Árangursstjórnun í málefnum fatlaðra hjá Gowrie Care
Limited í Skotlandi
Joy Dunlop, svæðisstjóri hjá Gowrie Care Ltd. í Skotlandi.
11:30-11:50 Nýtt þjónustumatskerfi - Markvissari nýting fjármuna
Dr. Tryggvi Sigurðsson, sviðsstjóri hjá Greiningar- og ráðgjafarstöð
ríkisins.
11:50-12:05 Ávarp félagsmálaráðherra
Jón Kristjánsson, félagsmálaráðherra.
12:05-12:10 Upplýsingakerfi í málefnum fatlaðra tekið í notkun
Jón Kristjánsson, félagsmálaráðherra.
12:10-12:20 Umræður og fyrirspurnir
12:20-13:00 Hádegishlé
13:00-13:15 Ávarp
13:15-14:00 Nýjar áherslur í heilbrigðis- og öldrunarþjónustu
• Möguleikar heilbrigðisstofnana á landsbyggðinni
til þátttöku í nýjum áherslum í öldrunarþjónustu
Guðmundur Haukur Sigurðsson, framkvæmdastjóri
Heilbrigðisstofnunarinnar Hvammstanga.
• Tillaga að klasa í heilbrigðismálum á Norðurlandi vestra
Svanhildur Guðmundsdóttir, fulltrúi í verkefnisstjórn um gerð
vaxtarsamnings fyrir Norðurland vestra.
14:00-14:20 Landspítali háskólasjúkrahús - Möguleikar á samstarfi við
heilbrigðisstofnanir á landsbyggðinni
Magnús Pétursson, forstjóri Landspítala háskólasjúkrahúss.
14:20-14:40 Doktorsrannsókn á þjónustugæðum öldrunarstofnana
- Lýsing rannsóknarefnis
Garðar Jónsson, framkvæmdastjóri Glax-Viðskiptaráðgjafar og
doktorsnemi við Stirling Háskóla í Skotlandi.
14:40-15:00 Kaffihlé
15:00-15:20 Bætt stjórnun - Betri nýting fjármuna
Guðjón Brjánsson, framkvæmdastjóri Sjúkrahúss Akraness.
15:20-15:50 Bætt ferli í heilbrigðisþjónustu - Aðgerðir Tayside Primary
Care í Skotlandi
Jim Duffy, gæðastjóri hjá Tayside Primary Care í Skotlandi.
15:50-16:10 Umræður og fyrirspurnir
16:10 Móttaka í boði Húnaþings vestra
Ráðstefnugjald er 4.500 kr. - Hádegisverður og kaffi innifalið
Skráning fer fram á vefsíðu ráðstefnunnar, www.glaxgroup.is/radstefna,
hjá Glax-Viðskiptaráðgjöf í síma 588 5800 eða hjá SSNV í síma 455 2510