Morgunblaðið - 10.04.2006, Blaðsíða 2

2 MÁNUDAGUR 10. APRÍL 2006 MORGUNBLAÐIÐ
FRÉTTIR
VILL BREIKKA VEGI
Sjóvá hefur áhuga á að hefja við-
ræður við stjórnvöld um hugs-
anlegan einkarekstur félagsins á
umferðarmannvirkjum. Horft er
sérstaklega til breikkunar Suður-
landsvegar um Hellisheiði til að
byrja með. Að sögn Þórs Sigfússon-
ar, forstjóra Sjóvár, liggur mikil
þekking á forvörnum í umferð-
armálum innan félagsins, sem nýst
gæti betur við uppbyggingu umferð-
armannvirkja.
Stjórnarkreppa í Taílandi
Stjórnmálaskýrendur spá áfram-
haldandi stjórnmálakreppu í Taí-
landi eftir að helstu stjórnarand-
stöðuflokkar landsins tilkynntu að
þeir myndu sniðganga aukakosn-
ingar sem fram fara í landinu 23.
apríl nk.
Geimfara fagnað
Geimfaranum Marcos Pontes var
ákaft fagnað í gær þegar hann sneri
aftur til jarðar eftir dvöl í Soyuz-
geimfarinu, en hann er fyrsti brasil-
íski geimfarinn í sögunni.
Kosningar í Ungverjalandi
Flest bendir til að samsteypu-
stjórn Ungverska sósíalistaflokksins
(MSZP) og Bandalags frjálsra
demókrata (SZDSZ) hafi haldið velli
eftir fyrri hluta þingkosninganna
sem fram fór í gær.
Hótel á hálendinu
Hugmynd um byggingu hótels við
Skálpanes, sem stendur í 830 metra
hæð yfir sjávarmáli sunnan Lang-
jökuls, hefur verið vel tekið af sveit-
arstjórn Bláskógabyggðar og sam-
vinnunefnd miðhálendisins sem gert
hefur breytingu á svæðisskipulaginu
og, að sögn formanns nefndarinnar,
verður vonandi auglýst í næsta mán-
uði.
Vantar fé til að fjölga
Til að hægt sé að fjölga hjúkr-
unarfræðinemum við Háskóla Ís-
lands þarf að endurskoða fjárveit-
ingar til deildarinnar. Einnig þarf að
fjölga fastráðnum kennurum við
hana og tryggja betra aðgengi að
klínísku námi á sjúkrastofnunum
fyrir nemendurna. Á þessu skólaári
var fjöldi nemenda í deildinni tak-
markaður við 80.
Y f i r l i t
Í dag
Fréttaskýring 8 Minningar 24/27
Viðskipti 11 Skák 29
Vesturland 12 Dagbók 30
Erlent 14/15 Víkverji 30
Höfuðborgin 21 Velvakandi 31
Listir 15 Staður og stund 32
Daglegt líf 15/17 Menning 33/37
Umræðan 18/23 Ljósvakamiðlar 38
Bréf 22 Veður 39
Forystugrein 20 Staksteinar 39
* * *
Morgunblaðið Kringlunni 1, 103 Reykjavík. Sími 5691100 Innlendar fréttir frett@mbl.is Ágúst Ingi Jónsson, aðstoðarfréttaritstjóri, aij@mbl.is Sigtryggur Sigtryggsson, aðstoðarfréttaritstjóri, sisi@mbl.is Viðskipti vidsk@mbl.is Björn Jóhann Björnsson,
fréttastjóri, bjb@mbl.is Úr verinu Hjörtur Gíslason, fréttastjóri, hjgi@mbl.is Daglegt líf Guðbjörg Guðmundsdóttir, gudbjorg@mbl.is Menning menning@mbl.is Fríða Björk Ingvarsdóttir, ritstjórnarfulltrúi, fbi@mbl.is Inga Rún Sigurðardóttir, ingarun@mbl.is
Umræðan | Bréf til blaðsins Magnús Finnsson, fulltrúi ritstjóra, magnus@mbl.is Guðlaug Sigurðardóttir, gudlaug@mbl.is Sveinn Guðjónsson, svg@mbl.is Minningar minning@mbl.is Hilmar P. Þormóðsson, Stefán Ólafsson Dagbók| Kirkjustarf Ellý H.
Gunnarsdóttir, elly@mbl.is Íþróttir sport@mbl.is Sigmundur Ó. Steinarsson, fréttastjóri, sos@mbl.is Útvarp | Sjónvarp Auður Jónsdóttir, dagskra@mbl.is mbl.is netfrett@mbl.is Guðmundur Sv. Hermannsson fréttastjóri gummi@mbl.is
ÞAÐ er ekki á hverjum degi sem
listaverk eru hengd upp í augnhæð
sem miðar að þörfum yngstu kyn-
slóðarinnar. Svo er hins vegar
raunin á listaverkasýningu sem
Listasafn Reykjavíkur býður upp á
á Kjarvalsstöðum um þessar mund-
ir. Sýningin er liður í því að fagna
útkomu bókarinnar Skoðum mynd-
list – Heimsókn í Listasafn Reykja-
víkur sem út kom um nýliðna helgi.
Bókin byggist á verkum úr safn-
eign safnsins og listasafni þriggja
einstaklinga; Erró, Kjarvals og Ás-
mundar Sveinssonar.
Morgunblaðið/Árni Sæberg
Kjarval beint af augum
Sýni úr dauðum
svani send út
YFIRDÝRALÆKNIR telur nær
engar líkur á því að svanurinn sem
fannst dauður á Elliðavatni á laug-
ardag hafi drepist úr H5N1-stofni
fuglaflensu. Sýni úr svaninum
verða send til Svíþjóðar í dag og
segir yfirdýralæknir dánarorsök-
ina geta legið fyrir um miðja viku.
LÖGREGLAN í Borgarnesi lagði
hald á 228 kannabisplöntur á
sveitabæ á Mýrum í Borgarbyggð á
laugardagskvöld. Auk þess var lagt
hald á þurrkuð kannabislauf, stöngla
og ýmsan búnað til ræktunar, s.s.
lampa, hitagjafa, viftur og loftræsti-
búnað. Samkvæmt upplýsingum frá
lögreglunni var ræktunin á ýmsum
stigum og ljóst að hún hefur staðið
yfir í allnokkurn tíma.
Einn maður var handtekinn á
staðnum og færður til yfirheyrslu en
óvíst er hversu margir tengjast
ræktuninni. Unnið er að áframhald-
andi rannsókn.
Þá komu að auki upp þrjú smærri
fíkniefnamál hjá lögreglunni í Borg-
arnesi um helgina. Var lagt hald á
smáræði af amfetamíni og kannabis-
efnum við hefðbundið eftirlit. Ekk-
ert þeirra tengist þó innbyrðis.
Kannabisræktun
á Mýrum stöðvuð
FRÁ því að Grettistaki var hleypt af stokkunum
árið 2001 og fram til júní 2005 hafa alls 253 þátt-
takendur verið skráðir í átakið á landsvísu, en um
er að ræða samstarfsverkefni TR, félagsþjónustu
nokkurra sveitarfélaga og þjónustumiðstöðva
Reykjavíkur sem miðar að því að koma fyrrum
vímuefnasjúklingum aftur út í lífið m.a. með því
að endurhæfa þá fyrir vinnumarkaðinn.
Í nýlegri könnun, sem náði til alls 109 þátttak-
enda, kemur í ljós að 35% þeirra luku 18 mánaða
endurhæfingarferli, sem er hámarkslengd end-
urhæfingar, og 14% luku færri en 18 mánuðum og
eru þeir meira eða minna edrú á meðan þeir eru
þátttakendur í úrræðinu. Hins vegar hefur aðeins
11% þátttakenda tekist að komast aftur út í at-
vinnulífið að lokinni endurhæfingu.
Þetta var meðal þess sem fram kom í erindi
Erlu Bjargar Sigurðardóttur, félagsráðgjafa í
þjónustumiðstöð Breiðholts og mastersnema í fé-
lagsráðgjöf við HÍ, sem hún flutti á ráðstefnu um
starfsendurhæfingu vímuefnasjúkra fyrir
skemmstu.
„Rannsókn mín leiðir í ljós að þetta fólk end-
urhæfist ekki út á vinnumarkað nema að litlu
leyti, sem var þó eitt af markmiðum átaksins.
Þetta er fólk sem hefur að vímuefnum slepptum
löngun og góða getu til að stunda vinnu eða nám,“
segir Erla Björg og bendir á að tilfinnanlegur
skortur sé á starfsendurhæfingu. Spurð segir
Erla Björg að módelið Atvinna með stuðningi,
sem er starfsendurhæfing fyrir fatlaða, myndi
nýtast mjög vel sem starfsendurhæfing fyrir
þátttakendur Grettistaks. „Slík endurhæfing fel-
ur í sér að viðkomandi er fylgt betur út á vinnu-
markað með markvissari hætti en við gerum í
dag. En það er engin launung að á Íslandi erum
við mjög stutt komin hvað þetta varðar,“ segir
Erla Björg og tekur fram að nú sé kominn tími til
þess að taka næstu skrefin í því að móta með
markvissari hætti starfsendurhæfingu. Bendir
hún á að slík vinna krefjist nánara samstarfs og
samráðs annars vegar ríkis og sveitarfélaga og
hins vegar félagsþjónustu og meðferðaraðila.
„Þannig má segja að boltinn, hvað framhaldið
varðar, sé nú hjá pólitískum aðilum.“
Skortur á úrræðum til
starfsendurhæfingar
Eftir Silju Björk Huldudóttur
silja@mbl.is
Fundu fíkniefni
og þýfi
LÖGREGLAN í Keflavík handtók á
laugardagskvöld tvo karlmenn
vegna ofbeldismáls. Eru mennirnir
grunaðir um að hafa ráðist inn í
skrifstofuhúsnæði í Keflavík og
hótað þar öðrum manni.
Mennirnir voru handteknir í
heimahúsi og við leit í íbúðinni
fannst nokkurt magn ætlaðra fíkni-
efna og talsvert magn af þýfi.
„STUNDUM gátu
vísbendingar hans
virkað einstaklega
frústrerandi, en að
sama skapi voru þær
aldrei óspennandi.
Þetta líktist því helst
að leysa morðgátu í
sporum Agöthu
Christie. Samtímis
fólst ákveðinn léttir í
því að fela persónu-
leika sinn að mestum
hluta í verkefni ann-
ars. Þannig var tón-
listin í aukahlut-
verki. Enda vildum
við ekki að þetta virkaði eins og
Bjarkar-myndband.“
Þannig lýsir Björk samvinnu
þeirra Matthews Barneys við gerð
myndarinnar Drawing Restraint 9 í
nýlegu viðtali við þau skötuhjú í
bandaríska dagblaðinu New York
Times.
Myndin Drawing Restraint 9 er
ástarsaga, sem lýsir fundum
tveggja aðkomumanna um borð í
japönsku hvalveiðiskipi. Í hlut-
verkum elskendanna
eru þau Björk og
Barney, en frum-
samin tónlist eftir
Björk er uppistaðan
í hljóðmynd verks-
ins. Blaðamaður
New York Times
bendir í grein sinni á
hvernig Björk og
Barney hafi ávallt
reynt að halda per-
sónulegu lífi sínu og
listamannaferlinum
aðskildum og sem
dæmi um þetta nefn-
ir hann að Björk og
Barney hafi ekki viljað hitta hann
saman í viðtali um myndina heldur
hvort í sínu lagi.
Aðspurður hvers vegna hann hafi
kosið að leika sjálfur á móti Björk í
hlutverki elskendanna segir
Barney það helgast af því að hann
kunni ekki að leikstýra leikurum.
„Til þess að miðla ástarsögunni var
því einfaldast fyrir mig að vinna
með persónum sem voru raunveru-
lega ástfangnar.“
Líktist því helst að
leysa morðgátu
Björk Guðmundsdóttir
ÞYRLA Landhelgisgæslunnar, TF-
SIF, var kölluð út síðdegis í gær
vegna slasaðs sjómanns á togara
sem staddur var út af Vestfjörðum.
Maðurinn hafði dottið og slasast.
Skv. upplýsingum frá Gæslunni var
hann ekki lífshættulega slasaður.
Þyrla sótti slas-
aðan sjómann