Morgunblaðið - 13.04.2006, Blaðsíða 33
MORGUNBLAÐIÐ FIMMTUDAGUR 13. APRÍL 2006 33
Tilkynning um áætlun þessa birtist í Lögbirtingablaðinu 27. mars 2006.
THE HIGH COURT OF JUSTICE
(HÆSTIRÉTTUR STÓRA-BRETLANDS)
CHANCERY DIVISION
FYRIRTÆKJASVIÐ
NR 2361 frá 2006
Í MÁLI
GE FRANKONA REINSURANCE LIMITED
og
Í MÁLI
SWISS REINSURANCE COMPANY UK LIMITED
og
VARÐANDI
THE FINANCIAL SERVICES AND MARKETS ACT 2000
(LÖG UM FJÁRMÁLAÞJÓNUSTU OG MARKAÐI FRÁ 2000)
HÉR MEÐ TILKYNNIST að GE Frankona Reinsurance Limited („GE Reinsur-
ance“) og Swiss Reinsurance Company UK Limited („Swiss Re UK“) lögðu mál fyrir
hæstarétt Englands og Wales („umsóknin“) skv. VII. hluta laga um fjármálaþjónustu og
markaði frá 2000 („FMSA“) til að fá úrskurð:
(1) samkvæmt 111. kafla laga um fjármálaþjónustu og markaði frá 2000 („FMSA“)
þar sem samþykkt er áætlun („áætlunin“) um flutning til Swiss Re UK á öllum vá-
tryggingum og endurtryggingum hjá GE Reinsurance („flutningur viðskipta“)
(2) samkvæmt 112. kafla laga um fjármálaþjónustu og markaði frá 2000 („FMSA“)
Afrit af skýrslunni („skýrslunni“), sem samið hefur sérfræðingur, David Slater hjá Wat-
son Wyatt Limited, félagi í samtökum [breskra] tryggingafræðinga, skv. 109, kafla laga
um fjármálaþjónustu og markaði frá 2000 („FMSA“) um áhrif áætlunarinnar á vátrygg-
ingartaka hjá GE Reinsurance og Swiss Re UK, og afrit af yfirlýsingu þar sem fram kem-
ur útdráttur úr skilmálum áætlunarinnar og skýrslunnar („útdrátturinn“) verður til reiðu
ókeypis hverjum þeim sem óskar eftir að fá slík afrit frá útgáfudegi þessarar tilkynningar
til þess dags þegar áætlunin verður tekin fyrir í dómstóli, með því að hafa samband við
GE Reinsurance í síma +44 20 7933 4680 eða með því að skrifa bréf stílað á Regis Hou-
se, 45 King William Street, London EC4R 9AN [Stóra-Bretlandi] (sem berast skal flutn-
ingsnefnd) eða til Swiss Re UK í síma +44 20 7933 4680 eða með bréfi stíluðu á 30 St
Mary Axe, London EC3A 8EP [Stóra-Bretlandi] (sem berast skal flutningsnefnd). Afrit
af fullunninni skýrslu og útdrátt úr henni má lesa á www.geinsurancesolutions.com eða
www.swissre.com/geispartvii.
Allar kröfur varðandi flutningsviðskiptin, sem nú eru til meðferðar af hálfu eða fyrir
hönd GE Insurance, munu, að loknum fyrirhuguðum flutningi, vera í höndum eða fyrir
hönd Swiss Re UK. Þær kröfur sem koma upp í framtíðinni í tengslum við vátryggingar
og endurtryggingar þær sem flutningsviðskiptin snúast um, verða unnin af hálfu eða fyr-
ir hönd Swiss Re UK. Fyrirhuguðum flutningi er ætlað að tryggja áframhaldandi hvers
konar málaferli af hálfu eða fyrir hönd Swiss Re UK sem nú standa yfir af hálfu eða gegn
GE Reinsurance sem tengjast réttindum og skyldum varðandi flutningsviðskiptin.
Umsóknin snýst um það að hún verði tekin fyrir hjá dómara Chancery Division hins
konunglega hæstaréttar (Royal Courts of Justice), the Strand, London WC2A 2Ll [Stóra-
Bretlandi] hinn 22. júní 2006, eða því sem næst, þannig að sérhver maður, þ.m.t. sér-
hverjum starfsmanni Swiss Re UK eða starfmanni, sem tekur þátt í flutningsviðskiptun-
um og telur sig hafa orðið fyrir tjóni vegna framkvæmdar áætlunarinnar, er heimilt að
koma fyrir dómstólinn í eigin persónu þegar málið verður dómtekið, eða að öðrum kosti
lögmaður hans og/eða með skriflegum mótmælum. Sérhverri persónu, sem hyggst koma
þannig fyrir réttinn, svo og sérhverjum vátryggingartaka hjá GE Reinsurance eða Swiss
Re UK, sem er ekki sáttur við ákvæði áætlunarinnar, en hyggst ekki koma fyrir dóminn,
ber að tilkynna skriflega tveim heilum dögum fyrir dagsetningu dómtöku um fyrirætlan
sína eða mótmæli, svo og ástæður sínar fyrir henni, til þeirra lögmanna sem tilgreindir
eru hér að neðan.
Dagsett hinn 13. apríl 2006
Clifford Chance Limited Liability Partnership of 10 Upper Bank Street, London E14 5JJ
[Stóra-Bretlandi], lögmenn GE Frankona Reinsurance Limited
Tilvísunarnúmer: AAE/TACP/70-40003979
Herbert Smith Limited Liability Partnership of Exchange House, Primrose Street,
London EC2A 2HS, [Stóra-Bretlandi],
lögmenn Swiss Reinsurance Company UK Limited
Tilvísunarnúmer: 3816/2067/30859538
BAF 06.04.06
lendingar að Þjórsá er móðir ljós-
anna og fóstra stóru veranna á höf-
uðborgarsvæðinu. Við sjáum að
viðhorfin hafa breyst. Ljótu lín-
urnar sem liggja á Hellisheiði og
eru að ryðga stinga í stúf! Á þeim
tíma sem Framsóknarflokkurinn
hefur farið með þennan málaflokk
hafa viðhorfin mjög breyst út frá
náttúruverndarsjónarmiðum. Menn
leiða ekki raforku eins langa leið yf-
ir fjöll og firnindi og þeir gerðu.
Hugsaðu þér þegar menn ætluðu að
reisa álver á Keilisnesi og leiða
orkuna frá Eyjabökkum! Ef þar
hefði nú risið ljótasta mannvirki
allra tíma sunnan jökla og verið leitt
suður á Keilisnes? Sem betur fer
varð ekki úr þeirri framkvæmd. Við
Sunnlendingar búum við það að ork-
an hefur verið leidd frá okkur. Þor-
lákshöfn var ekki á þeim tíma sú
stórskipahöfn sem hún er orðin. Við
getum nú farið að gera meiri kröfur
fyrir héraðið.“
ESB, evran og Framsókn
Halldór Ásgrímsson, forsætisráð-
herra og formaður Framsókn-
arflokksins, hefur spáð því að Ísland
gangi í Evrópusambandið (ESB) áð-
ur en árið 2015 gengur í garð. Guðni
segir að skoðanir um ESB-aðild séu
mjög skiptar innan flokksins.
„Saga Framsóknarflokksins og
uppruni eru með þeim hætti að mál-
ið er mjög viðkvæmt innan hans. Ég
hygg að kjarninn í Framsókn-
arflokknum sé þannig að menn vilji
ekki inn í Evrópusambandið. Þetta
mál hefur haft sín áhrif á Fram-
sóknarflokkinn. Við búum við þver-
öfuga stöðu miðað við Sjálfstæð-
isflokkinn. Yngra fólk í
Framsóknarflokknum er að gera
kröfu um að við sækjum um aðild að
ESB meðan yngra fólk í Sjálfstæð-
isflokknum gerir kröfu um að við
sækjum aldrei um aðild. Ég er
þeirrar skoðunar að við getum núna
andað algerlega rólega yfir því. Mið-
að við þau mörgu ríki sem voru nú
að fara inn í ESB úr Austur-Evrópu
sé ég ekki að það verði neitt stórt að
gerast varðandi Ísland eða Noreg
og ESB næstu 7–10 árin. Ég held að
við eigum fyrst og fremst að hugsa
um mikið og gott samstarf við
frændur okkar Norðmenn. Þessar
þjóðir hafa það nú kannski best í
Evrópu, búa þegnum sínum best
lífskjör og eru utan Evrópusam-
bandsins. Aðalatriðið er auðvitað að
fylgja því eftir að EES-samning-
urinn sé viðskiptabrú og geti þróast
í samræmi við þær væntingar sem
við þurfum á að halda.“
Sem kunnugt er varpaði Val-
gerður Sverrisdóttir viðskipta- og
iðnaðarráðherra því fram að sá
möguleiki yrði skoðaður að taka upp
evru sem gjaldmiðil í stað krónu.
„Evran verður auðvitað aldrei
okkar nema við verðum í Evrópu-
sambandinu. Evran væri ekkert að
skaffa okkur betri lífskjör en krón-
an þegar menn horfa til langs tíma,“
segir Guðni. Eru þá forsætisráð-
herra og iðnaðarráðherra á ein-
hverjum villigötum í Framsókn-
arflokknum, hvað varðar ESB og
evru?
„Ég ætla ekki að halda því fram,
þetta er umræða sem hefur verið að
skjóta upp kollinum, bæði í pólitík-
inni og ekki síður í atvinnulífinu, og
þau svara auðvitað fyrir það. Evr-
ópusambandið er ekkert á dagskrá í
náinni framtíð, en það er mjög mik-
ilvægt fyrir Framsóknarflokkinn að
klára þessa umræðu þannig að við
séum ekkert að fljúgast á um þessa
skýru stöðu sem er í Evrópumálum
nú. Þá sýnist mér að Samfylkingin
hafi áttað sig á því að það þýðir ekk-
ert að vera að tala um Evrópusam-
bandið um þessar mundir.
Við erum sammála um það í
Framsóknarflokknum og þjóðfélag-
inu að við ætlum ekkert að fórna
sjávarútvegsauðlindinni og missa
stjórnsýsluna yfir hafinu umhverfis
Ísland til Brussel. Það geta komið
upp nýjar aðstæður, en ég sé enga
ástæðu til að Framsóknarflokkurinn
sé í mjög ríkum mæli að takast á um
Evrópusambandsaðild.“
Fylgið mun vaxa
Framsóknarflokkurinn tengist
bændum og sveitum landsins í huga
margra. Guðni var spurður hvort sú
ímynd, og að hann er sjálfur af
bændum kominn, dragi úr vinsæld-
um flokksins og hans meðal íbúa í
þéttbýlinu. Guðni svaraði með að
vitna í skoðanakannanir þar sem
spurt er um vinsældir ráðherra.
„Ég mælist sterkur og það er
ánægja með mín störf hér á höf-
uðborgarsvæðinu. Ég líð ekki fyrir
að vera landbúnaðarráðherra og
ánægja með störf mín er lítið minni
í höfuðborginni og nágrenni hennar
en út um landið samkvæmt þessum
mælingum. Það segir mér að land-
búnaðurinn sé ekkert að flækjast
fyrir þjóðinni, enda vilja æði margir
eiga jörð, vera bændur og bera
nafnið bóndi.“
Framundan eru sveitarstjórn-
arkosningar í vor og Alþingiskosn-
ingar að ári. Guðni kveðst trúa því
að Framsóknarflokkurinn eigi eftir
að rísa og fylgi hans styrkjast frá
því sem skoðanakannanir hafa sýnt.
„Flokkurinn hefur á margan hátt
verið lagður í einelti bæði af stjórn-
arandstöðu og ýmsum öflum í þjóð-
félaginu. Ill skrif um framsókn-
armenn og flokkinn sem slíkan
finnst mér til skammar.“
Guðni segir að ef til vill þurfi
flokkurinn að greina sig betur frá
samstarfsflokknum í ríkisstjórninni.
Framsóknarmenn hafi í ýmsum
málum allt aðra stefnu en sjálfstæð-
ismenn. Hann nefnir t.d. einkavæð-
ingu og sölu ríkisfyrirtækja.
„Framsóknarflokkurinn mun ekki
selja Landsvirkjun og afhenda út-
lendingum einokunaraðstöðu á nátt-
úru Íslands. Hann mun ekki selja
flugbrautirnar og flugstöðina í
Keflavík, aðganginn að Íslandi. Þá
færum við eins að og Margret
Thatcher í Bretlandi með járnbraut-
irnar,“ segir Guðni. „Framsókn-
arflokkurinn mun standa vörð um
Íbúðalánasjóð fólksins og ekki láta
hann sem bita upp í munninn á
bankakerfinu. Sannarlega er það
svo með Íbúðalánasjóðinn að við
höfum náð því fram, sem var svo
mikilvægt fyrir unga fólkið, að veita
90% langtímalán. Breyting á lánum
Íbúðalánasjóðs er eitt af afrekum
Framsóknarflokksins á und-
anförnum árum. Við munum standa
vörð um það öryggi sem unga fólkið
og íbúðabyggjendur þurfa á að
halda. Nýleg ákvörðun félagsmála-
ráðherra, Jóns Kristjánssonar, vitn-
ar um það þar sem hann hækkar
lánshlutfallið á ný.
Framsóknarflokkurinn mun verja
það að skólarnir og heilbrigðiskerfið
séu almennings. Það má líka minna
á að við stóðum að léttari endur-
greiðslubyrði námslána. Hún var
þegar við byrjuðum 7% að ég hygg
en er komin niður í 3,75% og hefur
létt mjög greiðslubyrði af ungu
fólki.“
Alþingi verður að efla
Guðni segist vera mikill þingræð-
issinni og hafa mikið hugleitt stöðu
Alþingis í þjóðfélaginu.
„Ég held að það sé mikið atriði að
við áttum okkur á því að Alþingi er
allt of veikt. Það nýtur ekki þeirrar
virðingar sem það á að gera. Ég er
þeirrar skoðunar að þingið beri að
styrkja og að það þurfi að fá mikinn
styrk á móti framkvæmdavaldinu.
Alþingi, sem starfar ekki nema 6–7
mánuði á ári og er síðan horfið út úr
þjóðfélaginu, er veikt. Þess vegna
verður þingið að starfa nánast allt
árið. Þingið þarf einnig að end-
urskipuleggja sig þannig að þar sé
meiri málefnaleg umræða. Að málin
fái lengri tíma í nefndum og nefnd-
irnar séu styrktar verulega svo að
kjarnaumræðan fari fram í stórum
og öflugum nefndum þingsins.
Einnig að þessi skrípaleikur og mál-
æði, sem einkennir þingið og er
virðingarleysi, heyri fortíðinni til.
Þingið þarf að hafa fullt mótvægi
við ríkisstjórnina – framkvæmda-
valdið. Þótt ég sitji í ríkisstjórn tel
ég að það gangi ekki upp í nútíma-
samfélagi að við ráðherrar hendum
yfir þingið tugum frumvarpa, sem
mörg eru flókin, rétt fyrir þinglok
og ætlumst til þess að þingið geti af-
greitt þau á örfáum dögum. Ég tel
miklvægt að þingið sé fyrst og
fremst fagleg löggjafarstofnun eins
og því ber að vera. Alþingi, dóm-
stólar og ríkisstjórn verða að starfa
með mjög faglegum og málefna-
legum hætti til að njóta þeirrar virð-
ingar þeim ber.“
Guðni segir að það sé mjög til um-
ræðu í Framsóknarflokknum að
ráðherrar sitji ekki sem þingmenn
þann tíma sem þeir gegna ráðherra-
dómi. „Vissulega myndi það styrkja
þingið,“ segir Guðni. „Tólf ráð-
herrar af 63 þingmönnum er mikil
blóðtaka fyrir nefndastörf þingsins.
Maður skyldi ætla að það séu öfl-
ugustu þingmennirnir sem eru sett-
ir í ríkisstjórn. Það er engin spurn-
ing í mínum huga að skilja þarf
þarna á milli. Það myndi styrkja
þingið mjög. Að styrkja og efla Al-
þingi þýðir í mínum huga öflugra og
öruggara Ísland.“
gudni@mbl.is
’Heimurinn er að því leyti hættulegur að far-andverkamenn í eyðileggingu mega ekki eiga auð-
veldan aðgang að Íslandi.‘
’Alþingi, sem starfar ekki nema 6–7 mánuði á áriog er síðan horfið út úr þjóðfélaginu, er veikt. Þess
vegna verður þingið að starfa nánast allt árið.‘