Morgunblaðið - 22.04.2006, Blaðsíða 2

2 LAUGARDAGUR 22. APRÍL 2006 MORGUNBLAÐIÐ
FRÉTTIR
20 MILLJARÐAR
Viðræður milli Orkuveitu Reykja-
víkur og Símans um samnýtingu eða
kaup á dreifikerfum, sem átt hafa
sér stað frá því um miðjan mars,
standa enn yfir. Samkvæmt heim-
ildum sem Morgunblaðið hefur aflað
sér losa verðhugmyndir Símans í
viðræðunum 20 milljarða króna.
Verður málið tekið fyrir á næsta
stjórnarfundi Orkuveitunnar næst-
komandi miðvikudag.
Gyanendra gefur eftir
Gyanendra konungur í Nepal gaf í
gær eftir fyrir miklum mótmælum í
landinu og bað stjórnarandstöðuna
að tilnefna nýjan forsætisráðherra. Í
ávarpi til þjóðarinnar kvaðst hann
mundu setja framkvæmdavaldið aft-
ur í hennar hendur en nefndi þó ekki
hvenær kosningar yrðu haldnar.
Níu brúðkaupsgestir létust
Að minnsta kosti níu létust og 26
er enn saknað eftir að farþegarúta
full af brúðkaupsgestum féll niður í á
skammt frá bænum Narail í vest-
urhluta Bangladesh í gær. Brúð-
guminn var á meðal þeirra sem kom-
ust lífs af en brúðurin var hins vegar
á meðal hinna látnu.
Brjóta alþjóðalög
Íslensk sjávarútvegsfyrirtæki
sem stunda veiðar á sardínu og mak-
ríl við strendur Vestur-Sahara í
krafti samninga við Marokkómenn
eru sökuð um að brjóta gegn al-
þjóðalögum.
Vantar hjúkrunarfólk
Siv Friðleifsdóttir heilbrigðis-
ráðherra sagði á Alþingi í gær að
hún hefði nú þegar rætt við mennta-
málaráðherra, Þorgerði K. Gunnars-
dóttur, um nauðsyn þess að kanna
leiðir til að fjölga námsplássum í
hjúkrunarfræði, en um eitt hundrað
hjúkrunarfræðinga vantar á LSH.
Y f i r l i t
Í dag
Fréttaskýring 8 Forystugrein 36
Úr verinu 12 Minningar 40/52
Viðskipti 16/17 Messur 53/55
Erlent 18/19 Dagbók 60
Akureyri 22 Víkverji 60
Suðurnes 23 Velvakandi 61
Árborg 24 Staður og stund 62
Landið 24 Menning 64/69
Daglegt líf 26/29 Bíó 66/69
Listir 30/31 Ljósvakamiðlar 70
Umræðan 32/39 Veður 71
Bréf 34 Staksteinar 72
* * *
Morgunblaðið Kringlunni 1, 103 Reykjavík. Sími 5691100 Innlendar fréttir frett@mbl.is Ágúst Ingi Jónsson, aðstoðarfréttaritstjóri, aij@mbl.is Sigtryggur Sigtryggsson, aðstoðarfréttaritstjóri, sisi@mbl.is Viðskipti vidsk@mbl.is Björn Jóhann Björnsson,
fréttastjóri, bjb@mbl.is Úr verinu Hjörtur Gíslason, fréttastjóri, hjgi@mbl.is Daglegt líf Guðbjörg Guðmundsdóttir, gudbjorg@mbl.is Menning menning@mbl.is Fríða Björk Ingvarsdóttir, ritstjórnarfulltrúi, fbi@mbl.is Inga Rún Sigurðardóttir, ingarun@mbl.is
Umræðan | Bréf til blaðsins Magnús Finnsson, fulltrúi ritstjóra, magnus@mbl.is Guðlaug Sigurðardóttir, gudlaug@mbl.is Sveinn Guðjónsson, svg@mbl.is Minningar minning@mbl.is Hilmar P. Þormóðsson, Stefán Ólafsson Dagbók| Kirkjustarf Ellý H.
Gunnarsdóttir, elly@mbl.is Íþróttir sport@mbl.is Sigmundur Ó. Steinarsson, fréttastjóri, sos@mbl.is Útvarp | Sjónvarp Auður Jónsdóttir, dagskra@mbl.is mbl.is netfrett@mbl.is Guðmundur Sv. Hermannsson fréttastjóri gummi@mbl.is
VELFERÐ UMHVERFI NÝSKÖPUN
Ólafur F. Magnússon,
læknir og borgarfulltrúi
1 sæti
„ Tryggjum að
Reykjavíkurflugvöllur
verði áfram í
Vatnsmýrinni.“
ANNA Jóhanns-
dóttir hefur bæst
í hóp myndlistar-
gagnrýnenda
Morgunblaðsins.
Hún brautskráð-
ist frá Myndlista-
og handíðaskóla
Íslands árið 1993,
lauk framhalds-
námi í myndlist
við L’Ecole Nat-
ionale Supérieure des Arts Décora-
tifs í París 1996 og hefur einnig
stundað listfræðinám við Háskóla Ís-
lands. Auk þess að vera starfandi
myndlistarmaður sá Anna um fjög-
urra ára skeið um rekstur Gallerís
Skugga á Hverfisgötu.
Morgunblaðið býður hana vel-
komna til starfa.
Nýr myndlistar-
gagnrýnandi
Anna
Jóhannsdóttir
DRÖG að samstarfssamningi Landspítala – há-
skólasjúkrahúss (LSH) og læknadeildar Háskóla
Íslands voru felld með afgerandi hætti á deildar-
fundi kennara læknadeildar á miðvikudag. Fimm
ár eru frá því að samningur milli LSH og HÍ um
samstarf við kennslu og rannsóknir í heilbrigð-
isvísindum var gerður, en samningurinn rennur út
28. júní næstkomandi. Að sögn Kristjáns Erlends-
sonar varadeildarforseta læknadeildar og fram-
kvæmdastjóra kennslu, vísinda og þróunar hjá
LSH, hefur vinna við endurskoðun samningsins
staðið yfir í vetur. Kristján segir skiptar skoðanir
um fjármögnun, aðstöðu fyrir samstarf LSH og
læknadeildar og starfsmannamál helstu ástæður
þess að samningsdrögin voru ekki samþykkt á
deildarfundinum á miðvikudag og bendir á að báð-
ar stofnanirnar eigi við fjárskort að stríða.
Málinu ljúki sem fyrst
Kristján segir að á næstu dögum verði unnið úr
þeim athugasemdum sem fram hafa komið vegna
endurnýjunar samningsins, en samstarf stofnan-
anna hafi verið afskaplega gott og hafi þróast á
undanförnum fimm árum. „Samningurinn hefur
vissulega fært stofnanirnar nær hvor annarri í
þeim sameiginlegu verkefnum sem eru að mennta
nýja einstaklinga í heilbrigðisstétt og samstarf í
vísindum sem hvort tveggja kemur þjónustu til
góða. Á þeim fimm árum sem liðið hafa frá því
samningurinn var gerður hafa komið upp atriði
sem við höfum þurft að taka upp og þróa frekar.
Við erum að vinna í því núna,“ segir Kristján. „Við
verðum að ljúka málinu sem allra fyrst og klárlega
fyrir 28. júní,“ segir hann og bætir við að ávinn-
ingur beggja stofnana af samstarfinu sé slíkur að
hann trúi ekki öðru en að málin leysist.
Drög að samstarfssamningi LSH og HÍ kolfelld á deildarfundi læknadeildar
Deilt um fjármögnun,
aðstöðu og starfsmannamál
Eftir Elvu Björk Sverrisdóttur
elva@mbl.is
KRÓNAN styrkt-
ist í viðskiptum
gærdagsins og
Úrvalsvísitala
Kauphallar Ís-
lands hækkaði.
Krónan styrkt-
ist um 2,2% í gær,
samkvæmt upp-
lýsingum frá
Landsbanka Ís-
lands, og úrvals-
vísitala Kaup-
hallar Íslands
hækkaði um
0,79% og er nú
5.439 stig. Gengis-
vísitalan var við
upphaf dags
135,50 stig en við
lokun var hún í 132,60. Gengisvísitalan fór hæst í 138,05 stig í gær en síð-
ast fór vísitalan yfir 138 stig þann 7. mars árið 2002. Þá var veltan á milli-
bankamarkaði 51,5 milljarðar króna í gær og hefur aldrei verið meiri.
Fyrra metið var frá því 8. mars sl. en þá nam veltan 45,9 milljörðum
króna. Gengi dollara er nú 77,31 kr., gengi evru 95,45 kr. og pundið er nú í
137,80 kr. | 17
Morgunblaðið/Einar Falur
Krónan styrktist á ný
FUNDI viðræðunefnda Samtaka
fyrirtækja í heilbrigðisþjónustu og
starfsmanna hjúkrunarheimila
vegna kjaradeilu starfsfólksins lauk
í gær um fimmleytið eftir þriggja
tíma fundahöld í húsnæði Rík-
issáttasemjara.
Að sögn Álfheiðar Bjarnadóttur,
talsmanns viðræðunefndar starfs-
manna dvalar- og hjúkrunarheimil-
anna, gengu viðræður vel og sagði
hún að mikil ánægja væri með fund-
inn.
Álfheiður taldi rífandi gang vera
kominn í viðræðurnar og gott hljóð
væri í fólki en gat að öðru leyti ekki
tjáð sig um viðræðurnar.
Næsti fundur hefur verið boðaður
á mánudaginn. Verður hann haldinn
í húsnæði Ríkissáttasemjara og
hefst klukkan tvö.
Morgunblaðið/RAX
Viðræðunefnd starfsfólks á hjúkrunarheimilum ræðir stöðu mála á milli funda í húsnæði Ríkissáttasemjara.
Rífandi gangur sagður
í samningaviðræðum

 



 


 
 



  

 

  

 


 


 !

"
# 
$
% 
 







& 

 
 

'() *

 +,,,














   


ÞRÍR voru fluttir á slysadeild í
sjúkrabíl eftir þriggja bíla árekstur
á Hafnarfjarðarveginum við Vífils-
staðaveg seint í gærkvöld. Einn
hinna slösuðu var sýnu mest slas-
aður en þó ekki alvarlega. Lög-
reglan í Hafnarfirði fékk aðstoð
Slökkviliðs höfuðborgarsvæðisins
við vettvangsvinnu og var tækjabíll
sendur á staðinn. Fólkið náðist þó
út án þess að klippa þyrfti í sundur
bílflökin.
Slysið varð um kl. 22.30 og lenti
einn bílanna utan í ljósastaur. Lög-
reglan í Hafnarfirði fer með rann-
sókn á tildrögum slyssins.
Þrír á slysadeild
eftir árekstur
♦♦♦