Morgunblaðið - 22.04.2006, Blaðsíða 11
HÆSTIRÉTTUR Svíþjóðar felldi á
dögunum dóm í máli sem snerist um
auglýsingahlé í kvikmyndum, en þar
höfðuðu sænsku leikstjórarnir Vil-
got Sjöman, sem lést á dögunum, og
Claes Eriksson mál gegn sænsku
sjónvarpsstöðinni TV4. Hæstirétt-
urinn staðfesti dóm borgarréttar
Stokkhólms og viðurkenndi að aug-
lýsingahlé í kvikmyndum bryti á
sæmdarrétti kvikmyndagerðar-
manna.
Vilgot Sjöman og Claes Eriksson
þykja með málsókn sinni hafa styrkt
mjög stöðu kvikmyndagerðarmanna
og höfunda í Svíþjóð og jafnvel víðar
um heim, að mati Peters Curmans,
formanns samtaka listamanna og rit-
höfunda í Svíþjóð. Kveður Curman
hér um að ræða mikinn sigur fyrir
listræna tjáningu og sérstaklega fyr-
ir kvikmyndagerð, þar sem hæsti-
réttur lítur sömu augum á kvik-
myndagerð og aðra alvarlega
listsköpun, s.s. myndlist, tónlist,
leikhús og bókmenntir.
Ekki bein fordæmisáhrif
Håkan Sjöström, lögmaður kvik-
myndagerðarmannanna, segir dóm-
inn mjög skýran í því að staðfesta að
sæmdarréttur hafi enn gildi fyrir
listamenn sem einstaklinga og sér-
stakt leyfi þurfi frá leikstjóra mynda
til að gera á þeim hlé til auglýsinga.
Hróbjartur Jónatansson hæsta-
réttarlögmaður segir mögulegt að
dómurinn hafi áhrif hér á landi.
„Hann hefur að sjálfsögðu ekki bein
fordæmisáhrif, en allir dómar í þeim
löndum sem eru í sama menningar-
heimi og við, sérstaklega Norður-
löndum, hafa áhrif,“ segir Hróbjart-
ur. „Lagakerfin á Norðurlöndum eru
mjög svipuð. Sérstaklega í Dan-
mörku og Noregi eru þau svipuð
okkar kerfi. Þannig er það mjög al-
gengt að vísað sé til norrænna dóma
við uppbyggingu mála hér, sérstak-
lega í þeim tilvikum þar sem for-
dæmi eru ekki fyrir hendi.“
Dómur Hæstaréttar Svíþjóðar kann að hafa áhrif hér á landi
Auglýsingahlé brjóta á rétti
kvikmyndagerðarmanna
TÖKUR á danska sjónvarpsþættinum Ern-
inum hafa staðið yfir að undanförnu í Vest-
mannaeyjum og er ráðgert að hefja lokatök-
ur á þáttunum í Grindavík og Reykjavík á
næstu dögum. Ekki hefur að fullu verið ráðið
í öll aukahlutverk í þessum tökum og að sögn
Sigrúnar Sólar Ólafsdóttur, ráðningarstjóra
Arnarins á Íslandi, hefur hún verið að leita að
fólki í hlutverki lögregluþjóna, lífvarða og
leyniþjónustufulltrúa. Aðilar frá bæjarfélög-
unum hefðu hjálpað henni við starfið og benti
hún áhugasömum aðilum á að hafa samband
við sig hið fyrsta.
Ráðningar í auka-
hlutverk standa yfir
BILUN í flugvél tyrknesks flugfélags, sem
flytja átti í dag tæplega 200 íslenska íþrótta-
iðkendur heim frá Tyrklandi, olli því að um
10 tíma töf verður á brottför hópsins frá
Tyrklandi. Undanfarna 10 daga hafa meist-
araflokkar karla í knattspyrnu í Grindavík,
hjá Val og meistaraflokkur kvenna hjá Fylki,
auk golfleikara, dvalist við æfingar í ná-
munda við Antalya í Tyrklandi og átti hóp-
urinn að fljúga heim snemma í dag. Að sögn
Jónasar Þórhallssonar, formanns knatt-
spyrnudeildar Grindavíkur, mun vél frá
Flugleiðum sækja hópinn í dag.
Jónas sagði í samtali við Morgunblaðið í
gær að hópurinn tæki seinkuninni með ró og
myndi dveljast á hóteli sínu fram að brottför.
Bilun í flugvél veldur 10
tíma töf á brottför heim
MORGUNBLAÐIÐ LAUGARDAGUR 22. APRÍL 2006 11
FRÉTTIR
GAMLA gufubaðið á Laugarvatni mun að öll-
um líkindum verða rifið í haust og fram-
kvæmdir hefjast um áramót við byggingu nýrr-
ar gufubaðsaðstöðu og heilsulindar, sem að
öllum líkindum verður rekin af rekstraraðilum
Bláa lónsins, en nú er unnið að samningum þar
um milli fyrirtækisins Gufu ehf. og sveitarfé-
lagsins Bláskógabyggðar.
Að sögn Sveins A. Sæland, oddvita sveit-
arstjórnar Bláskógabyggðar, er fyrir því fullur
vilji hjá sveitarfélaginu að byggja upp nýja að-
stöðu á svæðinu og auka þannig aðdráttarafl
Laugarvatns með tilliti til ferðamennsku. „Það
er mikill áhugi á þessari uppbyggingu hjá
sveitarfélaginu og við höfum lofað allt að fimm
milljónum króna í hlutafé vegna þessara fram-
kvæmda,“ segir Sveinn og bætir við að lengi
hafi verið fyrir því vilji innan sveitarfélagsins
að bæta aðstöðuna við gufubaðið.
Hefðir og saga gufubaðsins virt
Gufubaðið á Laugarvatni er byggt ofan á
hver sem bullar fyrir neðan gufubaðsklefana og
sitja gestir í raun beint ofan á hvernum. Getur
hitinn því rokkað nokkuð í gufubaðinu eftir því
hversu hressilega bullar í hvernum. Ferðir í
gufubaðið eru meðal helstu hefða nemenda við
Menntaskólann á Laugarvatni.
Grímur Sæmundsen, forstjóri Bláa lónsins,
segir nú unnið að hugmyndavinnu og hönnun
hinnar nýju aðstöðu, en áætlanir geri ráð fyrir
því að starfsemi í nýrri heilsulind á Laug-
arvatni hefjist vorið 2008. Öll sú hugmynda-
vinna sé í samráði við Hollvinasamtök gufu-
baðsins á Laugarvatni og Gufu ehf. „Við erum
að tala um aðstöðu í sátt við
það umhverfi sem er á
Laugarvatni og við munum
hafa í heiðri arfleifð gamla
gufubaðsins, sem er kjarn-
inn í þeirri uppbyggingu
sem menn horfa til,“ segir
Grímur. „Við ætlum að
passa upp á það að gamla
gufubaðið haldi þeim sér-
kennum sem það hefur
haft. Síðan verður þarna
viðbótarþjónusta og aðstaða og miklu betur
gert við fólk í búnings- og baðaðstöðu og ýmissi
annarri þjónustu.“
Hin aukna þjónusta mun að sögn Gríms þýða
að verðið muni verða endurskoðað með tilliti til
þeirra þjónustugæða og þeirrar umgjarðar
sem sköpuð verður. Aðstaðan hafi verið mjög
frumstæð hingað til og verðið í samræmi við
það. Bætt aðstaða og þjónusta muni vissulega
þýða einhverja hækkun í verði. Þó segir Grím-
ur fullan vilja til þess að í ljósi hefðar Mennta-
skólans á Laugarvatni muni menntskælingar
ekki þurfa að greiða meira en þeir greiða í dag
til að njóta gufubaðsins.
Bætt þjónusta fyrir
ferða- og fjölskyldufólk
Grímur kveður fyrirtækið hafa litið til þess
að á Laugarvatni séu ákveðin grundvallargæði
fyrir hendi til að skapa heilsulind sem eigi skír-
skotun til neytenda. „Fyrst ber að nefna sög-
una sem þarna er að baki,“ segir Grímur.
„Gufubaðið á Laugarvatni hefur langa og mikla
sögu og er þekkt af eigin verðleikum. Okkur
finnst staðsetningin á þessari aðstöðu mjög
áhugaverð, bæði hvað varðar ferðamenn og
einnig að það er mjög vaxandi sumarhúsa-
byggð á þessu svæði, á Suðurlandsundirlend-
inu og þarna í kring. Við höfum verið að horfa
til þess að þessi staður myndi bæði höfða til er-
lendra ferðamanna og íslensks fjölskyldu-
fólks.“
Grímur segir ennfremur horft til þess að
gert sé ráð fyrir nýjum Gjábakkavegi, sem
muni einfalda mjög samgöngur til Laug-
arvatns, en leiðin frá Reykjavík til Þingvalla
um Gjábakkaveg til Laugarvatns er mun
styttri en leiðin yfir Hellisheiðina. Þannig verði
Laugarvatn enn betur í þjóðbraut sett. „Og
ekki má gleyma því að þessi leið er í beinum
tengslum við Gullfoss og Geysi,“ segir Grímur.
„Við sjáum fyrir okkur að þetta geti orðið
skemmtileg uppbygging og í anda þess sem við
höfum verið að vinna eftir. Við viljum gera veg
Íslands sem heilsulands sem mestan.“
Morgunblaðið/Sverrir
„Gufubaðið á Laugarvatni á langa og mikla sögu og er þekkt af eigin verðleikum.“
Grímur
Sæmundsen
Samningar að nást um nýja gufubaðsaðstöðu og heilsulind á Laugarvatni
Ætla að stórbæta aðstöðuna fyrir íbúa og gesti
BORGARRÁÐ hefur samþykkt að
bjóða út byggingarréttinn á tíu ein-
býlishúsalóðum í Úlfarsárdal að
nýju þar sem þannig stóð á að allir
þeir sem áttu tilboð í byggingarrétt
á þeim, í febrúar sl., áttu jafnframt
hæsta tilboð í byggingarrétt á öðr-
um lóðum.
Í febrúar sl. var boðinn út bygg-
ingarréttur í nýju íbúðahverfi í Úlf-
arsárdal þar sem um var að ræða
byggingarrétt fyrir rúmlega fjögur
hundruð íbúðir í einbýlishúsum,
parhúsum, raðhúsum og fjölbýlis-
húsum. Bárust um 660 tilboð í
byggingarrétt fyrir 40 einbýlishús
en hver bjóðandi gat einungis keypt
rétt á einni lóð fyrir einbýlishús eða
parhús – ótakmarkað á öðrum lóð-
um.
Á tíu lóðum áttu aðilar þá annað
hvort fyrir hæsta tilboð í lóðir fyrir
einbýlishús eða parhús sem þeir
kusu heldur og gengu því tíu lóðir
af. Útboðið verður auglýst um
næstu helgi og munu eingöngu ein-
staklingar geta gert kauptilboð. Til-
boðsfrestur er til 4. maí nk.
Tíu lóðir í Úlfarsárdal boðnar út að nýju
Gengu ekki út í fyrra útboði
ÁTAKI gegn veggjakroti og slæmri
umgengni við Hjarðarhaga í Vest-
urbænum var hrundið af stað
sumardaginn fyrsta. Átakið er tví-
þætt, fyrri hlutinn felur í sér að
mála yfir veggjakrot á bílskúrum
við götuna og seinni hlutinn felur í
sér að vekja íbúa og vegfarendur
götunnar til vitundar um að nota
ruslatunnur undir rusl í stað gatna
og lóða.
Að sögn Tryggva Jónssonar,
verkefnisstjóra hjá þjónustu-
miðstöð Reykjavíkurborgar, Vest-
urbæ, voru íbúar í fjölbýlishús-
unum við Hjarðarhaga 36–66 og
Neshaga 5–9 orðnir langþreyttir á
endalausu veggjakroti á bílskúr-
unum. Fyrir nokkrum árum hefðu
svokallaðir „graffítí“-listamenn
skreytt nokkra bílskúra við götuna
en verk þeirra hefðu ekki fengið að
standa í friði og ítrekað verið krot-
að á þau. Tryggvi sagði að auðvelt
hefði verið að fá fyrirtæki í sam-
starf með sér, Málning hf. lagði til
120 lítra af málningu til verksins og
verslunin 10–11 grillaði fyrir
íbúana að málningarvinnu lokinni.
Hann sagði mikilvægt að allir tækju
þátt í viðhaldi á málningu og tækju
afstöðu gegn sóðaskap og benti á
að aðeins með samstilltu átaki allra
aðstandenda verkefnisins tækist að
viðhalda umhverfinu eins og íbúar
vildu hafa það.
Langþreyttir
á veggjakroti
Morgunblaðið/Árni Sæberg
Neskaupstaður | Þeir feðgar
Jón Sen, yfirlæknir við Fjórð-
ungssjúkrahúsið í Neskaup-
stað, og Helgi Freyr notuðu
veðurblíðuna sumardaginn
fyrsta til að fljúga flugmód-
elum sínum um loftin blá. Þeg-
ar fréttaritari átti leið um og
tók mynd af þeim feðgum
skein einbeitnin úr svip þeirra,
þar sem faðirinn var að þjálfa
soninn í að stjórna flugvélinni.
Segja má að máltækið hvað
ungur nemur gamall temur
hafi átt vel við í þetta skipti, þó
að Jón sé ekki mjög við aldur.
Morgunblaðið/Ágúst Blöndal
Hvað ungur nemur
gamall temur