Morgunblaðið - 22.04.2006, Blaðsíða 61

MORGUNBLAÐIÐ LAUGARDAGUR 22. APRÍL 2006 61
DAGBÓK
Klám og kynlíf á Íslandi er innihaldkynningarráðstefnu sem hefst í dagkl. 13.00 í stofu 101 í Odda, húsi fé-lagsvísindadeildar Háskóla Íslands.
„Við ætlum að eyða þremur klukkustundum
eftir hádegið til þess að kynna rannsóknarverk-
efni um klám og kynlíf í íslensku samfélagi sem
35 nemendur í námskeiðinu Verkefni í íslenskum
fjölmiðlum hafa unnið,“ segir Guðbjörg Hildur
Kolbeins fjölmiðlakennari.
En hverjar skyldu niðurstöður þessa verkefnis
vera?
„Þetta var viðamikil rannsókn, nemendunum
var skipt í nokkra hópa. Einn hópur tók viðtöl við
ungt fólk, framhaldsskólakennara og aðra sem
hafa með málefni barna og unglinga að gera.
Annar hópurinn gerði vettvangskönnun á að-
gengi kláms í matvöruverslunum, bókabúðum,
myndbandaleigum og í erótískum verslunum.
Þriðji hópurinn innihaldsgreindi fjögur dagblöð,
vikublöð, vefsvæði og sjónvarpsefni fyrir vikuna
5. til 11. febrúar. Síðasti hópurinn gerði rannsókn
á klámnotkun, kynlífshegðun og viðhorfi til
kláms og kynlífs meðal nemenda í átta fram-
haldsskólum á landinu. Niðurstöðurnar verða
kynntar í dag og þær eru forvitnilegar, það eitt
get ég sagt, og hitt líka að þær munu vafalaust
vekja talsverða athygli,“ segir Guðbjörg Hildur
leyndardómsfull.
Hvers vegna var þetta efni valið?
„Ég hef verið að kenna mjög vinsælt námskeið
við Háskóla Íslands um áhrif ofbeldis og kláms
og í framhaldi af því kviknaði sú hugmynd að
kortleggja hina svokölluðu klámvæðingu í ís-
lensku samfélagi, þar sem áhrif hennar hafa ver-
ið talsvert til umfræðu undanfarin misseri. Eng-
ar rannsóknir voru til þessu efni til stuðnings,
það vissi ég fyrirfram, og þess vegna vildum við
ráðast í þetta verkefni.
Þess má geta að ég tók sjálf að mér að inni-
haldsgreina PoppTV og það vakti athygli mína
hversu mikið er um kynferðislega hegðun í tón-
listarmyndböndum hjá söngkonum og stúlkna-
hópum. Þær voru í fyrsta lagi oft mjög létt-
klæddar, vægast sagt, myndavélinni er iðulega
beint að brjóstum og uppeftir fótleggjum og gera
þessar stúlkur mikið af því að hreyfa sig á tæl-
andi hátt og strjúka sér. Þetta er öðruvísi með
karlmenn, þeir eru iðulega kappklæddir en hafa
sumir léttklæddar stúlkur í bakgrunni. Þarna er
áberandi munur á framsetningu tónlistarefnis
eftir kynjum.“
Kom þér eitthvað þarna á óvart?
„Já, ég hélt að karlmenn gerðu meira af því að
nota léttklæddar konur með sér almennt í tón-
listarmyndböndum, en í ljós kom að slíkt er
meira bundið við rappið en aðra tónlist.“
Fræðslumál | Rannsóknarverkefni um klám og kynlíf á Íslandi
Kynferðisleg hegðun í PoppTV

Guðbjörg Hildur Kol-
beins er Reykvíkingur,
fædd 1967. Hún er
kennari í fjölmiðlafræði
við Háskóla Íslands og
Kvennaskólann í
Reykjavík. Hún er með
doktorspróf í fjölmiðla-
fræði og starfaði sem
blaðamaður á náms-
árum og sem kennari í
fjölmiðlafræði síðustu
átta ár. Hún er fjölskyldumanneskja, á mann
og eina dóttur.
1. e4 c5 2. Rf3 Rc6 3. d4 cxd4 4. Rxd4
Rf6 5. Rc3 d6 6. Bg5 e6 7. Dd2 a6 8.
O-O-O h6 9. Be3 Dc7 10. f3 Hb8 11.
Kb1 Be7 12. g4 Re5 13. h4 b5 14. Bd3
b4 15. Rce2 d5 16. g5 Rg8 17. exd5
exd5 18. Bf4 Bd6 19. De3 Kf8 20.
Bxe5 Bxe5 21. f4 Bd6 22. f5 hxg5 23.
hxg5 Hxh1 24. Hxh1 Bd7 25. Df3 Db7
26. Hh8 Be5 27. f6 gxf6 28. gxf6 Db6
Gengi Sigurbjörns Björnssonar
(2335) og Hjörvars Steins Grét-
arssonar (2087) á KB-móti Tafl-
félagsins Hellis sem lauk fyrir
skömmu var framan af ekki eins og
best hefði verið ákosið en í síðustu
umferðunum höluðu þeir inn vinn-
ingum. Í þessari stöðu þvingaði Sig-
urbjörn með hvítu hinn 12 ára Hjörv-
ar til uppgjafar eftir 29. Hxg8+! þar
eð eftir 29... Kxg8 30. Dg2+ getur
svartur í mesta lagi leikið átta leikj-
um áður en hann verður mát. Íslands-
mót framhaldsskólasveita hefst í dag
og Íslandsmót í einstaklingskeppni
stúlkna á grunnskólaaldri en nánari
upplýsingar um mótin er að finna á
www.skak.is.
SKÁK
Helgi Áss Grétarsson | dagbok@mbl.is
Hvítur á leik.
Erfitt varnarspil.
Norður
♠G6
♥Á105 N/AV
♦5
♣KD106432
Vestur Austur
♠ ♠ÁK10854
♥ ♥742
♦ ♦K974
♣ ♣--
Í 9. umferð Íslandsmótsins fékk
austur erfitt verkefni í vörn. Settu þig í
hans spor:
Vestur Norður Austur Suður
-- 1 lauf 1 spaði Dobl *
Pass 2 lauf 2 spaðar 3 grönd
Pass Pass Pass
Suður doblar fyrst neikvætt til að
sýna hjartalit, en stekkur svo í þrjú
grönd. Makker kemur út með spaða-
þrist.
Hvernig viltu verjast?
Þetta er fyrst og fremst spurning
um laufásinn. Ef suður er með ásinn
verður að drepa strax og skipta yfir í
tígul í von um að makker eigi þar ÁG
a.m.k. Á hinn bóginn er nauðsynlegt að
dúkka fyrsta spaðann ef makker á lauf-
ás og tvíspil í spaða.
Norður
♠G6
♥Á105
♦5
♣KD106432
Vestur Austur
♠32 ♠ÁK10854
♥G93 ♥742
♦ÁG863 ♦K974
♣G98 ♣--
Suður
♠D97
♥KD86
♦D102
♣Á75
Tveir varnarspilarar völdu að dúkka
á þeirri forsendu að makker væri lík-
legri til að vera með eitt lykilspil (lauf-
ásinn) frekar en tvö (ÁG í tígli). En
heppnin var ekki með þeim í þetta sinn.
Fjórir spilarar fóru hina leiðina, tóku
ÁK í spaða og skiptu yfir í tígul, sem
reyndist rétt vera.
Á tveimur borðum spilaði norður
fimm lauf og það er hreint ekki auðvelt
að ná því spili niður. Það er eðlilegt að
taka fyrst tvo slagi á ÁK í spaða, en
síðan verður austur að spila tígli, því
annars fer tígull sagnhafa niður í
fjórða hjartað. Sú vörn er erfið og
fannst ekki.
BRIDS
Guðmundur Páll Arnarson | dagbok@mbl.is
Afkomendur
Wilhelms Bechmann
FJÖLSKYLDA Wilhelms Bech-
mann hefir beðið mig að grennslast
fyrir um afkomendur og tengdafólk
Bechmann myndhöggvara og mynd-
skera er hafði vinnustofu sína á
Laugavegi 100 í Reykjavík. Syst-
urdóttir Bechmanns hefur í hyggju
að koma til Reykjavíkur. Væri ég
þakklátur fyrir að mér yrðu sendar
upplýsingar sem fyrst.
Helgi Falur Vigfússon,
Moabakken 29,
2607 Vingsom,
Norge.
Um þýska fótboltann
MIG langar til að spyrja íþróttadeild
að því hvort þeir ætli að sýna frá
þýska boltanum næsta vetur?
Ólafur Jónas Sigurðsson.
Týndur stafur
MIÐVIKUDAGINN 12. apríl voru
foreldrar mínir á leið norður á
strandir. Þau stoppuðu rétt neðan
við Svignaskarð í Borgarfirði og fóru
út úr bílnum. Aldraður faðir minn er
Alzheimer-sjúklingur og gengur auk
þess við staf. Hann hefur líklega
glatað stafnum þarna. Þetta er
brúnn gamall stafur merktur með
hvítum miða „Ingimundur“. Þessi
stafur hefur fylgt föður mínum, svo
lengi sem ég man. Ef einhver hefur
fundið stafinn, vinsamlegast hafið
samband í síma 898 4929.
Guðmunda Ingimundardóttir.
Gullkross í óskilum
NÝLEGA fannst gullkross við
Sundlaugarnar í Laugardal. Upplýs-
ingar í síma 844 8255.
Gleraugu í óskilum
HVÍTRAMMA gleraugu með
svartri rönd fundust í Ártúnsholti
(við Streng). Uppl. í síma 692 7902.
Dónaskapur
ÉG er viss um að fólk hugsi stundum
ekki um framkomu sína við þjóna og
afgreiðslufólk.
Ég vinn sem þjónn og lendi oft í
því að kúnnar eru mjög dónalegir við
mig út af engu, sérstaklega miðaldra
konur. Tel ég það vera vegna þess að
ég er ung stúlka. Þegar það er mikið
að gera og maður rétt svo ræður við
það að þjóna 50 manns og vaska upp
eftir það, taka af borðum og skipta
um öskubakka sér fólk ekkert annað
en sjálft sig og skilur ekkert í því ef
það þarf að bíða í 5 mínútur eftir
þjónustu.
Eitt annað sem að ég þoli ekki er
þegar fólk reynir að tala við mann
2–3 í einu og þegar fólk kemur fyrir
aftan mann og pikkar í mann þegar
maður er á fullu við kaffivélina.
Fólki finnst þjónar svo sjálfsagður
hlutur og að við séum með 16 hendur
og getum gert 20 hluti í einu. Það sér
ekki allt hitt fólkið í kringum sig og
skilur ekki að hitt fólkið er líka
kúnnar.
Og verð á vörunum inni á kaffihúsi
eða matvörubúð eru ekki í höndum
afgreiðslufólksins eða þjónanna,
þannig að það þýðir ekki að skamma
þá.
Þjónar eru manneskjur eins og
allt annað fólk og þetta er ekki lítils-
verð vinna eins og sumir halda.
Þetta er atvinna eins og hver önnur.
Einhver verður að vinna við þetta.
Sýnið okkur þjónunum virðingu
og næst þegar þið farið á kaffihús og
sjáið að þjónninn er þegar búin að
taka niður 10 pantanir að bíða þang-
að til þær eru afgreiddar og pantið
svo. Ekki tala í farsímann á meðan á
afgreiðslu stendur. Við erum nú
bara að biðja um kurteisi.
Takk fyrir.
Þjónninn.
Velvakandi
Svarað í síma 5691100 frá 10–12
og 13–15 | velvakandi@mbl.is