Morgunblaðið - 19.05.2006, Blaðsíða 11

MORGUNBLAÐIÐ FÖSTUDAGUR 19. MAÍ 2006 11
FRÉTTIR
„MIG undrar ekki að Alcoa reyni að
verja ákvörðun sína um að hafna vot-
hreinsibúnaði,“ segir Hjörleifur Gutt-
ormsson, fv. þingmaður og ráðherra,
um vilja Alcoa Fjarðaáls til að nota
eingöngu þurrhreinsun í nýju álveri á
Reyðarfirði, skv. frummatsskýrslu
um mat á umhverfisáhrifum fram-
kvæmdarinnar.
„Fyrirtækið hefur fyrir löngu tekið
þá ákvörðun um að nota þurrhreinsi-
búnað einvörðungu í trausti þess að
stjórnvöld spili með eins og þau hafa
gert til þessa, einnig eftir að hæsta-
réttardómurinn féll,“ segir Hjörleif-
ur. „Það voru íslensk stjórnvöld sem
með úrskurði Skipulagsstofnunar 20.
desember 2002 slepptu Alcoa við að
fara í mat á umhverfisáhrifum og um-
hverfisráðherra staðfesti þann úr-
skurð 15. apríl 2003. Þrátt fyrir
hæstaréttardóm voru starfsleyfi og
framkvæmdaleyfi ekki afturkölluð og
Alcoa hélt framkvæmdum sínum
áfram þrátt fyrir dóminn. Skorsteinn-
inn hái sem búið er að reisa og sem
sniðinn er að þurrhreinsun eingöngu
er táknrænn fyrir þetta og önnur
kerfi tengd mengunarvörnum eru í
samræmi við það.“
Neikvæð hliðaráhrif
Gunnar G. Tómasson, verkefnis-
stjóri við gerð umhverfismatsins, seg-
ir að báðir kostirnir, þurrhreinsibún-
aður eingöngu og svo ásamt
vothreinsibúnaði, hafi verið kannaðir
ítarlega og báðir hafi þeir uppfyllt all-
ar reglugerðir íslenskra yfirvalda og
Evrópusambandsins um losun meng-
andi efna. Niðurstaðan hafi orðið sú
að vothreinsibúnaður leiði til fleiri
hliðarverkana, s.s. losunar flúoríðs
sem hafi áhrif á gróður og PAH-efna
sem kunni að hafa neikvæð áhrif á líf-
ríki sjávar.
Hjörleifur segir fyrirtækið reyna
að beina sjónum frá gífurlegum mun
á losun brennisteinssambanda þegar
borin er saman vothreinsun og þurr-
hreinsun. Þessi munur sé 15-faldur
samkvæmt útreikningum Alcoa og
24-faldur samkvæmt matsskýrslu
Norsk Hydro frá vorinu 2001. Nið-
urstöður beggja fyrirtækja sýni að
loftgæði með vothreinsun eru mun
skárri í Reyðarfirði með vothreinsun
sem viðbót við þurrhreinsun og það
geti m.a. varðað heilsu fólks sem þar
býr um langa framtíð. Ekki sé fjallað
um jákvæða kosti vothreinsunar sem
viðbót við þurrhreinsun.
„Þess í stað reynir Alcoa nú að
beina sjónum manna að meintum
hliðarverkunum vothreinsunar og
nefnir í því sambandi losun flúoríðs og
áhrif hennar á gróðurfar og losun á
PAH sem geti haft áhrif á lífríki sjáv-
ar. Það er engu líkara en talsmaður
Alcoa, verkefnisstjóri umhverfis-
matsins, hafi ekki lesið framlögð gögn
fyrirtækisins. Í öllu falli ríma stað-
hæfingar hans afar illa saman við það
sem í þeim stendur,“ segir Hjörleifur.
Hann fjallar nánar um málið á vefn-
um www.eldhorn.is/hjorleifur.
Frummatsskýrsla Alcoa var aug-
lýst af Skipulagsstofnun 27. apríl sl.
og er aðgengileg á vefjunum www.al-
coa.is og www.hrv.is. Frestur til at-
hugasemda við frummatsskýrsluna
rennur út 8. júní nk. Alcoa Fjarðaál
mun vinna endanlega matsskýrslu
þegar Skipulagsstofnun hefur fjallað
um frummatsskýrsluna og athuga-
semdir sem berast við hana.
Skorsteinninn
er táknrænn
Hjörleifur Guttormsson ósammála
Alcoa um hreinsibúnað álvers eystra
H Æ Ð A S M Á R A 4 • S Í M I 5 4 4 5 9 5 9
FULL BÚÐ AF NÝJUM VÖRUM