Morgunblaðið - 19.05.2006, Blaðsíða 15
MORGUNBLAÐIÐ FÖSTUDAGUR 19. MAÍ 2006 15
FRÉTTIR
Kynntu þér frábær tilboð í
Vildarþjónustunni í sumar
50% afsláttur hjá Flugfélagi Íslands
Allt að 30.000 kr. afsláttur í sólina
Afsláttur hjá Hertz bílaleigu
10.000 kr. ferðaávísun
…og margt fleira
Við lögum okkur að þínum þörfum!
VERKSAMNINGUR um rekstur
Olweusarverkefnisins gegn einelti í
grunnskólum fyrir árin 2006–2008
var undirritaður í gær, en það voru
Þorgerður Katrín Gunnarsdóttir
menntamálaráðherra, Þórður
Skúlason framkvæmdastjóri Sam-
bands íslenskra sveitarfélaga og
Hanna Hjartardóttir, formaður Fé-
lags skólastjóra, fyrir hönd Kenn-
arasambands Íslands og Þorlákur
Helgason, framkvæmdastjóri Ol-
weusarverkefnisins, sem komu sam-
an og samþykktu samninginn fyrir
hönd aðila.
Með verksamningnum er tryggt
að allt að 30 grunnskólar geti hafið
innleiðingu verkefnisins þegar við
upphaf næsta skólaárs, haustið
2006, og að þeir skólar sem fyrir
eru í verkefninu geti haldið mark-
vissu starfi áfram með þeim skyld-
um sem fylgja því að vera virkur
þátttakandi í verkefninu. Frá því að
Olweusarverkefnið hófst haustið
2002 hafa 75 grunnskólar með um
helming allra grunnskólanemenda í
landinu tekið þátt í eineltisáætlun-
inni. Næsta skólaár er gert ráð fyr-
ir að skólar með allt að 10 þúsund
nemendur bætist við og þar með nái
verkefnið til allt að 75% grunn-
skólanemenda í landinu.
Olweusarverkefnið er viðamikið
forvarnarstarf þar sem allir starfs-
menn skóla og aðilar úr grennd-
arsamfélaginu eru beinir þátttak-
endur. Sérstök áhersla er lögð á
virka þátttöku foreldra og öflugt
samstarf heimila og skóla. Ætla má
að um fimm þúsund starfsmenn í
grunnskólum, félagsmiðstöðvum,
íþróttafélögum, kirkjunni og fleiri
stofnunum og samtökum hafi með
skipulögðum hætti öðlast þekkingu
og færni að vinna gegn einelti, upp-
ræta það og skapa nemendum um-
hverfi þar sem ofbeldi þrífst ekki.
Nemendur hafa með markvissum
hætti í skóla og með foreldrum sín-
um fjallað um mikilvægi þess að
temja sér að sýna gagnkvæma virð-
ingu, segja frá, andmæla einelti og
taka afstöðu gegn því.
Olweusaráætlunin beinist fyrst
og fremst að forvörnum og tekur á
ýmsum þeim áhættuþáttum sem
herja á börn og unglinga. Sam-
kvæmt áætluninni er einörð afstaða
og ábyrgð hinna fullorðnu grund-
vallaratriði og einnig að samstaða
náist í skóla og á heimilum um þau
viðmið sem skulu í hávegum höfð. Á
vegum Olweusarverkefnisins hafa
viðamiklar kannanir um einelti og
líðan nemenda í 4.–10. bekk verið
lagðar fyrir samtals 32 þúsund
nemendur fimm sinnum á tíma-
bilinu 2002–2006, fyrst í nóvember
2002 og síðast í mars 2006. Þær
sýna, að sögn aðstandenda verkefn-
isins, að dregið hefur verulega úr
einelti í grunnskólum og allir þátt-
tökuskólar hafa fengið niðurstöður
sem nýtast sem grunnur að áfram-
haldandi starfi skólanna til að skapa
nemendum sem öruggast skólaum-
hverfi.
Olweusarverkefnið
gegn einelti rekið áfram
Morgunblaðið/Eyþór
Þorgerður Katrín Gunnarsdóttir menntamálaráðherra undirritar Olweus-
arsamninginn ásamt þeim Þorláki Helgasyni og Þórði Skúlasyni.
GUNNAR Sigurðsson, prófessor og
yfirlæknir á efnaskipta- og inn-
kirtlasjúkdómadeild LSH, og Val-
garður Sigurðsson náttúrufræð-
ingur voru í gær útnefndir
vísindamaður og ungur vís-
indamaður ársins á Vísindadögum
LSH, sem standa nú yfir.
Gunnar, sem er doktor í lækn-
isfræði frá Lundúnaháskóla, flutti
erindi við móttöku viðurkenning-
arinnar um D-vítamín og beinabú-
skap Íslendinga, en hann hefur
stundað rannsóknir á þessum mál-
efnum. Valgarður stundar dokt-
orsnám við læknadeild Háskóla Ís-
lands en hann hefur unnið að
rannsókninni Æðaþelsfrumur örva
bandvefslíka umbreytingu brjósta-
stofnfruma í þrívíðri ræktun að
undanförnu og flutti hann erindi
um rannsóknina við móttöku við-
urkenningarinnar í gær. Vís-
indadögum LSH, sem ganga undir
nafninu Vísindi á vordögum, lýkur í
dag með veggspjaldasýningu sem
haldin verður í K-byggingu LSH og
hefst hún kl. 13.
Gunnar Sigurðsson (t.v.) og Valgarður Sigurðsson með viðurkenningarnar.
Vísindamenn ársins
á LSH útnefndir