Morgunblaðið - 19.05.2006, Blaðsíða 32

32 FÖSTUDAGUR 19. MAÍ 2006 MORGUNBLAÐIÐ
UMRÆÐAN
Vegna mikils aðstreymis aðsendra greina í aðdraganda bæjar- og sveitarstjórnarkosninganna verður
formi þeirra greina, sem lúta að kosningunum, breytt. Er þetta gert svo efnið verði aðgengilegra fyrir les-
endur og auka möguleika Morgunblaðsins á að koma greinunum á framfæri fyrir kosningar.
Bæjar- og sveitarstjórnarkosningar
ÍÞRÓTTIR eru ein mikilvægasta og besta forvörn
gegn áfengis- og vímuefnum sem til er. Íþróttafélögin í
Kópavogi eru rekin af miklum myndarskap og þeir sem
þeim stýra hafa sannarlega unnið mikið
og óeigingjarnt starf í þágu samfélags-
ins. Það er metnaðarmál Samfylkingar í
Kópavogi að vel sé stutt við bakið á
íþróttafélögum bæjarins og Samfylk-
ingin vill byggja upp fjölbreytta aðstöðu
til íþróttaiðkunar fyrir alla bæjarbúa.
Í lífi margra barna gegna íþrótta-
félögin mikilvægu uppeldislegu hlut-
verki og öll börn eiga að fá tækifæri til að þroska hæfi-
leika sína óháð efnahag foreldra. Samfylkingin vill
auka þátttöku barna og unglinga og draga úr brottfalli
með því að lækka þátttökugjöld barna og unglinga 16
ára og yngri í íþrótta- og tómstundastarfi.
Flest íþróttafélög í Kópavogi hafa mótað sér stefnu
og hlotið vottun ÍSÍ sem fyrirmyndarfélag. Þau hafa
fest í lög sín ákvæði þar sem tekin er einörð afstaða
gegn neyslu áfengis, tóbaks og fíkniefna. Samfylkingin
fagnar þessu framtaki íþróttafélaganna og hvetur þau
til frekari dáða.
Íþróttir eru fyrir alla og Samfylkingin vill skapa
eldri borgurum í Kópavogi aðstöðu til að stunda öflugt
íþrótta- og tómstundastarf. Það má m.a. gera með því
að nýta þá aðstöðu sem er í grunnskólum og íþrótta-
mannvirkjum bæjarins. Einnig þarf að huga betur að
lýsingu göngustíga, merkja gönguleiðir vel og koma
þar upp áningarstöðum.
Samfylkingin hefur það á stefnuskrá sinni að koma
upp skautasvellum og hreystivöllum, sem munu nýtast
ungum og öldnum Kópavogsbúum vel. Skemmst er að
minnast glæsilegs sigurs ungmenna úr Salaskóla í
grunnskólakeppninni Hreysti 2006.
Það er skoðun Samfylkingarinnar að til þess að
stuðningur bæjarins til íþróttafélaganna nýtist sem
best þurfi að taka upp þjónustusamninga við íþrótta-
félögin þar sem skýrt er kveðið á um réttindi og skyld-
ur styrkþega og styrkveitenda. Þannig verður unnt að
gera styrkveitingarnar gegnsærri og opnari og tryggja
að þær nýtist sem allra best.
Samfylkingin er skýr valkostur fyrir Kópavogsbúa í
komandi sveitarstjórnarkosningum. Merkjum X við S
og tryggjum börnum Kópavogs bjartari framtíð.
Tryggjum börnum Kópavogs bjartari framtíð
Eftir Ingibjörgu Hinriksdóttur
Höfundur skipar 5. sæti á lista
Samfylkingarinnar í Kópavogi.
VIÐ VERÐUM að taka á honum
stóra okkar, Akureyringar, á mörg-
um sviðum næstu ár, ef við viljum að
verði gott að búa í bænum okkar.
Þar á meðal eru
íþróttamál og önnur
félagsmál. Við í L-
listanum höfum sett
okkur metnaðarfull
markmið í þessum
málaflokkum og það
er ásetningur okkar
að vinna sleitulaust og ötullega að
því að koma þeim í framkvæmd. Ég
ætla að nefna hér nokkur helstu á
þessu sviði (athugið að upptalningin
er alls ekki tæmandi).
Til að bæta aðstöðu til íþróttaiðk-
unar verður fyrst að tryggja börn-
um og ungmennum greiðan aðgang
að íþróttaiðkun með því að nið-
urgreiða æfingakostnað barna á
grunnskólaaldri.
Í samráði og samstarfi við við-
komandi íþróttafélög viljum við
stuðla að kraftmilli uppbyggingu fé-
lagssvæðis KA og Þórs, tryggja fim-
leikafólki aðstöðu sem verður sú
besta á landinu, reisa íþróttahús við
Giljaskóla, nægilega stórt fyrir lög-
legan handboltavöll.
Strax verður byrjað á uppbygg-
ingu aksturssvæðis við Glerá, þar
sem unnt verði að stunda aksturs-
æfingar og keppnir á öruggan hátt.
Byggja markvisst upp í áföngum að-
stöðu til hinna ýmsu vetraríþrótta
undir hatti Vetraríþróttamiðstöðvar
Íslands.
Við viljum byggja smábátahöfn
þar sem siglingaklúbburinn fær að-
stöðu, tryggja pláss fyrir sparkvelli í
öllum íbúðahverfum, efla afreks- og
styrktarsjóð.
Fjölga þarf stöðugildum í fé-
lagsmiðstöðvum. L-listinn vill m.a.
semja við íþróttfélögin um að starf-
rækja félagsmiðstöðvar í KA-
heimilinu og Hamri.
Listahátíð unga fólksins verði ár-
legur viðburður og bæjarstjórn
unga fólksins verði starfandi í viku á
hverjum vetri. Þar komi saman
fulltrúar ungmenna, yngri en 18
ára, sem koma sér saman um til-
lögur til bæjarstjórnar um það, sem
þeim þykir að betur megi fara í bæn-
um.
Við heitum því að berjast með öll-
um tiltækum ráðum gegn þeirri vá
sem vímuefni eru.
Við viljum vinna að því að málefni
aldraðra verði alfarið á hendi sveit-
arfélagsins. Það er forsenda þess að
tryggja stórbætta umönnun. Um leið
viljum við vinna að eflingu heima-
þjónustu, svo að fólk geti búið á
heimili sínu á meðan heilsan leyfir.
Við munum einnig vinna markvisst
áfram að uppbyggingu hjúkr-
unarheimila fyrir þá einstaklinga
sem þess þurfa og búa þeim heim-
ilislegt umhverfi og aðstöðu til að
taka á móti fjölskyldum sínum með
reisn.
Þá er það stefna okkar að lækka
fasteignagjöld hjá öldruðum, það
bætir kjör þeirra um leið og það ger-
ir þeim kleift að búa lengur heima.
Jafnrétti kynjanna á að vera ófrá-
víkjanleg regla í allri stjórnsýslu Ak-
ureyrarbæjar. Og jafnrétti á að vera
altækt. Það þýðir sömu laun fyrir
sömu störf. Það þýðir líka að mönn-
um skal ekki mismunað á grundvelli
aldurs, uppruna, litarháttar, þjóð-
ernis eða nokkurra annarlegra sjón-
armiða. Hver maður skal metinn að
verðleikum sínum.
Loks viljum við í L-listanum, lista
fólksins, tryggja framgang stefnu-
mála okkar og um leið hagsmuni
allra bæjarbúa með því að ráða öfl-
ugan, faglegan bæjarstjóra, fram-
kvæmdastjóra fyrirtækisins Ak-
ureyrarbæjar. Kjósum L-listann!
Hér eru verk að vinna, Akureyringar
Eftir Odd Helga Halldórsson
Höfundur er bæjarfulltrúi
og skipar 1. sæti á lista
L-listans á Akureyri.
R-LISTINN hefur verið við völd í Reykjavík í 12 ár.
Nú þegar kosningar nálgast má sjá forystumenn þeirra
flokka er skipuðu R-listann keppast um að birta nýja
framtíðarsýn fyrir Reykjavík. Minna fer fyrir því að
talsmenn flokkanna eigni sér heiðurinn af því sem gert
hefur verið. Ljóst er að margvíslegar
framkvæmdir hafa átt sér stað í valda-
tíð R-listans, annað væri undarlegt á 12
ára valdatíma. Fróðlegt er að líta til
nokkurra verka gamla R-listans sem
enginn talsmaður flokkanna vill axla
ábyrgð á.
Almenningssamgöngur
R-listinn gamli var sérstaklega framkvæmdaglaður
hvað varðar breytingar á strætókerfinu. Enda var eitt
af meginmarkmiðum R-listans að bæta og efla almenn-
ingssamgöngur í borginni. Á þessum 12 árum hefur
gjaldið í strætó hækkað, þjónustan minnkað, leið-
arkerfið tekið stöðugum breytingum og farþegum
fækkað. Almenningssamgöngukerfið er nú í lamasessi
og á biðstöðvum standa ráðvilltir farþegar og klóra sér
í höfðinu yfir stöðugum breytingum. Reykvíkingar
kjósa því aðra samgöngumáta.
Flestir geta verið sammála um að almennings-
samgöngur þurfa að vera í stöðugri endurskoðun.
Breytingar á hins vegar ekki að gera breytinganna
vegna. Við sjálfstæðismenn höfum bent á nauðsyn þess
að þétta leiðakerfið og bæta þannig aðgengi borgarbúa
að þjónustunni. Þungamiðju kerfisins þarf að flytja nær
landfræðilegri miðju höfuðborgarsvæðisins, taka þarf
betur mið af umferðinni í borginni og greiða þannig
fyrir leið vagnanna.
Færsla Hringbrautar
Á síðasta ári var byggt eitt stærsta umferðarmannvirki
borgarinnar. R-listinn ákvað, þvert gegn þeirri stefnu
sinni að gera borgina að vistvænni fjölskylduborg, að
hefja byggingu hraðbrautar í miðborginni. Með bygg-
ingu nýrrar Hringbrautar var byggingarland á einum
eftirsóttasta stað í borginni sett undir malbik. Ný
Hringbraut náði jafnframt að kljúfa miðbæinn frá há-
skólasvæðinu og Vatnsmýrinni. Nýjar akreinar leystu
hins vegar ekki umferðarvandann. Hlutverk Hljóm-
skálagarðsins sem útivistarsvæðis lauk endanlega með
breyttu skipulagi. Fjölskyldur í sunnudagsbíltúrnum
fundu þó upp á nýjum leik, „hver kemur auga á mann á
göngubrúnni?“. Vistvæna fjölskylduborgin Reykjavík?
Betri borg
Reykvíkingar þurfa að gera upp við sig hvernig höf-
uðborg þeir vilja búa í. Reykjavík getur orðið heimsins
besta höfuðborg. Vistvænt samfélag þar sem mannlíf
dafnar, borg þar sem manneskjunni líður vel – borg þar
sem best er að búa. Til þess að svo megi verða þarf að
gera grundvallarbreytingar á stjórnarháttum í Reykja-
vík. Nauðsynlegt er að borginni stýri flokkur með vel
ígrundaðar hugmyndir og skýra framtíðarsýn. Hug-
myndum þarf að fylgja eftir á staðfastan hátt í samráði
við borgarbúa. Þetta ætlum við sjálfstæðismenn að
gera. Hinn 27. maí færð þú kjósandi góður tækifæri til
þess að kjósa nýjan flokk til að stýra borginni. Flokk
sem hefur hagsmuni þína að leiðarljósi. Kjósum Sjálf-
stæðisflokkinn í kosningunum í vor. Fyrir betri borg.
Tími til að kjósa betri borg
Eftir Helgu Kristínu Auðunsdóttur
Höfundur er viðskiptalögfræðingur og skipar 16. sætið
á framboðslista sjálfstæðismanna í Reykjavík.
HVERJU sveitarfélagi er fátt mikilvægara en að því stjórni hæfir
einstaklingar sem auðveldlega geta unnið saman. Samheldni og heil-
indi er meira virði en nokkuð annað þegar að stjórn sveitarfélags
kemur. Með þeim hætti er unnt að byggja íbúum sam-
félag þar sem skynsemi og raunsæi ræður ríkjum og
þar sem manngildi fer framar öllu.
Við undirbúning að sveitarstjórnarkosningum árið
2006 hefur mikil endurnýjun orðið í forystu Sjálfstæð-
isflokksins í Garðabæ. Erling Ásgeirsson er nýr oddviti
flokksins, reyndur og farsæll sveitarstjórnarmaður til
margra ára. Með honum eru öflugir einstaklingar sem
valist hafa á lista Sjálfstæðisflokksins í Garðabæ. Þau
Páll Hilmarsson, Ragnhildur Inga Guðbjartsdóttir, Stefán Konráðsson,
Sturla Þorsteinsson, Ingibjörg Hauksdóttir og Ragný Þóra Guðjohnsen
ásamt Erling er hin nýja framvarðasveit á lista sjálfstæðismanna í
Garðabæ. Þau hafa valið Gunnar Einarsson til að starfa með sér sem
bæjarstjóra. Í kosningabaráttunni hafa þau skipt málaflokkum sveitar-
félagsins þannig að hvert þeirra um sig leiði eitt meginmál. Þannig
sýna þau af verkum sínum að þar er samhentur hópur á ferð þar sem
er valinn maður í hverju rúmi.
Erling Ásgeirsson hefur sýnt það af störfum sínum og í þessari
kosningabaráttu að þar fer maður sem leggur mikið upp úr liðsheild-
inni og vera fremstur meðal jafningja. Hann leitar til íbúa sveitarfé-
lagsins um viðhorf, hann hlustar á það sem sagt er og hann er orð-
heldinn maður. Umfram allt er honum umhugað um að fólki líði vel í
Garðabæ. Það er þannig maður sem við sjálfstæðismenn í Garðabæ
viljum hafa sem okkar oddvita. Þess vegna er þér óhætt að treysta
Sjálfstæðisflokknum til að fara með stjórn bæjarfélagsins okkar og
veita honum brautargengi í komandi sveitarstjórnarkosningum 27. maí
2006.
Samhent forysta sjálf-
stæðismanna í Garðabæ
Eftir Dagmar Elínu Sigurðardóttur
Höfundur skipar 9. sæti á lista Sjálfstæðisflokksins í Garðabæ.
VIÐ GARÐBÆINGAR erum ríkir af landi. Það eru kannski ekki
margir sem gera sér grein fyrir því hve Garðabær á mikið af góðu og
verðmætu byggingarlandi. Ennþá er meira en helmingur af skilgreindu
byggingarlandi í bæjarfélaginu óbyggður. Eitt af áhersluatriðum okkar
sjálfstæðismanna fyrir sveitarstjórnarkosningarnar 27.
maí nk. er að geta boðið Garðbæingum lóðir á sann-
gjörnu matsverði í samræmi við úthlutunarreglur Garða-
bæjar. Við dreifingu á kosningastefnu okkar sjálfstæð-
ismanna hef ég heyrt á fólki að þetta hefur vakið mikla
ánægju. Margir vilja búa í Garðabæ því að lífsgæði í bæn-
um eru mikil, en þar af leiðandi eru lóðir afar eftirsóttar.
Með því að bjóða lóðir á matsverði en ekki uppboðsverði
er verið að opna möguleika fyrir fjölda Garðbæinga til að
koma sér upp þaki yfir höfuðið á viðráðanlegri verðum en nú tíðkast.
Ég nefni sérstaklega hve mikill munur það getur verið fyrir ungt fólk í
bænum að eiga þess kost að byggja upp húsnæði með þessum hætti. Við
sjálfstæðismenn viljum einnig leggja áherslu á að ákveðið jafnvægi verði
í framboði lóða þannig að Garðabær annarsvegar og einkaaðilar hins-
vegar geti deilt út lóðum. Það gæti t.d. verið afar hentugt og gott að út-
hluta götum eða spildum til verktaka sem hanna þær í samráði við bæj-
aryfirvöld. Með þessu móti komum við til móts við fjölda einstaklinga og
fagaðila á þessu sviði. Við sjálfstæðismenn leggjum einnig höfuðáherslu
á að skipulagsmál í víðu samhengi verði ávallt unnin í samráði við íbúa
bæjarins.
Lóðir á matsverði
Eftir Stefán Konráðsson
Höfundur skipar 4. sæti á lista Sjálfstæðisflokksins í Garðabæ.
HEILIR og sælir mínir ágætu samborgarar. Halldór heiti ég og er
laganemi á 22. aldursári búsettur hér í bæ. Mig langar til að kynna svo-
lítið fyrir ykkur sem heitir Framfylkingarflokkurinn. Framfylking-
arflokkurinn er framboð ungs fólks til bæjarstjórnar á Akureyri fyrir
næstkomandi kjörtímabil. Flokkurinn er skipaður ungu
fólki á aldrinum 18–35 ára (ef frá er talin ættmóðirin sem
skipar heiðurssætið) sem taldi vanta raunhæfan valkost í
bæjarmálunum fyrir ungt fólk hér í bænum. Nafnið er til-
komið á þann hátt að fyrir ungu fólki hér í bænum voru
öll framboðin eins. Fólk þarf raunar ekki annað en að líta
yfir stefnuskrár flokkana til að staðfesta þann skilning.
Því er nafn flokksins okkar einfaldlega þannig að nöfnum
þriggja stærstu flokkanna er blandað saman, og úr verð-
ur Framfylkingarflokkurinn. Rétt er að árétta að flokkurinn er ekkert
grín, þó allri alvöru fylgi vissulega örlítið grín. Flokkurinn telur hags-
muni ungs fólks hafa verið fyrir borð borna á Akureyri sl. ár og blöskr-
ar t.d. skilningsleysið sem virðist vera ríkjandi í málefnum Háskólans í
bænum. Með því að samtvinna Háskólann við atvinnulífið í bænum má
treysta hvort tveggja, en til þess þarf að þrýsta á ríkið um aukin fram-
lög til skólans og fá atvinnulífið með í lið. Í stað þess er skólinn notaður
sem punt á tyllidögum og dreginn fram í kastljósið korteri fyrir kosn-
ingar. Þessu verður að breyta. Margt fleira er okkur í Framfylking-
arflokknum ofarlega í huga. Til þess að fá unga fólkið sem fer suður í
nám heim aftur má t.d. lækka eða jafnvel fella alveg niður fast-
eignagjöld við fyrstu íbúðakaup. Þá er gífurlega mikilvægt að efla ný-
sköpun í bænum í samvinnu við Háskólann eins og áður hefur verið
komið inn á. Það mun til lengri tíma litið gera atvinnulífið í bænum eitt
hið eftirsóknarverðasta á landinu.
Veitum ungu fólki tækifæri í kosningunum í vor, við höfum kraftinn,
hugmyndirnar og dugnaðinn!
Setjið x við O þann 27. maí, kjósið Framfylkingarflokkinn.
Ungt fólk til áhrifa
Eftir Halldór Brynjar Halldórsson
Höfundur skipar 9. sæti á lista Framfylkingarflokksins á Akureyri.