Morgunblaðið - 19.05.2006, Blaðsíða 51

MORGUNBLAÐIÐ FÖSTUDAGUR 19. MAÍ 2006 51
MINNINGAR
Uppboð
Framhald uppboðs á eftirfarandi eign verður háð á henni sjálfri,
sem hér segir.
Kirkjubraut 11, mhl. 01-0101, fastanr. 210-1910, Akranesi, þingl.
eig. Fasteignafélagið Smiðshöfði ehf., gerðarbeiðandi Íslandsbanki
hf., föstudaginn 26. maí 2006 kl. 14:00.
Sýslumaðurinn á Akranesi,
17. maí 2006.
Esther Hermannsdóttir, ftr.
Tillaga að deiliskipulagi
Sviðholts á Álftanesi
Bæjarstjórn Álftaness hefur samþykkt að aug-
lýsa, samkvæmt 25. gr. skipulags- og bygging-
arlaga nr. 73/1997 með síðari breytingum,
tillögu að deiliskipulagi Sviðholts á Álftanesi.
Deiliskipulagstillaga þessi felst í því að aðal-
aðkomuvegur að húsinu verður að norðan um
húsagötu samkvæmt nýju skipulagi í stað eldri
aðkomu að vestan frá Suðurnesvegi. Norðan
við íbúðarhús er gert ráð fyrir bílskúr með
byggingarreit 8-12 m sem liggur í 5 m fjarlægð
norðan við núverandi íbúðarhús. Fyrirhugaður
bílskúr snertir ekki fornminjasvæði.
Deiliskipulagstillagan verður til sýnis á skrif-
stofu Sveitarfélagsins Álftaness, Bjarnastöð-
um, 225 Álftanesi og á heimasíðu sveitarfélags-
ins, www.alftanes.is, frá og með 19. maí
2005 til 16. júní 2006.
Þeim sem telja sig eiga hagsmuna að gæta
er hér með gefinn kostur á að gera athuga-
semdir við deiliskipulagstillöguna. Frestur til
að skila inn athugasemdum er til 30. júní 2006.
Athugasemdir skulu vera skriflegar og þeim
skilað til skipulagsfulltrúa Álftaness, Bjarna-
stöðum.
Hver sá sem eigi gerir athugasemdir við tillög-
una fyrir tilskilinn frest telst samþykkja hana.
Álftanesi 17. maí 2006,
Bjarni S. Einarsson,
bæjartæknifræðingur.
Kleifamenn og -konur
Kleifamótið 2006 verður haldið helgina 4.-6.
ágúst (verslunarmannahelgina).
Endilega takið frá þessa helgi og mætið á
Kleifar til að gleðjast með öllum sem tengdir
eru Kleifum á einn eða annan hátt.
Nánari upplýsingar verða sendar út síðar og
nýjustu fréttir verða settar á Kleifasíðuna
http://simnet.is/kleifamot.
Ferðaklúbbur
eldri borgara
30. júní-6. júlí, brottför kl. 8.00. Vestfirðir.
Reykjavík - Patreksfjörður - Rauðisandur -
Látrabjarg - Patreksfjörður - Tálknafjörður
- Bíldudalur - Þingeyri - Ísafjörður - Bolung-
arvík - Súðavík - Súgandafjörður - Flateyri
- Reykjanes - Kaldalón - Hólmavík - Trölla-
tunguheiði - Reykjavík.
Gististaðir:
Tvær nætur á Patreksfirði. Þrjár nætur á Hótel
Ísafirði og ein nótt á Laugum í Sælingsdal.
Allir eldri borgarar velkomnir.
Skráning fyrir 25. maí.
Upplýsingar í síma 892 3011.
Nauðungarsala
Uppboð
Framhald uppboðs á eftirfarandi eign verður háð á henni sjálfri
sem hér segir:
Minna-Mosfell 5, 010101, 222-3569, Mosfellsbær, þingl. eig. Golf-
klúbbur Bakkakots, gerðarbeiðandi Tollstjóraembættið, þriðjudaginn
23. maí 2006 kl. 11.00.
Sýslumaðurinn í Reykjavík,
18. maí 2006.
Félagslíf
70 ára afmælishátíð
Hvítasunnukirkjunnar Fíladelfíu
Föstudagur 19. maí
Kirkja unga fólksins - Tónleikar
kl. 20:00. Frítt inn www.filo.is
Laugardagur 20. maí
Fjölskyldukarnival kl. 13:00-7:00.
Lífleg dagskrá fyrir alla fjöl-
skyldumeðlimi sem endar með
söngvastund þar sem við rifjum
upp gömlu góðu lögin.
Sunnudagur 21. maí
Brauðsbrotning kl. 11:00.
Ræðum. Richard Dunn, fulltrúi
Assemblies of God fyrir N-Evr-
ópu.
Kl. 13:00 Grillveisla
Afmælissamkoma kl. 16:30
Ræðum. Egil Svartdhal forstöð-
umaður Fíladelfíu í Oslo.
Gospelkór Fíladelfíu leiðir söng.
Aldursskipt barnakirkja á meðan
samkomu stendur fyrir börn
1-12 ára.
Hægt er að hlusta á beina út-
sendingu á Lindinni fm 102,9
eða horfa á www.gospel.is
Raðauglýsingar 569 1100
Fáðu fréttirnar
sendar í símann þinn
Það vantar heldur
betur inn í mannlífið á Íslandi eftir
að Sigurður Demetz er ekki lengur
til staðar.
Það er erfitt að segja nákvæm-
lega hvenær leiðir okkur lágu fyrst
saman en mig minnir að það hafi
verið fyrir um 35 árum. Þá hitt-
umst við einnig oft við leiðsögn er-
lendra ferðamanna og alltaf gaman
að gantast við Demetz eins og ég
kýs að kalla hann. Hann sá alltaf
hið spaugilega og var með á nót-
unum og tilbúinn í smástríðni ef
svo bar undir.
Við sátum saman í stjórn Ítal-
íufélagsins hins fyrra og var ein-
staklega gaman að fá að taka þátt
þegar honum var afhent heiðurs-
merki frá Ítalíu. Athöfnin átti sér
stað á þeim ágæta veitingastað
Café Óperu að viðstöddum félögum
Ítalíufélagsins, sendiherra Ítalíu,
ræðismanninum Ragnari Borg og
hans ágætu frú og henni Eyju hans
Demetzar.
Sem betur fer var sú athöfn fest
á filmu og eykur það enn á verð-
mæti augnabliksins.
Eitt sinn nefndi ég við Demetz
að mig langaði til að fara á skíði í
alpana. Þá skaltu fara til St. Ulrich
SIGURÐUR
VINCENZO DEMETZ
FRANZSON
✝ Sigurður De-metz Franzson,
tenórsöngvari og
söngkennari, fædd-
ist í bænum St. Úlrik
í Suður-Tíról 11.
október 1912. Hann
andaðist á hjúkrun-
arheimilinu Sóltúni
í Reykjavík 7. apríl
síðastliðinn og var
útför hans gerð frá
Kristskirkju í
Reykjavík 21. apríl.
sagði kappinn og
fylgdi ég ráðum
hans. Gisti á Hótel
Adler í St. Ulrich,
heimabæ hans, í her-
bergi sem sneri út að
kirkjunni þar sem
móðir Sigurðar söng
á sínum tíma í
kirkjukórnum.
Demetz-nafnið er
víða að sjá í dalnum
þarna og eru að mér
skilst tvær óskyldar
fjölskyldur, en með
sama eftirnafn. Leit
inn hjá nokkrum ættingjum Sig-
urðar og bar þeim kveðju hans.
Gott fólk tírólar og margir hverjir
afar langlífir eins og við höfum
blessunarlega orðið vör við í ævi-
skeiði hins mikla höfðingja Sigurð-
ar.
Það eru margir búnir að skrifa
margt og mikið um Demetz og
ætla ég ekki að bæta öðru við hér
en að það var mikill heiður að fá að
kynnast þeim hjónum Sigurði og
Þóreyju og m.a. eiga nokkrar góð-
ar samverustundir á heimili þeirra
í Vesturbænum. Þá þakka ég fyrir
þá kennslu og þær stundir sem
hann gaf til þess að hjálpa dóttur
minni Hönnu áfram á söngbrautini,
en grunnurinn sem hann lagði
henni er fastur og veit ég að sökn-
uðurinn er mikill suður í Monza.
Ég vil og þakka öllum þeim sem
hafa unnið að þeim góðu verkum
að varðveita minninguna um mann-
inn á prenti og kvikmynd.
Sigurður Vicenzo Demetz Franz-
son er nú horfinn en minningin er
og verður ávallt sterk og góð og
skal þakkað fyrir.
Friðrik Ásmundsson
Brekkan.
Mig og Tótu langar að
minnast manns sem okk-
ur þótti afskaplega vænt
um alla tíð, eða frá því við
fyrst kynntumst honum
og hann kom inn í líf móður minnar,
manns sem ekki var annað hægt en að
líka við og varð stuttu síðar orðinn
fósturfaðir minn.
Björn Berndsen málarameistari,
eða Bjössi eins og hann var alltaf kall-
aður er látinn 75 ára að aldri. Loksins
fékk hann hvíldina sem hann hafði
óskað sér eftir að hafa legið á Vífils-
stöðum í rúm 3 ár án þess að gera sér
grein fyrir veikindum sínum sem voru
eftir ítrekuð heilablóðföll undanfarin
ár og kostuðu hann sjónina, málið að
mestu og að þekkja sína nánustu sem
og umhverfi síðustu árin. Áður en
Bjössi fór á Vífilsstaði hafði hann legið
á Landspítalanum í Fossvogi í tæpt 1
ár. Bjössi fékk hægt andlát kl. 18.45 að
kvöldi 29. apríl umvafinn fjölskyldu
sinni, eiginkonu, sonum sínum tveim
þeim Þórarni og Reyni sem og fóst-
urbörnum. Flest voru þau saman
komin hjá honum síðustu daga þegar
vitað var að hverju dró, á einum eða
öðrum tíma þessa daga, sem og þau ár
sem hann var á Vífilsstöðum sem og
Landspítalanum í Fossvogi, eiga þau
þakkir skyldar fyrir það.
Bjössi var það sem maður kallar
góður maður, í besta skilningi þess
orðs. Hæglátur maður sem aldrei lét
illt orð falla um nokkurn mann, og
aldrei sá ég hann skipta skapi eða reið-
ast. Það var ávallt stóísk ró yfir honum
BJÖRN
BERNDSEN
✝ Björn KristinnFritzson Berndsen
fæddist í Reykjavík
19. febrúar 1931.
Hann lést á Vífilsstöð-
um laugardaginn 29.
apríl síðastliðinn og
var útför hans gerð
frá Grafarvogskirkju
11. maí.
árin sem ég þekkti
hann, ekki til stress yfir
einu eða neinu sem
hann gerði eða sagði.
Hann var ekki að láta
umhverfi eða fólk raska
ró sinni, enda ekki
ástæða til.
Man ég það svo vel að
alltaf byrjaði hann á
orðunum ástin mín eða
elskan mín þegar hann
talaði til mömmu öll þau
ár sem þau voru gift.
Segir það allt sem segja
þarf um þann hug sem
hann bar til mömmu sem og hvernig
persóna hann Bjössi var, og ávallt var
hann tilbúinn að hjálpa ef á þurfti að
halda við að mála hjá einhverjum
hvort sem það var hjá sonum eða fóst-
urbörnum sem og öðrum, enda var
málun hans fag og það sem hann kunni
best. Eins hjálpaði hann Báru fóstur-
dóttur sinni og manni hennar þegar
þau voru að byggja sér sumarhús í
Borgarnesi fyrir nokkrum árum, rétt
hjá þar sem Bjössi og mamma eign-
uðust sinn bústað rétt við Svignaskarð
nokkrum árum seinna. Það var at-
hvarf sem þau nutu að vera í á hverju
sumri. Þar eignuðust þau ágæta vini
og nágranna sem voru Bubbi og Guð-
rún, Benni og Margrét sem nú er látin
og María, núverandi vinkona Benna,
sem og María (Maja) og Addi. Og ófá-
ar ferðirnar fórum við Tóta þangað til
þeirra eða ég einn. Eitt það skemmti-
legasta sem Bjössa og mömmu þótti
að gera og var fastur liður í bústað
þeirra í Borgarnesi var að taka í spil,
sú spilamennska gat dregist á langinn
enda skemmtilegt spil sem spilað var
og ávallt glatt á hjalla við þá iðju, eins
var það þegar heim var komið og ein-
hverjir sem höfðu gaman af spilum
komu í heimsókn var spilastokkurinn
dreginn fram.
Bjössi og mamma ferðuðust einnig
um landið á góðum stundum áður en
þau eignuðust sinn bústað í Borgar-
nesi sem og að fara í sólarlandaferðir
sem þau fóru í fyrir og eftir að þau
eignuðust bústaðinn. En nú er sá tími
liðinn sem Bjössi hafði hér á jörðu og
ekki verða ferðirnar fleiri farnar upp í
Borgarnes í bústaðinn góða til að hitta
vini eða taka í spil, það mun bíða betri
tíma og á öðrum stað, þeim stað sem
við öll höldum til er jarðvist líkur, til
þess sem öllu ræður. Þar er Bjössi
núna og brosir ánægður í faðmi Drott-
ins. Við munum sjást síðar, Bjössi
minn, og taka í spil. Vil ég votta
mömmu, Þórarni og Reyni sem og
öðrum ættingjum og vinum innilega
samúð mína vegna fráfalls Bjössa.
Blessuð sé minning hans.
Kristinn.
Mig langar að fara hér nokkrum
orðum um þann mann sem ég þekkti
ekki undir neinum öðrum nöfnum en
„afi“ eða „afi Bjössi“ enda hafði föð-
urafi minn dáið nokkrum árum áður
en ég fæddist.
Alltaf þótti mér sú staðreynd að ég
var skírður í höfuðið á honum
skemmtileg og veit ég að honum þótti
vænt um að mamma og pabbi skyldu
ákveða að skíra mig í höfuðið á honum
enda var ég sá fyrsti í fjölskyldunni
sem bar nafn hans.
Ég mun alltaf minnast þess þegar
þau áttu heima í Ugluhólunum og ég
kom í heimsókn með pabba og
mömmu að ætíð tók hann vel á móti
okkur með bros á vör og vindlalyktinni
sinni sem er mér svo minnisstæð.
Aldrei breyttist fas hans á neinn
hátt í gegnum þau fáu ár sem ég
þekkti hann og mun ég ætíð minnast
hans með bros á vör.
Jesús sagði: Ég er góði hirðirinn.
Mínir sauðir heyra raust mína, og ég þekki
þá, og þeir fylgja mér.
Ég gef þeim eilíft líf, og þeir skulu aldrei að
eilífu glatast, og enginn skal slíta þá úr hendi
minni.
(Jóhannes 10:11,27–28)
Far vel afi og vonandi munum við
hittast þegar minn tími kemur.
Kveðja,
Aron Björn.