Morgunblaðið - 19.05.2006, Blaðsíða 61

MORGUNBLAÐIÐ FÖSTUDAGUR 19. MAÍ 2006 61
MENNING
ORÐIÐ tónlist – fjölljóðahátíð
hefst í dag í fjölnotasal Listasafns
Reykjavíkur, Hafnarhúsi og
stendur fram á sunnudag. Þetta er
ljóða- og tónlistardagskrá þar sem
megináherslan er á möguleika
mannsraddarinnar til að skapa list
á mörkum ljóðlistar og tónlistar,
myndbandalistar og gjörninga.
Aldrei hefur slík hátíð verið
haldin hér á landi en hljóð-
ljóðskáld eða fjölljóðskáld hafa
haldið hátíðir og komið víða fram
erlendis. Ítalska hljóðljóðaskáldið
Enzo Minarelli hefur skipulagt
margar slíkar hátíðir og miðlar nú
af reynslu sinni með þátttöku í
skipulagningu þessarar fyrstu fjöl-
ljóðahátíðar á Íslandi.
Hátíðin hefst í kvöld kl. 19.30 og
verður einkum lögð áhersla á tón-
list í bland við ljóðaupplestur og
gjörninga. Kolbeinn Bjarnason
flautuleikari frumflytur nýtt verk
eftir Þuríði Jónsdóttur auk þess
sem hann leikur verkið Cho eftir
Þorstein Hauksson ásamt nokkr-
um öðrum verkum. Aðrir sem
koma fram í kvöld eru m.a. Stein-
dór Andersen ásamt Hilmari Erni
Hilmarssyni, Bragi Ólafsson, Til-
raunaeldhúsið og Nýhil-hópurinn
ásamt mörgum fleiri.
Nýlókórinn flytur tvö verk
Á morgun frá kl. 14.00 til 16.00
verður dagskrá í Hafnarhúsi, í
umsjón Kabarettsins Músífölsk,
þar sem gestir geta valið sér
gagnagrunn í tölvu og búið til eig-
ið ljóð og flutt. Erlend fjöl-
ljóðskáld hátíðarinnar munu sitja í
dómnefnd.
Um kvöldið hefst dagskráin kl.
20.30 en þá mun Nýlókórinn flytja
tvö verk, annað eftir Guðmund
Haraldsson og hitt eftir Magnús
Pálsson og Kristin G. Harðarson.
Fimm erlend fjölljóðaskáld koma
einnig fram, það eru; Rod Sum-
mers, Tom Winter, Fernando
Aguiar, Mark Sutherland og Enzo
Minarelli.
Verk þeirra allra eru á mörkum
tónlistar, ljóðlistar, skjálistar og
gjörninga. Auk þess mun Ásgerð-
ur Júníusdóttir flytja eitt verk í
samstarfi við Ólöfu Nordal og
Gunnlaugu Þorvaldsdóttur.
Fjölljóðahátíðinni lýkur svo á
sunnudaginn kl. 14.00 í Hafn-
arhúsinu með málþingi um tengsl
orða og tónlistar og fyrirbærið
fjölljóð. Guðbergur Bergsson,
Enzo Minarelli og Rod Summers
verða þar með framsöguerindi.
Tónlist | Orðið tónlist – fjölljóðahátíð í Hafnarhúsinu
Listsköpun á mörkum
ljóðlistar og tónlistar
Gunnlaug Þorvaldsdóttir kemur fram á fjölljóðahátíðinni Orðið tónlist
ásamt Ásgerði Júníusdóttur og Ólöfu Nordal.
Enzo Minarelli er hljóðljóðskáld.
UM ÞESSAR mundir stendur yfir
samsýning 20 íslenskra myndlist-
arnema sem stunda listnám í Hol-
landi. Sýningin ber nafnið Our
Dutch Point Of View og fer fram í
Gallery Hot Ice sem hluti af árlegri
listahátíð í Amsterdam. Hugmyndin
fæddist hjá Hrund Atladóttur eftir
að hún hafði ásamt nokkrum Ís-
lendingum tekið þátt í tveimur öðr-
um hátíðum í vetur sem var stjórn-
að af útlendingum með
Íslandsáhuga. „Mér fannst eins og
það væri svo mikil orka, eins og Ís-
lendingarnir tækju bara allt yfir,
þannig að mig langaði að sjá hvern-
ig það kæmi út ef við gerðum al-
íslenska sýningu þar sem bara Ís-
lendingar kæmu að verki, á okkar
eigin forsendum.“
Á Westergasfabriek
Hópurinn kemur frá þremur ólík-
um listaháskólum innan Hollands
og saman skelltu þau sýningunni
upp á einum mánuði. „Hugmyndin
var komin og ég frétti að Gerður
Pálmadóttir væri nýbúin að opna
gallerí og væri til í að leyfa okkur
að nota það frítt. Þá byrjaði allt að
rúlla. Við vorum komin með ókeypis
gallerí og þá urðum við að gera
þetta.“
Góð leið til að tengjast
Gallery Hot Ice er staðsett á
svæði sem kallast Westergasfa-
briek, fyrrum gasverksmiðja sem er
nú ein stærsta menningarmiðstöð í
Evrópu. Þar hefur listahátíðin
„Kunstvlaai“ hreiðrað um sig sem
listrænt andsvar við alþjóðlega list-
markaðnum „KunstRAI“ sem hald-
inn er á sama tíma. ,,Við flutum
óvænt með hátíðinni í þetta sinn en
á næsta ári ætlum við að reyna að
fá að vera með alla leið. Það er
örugglega hægt.“
Fjöldi fólks leggur leið sína um
Westergasfabriek á meðan hátíðin
stendur yfir og íslenska sýningin
hefur fengið góðar viðtökur, einkum
fyrir að vera vel heppnuð nem-
endasýning en listafólkið kemur frá
ólíkum árum innan skólanna, allt
frá fyrsta ári yfir í að vera að ljúka
námi. Uppi eru hugmyndir um að
gera þetta að árlegum viðburði fyrir
íslenska listnema í Hollandi. „Þetta
er góð leið til að tengjast og gaman
fyrir okkur að geta hitt hvert annað
og séð hvað við erum að gera hér
því við erum ekkert inni í því sem
er að gerast heima. Það er hálfgerð
hefð að Íslendingar fari til Hollands
að læra myndlist, það er alltaf hóp-
ur af Íslendingum hérna, og þá væri
skemmtilegt að hafa aðsetur þar
sem er árleg sýning. Þessi var prufa
sem gekk vel fyrir sig og Gerður er
til í að leyfa okkur að halda áfram
að koma til sín.“
Þátttakendur í sýningunni eru
Hrund Atladóttir, Steinunn Marta
Jónsdóttir, Kristján Loðmfjörð,
Hrafnhildur Gissurardóttir, Þór-
anna Björnsdóttir, Styrmir Örn
Guðmundsson, Arnar Ásgeirsson,
Sunna Sigurðardóttir, Hildur Ýr
Jónsdóttir, Dagmar Atladóttir, Guð-
björg Einarsdóttir, Guðríður Guð-
laugsdóttir, Erna Einarsdóttir,
Gunndís Ýr Finnbogadóttir, Óskar
Ericsson, Sylvía Finnbogadóttir,
Sonja Magnúsdóttir, Sigrún Guð-
mundsdóttir, Úlfhildur Eysteins-
dóttir og Jón Teitur Sigmarsson.
Myndlist | Tuttugu íslenskir myndlistarnemar í Hollandi halda
alíslenska samsýningu á listahátíðinni „Kunstvlaai“
Myndlistareyja á meginlandinu
Frá sýningunni Our Dutch Point Of View, sem fer fram í Gallery Hot Ice.
http://www.kunstvlaai.nl/2006/
Eftir Gunnar Eggertsson
LÍFRÆN form eru megininntak
málverka þeirra sem Björg Örvar
sýnir nú í Gallerí Anima, en þemað
er ekki nýtt af nálinni hjá listakon-
unni sem áður hefur sýnt málverk af
ekki ósvipuðum toga. Það má líta á
sýningu Bjargar sem hálfgildings
innsetningu, tvær málverkaraðir
sýna form er minna á líffæri, rauð-
leit og bláleit á hvítum og í þessu
samhengi, spítalalegum grunni. Fín-
gerðar himnur kallast á við nokkuð
gróf mynstur sem minna á garna-
flækjur. Gera má ráð fyrir því að
ætlunin sé að skapa verk sem leika
sér með mörk lífs og dauða og veki
upp spurningar um t.a.m. hverf-
ulleika lífsins, séu að hluta til áminn-
ing um dauðleikann en vilji líka
leggja áherslu á fagurfræðilega
möguleika lífrænna vessa og himna.
Ísak Harðarson skáld skrifaði inn-
blásinn texta um verkin auk þess að
skrifa kröftugt ljóð. Texti og ljóð eru
á hefðbundnum einblöðungi en verð-
ugri framsetning þessa afbragðs
texta hefði verið við hæfi. Björg Örv-
ar hefur einnig skrifað, bæði skáld-
sögu og ljóð. Það er forvitnilegt að
tengja myndmál hennar og texta.
Skáldsaga hennar, Meinabörn og
maríuþang, einkennist að nokkru af
sérstakri máltilfinningu þar sem orð
er lýsa lífrænum formum, flæði og
vessum eru mörg og litrík. Textinn
er nokkuð óheftur og má segja að
hann sé bæði frjór og í honum
dirfska, jaðrar jafnvel við sérvisku.
Málverk Bjargar hafa að nokkru
leyti til að bera svipaða eiginleika,
ákveðin dirfska felst í myndefni
þeirra en kemur síður fram í úr-
vinnslu og framsetningu, þannig
sakna ég þess að það flæði sem í
verkunum býr taki yfirhöndina,
gangi lengra. Viðfangsefni Bjargar
og vinnuaðferð innan strigans eiga
margt sameiginlegt með straumum í
málverki samtímans, þar sem mál-
verkið flæðir t.d. óheft um rýmið, en
hér skortir nokkuð á í áræði. Hefð-
bundin framsetning er verkunum
líklega ekki til framdráttar, þar sem
bæði viðfangsefni og málaratækni
bjóða upp á meiri fjölbreytni. Þrátt
fyrir vissan kraft og útgeislun er
Björg að mínu mati frjórri og kraft-
meiri listakona en þessi sýning gefur
til kynna.
Morgunblaðið/Jim Smart
Frá sýningu Bjargar Örvar í galleríinu Animu.
Innvortis
MYNDLIST
Gallerí Anima
Til 21. maí. Opið fim. fös og laud. frá kl.
12–17.
Málverk, „barnasaga / fiskisaga“
Björg Örvar
Ragna Sigurðardóttir
LISTASAFN Reykjavíkur verð-
ur með opið hús í Ásmund-
arsafni um helgina í tilefni af
fæðingardegi Ásmundar
Sveinssonar (20.5. 1893). Opið
er frá kl. 10–16 laugardag og
sunnudag og aðgangur ókeypis.
Boðið er upp á listsmiðjur, leið-
sögn og teiknikeppni í
skemmtilegu safni og frábæru
umhverfi.
Dagskrá helgarinnar
Báða dagana geta börn tekið
þátt í teiknismiðju og sett
myndina sína í pott sem dregið
verður úr. Fyrirmyndin er
stytta úr garði Ásmundarsafns
en þrír heppnir teiknarar fá
senda bókina Skoðum myndlist
sem Mál og menning gefur út.
Laugardag kl. 14
Bárður úr Stundinni okkar
fær leiðsögn um verkin í garð-
inum og býður öllum að slást í
för með sér.
Sunnudag kl. 13–16
Listsmiðja þar sem börnin fá
leiðsögn við að kanna bygg-
inguna, vinna með formin í hús-
inu og búa til sína eigin
draumabyggingu.
Sunnudag kl. 15
Ásdís Ásmundsdóttir, dóttir
listamannsins, býður gestum
með sér í leiðsögn um Ásmund-
arsafn en eins og kunnugt er
byggði og hannaði Ásmundur
húsið að mestu leyti sjálfur.
Sumarið – ný afsteypa
Í tilefni afmælisins verður
nýrri afsteypu bætt við glæsi-
legt úrval þeirra sem nú þegar
eru til sölu. Þetta er árstíð-
arstyttan Sumarið en þá er búið
að gera afsteypur af öllum árs-
tíðum Ásmundar.
Í garðinum eru borð og stólar
þar sem hægt er að snæða nest-
ið sitt, en boðið er upp á kaffi
og djús fyrir alla.
Afmæli í Ásmundarsafni
Morgunblaðið/Billi
Í Ásmundarsafni eru margar skemmtilegar styttur.