Morgunblaðið - 07.06.2006, Side 11

MORGUNBLAÐIÐ MIÐVIKUDAGUR 7. JÚNÍ 2006 11
FRÉTTIR
„ÞETTA hafa verið ánægjuleg ár hjá
mér vegna þess að ég hef verið í
þessum meirihluta síðastliðin tólf ár
og tel að hann hafi komið mörgum
góðum verkum í kring,“ sagði Alfreð
Þorsteinsson sem stýrði sínum síð-
asta fundi sem forseti borgarstjórn-
ar í gær.
„Það sem er efst í huga mér er ár-
angurinn sem hefur náðst í Orku-
veitu Reykjavíkur og sú mikla upp-
bygging sem þar hefur orðið. Árið
1998 hófst raforkuframleiðsla á
Nesjavöllum en þá höfðu Reykvík-
ingar ekki sjálfir framleitt raforku
frá 1965 þegar þeir settu sínar fyrri
eignir inn í Landsvirkjun og þurftu
að kaupa á þessum tíma nánast alla
raforku af Landsvirkjun í heildsölu.
Nú horfir svo við að á næsta ári mun
Orkuveita Reykjavíkur útvega um
70% af þeirri orku sem er notuð á al-
menna markaðnum í Reykjavík, sem
sýnir eitt með öðru hvað það hefur
orðið mikil uppbygging á þessu sviði
hjá Orkuveitu Reykjavíkur og gerir
okkur kleift selja ódýrari orku,“
sagði Alfreð.
Framundan hjá Alfreð er að stýra
uppbyggingu nýs hátæknissjúkra-
húss. „Ég mun nú snúa mér alfarið
að því,“ sagði hann en játti því að
hann yrði áfram virkur í Framsókn-
arflokknum. Hann sagði að það væri
hvorttveggja eftirsjá og feginleiki að
hverfa úr borgarstjórn. Það væri eft-
irsjá að því leyti að verkefnin hefðu
verið spennandi en hann gat þess að
eftir að hafa verið jafnlengi og hann,
meira og minna frá 1970, þá væri
nýr starfsvettvangur spennandi. „Ég
kvíði framtíðinni ekki í neinu,“ sagði
Alfreð.
Sáttur að hætta núna
Guðlaugur Þór Þórðarson segist
mjög sáttur við að hætta við þær að-
stæður sem nú eru og einnig við
þann árangur sem hann hafi náð í
borgarstjórn en þar hefur hann setið
fyrir hönd Sjálfstæðisflokksins frá
1998. „Í þeirri umræðu sem átti sér
stað á þessum síðasta borgar-
stjórnarfundi mínum fór ég yfir mál
eins og Mýrargötuna og olíu-
geymana sem eru dæmi um tillögur
sem ég hef flutt og hafa sem betur
fer fengið brautargengi. Það er ef til
vill til marks um það að maður getur
haft áhrif í minnihluta.“
Guðlaugur Þór segist líta björtum
augum á framtíð Reykjavíkur en
hann er sannfærður um að nýr
meirihluti Sjálfstæðisflokks og
Framsóknarflokks, með Vilhjálm Þ.
Vilhjálmsson í broddi fylkingar,
muni starfa ötullega að því að bæta
hag borgarbúa og auka þau tækifæri
sem eru til staðar í borginni.
„Það eru jafnframt spennandi
verkefni framundan hjá mér. Ég hef
ekki yfir neinu að kvarta og hlakka
til þess að starfa á þingi. Setan í
borgarstjórn hefur verið góður skóli
og býr mig vel undir þau störf.“
Betri tímar framundan
„Ég fagna því að hafa átt kost á að
sitja í borgarstjórn á síðasta kjör-
tímabili til að gæta hags borgarbúa
þegar R-listinn var að leysast upp og
fylgjast síðan með því hvernig hann
splundraðist í frumeindir,“ segir
Björn Bjarnason en hann hefur setið
í borgarstjórn Reykjavíkur frá 2002.
„Ég tel að hinn góði samhugur
sem ríkt hefur í borgarstjórnar-
flokki okkar sjálfstæðismanna hafi
stuðlað mjög að því að styrkja stöðu
flokksins og búa hann undir að taka
við forystu í borgarstjórninni eins og
gerist eftir þennan fund. Ég fagna
þeirri niðurstöðu einnig sem fékkst í
kosningunum og því samstarfi sem
tekist hefur á milli Sjálfstæðisflokks-
ins og framsóknarmanna um stjórn
borgarinnar,“ segir Björn.
Aðspurður um þau mál sem hæst
hafi borið á undanförnum fjórum ár-
um nefnir Björn þau pólitísku mál-
efni sem lúti að brottför Ingibjargar
Sólrúnar og vandræðaganginum við
stjórn borgarinnar.
„Ég tel að undir forystu R-listans
hafi því miður verið illa haldið á mál-
um Reykjavíkurborgar – hvort sem
litið er á fjármál eða snyrtimennsku í
borginni. Í stóru og smáu hefur R-
listinn haldið illa á málum borgar-
innar þannig að það geta ekki tekið
við annað heldur en betri tímar und-
ir stjórn nýs meirihluta undir forystu
Vilhjálms Þ. Vilhjálmssonar og óska
ég honum og félögum hans góðs
gengis þegar ég kveð þau með þökk-
um fyrir gott og ánægjulegt sam-
starf.“
Lærdómsríkur tími
Guðrún Ebba Ólafsdóttir, fráfar-
andi borgarfulltrúi Sjálfstæðis-
flokksins, segir að undanfarin fjögur
ár hafi verið mjög lærdómsrík og
ánægjuleg að mörgu leyti. „Ég hef
fengið að kynnast því persónulega
hvernig borgarkerfið virkar. Sú
reynsla er þó lituð af því að ég hef
verið í minnihluta en það hefði verið
skemmtilegra að vera í meirihluta
og taka þátt í ákvörðunum og koma
að því sem stendur mér nærri eins
og skólamál,“ segir hún.
„Ég þekki menntamálin ágætlega
en ég þekkti þau ekki frá þessari hlið
– frá sjónarhóli sveitarstjórnar-
mannsins. Ég hef auðvitað séð það
hér í Reykjavík að einhvern veginn
gengur þetta ekki upp eins og við
höfum þetta eða með eina skóla-
nefnd fyrir alla leik- og grunnskóla
borgarinnar. Þannig gerði flutning-
urinn frá ríki til sveitarfélaga fyrir
tæpum tíu árum síðan ráð fyrir
ákveðinni dreifstýringu en hún hef-
ur ekki gengið eftir sem skyldi hér í
Reykjavík.“
Guðrún Ebba hefur nú þegar ráð-
ið sig í fullt starf í Laugalækjarskóla
þar sem hún kenndi fyrir tólf árum
síðan. Þá er hún jafnframt formaður
nefndar sem vinnur að heildarendur-
skoðun á grunnskólalögunum.
„Ég hlakka til og ég læt áfram til
mín taka í skólamálum. Það er því
miklu meira en nóg framundan.“
Hvött til þess að gefa kost á sér
„Ég hef lært gífurlega mikið og er
reynslunni ríkari og hef komið
mörgum góðum málum í gegn.
Þannig að ég lít sátt yfir farinn veg,“
segir Anna Kristinsdóttir, fráfarandi
borgarfulltrúi Framsóknarflokksins,
en hún hefur setið í borgarstjórn frá
2002.
„Ég hef verið í forystu allt kjör-
tímabilið fyrir Íþrótta- og tóm-
stundaráð og síðan hef ég verið í for-
svari fyrir Framkvæmdaráð frá því
að það tók við af gömlu samgöngu-
nefndinni. Ég hef því fengið tækifæri
til þess að koma að nýrri skipulagn-
ingu og eins að starfa innan Íþrótta-
og tómstundaráðs. […] Ég segi að
þessi fjögur ár séu á við gott há-
skólanám.“
Anna segist nokkuð sátt við nýjan
meirihluta Sjálfstæðisflokks og
Framsóknarflokks.
„Ég er sátt við það að minn flokk-
ur, Framsóknarflokkurinn, náði því
að komast í meirihluta aftur. Auðvit-
að hljóta stjórnmálin að snúast um
það að geta komið sínum málum í
farveg og það tókst þeim. Það er
ekki mjög spennandi, held ég, að
vera valdalítill í minnihluta þannig
að ég hlakka til að fylgjast með því
hvernig þeir takast á við þetta verk-
efni með Sjálfstæðisflokknum.“
Anna segir að það sé óráðið hvað
hún muni nú taka sér fyrir hendur
en hún hafi verið hvött til þess að
gefa kost á sér í landsmálin.
„Það eru augsjáanlega miklar
hræringar í Framsóknarflokknum
þannig að það verður heilmikið starf
framundan í flokknum við að byggja
upp flokkinn á ný eða reyna að efla
hann og bæta hann fyrir komandi
þingkosningar. […] Það eru heil-
mörg verkefni sem liggja fyrir hjá
flokknum. Það er ljóst að það kemur
nýr forystumaður þar og jafnvel ný
forysta. Ég hlakka til að fylgjast með
því og taka þátt í því að móta og
skapa nýjan flokk eða byggja hann
upp að nýju og vonast til þess að ég
fái til þess tækifæri.“
Morgunblaðið/Golli
Fráfarandi borgarfulltrúar Framsóknarflokksins, Anna Kristinsdóttir (t.v.) og Alfreð Þorsteinsson (t.h.), í ráðhúsinu í gær. Á milli þeirra er Steinunn
Valdís Óskarsdóttir fráfarandi borgarstjóri ásamt dóttur sinni Kristrúnu Völu Ólafsdóttur. Steinunn situr áfram í borgarstjórn fyrir Samfylkinguna.
Skilja sátt við borgarfulltrúastarfið
Sex borgarfull-
trúar sóttu sinn
síðasta borgar-
stjórnarfund í gær
Eftir Þóri Júlíusson
og Árna Helgason
DV braut gegn siðareglum Blaða-
mannafélags Íslands samkvæmt úr-
skurði siðanefndar félagsins með því
að birta fréttir um að ræstingakona
hjá Brimborg hf. hefði legið undir
grun um þjófnað. DV var talið hafa
brotið gegn 3. gr. siðareglnanna og í
úrskurðinum segir m.a. að þótt nafn
konunnar hafi ekki verið birt hafi um-
fjöllunin jaðrað við nafnbirtingu og að
of langt hafi verið gengið í umfjöll-
uninni.
Samkvæmt frétt blaðsins var kon-
an grunuð um að hafa farið inn í
heimabanka starfsmanns í vinnutölvu
hans og millifært þaðan fé.
Fréttir um þetta birtust 24. og 25.
mars sl. í DV. Fyrri daginn var sagt
frá því að konan væri grunuð um
þjófnaðinn og að hún hefði áður
tengst fjármálamisferli og væri óvirk-
ur spilafíkill. Síðari daginn var svo
birt frétt um að konan hefði áður ver-
ið dæmd fyir þjófnað þegar hún vann
sem afgreiðslukona hjá 10–11 árið
2000.
Blaðið birti hvorki mynd né nafn
konunnar og tekið var fram að konan
hefði neitað öllum ásökunum um
þjófnaðinn í Brimborg. DV kom sjón-
armiðum sínum til siðanefndarinnar
og kemur þar fram að staðfest hafi
verið að starfsmaður í ræstingum sé
grunaður um stuldinn og samkvæmt
heimildum blaðsins beindist grunur-
inn alfarið að öðrum tveggja starfs-
manna í ræstingum í fyrirtækjunum.
Nokkru eftir að fréttirnar birtust
kom í ljós að bróðir hinnar ákærðu
hefði játað verknaðinn á sig og að
konan lægi ekki lengur undir grun.
Of langt gengið
Siðanefndin tók undir með DV að
því leyti að þjófnaðurinn hefði verið
fréttaefni og eðlilegt að segja frá hon-
um í fjölmiðlum. Hins vegar væri of
langt gengið að greina jafn nákvæm-
lega frá grunsemdum um meinta sekt
kæranda í málinu og DV gerði í um-
rætt sinn.
„Umfjöllunin jaðraði við nafnbirt-
ingu og þó liggur ekkert fyrir um að
lögregla hafi grunað kæranda um
þjófnaðinn. Með þetta í huga er um-
fjöllun DV um fimm ára gamlan refsi-
dóm kæranda jafnframt verulega
ósanngjörn.“
Niðurstaða nefndarinnar var að
með vinnubrögðum sínum hefði rit-
stjórn DV brotið gegn 3. gr. siða-
reglna BÍ og að brotið teldist alvar-
legt.
Þetta er í sjötta sinn á tæpu ári sem
siðanefnd BÍ telur DV hafa brotið
siðareglur.
„Umfjöllunin jaðraði við nafnbirtingu“
DV braut siðareglur Blaðamannafélags Íslands í sjötta sinn á tæpu ári
Eftir Árna Helgason
arnihelgason@mbl.is
Í 3. gr. siðareglna Blaðamanna-
félags Íslands segir:
„Blaðamaður vandar upplýs-
ingaöflun sína, úrvinnslu og fram-
setningu svo sem kostur er og sýnir
fyllstu tillitssemi í vandasömum
málum. Hann forðast allt, sem
valdið getur saklausu fólki, eða
fólki sem á um sárt að binda, óþarfa
sársauka eða vanvirðu.“
Skal sýna fyllstu
tillitssemi
SKJÁRINN mun loka fyrir nokkrar
erlendar stöðvar á endurvarpi sínu á
meðan beinar útsendingar frá loka-
keppni heimsmeistaramótsins í
knattspyrnu standa yfir, en flautað
verður til fyrsta leiks á föstudaginn.
Að sögn Magnúsar Ragnarssonar,
framkvæmdastjóra Skjásins, er það
gert að kröfu 365 miðla, sem eru
rétthafinn fyrir HM á Íslandi. „Rétt-
hafinn getur krafist þess að lokað sé
fyrir útsendingar norrænu og þýsku
stöðvanna á meðan beinar útsend-
ingar standa yfir og hefur hann gert
það,“ segir Magnús og bætir við að
slíkt sé einsdæmi í Evrópu, að Spáni
undanskildum. Þær stöðvar sem lok-
anir munu hafa áhrif á eru DR,
NRK, SVT, ARD og ZDF.
Áfram er þó hægt að ná stöðvun-
um í gegnum gervihnattamóttakara.
Lokað fyrir
erlendar rásir
að kröfu 365