Morgunblaðið - 07.06.2006, Side 22

22 MIÐVIKUDAGUR 7. JÚNÍ 2006 MORGUNBLAÐIÐ
MENNING
FYRIR síðustu Menningarnótt
ákvað Háskóli Íslands, í samvinnu
við listasmiðjuna Klink og Bank,
sem þá var til húsa í Brautarholt-
inu, að hvetja til einhvers konar
samvinnu milli vísindamanna innan
háskólans og listamanna. Verkefnið
var auglýst beggja vegna og á end-
anum höfðu um tuttugu manns
skráð sig í það. Á Menningarnótt
var haldinn fyrsti fundur fyrir
verkefnið, sem hlaut yfirskriftina
„Vísindalist“, í kaffihúsi í bakhúsi
við Laugaveg 50 en þar komu fram
alls sjö pör, listamaður og vís-
indamaður, og kynntu samstarf
sitt. Níu mánuðum síðar skyldu
þessi pör sýna afrakstur samstarfs-
ins. Að sögn Bjarkar Håkansson,
verkefnastjóra Markaðs- og sam-
skiptadeildar við HÍ, var lagt upp
með að svara spurningum á borð
við: Hvers konar orka losnar úr
læðingi þegar listir og vísindi sam-
eina krafta sína?, Hvernig túlkar
listin vísindin og vísindin listina?
Er vísindi list og öfugt?
Á fimmtudaginn síðastliðinn,
rúmum níu mánuðum eftir fundinn
á Menningarnótt, afhjúpuðu þrjú
pör verkefni sín í anddyri að-
albyggingar Háskóla Íslands. Pétur
Pétursson prófessor í guðfræði og
Guðmundur Oddur Magnússon
grafískur hönnuður og mynd-
listamaður gerðu verkefni í
tengslum við dómsdag, Magnús
Jensson arkitekt og Anna Karls-
dóttir mannvistarlandfræðingur
gerðu verk þar sem þau ímynduðu
sér að þau gætu hreinsað burt öll
ummerki um borg á Reykjavík-
ursvæðinu og hvernig hægt væri að
byrja upp á nýtt að byggja á svæð-
inu. Þau settu sig á vissan hátt í
hlutverk landnámsmanna og út-
bjuggu kort af þessu svæði og svo
stendur einnig til að að hanna eftir
því líkan. Curver Thoroddsen lista-
maður og Heiða Jóhannsdóttir bók-
menntafræðingur eru þriðja parið
en þeirra viðfangsefni var dæg-
urmenning. „Þau pör sem héldu
samstarfið út eru eiginlega orðin
óaðskiljanleg,“ segir Björk. „Þau
eru hvergi hætt að vinna saman.“
Björk segir að þó að vísindi og
listir hafi ávallt verið mjög tengd
fyrirbæri þá hafi samgangur á milli
vísindamanna og listamanna ekki
alltaf verið mjög greiður.
„Við erum alla vega búin að opna
fyrir það hér,“ segir Björk.
Menning | Listamenn og vísindamenn taka höndum saman
Stefnumót vísinda og
lista í Háskóla Íslands
Morgunblaið/RAX
Hluti af verki Guðmundar Odds Magnússonar og Péturs Péturssonar í an-
dyri Háskóla Íslands, en þar er nú vísindum og listum stefnt saman.
Í TILEFNI af hálfrar aldar stjórn-
málasambandi Íslands og Japans
munu fjórir hópar japanskra lista-
manna sækja landann heim; tveir í
vor og tveir í haust.
Japanska nútímadansverkið
Genji verður flutt í Kassanum í
Þjóðleikhúsinu í kvöld og annað
kvöld.
Verkið er í anda hinnar fornu
japönsku Noh-danshefðar, byggist
á kafla úr þekktri 11. aldar jap-
anskri smásögu, Genji Monogatari,
og segir frá eiginkonu sem er hel-
tekin afbrýðisemi í garð ástkonu
eiginmanns síns.
Hingað til lands eru komnir jap-
önsku dansararnir Ryohei Kondo
og Sengiku Bando ásamt fríðu föru-
neyti tónlistar- og aðstoðarmanna,
en leikin er lifandi tónlist á sýning-
unni á hefðbundin japönsk hljóð-
færi.
Dans og söngur frá Okinawa
Seinna í mánuðinum, 25. júní,
heldur sviðslistarhópurinn ACO
Okinawa sýninguna Undir sól-
stjörnu á stóra sviði Þjóðleikhúss-
ins.
Eins og nafn hópsins gefur til
kynna koma liðsmenn hans frá eyj-
unni Okinawa og vinna þeir með
menningarhefðir eyjarinnar, þar
sem gætir áhrifa hafsins og lífs-
hátta frumbyggja þar um slóðir.
Örlagaríkt augnablik í verkinu Genji.
Leiklist | Japanskir sýna nútímadans
Ástir, öfund og ill örlög