Morgunblaðið - 07.06.2006, Blaðsíða 35

MORGUNBLAÐIÐ MIÐVIKUDAGUR 7. JÚNÍ 2006 35
MINNINGAR
Elsku Birgir, dreng-
urinn minn. Hvernig
er hægt að kveðja þig
svona ungan, fallegan,
hlýjan og góðan
dreng? Þú varst alltaf
svo góður við ömmu, bestur af öllum.
Guð almáttugur gefi þér góðan svefn.
Hver minning dýrmæt perla að liðnum lífsins
degi,
hin ljúfu og góðu kynni af alhug þakka hér.
Þinn kærleikur í verki var gjöf sem gleymist
eigi,
og gæfa var það öllum er fengu að kynnast
þér.
(Ingibj. Sig.)
Hafðu hjartans þökk fyrir allt,
elsku drengurinn.
Þín amma
Sigrún.
Laugadagurinn 27. maí var skrýt-
inn dagur í og gekk mikið á í fjöl-
skyldu minni, mikið að gera fram-
undan eins og hjá frænku þinni sem
er með stóra fjölskyldu. Gott er að
komast út frá öllu og vera uppi í hest-
húsi. Þegar ég kem heim bíða mín
ekki góðar fréttir, slys hafði orðið um
borð í skipinu sem þið Addi bróðir
þinn voruð á. Fréttir um slysið voru á
öllum stöðvum og ég reyndi að
greina hvað verið var að tala um, ég
gat ekki skilið að þú hefðir látist í
þessu slysi aðeins 27 ára gamall, og
með lífið allt framundan, en slysin
gera ekki boð á undan sér.
Þó ekki hafi verið mikil tengsl á
milli okkar vissi ég alltaf af þér og
fékk fréttir í gegnum mömmu þína,
mér fannst ég eiga alltaf smá í þér,
því ég passaði þig og Adda bróður
þinn í sveitinni á Silfrastöðum þar
sem við brölluðum margt saman. Ég
geymi þig í hjarta mér og hugsa til
þín, elsku Biggi minn eða Biggiman,
eins og við kölluðum þig þegar þú
hljópst um allt með skikkju á bakinu
og sagðist bjarga öllum.
Elsku Biggi minn, ég kveð þig að
sinni þangað til við hittumst á ný. Ég
bið guð að blessa mömmu þína og
Adda bróður þinn sem stóð sig eins
og hetja í björgun þinni. Guð geymi
ömmu Sigrúnu og fjölskyldu hennar í
þessari miklu sorg.
Þín frænka
Bryndís Björk og fjölskylda.
Minningarnar streyma fram um
góðan dreng sem öllum að óvörum
var frá okkur tekinn í blóma lífsins.
Birgir var sterkur persónuleiki með
góða nálægð og brosið og hlýjan sem
streymdi frá honum var einstök og
mun mér aldrei gleymast.
Við kynntumst fyrst þegar hann
kom á öðru ári ásamt Lilju móður
sinni og Adda bróður sínum til mín í
Silfrastaði, þar sem hann ólst upp við
sveitalífið. Með okkur tókst ástríki
og vinátta sem hélst til lokadags.
Margar ferðir fórum við saman á
snjósleðum um fjöll og dali og á
sumrin að veiða í Norðuránni. Hann
gekk snemma til liðs við Flugbjörg-
unarsveitina í Varmahlíð en að lokn-
um grunnskóla fluttist hann til Ólafs-
fjarðar þar sem hann gekk til liðs við
björgunarsveitina. Sjómennskan
varð hins vegar hans aðalstarf, enda
hafði hugur hans hneigst þangað.
Elsku Biggi minn, blessuð sé
minning þín og þakka þér fyrir öll ár-
in sem við áttum saman. Guð veiti
ykkur Lilju, Andrési og Adda styrk.
Jóhannes.
Að heilsa og kveðja, það er lífsins
saga. En að kveðja systurson okkar
sem átti framtíðina fyrir sér, það er
erfitt. Elsku Biggi, við erum þakklát
BIRGIR
BERTELSEN
✝ Birgir Bertelsenfæddist í
Reykjavík 7. nóvem-
ber 1978. Hann lést
af slysförum 27. maí
síðastliðinn og var
útför hans gerð frá
Akureyrarkirkju 6.
júní.
fyrir að hafa fengið að
fylgjast með þér vaxa
og dafna, verða að lífs-
glöðum og myndarleg-
um ungum manni. En
því miður var sá tími
allt of stuttur. Þú varst
yndislegur og góður
drengur, þannig mun-
um við alltaf minnast
þín.
Í dimmum skugga af löngu
liðnum vetri
mitt ljóð til þín var árum
saman grafið.
Svo ungur varstu, er hvarfstu út á hafið
hugljúfur, glæstur, öllum drengjum betri.
Og því varð allt svo hljótt við helfregn þína
sem hefði klökkur gígjustrengur brostið.
Og enn ég veit margt hjarta, harmi lostið,
sem hugsar til þín alla daga sína.
En meðan árin þreyta hjörtu hinna,
sem horfðu eftir þér í sárum trega,
þá blómgast enn, og blómgast ævinlega,
þitt bjarta vor í hugum vina þinna.
Og skín ei ljúfast ævi þeirri yfir,
sem ung á morgni lífsins staðar nemur,
og eilíflega, óháð því, sem kemur,
í æsku sinnar tignu fegurð lifir?
Sem sjálfur Drottinn mildum lófum lyki
um lífsins perlu í gullnu augnabliki.
(Tómas Guðm.)
Elsku Lilja, Andrés, Addi, Aríel og
aðrir ástvinir. Megi Guð vaka yfir
ykkur og styrkja í ykkar miklu sorg
Karl, Ásta, Gunnar,
María og Hannes.
Með Birgi Bertelsen er horfinn á
braut einn af mætustu drengjum
sem ég hef kynnst. Staðfastur og
traustur ungur maður sem ekkert
aumt mátti sjá og vildi öllum vel.
Hann hafði til að bera eiginleika sem
alla foreldra dreymir um að sjá í
barni sínu. Á mikilli sorgarstund er
það huggun harmi gegn að geta yljað
sér við þá vissu að það sem hann skil-
ur eftir sig hér í þessu jarðlífi eru
góðar minningar hjá öllum sem
kynntust honum á einn eða annan
hátt. Ég og mín fjölskylda erum
þakklát fyrir þann tíma sem við feng-
um með honum, fullviss um það að
honum hefur verið ætlað stærra
verkefni, eitthvað mikið sem hann
kemur til með að leysa á fullkominn
hátt.
Á kertinu mínu ég kveiki í dag
við krossmarkið helgi og friðar,
því tíminn mér virðist nú standa í stað,
en stöðugt þó fram honum miðar.
Ég finn það og veit við erum ei ein,
að almættið vakir oss yfir,
því ljósið á kertinu lifir.
Við flöktandi logana falla nú tár,
það flýr enginn sorgina lengi.
Hún braut allar vonir, hún braut allar þrár.
Hún brýtur þá viðkvæmu strengi,
er blunda í hjarta’ og í brjósti hvers manns.
Nú birtir, og friður er yfir,
því ljósið á kertinu lifir.
Sá einn þekkir gleðinnar gáska og fjör
sem gist hefur þjáning og pínu.
Sá einn getur sigrast á ótta og kvöl,
sem eygir í hugskoti sínu,
að sorgina við getum virkjað til góðs,
í vanmætti sem er oss yfir
ef ljósið á kertinu lifir.
(Kristján frá Gilhaga)
Minni ástkæru vinkonu Lilju og
Adda syni hennar, sem og öðrum að-
standendum, votta ég mína dýpstu
samúð og ég lofa þér, Biggi minn, að
ég mun passa upp á mömmu þína og
hjálpa henni í gegnum þennan mikla
missi.
Helga Snorradóttir og fjölskylda.
Við fráfall góðs vinar setur okkur
hljóðar.
Svo ótímabært, svo mikið ógert.
Þeim tilfinningum verður vart lýst.
Við kynntumst Bigga fyrir nokkrum
árum og varð hann strax órjúfanleg-
ur hluti af vinahópnum. Alltaf hlýr,
til staðar og ávallt til í að hlusta. Slík-
um vini er svo mikill söknuður að.
Vinahópurinn var góður, ýmislegt
gert sér til gamans. Þetta var ynd-
islegur tími í faðmi frábærra vina. Þú
ert svo stór partur af minningum
þessa tíma. Við ætluðum að hitta þig
á sjómannadaginn næstkomandi.
Það er nánast óbærilegt að hugsa sér
þennan dag án þín, elsku vinur. Þín
verður ávallt saknað, þú varst heil-
steyptur drengur og svo einstaklega
ljúfur og hlýr. Við viljum senda ætt-
ingjum og vinum innilegustu samúð-
arkveðjur og öllum þeim sem eiga
um sárt að binda vegna fráfalls
Bigga.
Minningin um um góðan dreng
mun ætíð lifa.
Ég held að í vináttu felist skyndileg hughrif –
eins konar ást. Þar nægir eitt orð af hend-
ingu, hönd sem er snert. Þó er sárt að skilja
og broddur saknaðar fylgir okkur alla tíð.
(H. M. E.)
Valgerður Laufey og Soffía Ósk.
Þótt við höfum ekki sést mikið
undanfarin ár, þá sakna ég þín samt
ótrúlega mikið. Við höfum alltaf verið
góðir vinir, enda annað ekki hægt
þegar þú varst annars vegar. Lífs-
gleði, bros, hjálpsemi og vinátta eru
orð sem mér koma í hug þegar ég
hugsa til þín. Ég minnist áramótanna
okkar í Æsufellinu, samtalanna okk-
ar á rúntinum og þau fjölmörgu
skipti sem við skemmtum okkur
saman. Ég man þegar stelpan sms-
aði í vitlaust númer og þú ákvaðst að
svara. Þið enduðuð með að sms-a í
mánuð áður en við hittum hana og
vinkonu hennar. Þú veist hvernig það
endaði.
Þú settir alltaf aðra í forgang og
varst svo góður í þér og hjálpsamur,
alveg fram á síðustu stundu. Við sem
erum eftir, hugsum til þín með gleði
og bros í hjarta þrátt fyrir gífurlega
sorg okkar. Því eins og bróðir þinn
segir, þá er ekki hægt að hugsa um
þig án þess að fara að brosa.
Ég kveð þig með döpru hjarta, en
með gleði minningar sem ég tek með
mér til enda minnar ferðar.
Vertu sæll, vinur.
Ásgeir.
Harðduglegur sjómaður er fallinn
í valinn. Birgir fórst af slysförum um
borð í Akureyrinni EA-110 hinn 27.
maí s.l. Birgir var meira en duglegur;
hann var áhugasamur um allt er að
sjómennsku og veiðarfærum laut, en
slíkt er ekki algengt um unga menn
nú til dags. Leiðir þeirra fæstra
liggja til sjós. Birgir heitinn var
manna glaðværastur og traustur fé-
lagi sem gott var að hafa í áhöfn. Í
litlu samfélagi um borð í togara eru
slíkir mannkostir ómetanlegir.
„Leifur, eigum við ekki að fá okkur
ís?“ sagði Birgir eftir vaktina, fyrir
framan sjónvarpið. Þannig mun ég
minnast hans.
Mikill harmur er nú kveðinn að
fjölskyldu Birgis. Ég sendi henni
mínar innilegustu samúðarkveðjur.
Leifur K. Þormóðsson.
skipstjóri á Akureyrinni.
Sýnist mér fyrir handan haf
hátignarskær og fagur
brotnuðum sorgar öldum að
upp renna vonar dagur.
(Bólu-Hjálmar)
Biggi er farinn. Hann Biggi, jafn-
aldri okkar, vinur og félagi. Þegar
þessi staðreynd loks nær að síast inn
í huga okkar fyllumst við tómleika
sem engin leið virðist vera að ýta frá
sér. En með Bigga var lífið aldrei
tómlegt. Hann var ævinlega jákvæð-
ur og hress, til í að skemmta sér og
öðrum. En fyrst og fremst var hann
vinur vina sinna, drengur með hjarta
úr gulli. Þrátt fyrir að við færum í
ólíkar áttir eftir grunnskóla brást
það ekki að þegar fundum bar saman
við Bigga var eins og við hefðum hist
síðast í gær. Þannig var Biggi, heill í
því sem hann tók sér fyrir hendur,
heill í lífinu. Við kveðjum með sökn-
uði, far vel gamli vinur. Fjölskyldu
og aðstandendum sendum við okkar
innilegustu samúðarkveðjur.
Árgangur 1978 í
Varmahlíðarskóla.
Móðir okkar, tengdamóðir, amma og langamma,
GRÓA EYJÓLFSDÓTTIR,
Víkurbraut 26,
Hornafirði,
verður jarðsungin frá Hafnarkirkju fimmtudaginn
8. júní kl. 14.00. Blóm og kransar vinsamlegast
afþakkaðir en þeim sem vilja minnast hennar er
bent á Gjafa- og minningarsjóð Skjólgarðs.
Ingólfur Arnarson, Sigurborg Gísladóttir,
Ásgerður Arnardóttir, Gunnar Ásgeirsson,
Örn Arnarson, Guðlaug Hestnes,
Reynir Arnarson, Svandís G. Bogadóttir,
Elín Arnardóttir, Lúðvík Matthíasson,
barnabörn og langömmubörn.
Ástkær eiginkona mín, móðir okkar, dóttir, systir
og mágkona,
SÓLEY HILDUR ODDSDÓTTIR MANGAL,
13 Allé des Noireaux,
78290 Croissy sur Seine,
Frakklandi,
lést af slysförum sunnudaginn 4. júní.
Lars N. Mangal,
Hjörtur, Soffia Jonna, Sole Andrea,
Soffía Ágústsdóttir, Oddur R. Hjartarson,
Ágúst Oddsson, Elizabeth H. Einarsson,
Kristján Oddsson, Berglind Steffensen.
Innilegar þakkir til allra sem sýndu okkur hlýhug og
samúð við andlát og útför hjartkærrar eiginkonu,
móður, dóttur og fósturdóttur,
ÞÓRDÍSAR PÉTURSDÓTTUR,
Seli,
Grímsnesi.
Sérstakar þakkir til læknanna Eiríks Jónssonar og
Óskars Jóhannssonar og alls starfsfólks deild-
anna 11-E og 13-D, Landspítala við Hringbraut, fyrir kærleiksríka umön-
nun.
Guð blessi ykkur öll.
Skúli Kristinsson,
Aðalbjörg Skúladóttir,
Halldóra Þórdís Skúladóttir,
Árni Kristinn Skúlason,
Þórunn Árnadóttir,
Pétur Jónsson,
Sigrún Guðmundsdóttir, Kristján Sigtryggsson.
Elskuleg eiginkona mín, móðir okkar, tengda-
móðir og amma,
UNNUR AGNARSDÓTTIR,
Sóltúni 5,
Reykjavík,
lést á hjúkrunarheimilinu Sóltúni laugardaginn
3. júní.
Útförin fer fram frá Grafarvogskirkju, Reykjavík,
föstudaginn 9. júní kl. 15.00.
Óskar H. Gunnarsson,
Gunnhildur Óskarsdóttir, Arnór Þ. Sigfússon,
Agnar Óskarsson, Margrét Ásgeirsdóttir
og barnabörn.
Elskulegur eiginmaður minn, faðir okkar, tengda-
faðir, afi og langafi,
EINAR NIKULÁSSON
forstjóri,
Breiðagerði 25,
Reykjavík,
sem lést sunnudaginn 28. maí, verður jarðsunginn
frá Dómkirkjunni í dag, miðvikudaginn 7. júní,
kl. 15.00.
Kristín Þórarinsdóttir
frá Stóra Hrauni,
Rósa Einarsdóttir, Guðmundur Ingimundarson,
Ragnar Már Einarsson, Arngunnur Atladóttir,
Þórhildur Einarsdóttir, Halldór Kristófersson,
Nikulás Einarsson,
barnabörn og barnabarnabörn.