Morgunblaðið - 07.06.2006, Blaðsíða 45
UM ÞESSAR mundir stendur yfir
afmælissýning á verkum Braga Ás-
geirssonar í tilefni 75 ára afmælis
listamannsins. Ljóst er að Bragi hef-
ur verið í miklum ham að und-
anförnu því um er að ræða tæplega
50 verk, flest máluð á síðustu 5 árum
eða svo.
Sjá má hvernig hann hefur þróað
áfram aðferð sem felst í að skipta
myndfletinum upp í ferhyrnda reiti
sem innihalda iðu ólgandi lita. Oft er
um að ræða einn afmarkaðan litatón
í hverjum reit, borinn á flötinn með
sérstakri tækni sem gæðir mynd-
irnar innri spennu líkt og liturinn
vilji brjótast úr rammanum. Þá
skarast litafletir sums staðar eða
mörkin á milli þeirra leysast upp en
slíkt ljær myndunum ljóðræna mýkt
andspænis skýrt dregnum línum og
öguðum formum.
Í mörgum nýlegum verkum hefur
liturinn náð að brjótast út úr geó-
metrísku taumhaldi og flæðir um
flötinn, s.s. í verkinu Logarúnir í
baksal gallerísins þar sem rauðir
litatónar dansa um óheftir líkt og
eldtungur. Til að glöggva sig á mun-
inum í aðferðum listamannsins má
bera myndina saman við verkið
Rautt í rauðu í hliðarsal, sem einnig
byggist á rauðum lit en þar heldur
Bragi sig við reitaskiptinguna þó að
myndin sé á mörkum hins frjálsa
leiks. Að mínu mati nýtur sérstæð
tækni Braga og tilfinning fyrir áferð
og lit, sín betur í hinum öguðu verk-
um. Þar leynir sér ekki handbragð
Braga Ásgeirssonar. Vald hans yfir
tækninni kemur vel í ljós í verkum á
borð við Aprílmorgun (í glugga gall-
erísins), Hljómur og Mögn. Verkið
Jafnvægi sker sig úr í tærum ein-
faldleika sínum.
Annað einkenni á verkum Braga
hin síðari ár eru skemmtilegar til-
raunir með fígúratífar myndir í
bland við afstrakta litafleti. Þar
leggur Bragi málninguna gjarnan
með öðrum hætti á flötinn, svo sem í
verkinu Þytur þar sem bregður fyrir
kunnuglegum fugli og hann beitir
nokkurs konar deplatækni, líkt og í
afstraktverkinu Árdegi. Í verkinu
Himnafans nýtir hans sér kvisti í
viðinum og frjálsleg penslaför og í
Austrinu sést kínverskt myndletur
en öll þessi verk eru í baksalnum.
Eólus í hliðarsal sýnir rauðleitt and-
lit á bláleitu undirlagi; einfalt og
sterkt verk.
Töluvert er um tilraunakennd
verk af ýmsu tagi þar sem Bragi not-
ar ljósmyndir eða blaðaúrklippur,
myndir af skáldum og þjóðlaga-
söngvurum, verk sem vissulega
varpa ljósi á leitandi huga lista-
mannsins en trufla að mínu mati
heildaryfirbragð sýningarinnar.
Hvað varðar uppsetninguna, mun
stefna listamannsins hafa verið sú að
sýna allt sem hann hefur verið að
fást við en því markmiði hefði í raun-
inni mátt ná með færri verkum og
jafnframt sterkari sýningu. Víða
hanga myndir – sem eru afar ólíkar í
lit og efnistökum – þétt saman og
draga þannig hver úr áhrifum ann-
arrar. Þá dreifast þær um 4 sali sem
ef til vill hefði mátt nýta til að sýna
ólíka hópa mynda í stað þeirrar
blöndu sem nú getur að líta.
Hvað sem slíkum vangaveltum líð-
ur, þá má greinilega skynja sífrjóan
huga listamannsins og mikla lífs-
orku. Bragi hefur átt góðar stundir á
vinnustofunni.
Ólga
MYNDLIST
Gallerí Fold
Til 11. júní 2006.
Bragi Ásgeirsson
Anna Jóa
Morgunblaðið/Eyþór
Verkið Eolus. „Bragi hefur átt góðar stundir á vinnustofunni“, segir gagn-
rýnandi um sýningu hans í Fold, en þar sýnir hann tæplega fimmtíu verk.
MORGUNBLAÐIÐ MIÐVIKUDAGUR 7. JÚNÍ 2006 45
MENNING
GRADUALEKÓR Langholtskirkju
heldur vortónleika sína á morgun,
8. júní, kl. 20 í Langholtskirkju.
Á efnisskránni eru að vanda ís-
lensk og erlend verk fyrir barna-
kóra. Meðal annars flytur kórinn
þrjú lög eftir Inga T. Lárusson í til-
efni ferðar kórsins til Austurlands,
tvo þætti úr messu eftir Mozart,
flutt verður lag á japönsku og
syrpa af bítlalögum. Þrír einsöngv-
arar úr röðum kórfélaga koma
fram.
Gestur á tónleikunum verður
finnski stúlknakórinn Tähdet
Kertovat Tyttökuoro [Skrifað í
stjörnurnar] frá Turku en stjórn-
andi hans er Ari Hynynen. Finnski
kórinn heldur tónleika í Langholts-
kirkju í kvöld kl. 20 og verður Gra-
dualekórinn gestur á þeim tón-
leikum.
Laugardaginn 10. júní kl. 15
verður kórinn svo með tónleika í
Glerárkirkju á Akureyri og sunnu-
daginn 11. júní syngur hann í sjó-
mannadagsmessu á Eskifirði og
verður einnig með tónleika þann
dag í Eskifjarðarkirkju. Barnakór
frá Egilsstöðum undir stjórn Thor-
vald Gerde verður gestur Gra-
dualekórsins á þeim tónleikum.
Stjórnandi Gradualekórs Lang-
holtskirkju er Jón Stefánsson og
undirleikari er Lára Bryndís Egg-
ertsdóttir.
Gradualekórinn
fær góða gesti
Morgunblaðið/Sverrir
Gradualekórinn sem hér þenur raddbönd sín fær til sín góða gesti.
Hraunhamar kynnir: 301,3 fm at-
vinnuhúsnæði í miðbæ Hafnar-
fjarðar (gamli Póstur&Sími).
Lýsing eignar: Komið er inn í opið
og bjart alrými með dúk og flísum
á gólfi. Snyrtileg kaffistofa með
hvítri innréttingu, dúkur á gólfi.
Tvær dúklagðar snyrtingar.
Geymsla og ræstiherbergi, dúkur á
gólfi. Á hlið sem snýr að Firði verslunarmiðstöð er góð hurð fyrir vörumóttöku.
Eign með mikla möguleika. ÓSKAÐ ER EFTIR TILBOÐUM Í EIGNINA. Nánari
upplýsingar veita sölumenn Hraunhamars.
Bæjarhrauni 10 • Hafnarfirði • Sími 520 7500 • www.hraunhamar.is
Strandgata - Hf.